Category: ننکانہ

ننکانہ صاحب میں سابق ایڈیشنل ڈسٹرکٹ پبلک پراسیکیوٹر نے بیوہ خاتون سے لاکھوں روپے نقدی اور طلاٸی زیورات ہتھیا لٸے
باغی ٹی وی-( ننکانہ صاحب سے رپورٹ احسان اللہ ایاز)سابقہ ایڈیشنل ڈسٹرکٹ پبلک پراسکیوٹر نے بیوہ خاتون سے لاکھوں روپے نقدی اور طلائی زیورات ہتھیا لیا مقدمہ درج
ہونے کے باوجود پولیس بااثر شخص کے خلاف کارواٸی سے گریزاں, بااثر اے ڈی پی پی انتقامی کارواٸیاں کرنے لگا, بیوہ خاتون اپنی بیٹی کے ساتھ دربدر کی ٹھوکریں کھانے پر مجبور, متاثرہ خاندان کا وزیر اعلیٰ اور آٸی جی پنجاب سے معاملے کا فوری نوٹس لینے اور انصاف کی فراہمی کا مطالبہ – ننکانہ صاحب کی رہاٸشی ثمن وردہ نے اپنی والدہ عذرہ پروین کے ہمراہ بتایا کہ وہ اپنی زمین کے کسی کیس کے سلسلہ میں اس وقت کے ایڈیشنل ڈسٹرکٹ پبلک پراسیکیوٹر محمد عباس سلیم کے پاس گٸے جس نے میری والدہ کو جھوٹے وعدے وعید کر کے اعتماد میں لیا اور 15 جنوری 2021 میں مجھ سے شادی کر کے ننکانہ میں ہی رہنے لگ گیا, انہوں نے الزام لگایا کہ عباس سلیم نے شادی کے کچھ دن بعد ہی سٹاک ایکسچینج میں اپنے کاروبار میں خسارے کا بہانہ کر کے میری بیوہ والدہ سے ساڑھے 14 لاکھ روپے نقدی اور مجھ سے ساڑھے پانچ تولے طلاٸی زیورات ہتھا لئے اور اپنے آباٸی علاقہ حجرہ شاہ مقیم چلا گیا اور واپس نہ آیا انہوں نے بتایا کہ عباس سلیم شادی کے 25 دن بعد واپس آیا اور بہانے سے گھر میں موجود سامان اٹھا کر لے گیا اور اس کے بعد واپس نہ آیا اور مجھے کراٸے کے مکان میں بے یارومدد گار چھوڑ دیا ثمن وردہ نے یہ بھی الزام لگایا کہ عباس سلیم نے نکاح میں جھوٹ بولا کہ وہ کنوارہ ہے حالانکہ اس کے جوان بچے تھے جو اس کی پہلی بیوی کےہمراہ اس کے ساتھ ہی رہتے تھے انہوں نے بتایا کہ عباس سلیم ننکانہ صاحب سے تبادلہ کروا کر شاہ کوٹ چلا گیا جہاں اس نے تحصیل کچہری میں عدالتی اہلمد اقراء بشیر کو گریڈ 16 میں نوکری کا جھانسہ دے کر چار لاکھ روپے ہتھیا لٸے جس پر اس کے خلاف مقدمہ درج کیا گیا انہوں نے یہ بھی الزام لگایا کہ عباس سلیم نے اس کے بعد سانگلہ ہل اور اب قصور تبادلہ کروا لیا ہے جہاں وہ لوگوں سے مبینہ طور پر فراڈ کررہا ہے،متاثرہ خاندان کا کہنا ہے کہ پولیس باثر عباس سلیم کے خلاف کوٸی کارواٸی نہیں کرتی جس کی وجہ سے وہ متاثرہ افراد اور ان کے قریبی عزیزوں کے خلاف جھوٹے مقدمات اور جھوٹی درخواستیں دیتا ہے تاکہ کوٸی اس کے خلاف قانونی کارواٸی کی ہمت نہ کرے, ثمن وردہ کے مطابق عباس سلیم نے اسے اب طلاق دے دی ہے مگر اس کا حق مہر اور تحفہ میں دیاجانے والا پانچ مرلے کا پلاٹ دینے سے انکاری ہے متاثرہ خاندان کا کہنا ہے کہ انصاف کے حصول کے لٸے ہر فورم پر جاچکے ہیں مگر کہیں بھی اس بااثر شخص کے خلاف کارواٸی نہیں ہورہی انہوں نے وزیراعلیٰ اور آٸی جی پنجاب سے معاملے کا فوری نوٹس لینے اور انصاف کی فراہمی کا مطالبہ کیا ہے

پاکستان سدھو اتحاد نے سیلاب متاثرین کیلئے امدادی پیکج تحریک لبیک سانگلہ ہل کے سپرد کردیا احسن علی بھولا سدھو
باغی ٹی وی ننکانہ صاحب( احسان اللہ ایاز ) سیلاب متاثرین کیلئے امدادی پیکج تحریک لبیک کے سپرد کر دیا گیا ۔یہ بات احسن علی بھولا سدھو سرپرست اعلیٰ پاکستان سدھو اتحاد نے میڈیا نماٸندگان کے گفتگو کرتے ہوۓ کیا۔انہوں نے مزید کہا کہ پورے پاکستان سے سدھو برادری بڑھ چڑھ کر سیلاب متاثرین کی مدد کر رہی ہے۔ اس موقع پر موجود سید تحسین حیدر شاہ نے کہا کہ یہ بہت بڑی کاوش ہے ۔ ہم سب کو متاثرین کی مدد کرنی چاہیے ۔ قاری تصور حسین صدیقی امیر تحریک لبیک نے کہا کہ پورے پاکستان نے تحریک لبیک پر اعتماد کیا ہے اور سب نے بڑھ چڑھ کر حصہ لیا ہے اللہ تعالیٰ قبول فرمائے ۔مزیدبراں پہلے بھی سانگلہ ہل سے پانچ ٹرک راشن لیکر راجن پور گۓ اور وہاں پر متاثرین میں تقسیم کیا گیا اب بھی راشن اکھٹا ھو رہایے اور مخیر حضرات بڑھ چڑھ کر حصہ لے رہے ہیں۔ سید تحسین حیدر شاہ نے دعا کروائی

مام بارگاہوں،مجالس اور جلوس کی سیکورٹی ،صفائی ستھرائی و دیگر انتظامات ضلعی انتظامیہ کی ذمہ داری ہیں ،تمام مذاہب اور مسالک کے لوگوں کو چاہیے کہ وہ ایک دوسرے سے بڑھ چڑھ کر اپنا اپنا کردار ادا کریں۔ایڈیشنل ڈپٹی کمشنر فنانس رانا امجد علی
باغی ٹی وی .ننکانہ صاحب سے رپورٹ احسان اللہ ایازایڈیشنل ڈپٹی کمشنر فنانس و پلاننگ ننکانہ رانا امجدعلی نے کہا کہ امام بارگاہوں ، مجالس اور جلوسوں کی سیکورٹی ، صفائی ستھرائی و دیگر انتظامات ضلعی انتظامیہ کی ذمہ داری ہے ،تمام مسالک کے علماءکرام امن وامان کے فروغ ،بھائی چارے اور یکجہتی کی فضا کے فروغ میں بھرپور کردار ادار کریں ۔ان خیالات کا اظہار انہوں نے چہلم حضرت امام حسین ؑکے سلسلہ میں منعقدہ ضلعی امن کمیٹی کے خصوصی اجلاس کی صدارت کرتے ہوئے کیا ۔اجلاس میں ڈی ایس پی ہیڈکوارٹرز مسعود بھٹی،مذہبی سکالر علامہ محب النبی طاہر ،ضلعی صدراہل تشیع سید راحت حسین ایڈووکیٹ و دیگرضلعی امن کمیٹی کے ممبران نے شرکت کی۔اس موقع پر ضلعی امن کمیٹی کے ممبران نے ماہ محرم کے دوران سیکورٹی اورصفائی ستھرائی کے بہترین اور فول پروف انتظامات کرنے پر ڈپٹی کمشنرننکانہ احمرنائیک، ڈی پی اوننکانہ سید خالد محمود ہمدانی اور ان کی پوری ٹیم کا شکریہ ادا کیا اوران کی* کوششوں کو سراہا۔اجلاس میں ضلعی امن کمیٹی کے ممبران نے اپنی اپنی تجاویز پیش کرتے ہوئے کہا کہ ضلع بھر میں امن وامان کے قیام اور بھائی چارے کی فضا کے فروغ کے لیے ضلعی انتظامیہ کے شانہ بشانہ کھڑے ہیں۔اے ڈی سی فنانس و پلاننگ ننکانہ نے اجلاس کی صدارت کرتے ہوئے کہا کہ تمام مذاہب اورمسالک کے لوگوں کو چاہیے کہ وہ ایک دوسرے سے بڑھ چڑھ کر اپنا اپنا کردار ادا کریں، سخت سیکورٹی انتطامات کرنے میں کوئی کسرنہ چھوڑی جائے۔ اس موقع پرڈی ایس پی ہیڈکوارٹرز مسعودبھٹی نے کہا کہ چہلم حضرت امام حسین ؑ کے موقع پر محکمہ پولیس کی جانب سے بھی ضلع ننکانہ میں امن و امان کے خصوصی اقدامات کیے جا رہے ہیں،چہلم حضرت امام حسین ؑکے حوالے سے جامع سیکورٹی پلان ترتیب دے دیا گیا ہے۔اجلاس کے اختتام پر ملک و قوم کی سلامتی کے لیے خصوصی دعا بھی کی گئی

واپڈا کے کرپٹ ملازمین کیلئے بجلی مفت ہے ،جبکہ غریب عوام کیلئے یونٹ ریٹ کا گورکھ دھندہ ،مزدور،دیہاڑی دارطبقہ زندہ درگور کردیاگیا
باغی ٹی وی .(ننکانہ صاحب سے احسان اللہ ایاز کی رپورٹ)اصول تو یہ ہے جتنے یونٹ اتنا بل ہونا چاہیے مگر پاکستان وہ واحد ملک ہے جس کا قانون اندھا ہے اندھا قانون کرپشن کی غلاظت میں لپٹا ہوا ہے جس کی وجہ سے کسی بھی چیز میں تمیز نہیں کر پاتا
الیکٹریکل سٹی کا قانون تو یہ ہے کہ ایک ہزار واٹ کا لوڈ ایک گھنٹے تک متواتر چلایا جائے تو ایک یونٹ گرنا چاہیے مگر پاکستانی الیکٹریکل میٹرو سے اللہ بچا کے رکھے، پاکستان کو چھوڑ کر دوسرے ممالک اس میں بجلی کا یونٹ ایک ہی ہے مثال کے طور پر 10 روپے فی یونٹ ہے تو 500 یونٹ بھی خرچ کریں تو دس روپے کے ساتھ ہی چارجز ہوتے ہیں لیکن پاکستان واحد ملک ہے جہاں 100 یونٹ کے چارجز الگ ہے200 یونٹ کے چارجز اس سے ڈبل ہے میری حکمرانوں سے گزارش یہ ہے کہاللہ سے ڈر کر انسانیت کا کچھ سوچیں کے کل کو حقوق العباد کا کیا جواب دیں گے یہ پر امن سوشل میڈیا احتجاج ہے۔ اور سوشل میڈیا کی طاقت آپ جانتے ہیں
*تمام وکیل قانونی ماھر ڈاکٹرز ، انجینئرز ، سول سرونٹس ، بینک اسٹاف، پولیس سول سوسائٹی ، سیاسی و سماجی اکابرین اس بہت اھم مسئلے پر آواز بلند کریں اور قانونی طور پر اس ظلم کو ختم کرنے کے لیے متعلقہ انتظامی حکام اور ہائی کورٹ سپریم کورٹ میں کیس داخل کریں اپنے اپنے اختیارات اور طاقت کو اس بہت اھم عوامی مسئلے پر سرف کریں
اس قوم کو بیوقوف بنانے کا ایسا فارمولا جس پر آج تک کسی کا خیال نہیں گیا عوام ازل سے لٹ رہی ہے اور نوٹس کوئی نہیں لیتا سوئی نادرن گیس اور بجلی کمپنیوں نے عوام کو لوٹنے کا نیا طریقہ سلیب ریٹ متعارف کروا دیا(1) 272 روپےسلیب (2) 1257 روپےسلیب (3)4570روپےسلیب (4)9125 روپےسلیب (5)18227 روپےسلیب (6) 18290روپے پہلے سلیب ریٹ اوردوسرے میں فرق 1000 روپے کا ہے دوسرے سے تیسرے میں فرق 3300 روپے کا ہے،تیسرے سلیب اور چوتھے کا فرق 9000 روپے کا ہے،(سلیب کیا ہوتا ہے سلیب دھوکہ اور ظلم ہےآپ گاڑی میں پٹرول ڈلواتے ہیں تو کبھی ایسے ہوا.ایک لیٹر100روپے فی لیٹر ،اگر دو لیٹر 1100 روپے فی لیٹرتین لیٹر 3300 روپے فی لیٹرصرف ایک دن ریڈنگ لیٹ لینے سے بل 272 سے 1257 ہو سکتا ہے.خدا کے لئے پاکستان کی عوام سے جینے کا حق تو مت چھینو ریٹ بڑھاؤ مگر ڈاکہ تو نہ ڈالوبجلی کا بلکے ای اور واپڈا والے 300 یونٹ کا بل 3300 بمعہ ٹیکس اور 301 یونٹ کا 4400 بمعہ ٹیکس کیا ایک یونٹ زیادہ صرف کرنے سے1100 روپے کا فرقکیا آپ نے کبھی 5 لیٹر کوکنگ آئل لیا تو 1000 کا اور 6 لیٹر 20000 کا،پاکستان کی غریب عوام نے اعلی افسران،چیف جسٹس صاحب،آرمی چیف صاحب وزیراعظم اورپانی و بجلی کے وزیر سے مطالبہ کیا ہے کہ خدارا اپنی غریب عوام کے بارے میں بھی سوچے مہنگائی کم نہ کریں لیکن زیادتی بھی تو نہ کریں.

ضلعی محکمہ سول ڈیفنس کی غیر قانونی ایل پی جی گیس ری فلنگ اور پٹرول ایجنسیوں کے خلاف ضلع بھر میں کاروائیاں جاری
باغی ٹی وی – ننکانہ صاحب سے رپورٹ احسان اللہ ایاز ،تفصیلات کے مطابق ڈپٹی کمشنرننکانہ احمرنائیک کی ہدایت پرضلعی محکمہ سول ڈیفنس کی جانب سے ننکانہ سٹی اور نواحی قصبہ منڈی فیض آباد میں غیر قانونی ایل پی جی گیس ری فلنگ اور پٹرول ایجنسیوں کے خلاف کاروائی کی گئی ،کاروائی کے دوران 14عدد دوکانوں کو سیل کیا گیا جبکہ متعدد دوکانوں کے چالان عدالتوں میں بھجوائے گئے ۔ ڈپٹی کمشنر ننکانہ احمر نائیک نے مزید کہا ہے کہ غیر قانونی ایل پی جی ری فلنگ اور غیر قانونی پٹرول فروخت کرنے والوں کے خلاف انتظامی افسران کی کاروائیاں روزانہ کی بنیاد پر جاری رہیںگی کیونکہ بظاہر یہ معمولی کام ہے لیکن کبھی بھی کسی بڑے حادثہ کاسبب بن سکتا ہے ،ایسے دکانداروں کو شہریوں کی زندگیوں سے کھیلنے کی ہرگز اجازت نہیں دی جائے گی.

دوسری طرف حکومت پنجاب کی خصوصی ہدایت پر ضلع بھرکے عوام کو ڈینگی وباءسے محفوظ رکھنے کے لیے تمام تروسائل کو بروئے کار لایا جائے ،ڈینگی کی روک تھام کے لیے تمام محکمے اپنی ذمہ داریوں کو پورا کریںاوروزانہ کی بنیاد پرڈینگی سرویلنس کا سلسلہ تیز کریں ۔ڈپٹی کمشنر ننکانہ صاحب احمر نائیک نے ان خیالات کا اظہار ڈینگی تدراک اوراس کی روک تھام کے حوالے سے منعقدہ ڈسٹرکٹ ایمرجنسی رسپانس کمیٹی کے اجلاس کی صدارت کرتے ہوئے کیا۔اجلاس میںچیف ایگزیکٹوآفیسر ہیلتھ اتھارٹی ننکانہ ڈاکٹر محمد راشد خان ،ڈسٹرکٹ ہیلتھ آفیسر ڈاکٹر کامران واجد،اسسٹنٹ ڈائریکٹر ماحولیات عبدالقیوم ،ڈی آر ٹی اے چوہدری محمد سلیم گھمن ،ڈپٹی ڈائریکٹر زراعت توسیع چوہدری محمد اشرف ،ڈپٹی ڈی ایچ اوز کے علاوہ میونسپل کمیٹیزودیگر متعلقہ محکموں کے افسران نے شرکت کی۔ڈی ایچ اوڈاکٹر کامران واجد نے اس موقع پرڈپٹی کمشنر ننکانہ کو بریفنگ دیتے ہوئے بتایا کہ گذشتہ 06ستمبر سے ابتک 7596ہاٹ سپاٹس کو چیک کیا گیا ہے جس کے دوران ڈینگی کا باعث بننے والے 144افراد کو وارننگ نوٹسسز جاری کیے گئے جبکہ 2افراد کے خلاف ایف آئی آرز کا اندرواج کروایا گیا.

ننکانہ صاحب :غیر قانونی پٹرول ایجنسیوں کے خلاف کریک ڈائون کاحکم
ضلع بھر میں واقع غیر قانونی پٹرول ایجنسیوں کے خلاف متعلقہ محکمہ جات کا سخت کریک ڈان اور بلا خوف وخطر قانون شکن افراد کے خلاف سخت کارروائی کی جائے، پٹرول پمپس کی رجسٹریشن کے عمل کو جلد ازجلد مکمل کیا جائے ڈپٹی کمشنر ننکانہ احمر نائیک
باغی ٹی وی ۔(ننکانہ صاحب سے احسان اللہ ایازکی رپورٹ)حکومت پنجاب کی خصوصی ہدایت پرضلع بھر میں واقع غیر قانونی پٹرول ایجنسیوں کے خلاف متعلقہ محکمہ جات کا سخت کریک ڈان اور بلا خوف وخطر قانون شکن افراد کے خلاف سخت کاروائی،پٹرول پمپس کی رجسٹریشن کے عمل کو جلد ازجلد مکمل کیا جائے۔ان خیالات کااظہارڈپٹی کمشنر ننکانہ صاحب احمر نائیک نے ضلع بھر میں واقع غیر قانونی پٹرول ایجنسیوں کے حوالے سے منعقدہ جائزہ اجلاس کی صدارت کرتے ہوئے کیا۔ایڈیشنل ڈپٹی کمشنر فنانس و پلاننگ رانا امجد علی اسسٹنٹ کمشنر ننکانہ آصف اقبال،اسسٹنٹ کمشنر شاہکوٹ شوکت سندھو،اسسٹنٹ کمشنر سانگلہ ہل ڈاکٹر مبارک رضا ،ڈسٹرکٹ آفیسر انڈسٹریز رانا خاور حفیظ،سول ڈیفنس سمیت دیگر متعلقہ محکمہ جات کے افسران نے اجلاس میں شرکت کی۔ ڈپٹی کمشنر ننکانہ نے کہا کہ حکومتی دستاویزات نہ ہونے، پیمانے میں کمی اور حکومتی نرخوں سے زائد وصول کرنے والے پٹرول پمپوں کے خلاف سخت قانونی کاروائی عمل میں لائی جائے گی۔

دوسری طرفڈپٹی کمشنر ننکانہ صاحب احمر نائیک کی زیر صدارت ڈپٹی کمشنر آفس کے کمیٹی روم میں ریونیو ریکوری کے حوالے سے اجلاس کا انعقاد کیا گیا ،اجلاس میں ایڈیشنل ڈپٹی کمشنر ریونیو جنت حسین نیکوکارا ،اسسٹنٹ کمشنر ننکانہ آصف اقبال، اسسٹنٹ کمشنر شاہکوٹ شوکت سندھواسسٹنٹ کمشنر سانگلہ ہل ڈاکٹرمبارک رضا،تحصیلدار، ریونیو افسران سمیت متعلقہ محکمہ جات کے افسران نے شرکت کی۔ ایڈیشنل ڈپٹی کمشنرریونیو جنت حسین نیکوکارانے اس موقع پر ڈپٹی کمشنر ننکانہ کو ریونیو ریکوری کے حوالے سے تفصیلی بریفنگ دی ۔ ڈپٹی کمشنر ننکانہ صاحب احمر نائیک نے اجلاس کی صدارت کرتے ہوئے ریونیو افسران کو ہدایت کی کہ سرکار کے خزانے میں ریونیو ریکوری کوہر صورت یقینی بنائی جائے اور ودہولڈنگ ٹیکس کی وصولی کو بھی جلد از جلد پوراکیا جائے۔