Baaghi TV

Category: ننکانہ

  • پاکستان سٹیزن پورٹل آن لائن شکایات کے سلسلہ میں ڈی سی کمیٹی روم میں اجلاس کا انعقاد،

    پاکستان سٹیزن پورٹل آن لائن شکایات کے سلسلہ میں ڈی سی کمیٹی روم میں اجلاس کا انعقاد،

    ننکانہ صاحب: نمائندہ باغی ٹی وی، باغی ٹی وی کی رپورٹ کے مطابق بزدار حکومت کی خصوصی ہدایت پرپاکستان سٹیزن پورٹل آن لائن شکایات کے سلسلہ میں ڈپٹی کمشنر آفس ننکانہ صاحب کے کمیٹی روم میں اجلاس کا انعقاد کیا گیا جس کی صدارت ڈپٹی کمشنر راجہ منصور احمد نے کی۔ اجلاس میں ایڈیشنل ڈپٹی کمشنر (ریونیو) محمد عثمان خالد، اے ڈی سی جی احمد کمال ،اے ڈی سی فنانس اینڈپلاننگ راناامجد علی ،اسسٹنٹ کمشنر ننکانہ صولت حیات وٹو،اسسٹنٹ کمشنر شاہکوٹ صبا سحر،اسسٹنٹ کمشنر سانگلہ ہل جمیل احمد نت ،سی اوتحصیل کونسل/میونسپل کمیٹی عزیر انور،سی ای او ہیلتھ اتھارٹی ڈاکٹر سہیل طارق،ڈپٹی ڈائریکٹر ڈویلپمنٹ طارق ڈھلوں،ایم ایس ڈی ایچ کیو اسفند یار، ڈی او انڈسٹریز رانا وسیم سمیت سوئی گیس، اکاﺅنٹس آفس،محکمہ سپورٹس ،پبلک ہیلتھ، لائیو سٹاک و دیگر محکموں کے افسران نے شرکت کی۔

    ڈپٹی کمشنر راجہ منصور احمد نے اس موقع پرپاکستان سٹیزن پورٹل شکایات کے ذریعے ضلع ننکانہ سے موصول ہونے والی شکایات اور ان کے ازالہ کے سلسلہ میں مختلف محکموں کی کارکردگی کو چیک کیا اور اس میں مزید بہتری لانے کی ہدایت جاری کیں ۔منعقدہ اجلاس میںضلعی فوکل پرسن پاکستان سٹیزن پورٹل توصیف پرویز نے ڈپٹی کمشنر کو بریفنگ دیتے ہوئے بتایاکہ موصول ہونے والی شکایات کا روزانہ کی بنیاد پر ازالہ کیا جارہا ہے باقی شکایات پر کام جاری ہے بہت جلدان شکایات کا ازالہ بھی کر دیا جائے گا۔ ڈپٹی کمشنر نے کہا کہ تمام محکموں کے افسران کو چاہیے کہ اپنی نگرانی میں پاکستان سٹیزن پورٹل پر موصول ہونے والی شکایات کا ازالہ کرنے کے بعد معززین شہریوں سے شکایت کے حل کے بارے میں بھی تصدیق کی جائے اور عوام الناس کو مطمئن کریںکہ آپ کا مسئلہ حل ہوا ہے یا نہیں تاکہ عوام حکومت کے اس پروگرام سے زیادہ سے زیادہ مستفید ہوسکیں۔

    ڈپٹی کمشنرراجہ منصور احمد نے سختی سے تمام ضلعی افسران کو ہدایت جاری کرتے ہوئے کہا کہ وزیراعلی پنجاب سردار عثمان بزدار کی ہدایت کے مطابق پاکستان سٹیزن پورٹل آن لائن پرموصول ہونے والی درخواستوں کو فوری حل کیا جائے کسی بھی قسم کی کوئی کوتاہی نہ برتی جائے۔ڈی سی ننکانہ صاحب راجہ منصور احمد نے چیف آفیسر میونسپل کمیٹی ننکانہ صاحب کو ہدایات جاری کرتے ہوئے کہا کہ پیر احمد شاہ روڈ کے دونوں اطراف بنائی گئی پارکوں کی بحالی اور صفائی ستھرائی کے بہترین انتظامات کیے جائیںتاکہ شہریوں کو خوشگوار ماحول مہیا کیا جاسکے۔ ڈپٹی کمشنر نے سٹیزن پورٹل کے جائزہ اجلاس میں غیر حاضر افسران کے خلاف کاروائی کے احکامات جاری کرتے ہوئے کہا کہ ضلع بھر کے تمام افسران اپنے دفاتروں میں بروقت حاضری کو یقینی بنائیں،دفاتروں میں آنےو الے سائلین کے ساتھ خوش اخلاقی سے پیش آئیں۔

  • نئے ڈی پی او ننکانہ نے اپنےعہدے کا چارج سنبھال لیا، بھر پور استقبال

    نئے ڈی پی او ننکانہ نے اپنےعہدے کا چارج سنبھال لیا، بھر پور استقبال

    ننکانہ صاحب: نمائندہ باغی ٹی وی باغی ٹی وی کی رپورٹ کے مطابق نئے تعینات ہونے والے ڈی پی او اویس ملک نے اپنے عہدے کا چارج سنبھال لیا، پولیس لائن آمد پر ڈی ایس پی سرکل ننکانہ محمد عثمان کے ہمراہ افسران و ملازمان نے بھر پور استقبال و گل پاشی کی۔ ڈی پی او نے یاد گار شہداء پر حاضری دی،پھول چڑھائے اور دعا کی۔ڈی پی او نے یاد گار شہداء کی مزید تزین و آرائش کے احکامات جاری کیے ۔

    اپنے ایک بیان میں تمام افسران کو احکامات جاری کرتے ہوئے ڈی پی او اویس ملک نے کہا کہ تمام ہیڈ برانچز اور ملازمان کار سرکار کی انجام دہی میں پابندی وقت کو یقینی بنائیں۔تکمیل ریکارڈ اور پینڈنگ ریفرنسز کو جلد از جلد یکسو کریں۔

    ضلعی پولیس کی ویلفیئر اور شہداء کی فیملیز کے ساتھ تعاون کو سو فیصد یقینی بنایا جائے۔دفتر میں آنے والے تمام محترم شہریوں کے ساتھ حسن اخلاق سے پیش آئیں۔میڈیا ممبران سے گفتگو کرتے ہوئے ڈی پی او نے کہا کہ ضلعی پولیس کے مسائل کے حل اور سہولیات کی فراہمی کو یقینی بنانے کے لیے ہر ممکنہ تعاون یقینی بناوں گا۔

  • ننکانہ پولیس کا احسن قدم ، کمیونٹی پولیسنگ کے تحت صلح کروا دی

    ننکانہ پولیس کا احسن قدم ، کمیونٹی پولیسنگ کے تحت صلح کروا دی

    باغی ٹی وی کی رپورٹ کے مطابق ڈی پی او اسماعیل کھاڑک کی ہدایت پر ضلعی پولیس عوامی جان و مال کے تحفظ اور کمیونٹی پولیسنگ پر عمل پیرا ہے۔ تھانہ بڑا گھر کے رہائشی محترم محمد علی نے ڈی ایس پی سرکل بڑا گھر محمد خالد کو اندراج مقدمہ کے لیے درخواست دی جسمیں مئوقف دریافت کیا گیا تھا کہ میں نے 9 لاکھ روپے مالیت کا ٹریکٹر شوکت علی وغیرہ سے خریدا تھا جسکی رقم 5 لاکھ روپے ادا کر دی تھی اور بقایا رقم کی ادائیگی کا وقت مقرر تھا۔ مگر الزام علیہ شوکت وغیرہ نے مجھ سے ٹریکٹر چھین لیا ہے۔ مجھے ٹریکٹر واپس کروایا جائے۔ جس پر ڈی ایس پی سرکل بڑا گھر نے SHO تھانہ بڑا گھر سجاد اکبر کو درخواست پر فوری کاروائی کا حکم دیا۔

    تھانہ بڑا گھر کے SHO نے دونوں فریقین کو بلا کر منصفانہ اور شفاف تفتیش کو یقینی بناتے ہوئے مئوقف دریافت کیا جس سے معلوم ہوا کہ محمد علی نے ٹریکٹر کی خرید کے وقت طے کیی متعینہ مدت میں بقایا رقم کی ادائیگی نہ کی ہے۔ جس پر SHO تھانہ بڑاگھر سجاد اکبر نے دونوں فریقین کے درمیان کمیونٹی پولیسنگ کے تحت راضی نامہ کروایا، محمد علی سے 3 لاکھ روپے شوکت کے حوالے کر دیئے اور محمد علی کا 9 لاکھ روپے مالیت کا ٹریکٹر اس کے حوالے کر دیا۔ دونوں فریقین خوشی خوشی پنجاب پولیس ننکانہ کو دعائیں دیتے ہوئے تھانہ سے رخصت ہو گئے۔

    ڈی پی او ننکانہ نے ڈی ایس پی سرکل بڑا گھر اور SHO تھانہ بڑا گھر کے اس حسن اقدام کو سراہتے ہوئے قابل تحسین عمل قرار دیا ہے۔ ڈی پی او ننکانہ کا کہنا ہے کہ عوامی جان و مال کا تحفظ اور خدمت ضلعی پولیس کی اولین ذمہ داری ہے۔ کمیونٹی پولیسنگ کے سنہری اصولوں کو اپناتے ہوئے عوامی خدمت کو یقینی بنانے میں دن دات مصروف عمل ہیں۔

  • کرونا ویکسین کو ذخیرہ کرنے کے حوالے سے تمام تر انتظامات مکمل کر لیے گئے

    کرونا ویکسین کو ذخیرہ کرنے کے حوالے سے تمام تر انتظامات مکمل کر لیے گئے

    ننکانہ صاحب: نمائندہ باغی ٹی وی
    باغی ٹی وی کی رپورٹ کے مطابق حکومت پنجاب کی ہدایت پر محکمہ صحت ضلع ننکانہ صاحب نے کرونا وائرس کی ویکسین کو ذخیرہ کرنے سمیت ای پی آئی سنٹر میں تمام تر انتظامات مکمل کر لیے ہیں ان خیالات کا اظہار سی او ہیلتھ اتھارٹی ننکانہ صاحب ڈاکٹر سہیل طارق نے ایم ایس ڈی ایچ کیو ہسپتال ڈاکٹر اسفند یار کے ہمراہ COVID-19 کی آئندہ ویکسین کو ذخیرہ کے حوالے سے EPI سنٹر کا دورہ کرتے ہوئے کہا۔

    اس موقع سی او ہیلتھ نے کہا کہ کرونا وائرس کی ویکسین پاکستان میں آنا خوش آئند ہے اس ویکسین سے ہزاروں پاکستانیوں کی جانیں بچانے میں مدد ملے گی،کرونا ویکسین سب سے پہلے بزرگ شہریوں اور فرنٹ لائن پر کرونا وائرس کی روک کے لیے کام کرنے والوں کو لگائی جائیں گی۔سی او ہیلتھ اتھارٹی نے مذید کہا کہ حکومت پاکستان اور حکومت پنجاب نے بروقت کرونا ویکسین منگوا کر عوام الناس کے دلوں میں گھر کر لیا ہے۔

  • ننکانہ صاحب محکمہ لائیو اسٹاک کی بڑی کارروائی،

    ننکانہ صاحب محکمہ لائیو اسٹاک کی بڑی کارروائی،

    ننکانہ صاحب: نمائندہ باغی ٹی وی
    باغی ٹی وی کی رپورٹ کے مطابق ڈپٹی کمشنر ننکانہ راجہ منصور احمد کی ہدایت پر جانوروں کی خوراک میں ملاوٹ کرنے والوں کے خلاف نواحی قصبہ بچیکی میں محکمہ لائیو اسٹاک کی بڑی کارروائی محکمہ لائیو اسٹاک کے ڈپٹی ڈائریکٹر ڈاکٹر خالد نے اپنی ٹیم کے ہمراہ خفیہ اطلاعات پر بچیکی میں چوکر کے گودام پر چھاپہ مارا،محکمہ لائیو اسٹاک کی ٹیم کو دیکھتے ہی ملزمان اپنے گودام کی دیواریں پھلانگ کر فرار ہونے میں کامیاب ہو گئے۔محکمہ لائیو اسٹاک کی ٹیم نے کاروائی کے دوران جعلی چوکر کے 1000 سے زائد تھیلے برآمد کرکے گودام کو سیل کر دیا،مذید کاروائ کے لیے موقع سے سیمپل لے کر لیب ٹیسٹ کے لیے لاہور بھجوا دیے گئے ہیں۔اس موقع پر ڈپٹی ڈائریکٹر لائیو اسٹاک ڈاکٹر خالد نے کہا کہ جانوروں کی خوراک میں ملاوٹ کرنے والوں کو کیفرکردار تک پہنچائیں گے،بے زبانوں کی خوراک میں ملاوٹ ہرگز برداشت نہیں کریں گے۔ انہوں نے مذید کہا کہ ملاوٹ مافیا کے خلاف آپریشن جاری رہے گا

  • ڈسٹرکٹ بار ایسوسی ایشن کے نومنتخب عہدیداران کی ڈی سی ننکانہ سے خصوصی ملاقات

    ڈسٹرکٹ بار ایسوسی ایشن کے نومنتخب عہدیداران کی ڈی سی ننکانہ سے خصوصی ملاقات

    ننکانہ صاحب: نمائندہ باغی ٹی وی
    باغی ٹی وی کی رپورٹ کے مطابق ڈسٹرکٹ بار ایسوسی ایشن کے نومنتخب عہدیداران کی ڈپٹی کمشنر راجہ منصور احمد سے خصوصی ملاقات۔
    ملاقات میں ایڈیشنل ڈپٹی کمشنر فنانس رانا امجد علی،اسسٹنٹ کمشنر صولت حیات وٹو،صدر ڈسٹرکٹ بار رائے مشتاق،جنرل سیکرٹری چوہدری اسد صابر سمیت دیگر عہدیداران بھی موجود تھے،ڈپٹی کمشنر راجہ منصور احمد نے نومنتخب وکلاءعہدیداروں کو مبارکباد پیش کی۔ملاقات میں وکلاءبرادری کے نومنتخب عہدیداران نے ڈپٹی کمشنر راجہ منصور احمد کو اپنے مسائل سے آگاہ کیا۔ڈپٹی کمشنر ننکانہ نے وکلا سے گفتگو کرتے ہوئے کہا کہ ضلع کچہری میں آنےوالے وکلاءاور سائلین کے لیے پارکنگ کے بہترین انتظامات کیے جائیں گےمنتخب عہدیداران اپنے وکلاءکی گاڑیوں کو اسٹیکرجاری کریں۔وکلاءکمیونٹی ملک و قوم میں امن وامان کے لیے بہترین کردار ادا کررہے ہیں ۔سرکاری دفاتروں اور ریونیو عدالتوں میں آنے والے وکلاءکے ساتھ عزت و احترام سے پیش آیا جائے گا۔ضلع کچہری میں صفائی ستھرائی کے بہترین انتطامات کیے جائیں گے۔ضلع کچہری میں ترقیاتی کاموں کو ترجیحی بنیادوں پر حل کریں گے۔

  • زائد عمر کے مستحق بزرگ افراد کے لیے ماہانہ 2000روپے وظیفہ حکومت پنجاب کا احسن قدم ہے

    زائد عمر کے مستحق بزرگ افراد کے لیے ماہانہ 2000روپے وظیفہ حکومت پنجاب کا احسن قدم ہے

    ننکانہ صاحب: نمائندہ باغی ٹی وی
    باغی ٹی وی کی رپورٹ کے مطابق وزیراعلی پنجاب عثمان بزدار کی خصوصی ہدایت پرضلع ننکانہ صاحب میں پہلے مرحلے میں خواتین کو باہمت بزرگ پروگرام کے تحت کارڈ کے اجراءکا عمل جاری ہے،65سال اور اس سے زائد عمر کے مستحق بزرگ افراد کے لیے ماہانہ 2000روپے وظیفہ حکومت پنجاب کا احسن قدم ہے۔ان خیالات کا اظہار ڈپٹی کمشنر ننکانہ صاحب راجہ منصور احمد نے احساس پنجاب پروگرام کے تحت باہمت بزرگ پروگرام کے جائزہ اجلاس کی صدارت کرتے ہوئے کیا ۔ اجلاس میں ایڈیشنل ڈپٹی کمشنر (جنرل) احمد کمال،اسسٹنٹ کمشنر ننکانہ صاحب صولت حیات وٹو،اسسٹنٹ کمشنر سانگلہ ہل جمیل احمد نت، اسسٹنٹ کمشنر شاہکوٹ صباءسحر،ڈپٹی ڈائریکٹر سوشل ویلفیئر ننکانہ صاحب چوہدری شبیر حسین سمیت دیگر متعلقہ اداروں کے سربراہان نے شرکت کی۔اس موقع پرڈ پٹی ڈائریکٹر سوشل ویلفیئر ننکانہ صاحب چوہدری شبیر حسین نے احساس پنجاب پروگرام کے تحت باہمت بزرگ پروگرام کے حوالے سے ڈپٹی کمشنر ننکانہ صاحب راجہ منصور احمد کو تفصیلاً بریفنگ دیتے ہوئے بتایا کہ باہمت بزرگ پروگرام کے تحت ایک خاندان میں ایک ہی فرد اس پروگرام سے مستفید ہوسکے گا،خاتون کی غیر موجودگی میں اس کا بزرگ خاوند اہل ہوگا۔ڈپٹی کمشنر ننکانہ صاحب راجہ منصور احمد نے باہمت پروگرام کے حوالے سے منعقدہ جائزہ اجلاس کی صدارت کرتے ہوئے محکمہ سوشل ویلفئیرودیگر متعلقہ محکموں کے سرابراہان کو ہدایات جاری کیں کہ ضلع بھر میں متعلقہ اسسٹنٹ کمشنر کی نگرانی میں نادرا کے تعاون سے رجسٹریشن کا عمل جلد از جلد مکمل کیا جائے تاکہ مستحق باہمت بزرگ افراد حکومت پنجاب کے اس احساس پنجاب پروگرام سے زیادہ سے زیادہ مستفید ہوسکیں۔

  • شراب اور منشیات فروشی میں ملوث 3 ملزمان گرفتار،

    شراب اور منشیات فروشی میں ملوث 3 ملزمان گرفتار،

    ننکانہ صاحب: نمائندہ باغی ٹی وی
    باغی ٹی وی کی رپورٹ کے مطابق ڈی پی او ننکانہ اسماعیل کھاڑک کی ہدایت پر جرائم پیشہ افراد کے خلاف کریک ڈاون جاری ہے۔ تھانہ سٹی ننکانہ پولیس نے شراب فروشی اور منشیات فروشی میں ملوث 3 ملزمان کو دوران سنیپ چیکنگ گرفتار کر لیا۔ ملزمان کے قبضہ سے شراب اور چرس برآمد۔ ملزمان بابر حسین، عظیم اور جارج کے خلاف مقدمات درج کر لیے گئے۔ ڈی پی او کی طرف سے SHO تھانہ سٹی ننکانہ جہانگیر بیگ اور ہمراہی ٹیم کو شاباش، کاروائیاں مزید مئوثر اور تیز کرنے کی ہدایات جاری۔ ڈی پی او ننکانہ کا کہنا ہے کہ منشیات فروشی اور شراب فروشی کا مکروہ دھندہ کرنے والے معاشرتی ناسور ہیں۔ ضلع بھر سے منشیات فروشی اور شراب فروشی کے اڈووں خاتمہ یقینی بنایا جائے گا۔

  • حوا کی بیٹی کی آبرو بال بال بچ گئی

    حوا کی بیٹی کی آبرو بال بال بچ گئی

    ننکانہ صاحب: نمائندہ باغی ٹی وی
    باغی ٹی وی کی رپورٹ کے مطابق علاقہ تھانہ سٹی شاہکوٹ گاوں امام پور نکودر میں ہوس کے پجاری یاسر مسیح کی ساجدہ بی بی زوجہ اعجاز احمد کے ساتھ زیادتی کی کوشش۔ پولیس نے ملزم کو گرفتار کر کے مقدمہ درج کر لیا
    تفصیلات کے مطابق ساجدہ بی بی لکڑیوں کا بالن اکٹھا کرنے کھیتوں میں گئی تھی کہ ملزم یاسر مسیح نے وہاں پر زیادتی کرنے کے لیے دھکا دیکر نیچے گرایا اور ماتھے پر کلہاڑی مار کر زخمی کر دیا جبکہ ساجدہ بی بی کے شور کرنے پر ملزم موقع سے فرار ہو گیا۔ تھانہ سٹی شاہکوٹ پولیس نے وقوعہ کی اطلاع ملتے ہی ساجدہ بی بی کے شوہر کی مدعیت میں مقدمہ درج کر کے ملزم یاسر مسیح کو گرفتار کر لیا۔ مزید کاروائی جاری۔
    ڈی پی او ننکانہ کا کہنا ہے کہ قانونی تقاضوں کو میرٹ پر یقینی بناتے ہوئے انصاف فراہم کیا جائیگا۔ زیادتی کی کوشش کرنے والا ناقابل رحم ہے۔

  • تھانہ واربرٹن پولیس کا گرینڈ آپریشن 2 اشتہاریوں سمیت 5 ملزمان گرفتار,

    تھانہ واربرٹن پولیس کا گرینڈ آپریشن 2 اشتہاریوں سمیت 5 ملزمان گرفتار,

    ننکانہ صاحب: نمائندہ باغی ٹی وی
    باغی ٹی وی کی رپورٹ کے مطابق ڈی پی او اسماعیل کھاڑک کی ہدایت پر جرائم پیشہ افراد کے خلاف کریک ڈاون تیزی سے جاری ہے۔ تھانہ واربرٹن پولیس کا گرینڈ آپریشن 2 اشتہاریوں سمیت 5 ملزمان گرفتار*
    تفصیلات کے مطابق تھانہ واربرٹن پولیس نے مویشی چوری کے مقدمہ میں ایک سال سے مطلوب اشتہاری ملزمان میاں خان اور اعظم کو گرفتار کر لیا، اشتہاری ملزمان نے گاوں جسلانی کی حویلی سے ایک لاکھ روپے مالیت کی 3 بکریاں اور 1 بکرا چوری کیا اور فرار ہو گئے تھے۔ دونوں اشتہاری ملزمان کو پیشہ وارانہ مہارت کی بدولت گرفتار کیا گیا، اشتہاری ملزمان سے مزید تفتیش جاری،
    مزید کاروائی میں تھانہ واربرٹن پولیس نے دوران سنیپ چیکنگ ناجائز اسلحہ قبضہ میں رکھنے والے 2 ملزمان ضیغم عباس اور عمیر ارشاد کو اسلحہ سمیت گرفتار کیا جن کے قبضہ سے 2 پسٹل 30 بور اور گولیاں برآمد ہوئیں۔ ملزمان کے خلاف ناجائز اسلحہ قبضہ میں رکھنے کے مقدمات درج کر لیے گئے۔ تھانہ واربرٹن پولیس نے پتنگ فروشی کا خطرناک دھندہ کرنے والے ملزم عارف کو رنگے ہاتھوں گرفتار کیا، ملزم کے قبضہ سے 150 پتنگیں اور دھاتی ڈور برآمد ہوئی، ملزم عارف کے خلاف مقدمہ درج کر لیا گیا۔

    ڈی پی او ننکانہ کی طرف سے SHO تھانہ واربرٹن محمد بوٹا ڈوگر اور ہمراہی ٹیموں کو شاباش، نقد انعام اور سرٹیفیکیٹ دینے کا اعلان۔

    ڈی پی او ننکانہ اسماعیل کھاڑک نے کہا ہے کہ جرائم پیشہ افراد کی بیخ کنی یقینی بنانا ضلعی پولیس کی اہم ذمہ داری ہے جس کو نبھانے میں دن رات کوشاں ہیں۔ اشتہاری ملزمان، ناجائز اسلحہ قبضہ میں رکھنے والے اور پتنگ فروشوں کی گرفتاریاں ضلعی پولیس کی مثالی کارکردگی کا نتیجہ ہے۔ انہوں نے مزید کہا کہ عوامی جان و مال کے تحفظ اور عوامی خدمت پر عمل پیرا ہیں۔