Category: اوکاڑہ

اوکاڑہ ڈسٹرکٹ پولیس آفیسر فیصل شہزاد کی ہدایت پر ڈی ایس پی صدر اور ڈی ایس پی سٹی کی زیر قیادت پولیس کا فلیگ مارچ فلیگ مارچ موجودہ ملکی حالات لاء اینڈ آرڈرکی صورت حال اور رمضان المبارک کے تناظر میں کیا گیا امن و امان کا قیام اولین ترجیح ہے بدامنی کے مرتکب افراد کے خلاف قانونی کارروائی عمل میں لائی جائے گی
رمضان المبارک کےحوالےسےترتیب دیئےگئے

سیکیورٹی پلان پر سختی سے عمل درآمد کرایا جارہا ہے فلیگ مارچ میں ضلعی پولیس سمیت ڈولفن فورس ایلیٹ پولیس ٹریفک پولیس اور ریسکیو 1122 نےحصہ لیا فلیگ مارچ تھانہ صدر سے شروع ہو کر بے نظیر روڑ تحصیل روڑ محبوب عالم چوک سمیت شہر کے مختلف علاقوں سے گزرتا ہوا ٹینک چوک پر اختتام پذیر ہوا۔

اوکاڑہ ڈپٹی کمشنر عامر عقیق خان نے کہا ہے کہ اللہ تعالیٰ کے فضل و کرم سے موجودہ مشکل صورتحال میں اوکاڑہ ڈینگی فری ہے ہمیں انسداد ڈینگی اقدامات کو اسی انداز میں جاری رکھنا ہے ہاٹ سپاٹس کی مسلسل نگرانی ،کباڑ مارکیٹوں ،ٹائر شاپس اور وئیر ہاوسز پر خصوصی توجہ دی جائے گوداموں ،گھروں اور دفاتر سمیت گھر سے باہر جگہوں کو خشک اور صاف رکھنے کے لئے ہر شخص اقدامات کرے ان خیالات کا اظہار انہوں نے انسداد ڈینگی کے جائزہ اجلاس کی صدارت کرتے ہوئے کیا اس موقع پر سی ای او ہیلتھ ڈاکٹر عبد المجید ،ڈسٹرکٹ اینٹا مالوجسٹ ڈاکٹر محمد اقبال سمیت تمام ضلعی محکموں کے سر براہان نے شرکت کی ۔

سی ای او ہیلتھ ڈاکٹر عبد المجید اورڈسٹرکٹ اینٹا مالوجسٹ ڈاکٹر محمد اقبال نے ضلع میں جاری ویکٹر سرویلینس،ہاٹ سپاٹس کی نگرانی اورٹیموں کی کار کردگی سے متعلق بریفنگ دی ڈپٹی کمشنر عامر عقیق خان نے ضلعی افسران کو ہدائیت کی کہ وہ روزانہ کی بنیاد پر اپنے اپنے دفاتر میں صفائی ستھرائی کے انتظامات کو خود چیک کریں اور دفاتر میں چھتوں کی صفائی کو یقینی بنایا جائے ۔

اوکاڑہ ڈپٹی کمشنر عامر عقیق خان کا سستے رمضان بازار ضیاء شہید لائبریری کا دورہ ۔ اشیائے ضروریہ کے سٹالز،چینی اور آٹے کے سٹالز کا معائنہ کیا ۔ ڈپٹی کمشنر عامر عقیق خان نے چینی کے سٹال پر چینی کے پیکٹوں کا وزن چیک کیا جبکہ آٹے کاموائسچر بھی چیک کیا ۔ انہوں نے کہا کہ پنجاب حکومت سستے رمضان بازاروں کے ریعے جو ریلیف عوام کو دینا چاہتی ہے اس سلسلہ میں ہر سستے رمضان بازار کے منتظمین بھر پور کاوشیں کریں اس سرکاری ذمہ داری کو فرض سمجھ کر ادا کریں اور لوگوں کی دعائیں لینے کے ساتھ ساتھ ثواب بھی کمائیں ۔ عامر عقیق خان نے کہا کہ معیاری اور مقررہ نرخوں پر عام مارکیٹ سے کم قیمت پر اشیائے خورونوش کی فراہمی کو ہر صورت میں یقینی بنایا جائے

سستے رمضان بازارو ں میں آٹا ،چینی ،گھی ،دالیں ،مشروبات ،گوشت انڈے ،پھلوں و سبزیوں کے معیار پر کوئی سمجھوتہ نہ کیا جائے اور ان کی تسلسل سے فراہمی کو یقینی بنایا جائے ۔ انہوں نے کہا کہ سستے رمضان بازاروں میں آنے والے خریداروں کی سہولت کو مقدم رکھا جائے ان کے بیٹھنے کے لئے بہترین انتظامات احسن انداز میں کئے جائیں پارکنگ کی سہولت اور سیکیورٹی پر کوئی سمجھوتہ نہ کیا جائے ۔

اوکاڑہ ترجمان ضلعی انتظامیہ و فوکل پرسن میڈیا برائے انسداد کروناڈپٹی ڈائریکٹر خورشید جیلانی نے کہا ہے کہ ضلع میں اس وقت کرونا کے 219مثبت کیس ہیں جن میں سے 4مریض ڈسٹرکٹ ہیڈ کو آرٹر ہسپتال اور ڈسٹرکٹ ہیڈ کو آرٹر ہسپتال ساءوتھ سٹی میں زیر علاج ہیں جبکہ 215مریض اپنے گھروں میں آئسو لیشن میں ہیں اور ان کا علاج کیا جا رہا ہے

ترجمان ضلعی انتظامیہ و فوکل پرسن میڈیا برائے انسداد کروناڈپٹی ڈائریکٹر خورشید جیلانی نے عوام سے اپیل کرتے ہوئے کہا ہے کرونا کے بڑھتے ہوئے مریضوں کے پیش نظر انتہائی احتیاط کی ضرورت ہے جس تیزی سے یہ مرض پھیل رہا ہے صرف احتیاط سے ہی اس سے بچا جا سکتا ہے انہوں نے کہا کہ انتہائی ضرورت کے تحت ہی ماسک لگا کر گھر سے باہر نکلیں اور بار بار صابن سے ہاتھ دھوئیں زیادہ رش والی جگہوں پر جانے سے گریز کریں

اوکاڑہ گراں فروشی اور انسداد کرونا ایس او پیز پر عمل در آمد کے لئے ڈپٹی کمشنر عامر عقیق خان کی ہدائیت پرضلعی افسران ان ایکشن ۔ تفصیلات کے مطابق تینوں تحصیلوں میں گذشتہ روز326شاپنگ مالز،دکانوں ، شادی ہالز،مارکیٹوں کو چیک کیا گیا خلاف ورزی پر54ہزار 5سورو پے جرمانہ کیا گیا ۔

سیکریٹری ڈسٹرکٹ رینجنل ٹرانسپورٹ اتھارٹی مہر محسن ریاض نے کاروائی کرتے ہوئے 39پبلک ٹرانسپورٹ کو چیک کیا 8گاڑیوں کا چالان اور 4ہزار روپے جرمانہ کیا ۔ ڈپٹی کمشنر عامر عقیق خان نے کہا کہ انسداد کرونا ایس او پیز پر عمل در آمد کے سلسلہ میں حکومتی ہدایات پر عمل درآمد کروانے کے لئے کوئی دقیقہ فروگذاشت نہیں کیا جائے گا

پنجاب حکومت نے جو ایس او پیز طے کی ہیں ان پر عمل در آمد کرنے سے ہی کرونا وباء سے بچا جا سکتا ہے عمل در آمد نہ کرنے والوں کے خلاف قانون کے مطابق کاروائی عمل میں لائی جائے گی ۔ انہوں نے کہا کہ گراں فروشی کرنے والے کسی بھی رعائیت کے مستحق نہیں ہیں افسران گراں فروشی کرنے والوں کے خلاف قانون کے مطابق کاروائی کو عمل میں لائیں ۔

گندم سے لوڈ چار ٹرک پکڑے گئے چاروں ٹرکوں میں 2570 بوریاں گندم موجود تھیں تھانہ حجرہ شاہ مقیم اور بصیرپور پولیس نے الگ الگ مقدمات درج کر لیے دو ڈرائیور گرفتار جبکہ دو فرار ہوگئے پنجاب حکومت کے احکامات کی روشنی میں ڈسٹرکٹ فوڈ کنٹرولر فیصل شریف نے ضلع بھر میں گندم کی غیر قانونی نقل و حرکت روکنے کے لیے محکمہ فوڈ کی ٹیمیں تشکیل دے رکھی ہیں

محکمہ فوڈ کی ٹیموں نے بصیرپور اور حجرہ شاہ مقیم کے علاقوں سے چار ٹرکوں کو پکڑ لیا ان ٹرکوں میں 2570 بوریاں گندم لوڈ تھیں جن کے پاس گرین لائسنس پر مٹ موجود نہ تھا جس کی اطلاع پولیس اسٹیشن حجرہ اور بصیرپور کو کی گئی اس دوران پولیس نے دو ڈرائیورز کو گرفتار کر لیا جبکہ دو افراد موقع سے فرار ہو گئے گرفتارہونے والے ڈرائیورز نے حجرہ پولیس کو بتایا کہ یہ گندم ماشااللّہ کمیشن شاپ حویلی لکھا کی ہے لیکن ان کے ہاس کوئ پرمٹ لائسنس نہ تھا جبکہ بصیر پور کے علاقہ سے پکڑے جانے والے دونوں ٹرکوں کے ڈرائیورز فرار ہو گئے پولیس بصیر پور نے اے ایف سی افضل کی مدعیت میں مقدمہ درج کر لیا

جبکہ تھانہ حجرہ میں فوڈ انسپکٹر کی مدعیت میں مقدمہ درج کر لیا ڈی ایف سی فیصل شریف کے مطابق 25 من گندم ایک گھر کی ضرورت کے لیے کافی ہے اس سے زائد گندم سٹاک کرنے یا بغیر پرمٹ نقل و حرکت پر پابندی ہے خلاف ورزی پر پنجاب فوڈ سٹنف ایکٹ 1958اور پرائس کنٹرول ایکٹ 1997کے تحت کارروائ ہوگی جس کی سزا تین سال قید اور تین لاکھ جرمانہ یا دونوں سزائیں ہیں ڈی ایف سی فیصل شریف کا کہنا تھا کہ پنجاب حکومت کی تمام پالیسیوں اور احکامات پر من و عن عمل کیا جائے گا خلاف ورزی پر محکمہ فوڈ کی ٹیمیں سخت کارروائ کریں گی ۔

اوکاڑہ گورنر پنجاب چوہدری سرور نے 25ون اے ایل میں واٹر فلٹریشن پلانٹ کا افتتاح کیا پی ٹی آئی کی مقامی قیادت کی بڑی تعداد نے بھی شرکت کی اس موقع پر گورنر پنجاب چوہدری سرور کا کہنا تھا کہ ہمارا فوکس صاف پانی ہے پنجاب بھر میں 4ارب سے زائد کے پینے کے صاف پانی کے منصوبے شروع کررہے ہیں پینے کے صاف پانی کی فراہمی کے لیے وزیراعلی اور ہم ایک پیج پر ہیں حکومت مہنگائی کو کنٹرول کرنے کے لیے ہنگامی بنیادوں پر کام کررہی ہے

کورونا وائرس اس وقت پوری دنیا کا مسئلہ ہے حکومت کی بہترین پالیسیوں کی وجہ سے پاکستان سب سے کم متاثر ہوا ہےپی ڈی ایم مفاد پرستوں کا ٹولہ ہے جلد اپنے منتقی انجام کو پہنچ جائے گاعوام تھوڑا صبر اور کریں پاکستان کا مستقبل تابناک ہے تمام ادارے ملکی ترقی کے لیے بہترین کام کررہے ہیں۔مریم نواز اور مولانا فضل الرحمان ذاتی مفادات کی جنگ لڑ رہے ہیں افسوس ہے کہ یہ لوگ ایک بھی ایسا اسپتال نہیں بنا سکے جہاں پر ان کا اپنا علاج تو ہوسکے۔

تحصیل رینالہ خورد یونین آف جرنلسٹس کی 11ویں سالگرہ کی شاندار تقریب کا انعقاد جس میں مہمان خصوصی پی ٹی آئی راہنماء ڈاکڑراظہر محمود،حاجی شفیق الرحمن ، نائب تحصیلدار چوہدری اظہر،صدر رینالہ پریس کلب راؤ عتیق گوہر،راؤ عمران علی واجد ایڈوکیٹ و دیگران مہمان گرامی یونین کے عہددران و ممبران نےبھر پور شرکت کی رینالہ یونین جرنلسٹس تحصیل رینالہ خورد کی 11ویں سالگرہ کا شاندار انعقاد مقامی ہوٹل فوڈ گارڈن میں کیا گیا تقریب میں سالگرہ کا کیک کاٹا گیا

اور پر تکلف ڈنر کا بھی اہتمام کیا گیا سالگرہ کے موقع پر مہمان خصوصی پی ٹی آئی راہنماء امیدوار سٹی مئیر ڈاکٹر اظہر محمود چوہدری ، سٹی صدر پی ٹی آئی حاجی شفیق الرحمن ظفر،نائب تحصیلدارچوہدری اظہر حسن، صدر بار اعظم جٹ،صدر رینالہ پریس کلب راؤ عتیق گوہر، معروف قانون دان راؤ عمران علی واجد ایڈوکیٹ سی او بلدیہ فیاض ہاشمی،ڈاکٹر طاہر حبیب،چوہدری عمر فاروق پٹواری نے خصوصی شرکت کی

شاندار تقریب میں بانی و چئیرمین رینالہ یونین آف جرنلسٹس عبدالغفار چوہدری ، وائس چئیرمین میاں عتیق الرحمن ، سرپرست چوہدری عبدالاسلام،صدر شیخ آصف علی ،جنرل سیکرٹری عمیر کاشف، ایڈیشنل جنرل سیکرٹری احمد نیر،سینئر نائب صدر میاں لیاقت علی نیر،نائب صدر راناعثمان، عمیس ظفر، میاں وقاص الرحمن ، سینئر صحافی رانا محمد کاشف، محمود شہزاد،لیگل ایڈوائزر چوہدری عثمان ضیاءایڈوکیٹ، و دیگران مہمان گرامی چوہدری بلال اشرف ایڈوکیٹ ،ملک عاصم،نے شرکت کی تقریب میں لیگل ایڈوائزر و اونر فوڈ گارڈن چوہدری عثمان ضیاء کے بیٹے کی پیدائش پر مٹھائی بھی کھلائی گئی ۔
۔

کھیلیں نوجوانوں میں مثبت رویے پیدا کرنے کےلیے بے حد ضروری ہیں وائس چانسلر
کھیلوں کے عالمی دن کے حوالے سے اوکاڑہ یونیورسٹی کے ڈیپارٹمنٹ آف اسپورٹس سائنسز نے ایک سیمینار کا انعقاد کیا ۔ یہ سیمینار انسٹیٹیوٹ آف پروفیشنل اسکلز ڈیویلپمنٹ کے اشتراک سے منعقد ہوا ‘امن اور ترقی میں کھیلوں کا کردار’ کے عنوان سے منعقد ہونے والے اس سیمینار میں شعبہ اسپورٹس سائنسز کے سربراہ شہباز ابراہیم اور شعبہ پبلک ہیلتھ کے سربراہ ڈاکٹر طیب منہاس سمیت فرحت آصف، عامر بلال اور ابوظفر صادق نے خطاب کیا

اس موقع پر اپنے خصوصی پیغام میں اوکاڑہ یونیورسٹی کے وائس چانسلر پروفیسر ڈاکٹر محمد زکریا ذاکر نے کہا کہ کھیلیں نوجوان نسل میں مثبت رویے پیدا کرنے اور انہیں مجرمانہ اور غیر اخلاقی سرگرمیوں سے دور رکھنے کےلیے بے حد ضروری ہیں شہباز ابراہیم کا کہنا تھا کہ مذہب کے بعد کھیلیں ہی وہ واحد ذریعہ ہیں جس میں افراد اور اقوام میں اتفاق رائے پیدا کیا جا سکتا ہے ڈاکٹر طیب نے بتایا کہ معاشرتی ہم آہنگی کےلیے کھیلیں اہم کردار ادا کرتی ہیں۔

عامر بلال نے اقوام متحدہ کے پائیدار ترقی کے اہداف حاصل کرنے میں کھیلوں کے کردار پہ روشنی ڈالی فرحت آصف کا کہنا تھا کہ کھیلیں نفسیاتی امراض کا شکار افراد کی بحالی کےلیے مفید ثابت ہو سکتی ہیں ابوذر صادق کے مطابق کھیلوں سے نوجوانوں میں اچھی اور کامیاب زندگی گزارے کی صلاحیت پیدا ہوتی ہے۔ سیمینار میں طلباء کی ایک بڑی تعداد نے کرونا ایس او پیز مد نظر رکھتے ہوئے شرکت کی۔