Category: ننکانہ

ننکانہ صاحب: نمائندہ باغی ٹی وی
باغی ٹی وی کی رپورٹ کے مطابق ڈپٹی کمشنر ننکانہ راجہ منصور احمد کی ہدایت پر جانوروں کی خوراک میں ملاوٹ کرنے والوں کے خلاف نواحی قصبہ بچیکی میں محکمہ لائیو اسٹاک کی بڑی کارروائی محکمہ لائیو اسٹاک کے ڈپٹی ڈائریکٹر ڈاکٹر خالد نے اپنی ٹیم کے ہمراہ خفیہ اطلاعات پر بچیکی میں چوکر کے گودام پر چھاپہ مارا،محکمہ لائیو اسٹاک کی ٹیم کو دیکھتے ہی ملزمان اپنے گودام کی دیواریں پھلانگ کر فرار ہونے میں کامیاب ہو گئے۔محکمہ لائیو اسٹاک کی ٹیم نے کاروائی کے دوران جعلی چوکر کے 1000 سے زائد تھیلے برآمد کرکے گودام کو سیل کر دیا،مذید کاروائ کے لیے موقع سے سیمپل لے کر لیب ٹیسٹ کے لیے لاہور بھجوا دیے گئے ہیں۔اس موقع پر ڈپٹی ڈائریکٹر لائیو اسٹاک ڈاکٹر خالد نے کہا کہ جانوروں کی خوراک میں ملاوٹ کرنے والوں کو کیفرکردار تک پہنچائیں گے،بے زبانوں کی خوراک میں ملاوٹ ہرگز برداشت نہیں کریں گے۔ انہوں نے مذید کہا کہ ملاوٹ مافیا کے خلاف آپریشن جاری رہے گا

ننکانہ صاحب: نمائندہ باغی ٹی وی
باغی ٹی وی کی رپورٹ کے مطابق ڈسٹرکٹ بار ایسوسی ایشن کے نومنتخب عہدیداران کی ڈپٹی کمشنر راجہ منصور احمد سے خصوصی ملاقات۔
ملاقات میں ایڈیشنل ڈپٹی کمشنر فنانس رانا امجد علی،اسسٹنٹ کمشنر صولت حیات وٹو،صدر ڈسٹرکٹ بار رائے مشتاق،جنرل سیکرٹری چوہدری اسد صابر سمیت دیگر عہدیداران بھی موجود تھے،ڈپٹی کمشنر راجہ منصور احمد نے نومنتخب وکلاءعہدیداروں کو مبارکباد پیش کی۔ملاقات میں وکلاءبرادری کے نومنتخب عہدیداران نے ڈپٹی کمشنر راجہ منصور احمد کو اپنے مسائل سے آگاہ کیا۔ڈپٹی کمشنر ننکانہ نے وکلا سے گفتگو کرتے ہوئے کہا کہ ضلع کچہری میں آنےوالے وکلاءاور سائلین کے لیے پارکنگ کے بہترین انتظامات کیے جائیں گےمنتخب عہدیداران اپنے وکلاءکی گاڑیوں کو اسٹیکرجاری کریں۔وکلاءکمیونٹی ملک و قوم میں امن وامان کے لیے بہترین کردار ادا کررہے ہیں ۔سرکاری دفاتروں اور ریونیو عدالتوں میں آنے والے وکلاءکے ساتھ عزت و احترام سے پیش آیا جائے گا۔ضلع کچہری میں صفائی ستھرائی کے بہترین انتطامات کیے جائیں گے۔ضلع کچہری میں ترقیاتی کاموں کو ترجیحی بنیادوں پر حل کریں گے۔

ننکانہ صاحب: نمائندہ باغی ٹی وی
باغی ٹی وی کی رپورٹ کے مطابق وزیراعلی پنجاب عثمان بزدار کی خصوصی ہدایت پرضلع ننکانہ صاحب میں پہلے مرحلے میں خواتین کو باہمت بزرگ پروگرام کے تحت کارڈ کے اجراءکا عمل جاری ہے،65سال اور اس سے زائد عمر کے مستحق بزرگ افراد کے لیے ماہانہ 2000روپے وظیفہ حکومت پنجاب کا احسن قدم ہے۔ان خیالات کا اظہار ڈپٹی کمشنر ننکانہ صاحب راجہ منصور احمد نے احساس پنجاب پروگرام کے تحت باہمت بزرگ پروگرام کے جائزہ اجلاس کی صدارت کرتے ہوئے کیا ۔ اجلاس میں ایڈیشنل ڈپٹی کمشنر (جنرل) احمد کمال،اسسٹنٹ کمشنر ننکانہ صاحب صولت حیات وٹو،اسسٹنٹ کمشنر سانگلہ ہل جمیل احمد نت، اسسٹنٹ کمشنر شاہکوٹ صباءسحر،ڈپٹی ڈائریکٹر سوشل ویلفیئر ننکانہ صاحب چوہدری شبیر حسین سمیت دیگر متعلقہ اداروں کے سربراہان نے شرکت کی۔اس موقع پرڈ پٹی ڈائریکٹر سوشل ویلفیئر ننکانہ صاحب چوہدری شبیر حسین نے احساس پنجاب پروگرام کے تحت باہمت بزرگ پروگرام کے حوالے سے ڈپٹی کمشنر ننکانہ صاحب راجہ منصور احمد کو تفصیلاً بریفنگ دیتے ہوئے بتایا کہ باہمت بزرگ پروگرام کے تحت ایک خاندان میں ایک ہی فرد اس پروگرام سے مستفید ہوسکے گا،خاتون کی غیر موجودگی میں اس کا بزرگ خاوند اہل ہوگا۔ڈپٹی کمشنر ننکانہ صاحب راجہ منصور احمد نے باہمت پروگرام کے حوالے سے منعقدہ جائزہ اجلاس کی صدارت کرتے ہوئے محکمہ سوشل ویلفئیرودیگر متعلقہ محکموں کے سرابراہان کو ہدایات جاری کیں کہ ضلع بھر میں متعلقہ اسسٹنٹ کمشنر کی نگرانی میں نادرا کے تعاون سے رجسٹریشن کا عمل جلد از جلد مکمل کیا جائے تاکہ مستحق باہمت بزرگ افراد حکومت پنجاب کے اس احساس پنجاب پروگرام سے زیادہ سے زیادہ مستفید ہوسکیں۔

ننکانہ صاحب : نمائندہ باغی ٹی وی
باغی ٹی وی کی رپورٹ کے مطابق بزدار حکومت کی خصوصی ہدایت کی روشنی میں ضلع بھر کے انتظامی افسران اور پولیس مارکیٹوں اور بازاروں میں حکومتی احکامات پر عملدرآمد کو یقینی بنائیں،عوام الناس کورونا وائرس سے بچنے کے لیے تمام احتیاطی تدابیر پر عمل کریں، عوام کی بھی ذمہ داری ہے کہ وہ بلاضرورت گھروں سے باہر نہ نکلیں اور حکومتی احکامات پر عملدرآمد کو یقینی بناکر اپنا کردار ادا کریں۔ ان خیالات کاظہار ڈپٹی کمشنر ننکانہ صاحب راجہ منصور احمد نے ضلع بھر میں حکومتی ایس او پیز پر عملدرآمد اورحکومتی احکامات کی خلاف ورزی کرنے والوں کے خلاف ضلعی انتظامیہ کے افسرا ن کی کارکردگی کا جائزہ لیتے ہوئے کیا ۔ڈپٹی کمشنر راجہ منصور احمد نے بتایا کہ ضلع بھر کی مارکیٹوں ،بازاروں اور پبلک ٹرانسپورٹ میں حکومتی احکامات پر عملدرآمد نہ کرنے والوں کے خلاف جاری کریک ڈاﺅن کے دوران دکانوں کو سیل کیا جارہا ہے جبکہ متعدددکانوں کے مالکان کو سخت وارننگ نوٹس جاری کیے گئے ہیں ۔انہوں نے مزید ضلع بھر کی عوام سے اپیل کی کہ غیر ضروری سفر اور گھروں سے نکلنے سے پرہیز کریں، رش والی جگہ پر جانے سے گریز کریں ،اپنے ہاتھوں کو بار بار صابن سے دھوئیں اور ہینڈ سینیٹائزر کے استعمال کو یقینی بنائیں تا کہ ملک پاکستان سے کرونا وائرس کو شکست دی جا سکے۔

ننکانہ صاحب: نمائندہ باغی ٹی وی
باغی ٹی وی کی رپورٹ کے مطابق وزیراعلی پنجاب عثمان بزدار کی خصوصی ہدایت پرضلع ننکانہ صاحب میں گراں فروشوں،ذخیرہ اندوزوں اور ملاوٹ مافیا کے خلاف کریک ڈاؤن جاری ہے جس کے تحت کاروائیوں کو مزید تیز کرتے ہوئے ضلع بھر کے تمام مجسٹریٹس روزانہ کی بنیاد پرگوداموں، چکن فروشوں ،بیف ،مٹن کی دکانوں،مارکیٹوں اور سپر اسٹورز پر انسپکشن کر رہے ہیںاور حکومتی نرخوں کی خلاف ورزی کرنے والوں کو بھاری جرمانہ کیا جارہا ہے۔ ان خیالات کا اظہار ڈپٹی کمشنر ننکانہ راجہ منصور احمد نے ذخیرہ اندوزوں اور گراں فروشوں کے خلاف ضلع بھر میں جاری کریک ڈاﺅن کے حوالے سے بات کرتے ہوئے کیا۔ ڈپٹی کمشنر راجہ منصور احمد نے مزید کہا کہ تمام سپیشل مجسٹریٹس پرائس کنٹرول کی کارروائیوں کو تیز کرتے ہوئے گرانفروشوں کے خلاف اپنا گھیرا تنگ کریں اور عوام کو ریلیف پہنچانے کے لئے کاروائیوں کا سلسلہ جاری رکھیں انہوں نے کہا کہ گرانفروشی ایک سنگین جرم ہے جو مصنوعی مہنگائی کا باعث بنتا ہے ان کا کہنا تھا کہ غریب عوام کو مہنگائی کی چکی میں پسنے نہیں دیں گے۔انہوں نے کہا کہ ضلعی انتظامیہ کے تمام افسران پرائس کنٹرول کے حوالے سے خصوصی نظر رکھیں۔ڈپٹی کمشنر ننکانہ صاحب راجہ منصور احمد نے عوام الناس سے اپیل کی کے مقررہ نرخوں سے زیادہ کوئی بھی چیز خریدی نہ جائے بلکہ ایسی صورتحال کے متعلق اسسٹنٹ کمشنر یا ڈپٹی کمشنر آفس میں فوری اطلاع کی جائے۔