Category: اوکاڑہ

اوکاڑہباغی ٹی وی( نامہ نگار ملک ظفر )شدید گرمی،فرسٹ ائیر سالانہ امتحانات کے دوران کئی طالبات بے ہوش ہوکرگرپڑیں،ریسکیو 1122نے کئی طالبات کی زندگیاں بچالیں

تفصیلات کے مطابق ریسکیو 1122 سنٹرل کمانڈ اینڈ کنٹرول روم کو کالز موصول ہوئیں کہ تحصیل رینالہ خورد میں جاری امتحانات کے دوران گورنمنٹ ڈگری کالج خواتین اور گورنمنٹ ہائیر سیکنڈری سکول میں امتحانات میں شریک طالبات کی طبیعت اچانک خراب ہو گئی ہے لہذا ایمرجنسی کےلیے فوراً گاڑیاں بجھوائیں۔

ریسکیو میڈیکل ٹیموں نے موٹر بائیکس پر تیز ترین ریسپانس کیا۔ چیک اپ کرنے پر پتہ چلا کہ طالبات کے بلڈ پریشر لو ہو گئے ہیں اور فوری طور پر طبی امداد کی ضرورت ہے۔

جس پر ایمرجنسی میڈیکل ٹیکنیشن نے فوری ڈرپس لگا دیں اور وہاں موجود رہے جبکہ طالبات اپنا پیپر مکمل کرنے میں مصروف ہو گئیں۔

اللّٰہ تعالیٰ کے خاص کرم سے طالبات کی زندگیاں بھی بچائی اور حوصلہ دیتے ہوئے امتحان بھی مکمل کرایا تاکہ ان کا مستقبل بھی بچ سکے

اوکاڑہ،باغی ٹی وی (نامہ نگارملک ظفر)اختر آباد کے قریب مزدا ٹرک کی دوسرے ٹرک سے ٹکر، ایک شخص زخمی ہو گیا ابتدائی طبی امداد کے بعد ہسپتال منتقل کردیا گیا

تفصیلات کے مطابق اوکاڑہ میں قومی شاہراہ اختر آباد کے قریب مزدا ٹرک کی دوسرے ٹرک سے ٹکر۔حادثہ مزدا ٹرک ڈرائیور کو نیند آ جانے کی وجہ سے پیش آیا۔

حادثہ میں مزدا ٹرک میں سوار ڈرائیور زخمی ہو گیا، اطلاع ملنے پر ایمبولینس فوراً جائے حادثہ پر پہنچ گئی۔ ریسکیو ٹیم نے زخمی کو ابتدائی طبی امداد فراہم کرنے کے بعد ڈی ایچ کیو سٹی ہسپتال اوکاڑہ منتقل کر دیا۔

اوکاڑہ،باغی ٹی وی (نامہ نگار ) ڈپٹی کمشنر کیپٹن (ر) فرخ عتیق خان کی ہدایات پر پرائس کنٹرول مجسٹریٹس کی کاروائیوں کا سلسلہ جاری ۔

اس سلسلہ میں پرائس کنٹرول مجسٹریٹس کی جانب سے ضلع بھر میں ناجائز منافع خوروں کے خلاف بلا امتیاز کاروائیاں کی جارہی ہیں تاکہ عوام کو لوٹنے والوں کی حوصلہ شکنی کی جا سکے،

گزشتہ ایک ماہ کے دوران پرائس کنٹرول مجسٹریٹس نے 41 ہزار 6 سو 16 انسپکشنز کیں اس دوران 1707 مقامات پر اوور چارجنگ پائی گئی،

کارروائی کرتے ہوئے پرائس کنٹرول مجسٹریٹس نے 73 افراد کے خلاف مقدمات درج کروائے جبکہ 210 کو گرفتار کروایا گیا،

اس کے علاوہ 17 دکانوں کو سیل کیا گیا اور ناجائز منافع خوری کے مرتکب افراد کو 29 لاکھ 65 ہزار روپے جرمانہ عائد کیا

اوکاڑہ ،باغی ٹی وی( نامہ نگار ملک ظفر) سیکرٹری ایمرجنسی سروسز ڈاکٹر رضوان نصیر (ستارہِ امتیاز) کی خصوصی ہدایات پر دنیا بھر کی طرح اوکاڑہ میں بھی 04 مئی فائر فائٹرز کا عالمی دن بھرپور انداز سے منایا گیا۔

اس سلسلہ میں ریسکیو 1122 اوکاڑہ نے شہر میں خصوصی مارچ پاسٹ کیا جس میں ریسکیو ایمبولینس اور فائر وہیکلز کے ساتھ ریسکیورز نے شرکت کی۔ جبکہ تحصیل رینالہ خورد میں آگاہی سیمینار منعقد ہوئے اور تحصیل دیپالپور میں اس دن کی مناسبت سے کیک کاٹا گیا اور فائر فائٹرز کےلیے خصوصی دعا بھی کی گئی۔

ڈسٹرکٹ ایمرجنسی آفیسر انجینئر احتشام کا فائرفائٹرز کے عالمی دن کے موقع پر کہنا تھا کہ اس دن کو منانے کا مقصد فائر فائٹرز کی خدمات کو خراج تحسین پیش کرنے کے ساتھ ساتھ انکی قربانیوں کو یاد کرنا ہے جو آتشزدگی کے واقعات میں انسانی زندگیوں اور املاک کو بچاتے ہوئے اپنی جانوں کا پرواہ نہیں کرتے۔

یہ دن آتشزدگی کے حادثات کو روکنے اور نقصانات کو کم کرنے کے لیے موثر،جامع اور مشترکہ کاوشوں کی ترجمانی کرتا ہے۔ میری عوام الناس سے اپیل ہے کہ آئیں محفوظ معاشرے کے قیام کےلیے ریسکیو کے شانہ بشانہ کھڑے ہو کر بلڈنگ سیفٹی کے قوانین پر عمل پیرا ہوں اور اپنے علاقے و محلے کی ایمرجنسی ریسپانس ٹیمیں بنائیں اور ریسکیو سے تربیت حاصل کر کے رجسٹرڈ ہوں تاکہ آنے والی نسلوں کو ایک محفوظ معاشرے مل سکے۔

اوکاڑہ، باغی ٹی وی( نامہ نگار ملک ظفر )ولیس ان ایکشن 3 مختلف ڈکیت گینگز کے 11 ملزمان کو حراست میں لے لیا ملزمان سے بھاری اسلحہ اور مال مسروقہ برآمد کرلیا گیا

پولیس ترجمان کے مطابق تھانہ اے ڈویژن نے کارروائی کرتے 3 ڈکیت گینگ کے 11افراد کو گرفتار کر لیا گرفتار، ملزمان کے قبضے سے 25 لاکھ کیش، 8 موبائل، 5 موٹر سائیکل، 3 پسٹل اور ایک رائفل برآمد کرلی گئی

گرفتار تین میں سے دو گینگ کو شناخت پریڈ کروا لی گئی جبکہ ایک گینگ کی شناخت پریڈ باقی ہے

ڈی ایس پی مہر یوسف کا کہنا ہے کہ جب سے یہ گینگ گرفتار ہوئے ہیں شہری علاقے میں وارداتوں میں نمایاں کمی آئی ہے،ان کا کہنا تھا کہ ڈی پی او منصور امان کی سربراہی میں جرائم پیشہ افراد کے خلاف کارروائیاں جاری رہیں گی.

اوکاڑہ،باغی ٹی وی( نامہ نگار ملک ظفر)اوکاڑہ ضلعی انتظامیہ کا انوکھا کارنامہ جی ٹی روڈ کے درمیان بنے گٹروں میں درخت اگنے لگے

تفصیلات کے مطابق اوکاڑہ جی ٹی روڈ پر ہر دوسرے گٹر کا ڈھکن غائب لیکن گٹروں میں درخت لگ گئے ، لاہور ملتان روڈ پر گزرنے والے مسافروں کو پریشانی کا سامنا کرنا پڑھ رہا ہے ۔

شہریوں کا کہناہے کہ رات کے اوقات میں یہاں ڈرائیور اچانک پریشانی کے عالم میں بریک لگاتے ہیں اور کئی دفعہ تو حادثات بھی ہو چُکے ہیں
شہریوں کے مطابق اندرون شہر جی ٹی روڈ پر ہر دوسرے گٹر کا ڈھکن غائب ہے

اوکاڑہ کا مصروف ترین روڑ جی ٹی روڈ ہے اور یہاں پر گٹروں کے ڈھکن نہ ہونے کے باعث روزانہ حادثات معمول ہیں، مسافروں کو حادثات سے بچانے کے لیے شہریوں نے گٹروں میں بڑے بڑے پودے لگادئیے ہیں

پودے لگانے کا مقصد مسافروں کو حادثات سے بچانا ہے مگر اوکاڑہ انتظامیہ اسی میں خوش ہے کی جی ٹی روڈ پر درخت اگ آئے ہیں شہریوں نے ڈی سی اوکاڑہ اور سی ای او بلدیہ سے مطالبہ کیا ہے کہ شہریوں کی زندگیوں سے نہ کھیلا جائے

اوکاڑہ،باغی ٹی وی (نامہ نگار ملک ظفر) اوکاڑہ ڈسٹرکٹ ایمرجنسی آفیسرانجینئراحتشام کی زیر صدارت ماہانہ کارکردگی اجلاس سنٹرل اسٹیشن اوکاڑہ میں منعقد ہوا۔

ڈسٹرکٹ ایمرجنسی آفیسر نے کارکردگی رپورٹ جاری کرتے ہوئے بتایا کہ ریسکیو1122اوکاڑہ کوگزشتہ ماہ کل 18295کالزموصول ہوئی ہیں جس میں 4274ایمرجنسی کالز ہیں۔11004غیر متعلقہ اورمس کالز، 2985 معلوماتی،9رونگ کالزاور 23فیک کالز ہیں۔

ایمرجنسی کال کا تناسب142کالز فی دن ہے۔4274 ایمرجنسیز میں 1032روڈ ٹریفک حادثات، 2753میڈیکل، 55آگ لگنے کےواقعات،138 کرائم، ڈوبنے کے واقعات 01 اور295متفرق قسم کے حادثات شامل ہیں۔

روڈ ٹریفک حادثات میں 1111افراد متاثر ہوئے جن میں 12 افراد زخموں کی تاب نہ لاتے ہوئے جاں بحق ہوئے جبکہ549 افراد کو موقع پر ہی ابتدائی طبی امداددی گئی اور550متاثرین کو طبی امداد دیتے ہوئے ہسپتال میں منتقل کیا گیا۔

آگ لگنے کے 55واقعات ہوئے جن میں 03کمرشل ایریا،09رہائشی علاقے اور 43واقعات دیگر علاقوں میں پیش آئے۔ آگ لگنے کی وجوہات میں شارٹ سرکٹ (20)،گیس لیکج(02)، نامعلوم (01)، دیگر(10)، فائر ورکس(01)، موم بتی (01)، کچن (01) اور لاپرواہی (19) بنی۔ان واقعات میں بروقت ریسپانس کرتے ہوئے تقریباََ45 ملین سے زائدکی پراپرٹی کو محفوظ کیا۔

ریسکیو موٹر بائیک سروس کے ذریعے شہر بھر میں 1707ایمرجنسیز پر3.62 کے ایوریج ریسپانس ٹائم سے بروقت ریسپانس کرتے ہوئے1690 افراد کو مدد فراہم کی۔

پیشنٹ ریفرل سسٹم کے تحت ضلع بھرمیں 330مریضوں کو بہتر طبی امداد کے حصول کیلئے منتقل کیا گیا۔ 145مریضوں کو ضلع بھر سے ڈسٹرکٹ ہیڈکوارٹر ہسپتال اوکاڑہ منتقل کیا گیا جبکہ185افراد کو بہتر طبی امداد کے حصول کیلئے ریسکیو1122 کے تربیت یافتہ عملہ کے زیرِ نگرانی میں دوسرے اضلاع کے ہسپتالوں میں منتقل کیا گیا

اوکاڑہ ،باغی ٹی وی( نامہ نگار ملک ظفر )سیکرٹری ایمرجنسی سروسز ڈاکٹر رضوان نصیر (ستارہِ امتیاز) کی خصوصی ہدایات کی روشنی میں کوئیک ریسپانس فورس ٹیموں کے مابین اونچی عمارت میں فائر فائٹنگ اور ریسکیو آپریشن کے مقابلے کا انعقاد ضلع اوکاڑہ میں کیا گیا۔

مقابلے میں ضلع اوکاڑہ، ساہیوال اور پاکپتن کی کوئیک ریسپانس فورس کی ٹیموں نے حصہ لیا، ریسکیو اینڈ سیفٹی آفیسرز نے اپنے اضلاع کی ٹیموں کی نمائندگی کی۔

ان مقابلوں میں پلازے کی ساتویں منزل پر لگی آگ پر قابو پانا اور بلڈنگ میں پھنسے ہوئے افراد کو بحفاظت ریسکیو کرنا شامل تھا۔

مقابلے میں ضلع پاکپتن کی ٹیم نے اول پوزیشن حاصل کی جبکہ اوکاڑہ اور ساہیوال کی ٹیموں کے درمیان مقابلہ برابر رہا اور دونوں اضلاع کی دوسری پوزیشن رہی۔ پاکپتن کی ٹیم 4 مئی عالمی فائر فائٹر ڈے کے موقع پر ایمرجنسی سروس اکیڈمی لاہور میں ہونے والے مقابلہ جات میں ساہیوال ڈویژن کی نمائندگی کرے گی۔

ریجنل ایمرجنسی افیسر نے ڈویژن لیول کے مقابلے کے انعقاد کےلیے بہترین انتظامات کرنے پر ڈسٹرکٹ ایمرجنسی آفیسر انجینئر احتشام کو خصوصی شاباش دی جبکہ پاکپتن کی ٹیم کو مقابلہ جتنے پر مبارکباد دی۔