اوکاڑہ کے نواحی گاؤں حسین گڑھ میں ذاتی رنجش کے سامنے انسانیت بھی ہار گئی غریب مزدور قربان علی کی تین لاکھ روپے کی مالیتی بھینس عنا پرستی کی بھینٹ چڑھ گئی ملزمان عابد وغیرہ نے ذاتی رنجش کی بنا پر بھینس کو زہر کھلا کر مار ڈالا۔
متاثرین نے ملزمان کے خلاف احتجاج کرتے ہوئے ڈی پی او اوکاڑہ محمدفیصل شہزاد سے انصاف کا مطالبہ کیا ہے جبکہ مقامی پولیس کو عابد سمیت تین ملزمان کے خلاف درخواست جمع کروا دی گئی ہے جس پر پولیس نے کاروائی کا آغاز کر دیا ہے ۔
اوکاڑہ یونیورسٹی کے وائس چانسلر پروفیسر ڈاکٹر محمد زکریا ذاکر نے اپنے خصوصی پیغام میں کہا کہ کرونا وائرس کی وبا نے پوری دنیا کو ایک موقع فراہم کیا ہے کہ جدید انفارمیشن ٹیکنالوجی کو اپنا کر زندگی کو آسان اور با سہولت بنایا جائے کیونکہ اب افراد اور اقوام کا مستقبل اسی سے وابستہ ہےان کا مزید کہنا تھا کہ ترقی پزیر ممالک میں انفارمیشن ٹیکنالوجی کی طرف رجحان بہت سست تھا ۔
لیکن کرونا کی وبا نے اس عمل کو تیز کر دیا ہے اب وہ وقت آ گیا ہے جب ہمیں اپنا طرز زندگی جدید دنیا کے تقاضوں کے مطابق ڈھالنا ہو گا اور یہ تب ہی ممکن ہے جب ہم انفارمیشن ٹیکنالوجی کو ہر شعبہ زندگی میں اپنا کر اس سے استفادہ حاصل کریں اب بھی جو اقوام اس نظام کو نہ اپنا سکیں وہ بین الاقوامی کمیونٹی سے منقطع ہو کر رہ جائیں گے پروفیسر زکریا نے بتایا کہ کرونا وائرس کے پھیلاو اور اس کے نتیجے میں ہونے والے لاک ڈاون کی وجہ سے تعلیم، کاروبار، ابلاغیات اور دیگر روز مرہ معمولات میں انفارمیشن ٹیکنالوجی کا استعمال ناگزیر ہو چکا ہے۔
تعلیم کے میدان میں انفارمیشن ٹیکنالوجی کے استعمال پہ بات کرتے ہوئےوائس چانسلر نے کہا کہ وبا کے اختتام کے بعد بھی آن لائن لرننگ کسی نہ کسی صورت میں جاری رہے گی کیونکہ اس سے طلباء کے سفری اخراجات اور وقت بچتاہے، طلباء اور اساتذہ بین الاقوامی تعلیمی نظام کے ساتھ منسلک ہو کر مختلف نظریات سیکھتے ہیں اور ان کوڈیجیٹل لائبریریوں اور ڈیٹا بیس تک آسان رسائی میسر آتی ہے۔
اوکاڑہ کی تحصیل دیپالپور میں مجلس وحدت المسلمین سمیت مذہبی جماعتوں کا فلسطین کے حق میں اسرائیل مخالف احتجاج سینکڑوں کارکنوں و قائدین کی شرکت اسرائیل مخالف سخت نعرے بازی کی گئی دیپالپور میں مجلس وحدت مسلمین کے کارکنان و دیگر مذہبی جماعتوں نے سٹی پریس کلب دیپالپور کے سامنے فلسطین میں اسرائیلی جارحیت اور ظلم و بربریت کے خلاف احتجاجی مظاہرہ کیا گیا
اور اسرائیل مخالف سخت نعرے بازی کی گئی بعد ازاں پریس کانفرنس کرتے ہوئے رہنماؤں شیر الحسن، نوکر حسین، شبر رضا اور مولانا احمد نواز نے کہا کہ غزہ میں اسرائیلی بمباری سے نہتے مسلمانوں کو شہید کیا جا رہا ہے عالمی برادری اور مسلم امہ کے لیڈران خاموش تماشائی کا کردار ادا کر رہے ہیں اقوام متحدہ اور انسانی حقوق کی عالمی تنظیمیں فلسطینی عوام پر ہونے والی بربریت اور مظالم کا نوٹس لیں اور اس ظلم کو فوری روکا جائے۔
اوکاڑہ کے نواحی گاؤں 39 تھری آر میں ایک نوجوان مسیح لڑکے نے اسلام قبول کر لیا گاؤں کی جامع مسجد کے امام علی اکبر نے نوجوان کو کلمہ طیبہ پڑھا کر دائرہ اسلام میں داخل کیا گاؤں کے رہائشی رانا عبدالجبار نے مسجد میں کھڑے ہو کر وعدہ کیا کہ وہ اس نو مسلم لڑکے مستقبل کے تمام اخراجات اور فرائض ادا کرے گا ۔
نوجوان عبد الرحمن نے گاؤں کے معززین کے سامنے اعتراف کیا کہ اس نے اسلامی تعلیمات سے متاثر ہو کر دین اسلام کو اختیار کیا ہے یاد رہے یہ اس گاؤں کا تیسرا نوجوان ہے جو دائرہ اسلام میں داخل ہوا ہے۔
اوکاڑہ میں ڈسٹرکٹ پولیس آفیسر فیصل شہزاد کی ہدایت کے مطابق عید الفطر کے موقع پر منشیات فروشوں کے خلاف کریک تیز کر دیا گیا تھانہ صدر دیپالپور پولیس نے کارروائی کرتے
ہوئے دو ملزمان شہزاد اور تصور کو گرفتار کرکے 2کلو سے زائد چرس 80بوتلیں شراب اور بھاری مقدار میں شراب تیار کرنے والا خام مال برآمد کرلیا
دوسری جانب بصیرپور پولیس نے اکرم نامی منشیات فروش کو گرفتار کرکے 4 کلوگرام سے زائد چرس برآمد کر لی پولیس نے ملزمان کے خلاف مقدمات کا اندراج کر لیا ہے ۔
اوکاڑہ میں تھانہ صدر دیپالپور اور بصیرپور پولیس کی منشیات فروشوں کے خلاف کاروائیاں تین ملزمان گرفتار 6کلوگرام سے زاید چرس اور شراب کی کشید کرنے والی منی بھٹی پکڑ لی تیار شدہ شراب کی 80بوتلیں اور بھاری مقدار میں خام مال برآمد کر لیا گیا اوکاڑہ میں ڈسٹرکٹ پولیس آفیسر فیصل شہزاد کی ہدایت کے مطابق عید الفطر کے موقع پر منشیات فروشوں کے خلاف کریک تیز کر دیا گیا
I
تھانہ صدر دیپالپور پولیس نے کارروائی کرتے ہوئے دو ملزمان شہزاد اور تصور کو گرفتار کرکے 2کلو سے زائد چرس 80بوتلیں شراب اور بھاری مقدار میں شراب تیار کرنے والا خام مال برآمد کرلیا دوسری جانب بصیرپور پولیس نے اکرم نامی منشیات فروش کو گرفتار کرکے 4 کلوگرام سے زائد چرس برآمد کر لی پولیس نے ملزمان کے خلاف مقدمات کا اندراج کر لیا ہے ۔
اشتیاق احمد جٹ باغی ٹی وی ڈسٹرکٹ اوکاڑہ ۔
اوکاڑہ یوم علی کے موقع پر پنجاب پولیس کا اعزاداران کے خلاف جھوٹے مقدمات کا اندراج اور چادر چاردیواری کا تقدس پامال کرتے ہوئے رات کی تاریکی میں گرفتاریاں کرنا قابل افسوس ہے سخت مذمت کرتے ہیں مجلس وحدت المسلمین کے وبائی رہنما سید انوار زیدی کی دیگر رہنماؤں کے ہمراہ دیپالپور میں پریس کانفرنس
تفصیلات کے مطابق دیپالپور میں مجلس وحدت المسلمین پنجاب کے رہنما سید انوار زیدی نے دیگر رہنماؤں کے ہمراہ پریس کانفرنس کرتے ہوئے کہا کہ ہے کہ یوم علیہ السلام کے موقع پر پنجاب بھر میں اور بالخصوص دیپالپور میں پنجاب پولیس کی جانب سے اعزاداران کے خلاف من گھڑت مقدمات کا اندراج اور گھروں کی دیواروں کو پھلانگ کر چادر اور چاردیواری کا تقدس پامال کرتے ہوئے گرفتاریوں کی سخت مذمت کرتے ہیں
دوران گرفتاری پولیس نے گھریلو خواتین سے بھی بد اخلاقی کی گئی انہوں نے کہا کہ پر امن شہریوں کو آئین پاکستان میں مکمل مذہبی آزادی ہے مگر پولیس کا یہ عمل ناصرف شرمناک ہے بلکہ قابل مذمت بھی ہے انہوں نے حکومت پاکستان اور حکومت پنجاب سے مطالبہ کیا کہ گرفتار ہونے والے تمام اعزاداران کو فوری طور پر رہا کیا جائے اور شرمناک طریقے سے قانون کی دھجیاں اڑاتے ہوئے گرفتاریوں کا حصہ بننے والے اہلکاروں کے خلاف بھی کارروائی عمل میں لائی جائے
انہوں نے مزید کہا کہ کورونا وباء کے پھیلنے کے خدشے کے پیش نظر اپنا احتجاج پریس کانفرنس میں تبدیل کیا ہے اگر پولیس کا یہی رویہ رہا تو ملک بھر میں احتجاجی مظاہروں کی کال دے دی جائے گی ایسی صورت حال میں تمام تر ذمہ داری حکومت پر ہو گی ۔
اوکاڑہ میں ڈسٹرکٹ پولیس آفیسر فیصل شہزاد کی ہدایت پر اوکاڑہ پولیس کا منشیات فروشوں کے خلاف کریک ڈاؤن جاری ہے جس پر عمل کرتے ہوئے تھانہ شیرگڑھ کے ایس ایچ او عدنان رفیق نے کارروائی کرتے ہوئے ایک منشیات فروش محمد اشرف کو منشیات فروشی کرتے ہوئے رنگے ہاتھوں گرفتار کر لیا
ملزم کے قبضہ سے 2کلو سے زاید چرس برآمد کر لی گئی شیرگڑھ پولیس نے گرفتار ملزم اشرف کے خلاف مقدمہ درج کر لیا ایس ایچ او عدنان رفیق کا کہنا ہے کہ منشیات فروش معاشرے کا بدنما دھبہ ہیں جو محض چند ٹکوں کی خاطر نوجوان نسل کو تباہ کر رہے ہیں انکے خلاف بھرپور کارروائیوں کا سلسلہ جاری رہے گا ۔
دنیا اور پاکستان بھر کی طرح اوکاڑہ میں بھی فائر فائٹرز کا عالمی دن کو بھرپور جوش و جذبہ سے منایا گیا اس دن کے منانے کا مقصد فائر فائٹرز کی عظیم قربانیوں کو یاد کر کے خراج تحسین پیش کرنا ہے ڈسٹرکٹ ایمرجنسی آفیسر ظفر اقبال نے اس موقع پر پاکستان بھر کے فائر فائٹرز کو خراج تحسین پیش کیا
انہوں نے اپنے پیغام میں کہا کہ فائر فائٹرز ہمارے وہ ہیروز ہیں جو بڑی سی بڑی آگ اور مشکل ترین حالات میں اپنی جانوں کی پروا کیے بغیر آگ پر قابو پانے میں مصروف عمل ہوتے ہیں
محترم ڈائریکٹر جنرل ڈاکٹر رضوان نصیر (ستارہ امتیاز) کا پیغام عوام تک پہنچاتے ہوئے کہا کہ ہمیں بلڈنگ کوڈز 2016 کو نظر انداز کرنے کی بجائے اپنانا چاہیئے تاکہ ہم آگ کے بڑھتے ہوئے واقعات پر قابو پا سکیں
ان کا مزید کہنا تھا کہ ہمیں بطور ایک مہذب شہری ہونے کا ثبوت دیتے ہوئے بلڈنگ کوڈز 2016 اور ریسکیو 1122 کا ساتھ دیں تاکہ ایک محفوظ معاشرے کی بنیاد رکھی جا سکے فائر فائٹرز ڈے کے حوالے سے لوگوں میں آگاہی پمفلٹ بھی تقسیم کیے گئے جبکہ شہدائے ریسکیورز کی درجات بلندی کے دعا بھی کی گئی۔
ملک کولیکشن سنٹر میں کوکنگ آئل اور ویجیٹیبل گھی سے جعلی دودھ تیار کیا جارہا تھا ڈی جی فوڈ اتھارٹی فوڈ بزنس مالکان غیر قانونی طور پر لائسنس کے بغیر خوراک کا کاروبار کررہے تھےکارروائی کے دوران 550لٹر مضر صحت دودھ تلف کر دیا گیا
137کلو سکمڈ ملک پاؤڈر اور 120لٹر کوکنگ آئل بھی ضبط کر لیازہریلا دودھ اوکاڑہ اور مضافاتی علاقوں میں سپلائی کیا جانا ہے ڈی جی فوڈ اتھارٹی بنیادی غذاء میں جعلسازی کرنے والے معاشرے کے لیے ناسور ہیں رفاقت علی نسوآنہ
نت نئے طریقوں سے مضر صحت خوراک تیار کرنے والوں کو بے نقاب کیا جائے