Category: اوکاڑہ

اوکاڑہ،باغی ٹی وی (نامہ نگار ملک ظفر)سابق صدر ڈسٹرکٹ بار مقبول گجر کے گھر ڈکیتی کی واردات ، چار مسلح ڈاکوؤں نے اہل خانہ کو یرغمال بناکر طلائی زیورات نقدی اور قیمتی موبائل فونز چھین لیے

تفصیلات کے مطابق صابری کالونی کے رہائشی سابق صدر ڈسٹرکٹ بار ایسوسی ایشن مقبول گجر کے گھر چار مسلح ڈاکو داخل ہوگئے ڈاکوؤں نے اہل خانہ کو یرغمال بناکر طلائی زیورات نقدی اور قیمتی موبائل فونز چھین لیے، ڈاکوؤں نے فرار ہوتے ہوئے خوف وہراس پھیلانے کے لیے شدید فائرنگ بھی کی۔

واقعہ کی اطلاع پر تھانہ اے ڈویژن پولیس کی بھاری نفری موقع پر پہنچ گئی اور علاقے کی ناکہ بندی کرکے مفرور ملزمان کی تلاش شروع کردی

دوسری جانب سابق صدر ڈسٹرکٹ بار کے گھر ہونے والی ڈکیتی پر ڈسٹرکٹ بار نے فوری ہڑتال کی کال دے دی ڈسٹرکٹ بار کی جانب سے فوری طور پرڈکیتی واردات میں ملوث ملزمان کی گرفتاری کا مطالبہ کیا ہے

اوکاڑہ کے شہری گزشتہ کئی روز سے مسلسل چوری، ڈکیتی اور راہزنی کی وزارتوں کی وجہ سے عدم تحفظ کا شکار ہیں شہریوں نے آئی جی پنجاب سے مطالبہ کیا ہے کہ فوری اقدامات کریں اور عوام کو تحفظ فراہم کریں

اوکاڑہ ،باغی ٹی وی( نامہ نگار ملک ظفر)اوکاڑہ ینگ ڈاکٹرز ایسوسی ایشن اور نرسز کی جانب سے سانحہ خانیوال پر بازوں پر سیاہ پٹیاں باندھ کر او پی ڈی کے سامنے احتجاجی مظاہرہ ناقص کوالٹی کی ادویات پر چیز کرنے والے کرداروں کا تعین کرتے ہوئے ہسپتال میں موجود باقی ادویات کی چیکنگ کے لیے کمیٹی تشکیل دینے کا مطالبہ کیا گیا ۔

تفصیلات کے مطابق اوکاڑہ ینگ ڈاکٹرز ایسوسی ایشن اور نرسز نے آج خانیوال سانحہ کے خلاف احتجاجی مظاہرہ کیا اس موقع پر وائے ۔ڈی ۔اے اوکاڑہ کے صدر ڈاکٹر معاویہ کا کہنا تھا کہ یہ ایک انتہائی افسوناک واقعہ ہے اس کی جتنی بھی مذمت کی جائے کم ہے انکا مزید کہنا تھا کہ دکھ کی اس گھڑی میں ہم متاثرہ فیملیز کے ساتھ کھڑے ہیں

انہوں نے حکومت پنجاب سے مطالبہ کیا ہسپتال میں ناقص کوالٹی ادویات کی خریداری میں ملوث عناصر کو بے نقاب کرتے ہوئے قرار واقعی سزا دی جائے اور ہسپتال میں موجود باقی میڈیسن کی چیکنگ کے لیے بھی کمیٹی قائم کی جائے تاکہ مزید قیمتی جانی نقصان سے بچا جا سکے

ینگ ڈاکٹرز ایسوسی اوکاڑہ کے صدر ڈاکٹر معاویہ کا کہنا تھاکہ خانیوال انتظامیہ اس واقعہ میں کسی بھی سٹاف نرس یا عملے کو ملوث کرنے سے قبل معاملے کی شفاف انکوائری کو یقینی بنائے تاکہ مجرم کو قرار واقعی سزا مل سکے.

اوکاڑہ ،باغی ٹی وی( نامہ نگار ملک ظفر): ڈسٹرکٹ ایمرجنسی آفیسر انجینئر احتشام کی زیر صدارت ماہانہ کارکردگی اجلاس سنٹرل اسٹیشن اوکاڑہ میں منعقد ہوا۔ ڈسٹرکٹ ایمرجنسی آفیسر نے کارکردگی رپورٹ جاری کرتے ہوئے بتایا کہ ریسکیو1122اوکاڑہ کوگزشتہ ماہ کل 20857کالزموصول ہوئی ہیں جس میں 4964 ایمرجنسی کالز ہیں۔

11941غیر متعلقہ اورمس کالز، 3905 معلوماتی،29رونگ کالزاور 18فیک کالز ہیں۔ ایمرجنسی کال کا تناسب160کالز فی دن ہے۔4964 ایمرجنسیز میں 994روڈ ٹریفک حادثات، 3353میڈیکل، 97آگ لگنے کے واقعات،173کرائم اور347متفرق قسم کے حادثات شامل ہیں۔ روڈ ٹریفک حادثات میں 1090افراد متاثر ہوئے جن میں 08 افراد زخموں کی تاب نہ لاتے ہوئے جان بحق ہوئے جبکہ588 افراد کو موقع پر ہی ابتدائی طبی امداددی گئی اور494متاثرین کو طبی امداد دیتے ہوئے ہسپتال میں منتقل کیا گیا۔

آگ لگنے کے 97واقعات ہوئے جن میں 17کمرشل ایریا،20رہایشی علاقے اور 60واقعات دیگر علاقوں میں پیش آئے۔ آگ لگنے کی وجوہات میں شارٹ سرکٹ (22)،گیس لیکج(03)، نامعلوم (01)، دیگر(11)، کچن (02) اور لاپرواہی (58) بنی۔

ان واقعات میں بروقت ریسپانس کرتے ہوئے تقریباََ155 ملین سے زائدکی پراپرٹی کو محفوظ کیا۔ریسکیو موٹر بائیک سروس کے ذریعے 2185ایمرجنسیز پر3.79 کے ایوریج ریسپانس ٹائم سے بروقت ریسپانس کرتے ہوئے2139 افراد کو مدد فراہم کی۔

پیشنٹ ریفرل سسٹم کے تحت ضلع بھرمیں 398مریضوں کو بہتر طبی امداد کے حصول کیلئے منتقل کیا گیا۔ 159مریضوں کو ضلع بھر سے ڈسٹرکٹ ہیڈکوارٹر ہسپتال اوکاڑہ منتقل کیا گیا جبکہ239افراد کو بہتر طبی امداد کے حصول کیلئے ریسکیو1122 کے تربیت یافتہ عملہ کے زیرِ نگرانی میں دوسرے اضلاع کے ہسپتالوں میں منتقل کیا گیا۔

اوکاڑہ، باغی ٹی وی( نامہ نگار ملک ظفر ) پولیس کی بڑی کارروائی ، چوری کی وارداتوں میں مطلوب گینگ کا 1 رکن گرفتار ، 1 کروڑ 37 لاکھ 67 ہزار روپے کا مال مسروقہ برآمد

تفصیلات کے مطابق تھانہ منڈی احمد آباد پولیس نے کارروائی کرتے ہوئے شادی کی تقریبات میں طلائی زیورات اور خواتین کے بیگ سے نقدی چرانےکی وارداتوں میں مطلوب گینگ کے 01 رکن کو گرفتار کر کے 1 کروڑ 37 لاکھ 67 ہزار روپے کا مال مسروقہ برآمد کر لیا ، ملزم کے قبضہ سے 55 تولے طلائی زیورات اور 15 لاکھ روپے نقدی برآمد،

ملزم علی حسن عرف کامران شادی کی تقریبات میں طلائی زیورات اور خواتین کے بیگ سے نقدی چراتا تھا ، پولیس نے جدید سائنٹیفک طریقے اور ہیومن انٹیلیجنس کے ذریعےملزم کو مانگا منڈی سے گرفتار کیا ،

تین روز قبل ملزم اور اسکے ساتھیوں نے جھگیاں جٹاں میں شادی کی تقریب سے طلائی زیورات اور نقدی کو چوری کیا،ملزم کو چوری کی تربیت دینے والے گروہ کے سرغنہ و دیگر اراکین کی تلاش جاری ،

ڈی پی او نے کہاکہ شہریوں کے جان ، مال اور عزت کا تحفظ اوکاڑہ پولیس کی اولین ترجیح ہے ،

اوکاڑہ ،باغی ٹی وی( نامہ نگار ملک ظفر)اوکاڑہ پنجاب فوڈ اتھارٹی کی بڑی کاروائی ایکسپائر ناقص ملاوٹی مصالحہ جات اور چائنہ سالٹ کی بڑی مقدار پکڑ لی۔ ملزم گرفتار مقدمہ درج تمام مشینری ضبط۔

اوکاڑہ پنجاب فوڈ اتھارٹی کی ملاوٹ کرنے والوں کے خلاف بھرپور کارروائیاں جاری ہیں، ڈپٹی ڈائریکٹر عبدالعظیم فوڈ سیفٹی افیسر مس طاہرہ کلثوم اور ان کی ٹیم نے بڑی کارروائی کرتے ہوئے صمد پورہ روڈ پرناقص غیر معیاری ایکسپائر مصالحہ جات ۔سویاں چائنہ سالٹ کی بڑی مقدار پکڑ لی مصالحہ جات کو معروف کمپنیوں کے لیبل لگا کر پیک کیا جا رہا تھا۔۔

یونٹ مالک کے خلاف مقدمہ درج موقع پر گرفتار کر لیا گیا۔مصالحہ جات میں ناقص مضر صحت مٹیریل استعمال کیا گیا تھا، سیفٹی ٹیم نے تمام مٹیریل موقع پر ہی تلف کر دیا جبکہ تمام مشینری کو قبضہ میں لے کر دفتر میں جمع کروا دیا۔

اس موقع پر فوڈ سیفٹی آفیسر کا کہنا تھا کہ انسانی جانوں سے کھلواڑ کرنے والوں کے خلاف بھرپور کاروائیاں جاری رہیں گی۔