اوکاڑہ(علی حسین) ڈاکٹر نے کم عمر بچے کو بدفعلی کا نشانہ بناڈالا۔ 6 نمبر چونگی اوکاڑہ سٹی میں ڈاکٹر حسن وٹو نے اپنے کلینک کے کم عمر ملازم نعمان کو زبردستی بدفعلی کا نشانہ بنا ڈالا۔ بچے کے والد کی مدعیت پر پولیس نے ملزم کو گرفتار کرکے مقدمہ درج کرلیا ہے۔
Category: اوکاڑہ
اوکاڑہ: رینالہ خورد یونیورسٹی آف اوکاڑہ میں ایک طالبہ کا کرونا ٹیسٹ پازیٹیو آگیا ۔
اوکاڑہ(علی حسین ) یونیورسٹی آف اوکاڑہ کی ایک طالبہ کا کرونا ٹیسٹ مثبت آگیا۔ متاثرہ طالبہ ماہم خلیل یونیورسٹی میں ایم فل کی تعلیم حاصل کررہی ہے۔ متاثرہ لڑکی کو ہیلتھ ٹیم اوکاڑہ نے گھر میں آئسولیٹ کردیا ہے۔ یاد رہے کہ یونیورسٹی کے 219افراد کے کرونا ٹیسٹ کیے گئے تھے جن میں متذکرہ طالبہ کا ٹیسٹ پازیٹیو آیا۔ ڈی ایچ او یونیورسٹی آف اوکاڑہ سجاد گیلانی نے باغی ٹی وی کو بتایا ہے کہ یونیورسٹی میں 12000طلباء کے کرونا ٹیسٹ کیت جائیں گے۔ تاہم ابھی یونیورسٹی میں ایم فل اور ایم اے کے طلباء کو بلایا گیا ہے۔
صدرگوگیرہ میں ٹاؤن کمیٹی دفتر کی منظوری دیدی گئی
اوکاڑہ(علی حسین) پی ٹی آئی رہنما چوہدری ارسلان گلزار بھٹی نےباغی ٹی وی کو بتایا ہے کہ صوبائی حکومت نے ٹاؤن کمیٹی صدر گوگیرہ کے دفتر کی تعمیر کی منظوری دیدی ہے۔یہ دفتر محکمہ لائیوسٹاک کی شہر میں خالی جگہ پر تعمیر ہوگا۔ یہ جگہ ساٹھ سال سے خالی پڑی ہوئی تھی، جس کا بہترین مصروف اب نظر آیا ہے۔ واضع رہے کہ ٹاؤن کمیٹی کا موجودہ دفتر ایک عارضی اور محدود جگہ پر قائم ہے ۔
دیپالپور میں دوران ڈکیتی اجتماعی زیادتی کا بڑا واقعہ
اوکاڑہ (علی حسین )دیپالپور کے نواحی دیہات اڈا صالحووال میں ایک محنت کش خالد کے گھر سات نامعلوم مسلح ڈاکو گھس آئے اور گن پوائنٹ پر گھر کا سامان لوٹنا شروع کردیا۔ دریں اثناء چار ڈاکوؤں نے محنت کش کی بیوی کیساتھ اجتماعی زیادتی کی ۔ ملزمان فرار ہوگئے ۔ اہل علاقہ نے دیپالپور ملتان روڈ بلاک کرکے احتجاج کیا۔ پولیس مصروف کاروائی ہے۔
الاوکاڑہ: صدرگوگیرہ کے نواحی قصبے فتح پور میں نامعلوم چور کروڑوں روپے مالیت کا سامان چوری کرکے فرار
اوکاڑہ(علی حسین) گوگیرہ کے نواحی قصبہ فتح پور میںچوری کی بڑی واردات ۔ چور مجموعی طور پراکیاسی لاکھ پچیس ہزار کے زیورات و نقدی چوری کرنے میں کامیاب ہو گئے۔تفصیلات کے مطابق گزشتہ رات گوگیرہ کے نواحی قصبہ فتح پور شریف میں رواں سال کی سب سے بڑی چوری کی واردات میں مجموعی طور پر 8125000روپے کا مال و زر چرا لیا گیا۔سید ثقلین عابد کاظمی اپنی فیملی کے ساتھ گھر میں سویا ہوا تھا کہ پانچ نامعلوم چور گھر کی دیواریں پھلانگ کر داخل ہو گئے ساتھ والے کمرے کا تالہ توڑکر کمرے میں موجود سیف الماری اور شو کیس کے تالے بھی توڑ کر 38تولہ سونا ، 65000روپے نقدی، 52000سعودی ریال، 12000امریکن ڈالراور دیگر سامان چوری کر کے مین گیٹ کے اندر سے تالہ توڑ کر رات کے اندھیرے میں فرار ہونے میں کامیاب ہو گئے۔صبح نماز کے لئے بیدار ہوئے تو کمرے کا تالہ ٹوٹا ہوا پایا تو پولیس کو اطلاع دی گئی گوگیرہ پولیس اور کرائم سین یونٹ نے موقع پر آ کر شواہد اکھٹے کئے اور نمونے لیبارٹری بجھوا دئیے تا حال پولیس نے چوری کا مقدمہ درج نہ کیا ہے۔
اوکاڑہ میں بڑے بھائی نے فائرنگ کرکے اپنے چھوٹے بھائی کو قتل کردیا۔
اوکاڑہ(علی حسین) اوکاڑہ سٹی میں تحصیل روڈ پر ایک بھائی نے فائرنگ کرکے اپنے سگے بھائی کو قتل کردیا۔ تحصیل روڈ ٹھنڈی سڑک پر موجود ریفریشمنٹ پوائنٹ ملا فروٹ چاٹ پر فروٹ چاٹ کھانے آئے تنویر عالم پر اسکے بڑے بھائی نے اچانک آکر فائرنگ شروع کردی۔ جس کیوجہ سے تنویر عالم شدید زخمی ہوگیا۔ حالت نازک ہونیکی بنا پر مضروب کو ڈسٹرکٹ ہسپتال ریفر کیا گیا لیکن وہ زخموں کی تاب نہ لاتے ہوئے جان کی بازی ہار گیا۔ قاتل تاحال فرار ہے۔ قتل کی وجہ فی الحال معلوم نہ ہوسکی۔ پولیس مصروف کاروائی ہے۔
اوکاڑہ: ڈی ایس پی سرکل ضیاء الحق ٹریفک حادثے میں زخمی
اوکاڑہ(علی حسین) رینالہ خورد کے قریب نیشنل ہائی وے پر ٹرک نے ڈی ایس پی سرکل کی سرکاری گاڑی کو ٹکرماردی، جس کے نتیجے میں ڈی ایس پی اپنے ڈرائیور سمیت شدید زخمی ہوگئے جبکہ گاڑی مکمل طور پر تباہ ہوگئی۔ ڈی ایس پی سرکل چوہدری ضیاالحق اپنی معمول کی گشت پر تھے۔ نیشنل ہائی وے رینالہ خورد کے قریب پیچھے سے آنیوالے مزدا ٹرک نے ڈی ایس پی کی سرکاری گاڑی کو ٹکر ماردی۔ ڈی ایس پی چوہدری ضیاء الحق اپنے ڈرائیور سمیت زخمی ہوگئے۔ ریسکیو کے عملے نے بروقت کاروائی کرتے ہوئے زخمیوں کو تحصیل ہیڈ کوارٹر ریفر کردیا ہے۔ حادثہ ٹرک ڈرائیور کی غفلت کیوجہ سے پیش آیا۔ ٹرک ڈرائیور جائے حادثہ سے فرار ہوگیا ہے۔ پولیس نے ٹرک قبضہ میں لے لیا ہے۔
اوکاڑہ، میاں عمر اصغر جیویکا کسان اتحاد کے سینئرنائب صدر نامزد
اوکاڑہ(علی حسین) سابق ایم پی اے میاں محمد اصغر جیویکا کے صاحبزادے اور ق لیگ اوکاڑہ کے سنیئرنائب صدر میاں عمر اصغر جیویکا کو کسان اتحاد کا ساہیوال ڈویژن کا سینئرنائب صدر نامزد کردیا گیا ہے۔
اوکاڑہ، موضع جوئیہ میں دو پریمی سانپوں کا جوڑا ظاہر ہوگیا
اوکاڑہ(علی حسین) موضع جوئیہ میں محنت کش کے گھر دو کالے سانپوں کا جوڑا نکل آیا۔ محمد اکرم کے گھر میں سانپ مکینوں کی طرح رہ رہے ہیں۔ کافی دیر بعد ظاہر ہوتے ہیں اور موج مستی کرکے غائب ہو جاتے ہیں۔
اوکاڑہ، موضع لشاریاں میں مسلح افراد کا مکان پر قبضہ کرنیکی کوشش، مزاحمت پر مکینوں پر تشدد اور اغواء کی کوشش
اوکاڑہ(علی حسین) موضع لشاریاں میں بیس مسلح افراد نے محنت کش جعفر علی کے مکان پر قبضہ کرنیکی کوشش کی۔ مزاحمت پر گھریلو سامان اٹھا کر گلی میں پھینک دیا۔ جعفر علی کی دو بیٹیوں اور بیوی حلیمہ پر تشدد کیا۔ داماد عمران اور بھانجے رفیق کو اغواء کرکے ایک ڈیرے پر لے گئے ۔ دیہاتیوں کے آنے پر انہیں چھوڑ کر فرار ہو گئے۔ پولیس نے ملزمان کے خلاف مقدمہ درج کر لیا ہے۔
