Category: اوکاڑہ

اوکاڑہ(باغی ٹی وی رپورٹ) مبینہ ہنی ٹریپ ، خاتون نے مالک مکان سے 2 لاکھ روپے ہتھیا لیے

پولیس کے مطابق غفور کالونی اوکاڑہ میں ہنی ٹریپ کی مبینہ واردات میں کرایہ دار خاتون نے ساتھیوں کے ساتھ مل کر مبینہ طور پر مالک مکان عبدالغفار سے 2 لاکھ روپے بٹورے۔

پولیس ترجمان کا بتانا ہے کہ ملزمہ معافیہ بی بی نے مالک مکان کو کرایہ وصولی کے بہانے سے اپنے گھر بلایا اور پولیس وردی میں ملبوس اپنے ساتھیوں کو بھی فون کر کے بلا لیا۔جس کے بعد ملزمان نے مالک مکان عبدالغفار پر تشدد کر کے اس کی نازیبا ویڈیو بنالی۔

پولیس کے مطابق ملزمان نے مالک مکان کی ویڈیوسوشل میڈیا پر وائرل کرنےکی دھمکی دے کر 5 لاکھ روپے بھتے کا مطالبہ کیا۔تاہم ملزمان نے 2 لاکھ روپے وصول کر کے عبدالغفار کو چھوڑ دیا۔

پولیس کا کہنا ہے کہ 2 ملزمان عمران سہیل عرف راجو اور معافیہ بی بی کو گرفتار کرکے مقدمہ درج کرلیاگیا ہے۔

اوکاڑہ ،باغی ٹی وی( نامہ نگار ملک ظفر) سیکرٹری پنجاب ایمرجنسی سروسز ریسکیو 1122 ڈاکٹر رضوان نصیر (ستارہِ امتیاز) کی خصوصی ہدایات کی روشنی میں ریجنل ایمرجنسی آفیسر ریسکیو 1122 ساہیوال ریجن ڈاکٹر ارشاد الحق نے پرفارمینس آڈٹ کے حوالے سے سنٹرل اسٹیشن اوکاڑہ کا دورہ کیا

سنٹرل اسٹیشن اوکاڑہ آمد پر ڈسٹرکٹ ایمرجنسی آفیسر انجینئر احتشام نے ریجنل ایمرجنسی آفیسر کا استقبال کیا اور پھولوں کا گلدستہ پیش کیا ریسکیو کے چاق و چوبند دستے نے سلامی دی، دورے کے دوران انہوں نے ایمرجنسی سروس کے تمام شعبہ جات کا معائنہ کیا

ریسکیو اہلکاران سے خطاب کے دوران ان کا کہنا تھا کہ دورے کا بنیادی مقصد کسی بھی ہنگامی صورتحال پر قابو پانے کیلئے ریسکیو 1122 کی استعداد کار کو جانچنا، دستیاب وسائل کی آگاہی کے ساتھ ساتھ ضروریات کا جائزہ لینا اور ریسکیو اہلکاران کی پرفارمینس آڈٹ کرنا ہے

اس موقع پر انہوں نے ریسکیو 1122 کے تمام اہلکاروں کا ٹرن آؤٹ چیک کرنے کے ساتھ ساتھ فزیکل فٹنس اور ریسکیو آپریشنز کے متعلق سوالات بھی پوچھے دورے کے دوران ڈسٹرکٹ ایمرجنسی آفیسر انجینئر احتشام نے ضلع بھر میں حادثات اور کمیونٹی آگاہی پروگرام اور ممکنہ سیلابی صورتحال کی تیاری کے حوالے سے بریفنگ دی

اس موقع پر ریسکیو کیڈر کورس اور کیڈرے کورس کامیابی سے مکمل کرنے والے ریسکیو رضاکاروں میں سرٹیفکیٹ بھی تقسیم کیے گئے، دروے کے اختتام پر ریجنل ایمرجنسی آفیسر ڈاکٹر ارشاد الحق نے ریسکیو 1122 اوکاڑہ کی کارکردگی پر اطمینان کا اظہار کیا اور کہا کہ شہریوں کو بروقت ایمرجنسی سروسز کی فراہمی کو یقینی بنایا جائے

شہری ٹریفک قوانین پر مکمل عمل درآمد کریں تاکہ حادثات میں کمی لائی جا سکے ریسکیو رضاکاروں کو بھی چاہیئے کہ وہ اپنے علاقوں میں آگاہی مہم چلائیں تاکہ حادثات میں کمی لائی جا سکے اور محفوظ معاشرے کے قیام میں ریسکیو کے شانہ بشانہ اپنا کردار ادا کریں۔

اوکاڑہ ،باغی ٹی وی( نامہ نگار ملک ظفر )رینالہ خورد میں تعلیمی اداروں میں منشیات کی سپلائی، نیٹ ورک کاایک رکن گرفتار،بھاری مقدار میں منشیات برآمد

تفصیلات کے مطابق نوجوان نسل کو چید پیسوں کے عوض منشیات جیسی لعنت میں مبتلا کرنے والے گروہ کا رکن پولیس صدر رینالہ نے جدید ٹیکنالوجی کا استعمال کرتے ہوئے گرفتار کر لیا ملزم کی شناخت محمد شاہد کے نام سے ہوئی ملزم کے قبضے سے لاکھوں روپے مالیت کی منشیات بھی برآمد کر لی برآمد ہونے والی منشیات میں 13 کلو گرام چرس 51 سو گرام افیون اور 1200 سو گرام آئس شامل ہے

ملزم عرصہ دراز سے تعلیمی اداروں میں منشیات جیسے مکروہ دھندہ کامیابی سے چلا رہا تھا اے ایس پی رینالہ عدنان گل اور ایس ایچ او صدر رینالہ پولیس ملک ارشد کا کہنا تھا کہ ملزم کے خلاف مذید تفتیش جاری ہے

اور اس بات کا کھوج لگایا جا رہا ہے ملزم کن کن افراد کو منشیات سپلائی کرتا تھا اور ملزم کے پیچھے کون افراد ہیں جو ملزم کو سپلائی کرتے تھے ہم بہت جلد اس سارے نیٹ ورک کو بے نقاب کریں گے

اوکاڑہ ،باغی ٹی وی( نامہ نگار ملک ظفر)ڈی پی او اوکاڑہ طارق عزیز سندھو نے شہریوں کی دہلیز پر انصاف کی فراہمی کو یقینی بنانے کے سلسلہ میں تھانہ صدر اوکاڑہ میں کھلی کچہری کا انعقاد کیا گیا

ڈی پی او اوکاڑہ طارق عزیز سندھو نے کھلی کچہری میں سائلین کے مسائل سنے اور انکے حل کیلئے موقع پر ہی احکامات جاری کیے، اس موقع پر ڈی ایس پی صدر، اور سرکل کے ایس ایچ اوز، تفتیشی آفیسرز اور سول سوسائٹی کے افراد موجود تھے،

ڈی پی او اوکاڑہ طارق عزیز سندھو نے کہا اوپن ڈور پالیسی کے تحت تمام پولیس افسران کے دروازے عوام کیلئے ہروقت کھلے ہیں، کسی بھی شکایت کی صورت میں فوری کارروائی عمل میں لائی جائے گی، میرٹ پالیسی کے تحت مسائل کو حل کیا جائے گا

اوکاڑہ پولیس عوام کے جان و مال کی حفاظت اور انصاف کی فوری فراہمی کیلئے دن رات کوشاں ہے،

اوکاڑہ ،باغی ٹی وی( نامہ نگار ملک ظفر )پولیس مقابلہ ایک خطرناک ڈاکو زخمی حالت میں گرفتار،دو فرار

تفصیلات کے مطابق اوکاڑہ پولیس مقابلہ تھانہ گوگیرہ کی حدود 34 جی ڈی قبرستان کے پا س ہوا،تین مسلح ڈاکووں نے دھوتہ پل کے نزدیک شہری سے اسلحہ کے زور پر موٹر سائیکل چھین لی

گشت پر مامور پولیس نے جھکڑ چوک خطرناک موڑ روڈ پر مشکوک جان کر موٹر سائیکل کو رکنے کا اشارہ کیا،جس پر ڈاکووں نے پولیس کو دیکھتے ہی مختلف اطراف سے فائرنگ شروع کر دی

پولیس نے حفاظت خود اختیاری کے تحت جوابی فائرنگ کی جس کے نتیجہ میں ایک خطرناک ڈاکو اپنے ہی ساتھیوں کی فائرنگ سے زخمی ہو گیا
ابتدائی تفتیش میں زخمی ڈاکو کی شناخت مدثر کے نام سے ہوئی

خطرناک زخمی ڈاکو ابتدائی تفتیش میں 30 سے زائد سنگین جرائم میں ملوث پایا گیا ،زخمی ڈاکو راہزنی کی وارداتوں میں اشتہاری ہے جو پاکپتن ، لاہور کی پولیس کو بھی مطلوب تھا

ڈاکو کے قبضہ سے چھینی گئی موٹر سائیکل ، آئی ڈی کارڈ ، نقدی، موبائل فون اور اسلحہ برآمد ہوا ،فرار ڈاکووں کی تلاش کے لیے پولیس نے علاقے کو گھیرے میں لے لیا،پولیس کی بھاری نفری موقع پر موجود ، علاقے میں سرچ آپریشن جاری

فرار ڈاکووں کی گرفتاری کے لیے ٹیمیں تشکیل ،خطرناک زخمی ڈاکووں کو برائے علاج معالجہ ہسپتال منتقل کر دیا گیا

اوکاڑہ ،باغی ٹی وی( نامہ نگار ملک ظفر)اوکاڑہ محرم الحرام کے موقع پر امن و امان کے قیام کو یقینی بنانے کے سلسلہ میں ضلع بھر میں فلیگ مارچ کا انعقاد کیا گیا

تفصیلات کے مطابق اوکاڑہ 8 محرم الحرام کو فلیگ مارچ میں پاک آرمی، رینجرز، سرکل کے ایس ایچ اوز، ٹریفک پولیس، ایلیٹ فورس اور پولیس لائن کی نفری نے حصہ لیا،

فلیگ مارچ سرکل افسران کی سربراہی میں ایگل سکواڈ کی ٹیموں سمیت بھاری نفری کیساتھ کیا گیا، ڈی پی او اوکاڑہ طارق عزیز سندھو نے کہا کے فلیگ مارچ کا مقصد شہریوں میں احساس تحفظ اجاگر کرنے کیساتھ ساتھ حکومتی رٹ کو برقرار رکھنا ہے،

پولیس محرم الحرام کے موقع پر سکیورٹی کے فول پروف انتظامات کو یقینی بنائے گی، اوکاڑہ امن و امان کے قیام اور جرائم پیشہ عناصر کی سرکوبی کیلئے اوکاڑہ پولیس پوری طرح مستعد ہے،

اوکاڑہ،باغی ٹی وی( نامہ نگار ملک ظفر )عشرہ محرم الحرام ، 2100 سے زائد اہلکار سیکورٹی فرائض سر انجام دینگے

تفصیل کے مطابق ڈی ایس پی سٹی مہر یوسف نے بتایا کہ محرم الحرام کے دوران امن و امان کو قائم رکھنے کےلئے پولیس نے فول پروف سیکیورٹی پلان مرتب کرلیا، 10محرم الحرام تک ضلع میں روائتی و لائسنسی کل 639 مجالس کے منعقد ہوں گی ۔مجالس میں A کیٹگری کے 56 پروگرام ،B کیٹگری کے 228 پروگرام،C کیٹگری کے 355 پروگرام منعقد ہوں گے ۔

ماتمی جلوس کے 176 پروگرام جن میں A کیٹگری کے 27 ، B کیٹگری کے67 اور C کیٹگری کے 82 پروگرام شامل ہیں، فول پروف سکیورٹی کےلئے 2100 سے زائد پولیس افسران و اہلکاران کو بائی نیم ڈیوٹی لگائی گئی ہے۔

ڈیوٹی پر مامور 02 ایس ایس پیز ، 08 ڈی ایس پیز ,21 انسپکٹر، 103سب انسپکٹر، 187 اے ایس آئی ، 86 ہیڈ کانسٹیبل اور 1657 کانسٹیبل شامل ہیں جبکہ 126 لیڈیز پولیس افسران و اہلکاران ،سپیشل فورس اور ریزروفورس بھی شامل ہے ۔

ضلعی پولیس اور ایلیٹ فورس کی ٹیمیں گشت کےلئے مامور کی گئی ہیں ، ضلع کے داخلی اور خارجی مقامات پر پولیس پکٹس قائم کی گئی ہیں ، شہر میں ٹریفک کے بہاؤ کےلئے ٹریفک پولیس بھی ڈیوٹی سر انجام دیں گی.

اوکاڑہ،باغی ٹی وی (نامہ نگار ملک ظفر)ڈاکو دکان لوٹ کر فرار، چوری میں ملوث ملازمہ اور ڈاکو گرفتار

اوکاڑہ میں لاری اڈا کے قریب آئل سٹور میں 3 مسلح ڈاکو داخل ہوئے اوراسلحہ کے زور پر دکاندار کو یرغمال بنا کر نقدی چھین کر فرار ہو گئے، پولیس نے متاثرہ شخص کی درخواست پر تفتیش شروع کر دی۔

اوکاڑہ ہی میں چوری کی وارداتوں میں ملوث ایک گھریلو ملازمہ کو حراست میں لے لیا گیا، ملزمہ کے قبضہ سے 85 لاکھ روپے کا مال مسروقہ برآمد کر لیاگیا ہے، پولیس نے ملزمہ کو پولیس اسٹیشن منتقل کر کے مزید تفتیش شروع کر دی ہے۔

دوسری طرف حویلی لکھا کے نواحی گاؤں میں مبینہ پولیس مقابلہ ہواہے، اس مقابلے میں پولیس نے ایک ڈاکو کو زخمی حالت میں گرفتار کرنے کا دعویٰ کیا ہے جبکہ ایک فرار ہو گیا،

گرفتار ڈاکو سے چھینی گئی موٹر سائیکل، نقدی اور اسلحہ برآمد کر لیا، فرار ڈاکو کی تلاش کیلئے پولیس نے علاقے کی ناکہ بندی کر دی۔

اوکاڑہ ،باغی ٹی وی( نامہ نگار ملک ظفر)پاکستان مرکزی مسلم لیگ کا اوکاڑہ پریس کلب کے سامنے میں بجلی ،گیس، پٹرول کی قیمتوں میں مسلسل اضافے، بڑھتی ہوئی مہنگائی اور ٹیکس گردی کیخلاف احتجاجی مظاہرہ کیا گیا

تفصیلات کے مطابق پاکستان مرکزی مسلم لیگ کی جانب سے بجلی ، گیس، پٹرول کی قیمتوں میں مسلسل اضافے، بڑھتی ہوئی مہنگائی کیخلاف پریس کلب کے سامنے احتجاجی مظاہرہ کیا گیا ،مظاہرین کا کہنا تھا کہ حکومت کی جانب سے آئے روز نئے ٹیکسز اور بجلی ، گیس اور پٹرول کی قیمتوں میں اضافہ کرکے معاشی قتل عام کیا جارہا ہے ۔

انہوں نے کہا ہے کہ آج بھی 5 روپے فی یونٹ حکومت نے بجلی مہنگی کردی ہے جو کہ عوام پر سراسر ظلم ہے ۔انہوں نے کہا کے الیکشن سے پہلے 300 یونٹ کا وعدہ کرنے والے آج 200 یونٹ پر قوم کا خون چوس رہے ہیں۔

جب بھی اس ملک کے عوام کے حقوق کی بات ہوگی تو پاکستان مرکزی مسلم لیگ اپنی عوام کے لیے سڑکوں پر موجود ہوگی۔پورا ملک اس وقت مہنگائی کی آگ میں جل رہا ہے۔

پورے ملک میں مایوسی کی کیفیت ہے۔آئی ایم ایف کے کہنے پر بجٹ تیار کیا گیا جو ہماری سب سے بڑی بدقسمتی ہے۔ہم اپنی عوام کو کسی صورت تنہا نہیں چھوڑ سکتے ،ہمیں آئی ایم ایف کی غلامی سے نکل کر ملک کو اسلامی فلاحی ریاست کی طرف لیکر آنا ہوگا۔