Category: اوکاڑہ

اوکاڑہ گورنر پنجاب چوہدری سرور نے 25ون اے ایل میں واٹر فلٹریشن پلانٹ کا افتتاح کیا پی ٹی آئی کی مقامی قیادت کی بڑی تعداد نے بھی شرکت کی اس موقع پر گورنر پنجاب چوہدری سرور کا کہنا تھا کہ ہمارا فوکس صاف پانی ہے پنجاب بھر میں 4ارب سے زائد کے پینے کے صاف پانی کے منصوبے شروع کررہے ہیں پینے کے صاف پانی کی فراہمی کے لیے وزیراعلی اور ہم ایک پیج پر ہیں حکومت مہنگائی کو کنٹرول کرنے کے لیے ہنگامی بنیادوں پر کام کررہی ہے

کورونا وائرس اس وقت پوری دنیا کا مسئلہ ہے حکومت کی بہترین پالیسیوں کی وجہ سے پاکستان سب سے کم متاثر ہوا ہےپی ڈی ایم مفاد پرستوں کا ٹولہ ہے جلد اپنے منتقی انجام کو پہنچ جائے گاعوام تھوڑا صبر اور کریں پاکستان کا مستقبل تابناک ہے تمام ادارے ملکی ترقی کے لیے بہترین کام کررہے ہیں۔مریم نواز اور مولانا فضل الرحمان ذاتی مفادات کی جنگ لڑ رہے ہیں افسوس ہے کہ یہ لوگ ایک بھی ایسا اسپتال نہیں بنا سکے جہاں پر ان کا اپنا علاج تو ہوسکے۔

تحصیل رینالہ خورد یونین آف جرنلسٹس کی 11ویں سالگرہ کی شاندار تقریب کا انعقاد جس میں مہمان خصوصی پی ٹی آئی راہنماء ڈاکڑراظہر محمود،حاجی شفیق الرحمن ، نائب تحصیلدار چوہدری اظہر،صدر رینالہ پریس کلب راؤ عتیق گوہر،راؤ عمران علی واجد ایڈوکیٹ و دیگران مہمان گرامی یونین کے عہددران و ممبران نےبھر پور شرکت کی رینالہ یونین جرنلسٹس تحصیل رینالہ خورد کی 11ویں سالگرہ کا شاندار انعقاد مقامی ہوٹل فوڈ گارڈن میں کیا گیا تقریب میں سالگرہ کا کیک کاٹا گیا

اور پر تکلف ڈنر کا بھی اہتمام کیا گیا سالگرہ کے موقع پر مہمان خصوصی پی ٹی آئی راہنماء امیدوار سٹی مئیر ڈاکٹر اظہر محمود چوہدری ، سٹی صدر پی ٹی آئی حاجی شفیق الرحمن ظفر،نائب تحصیلدارچوہدری اظہر حسن، صدر بار اعظم جٹ،صدر رینالہ پریس کلب راؤ عتیق گوہر، معروف قانون دان راؤ عمران علی واجد ایڈوکیٹ سی او بلدیہ فیاض ہاشمی،ڈاکٹر طاہر حبیب،چوہدری عمر فاروق پٹواری نے خصوصی شرکت کی

شاندار تقریب میں بانی و چئیرمین رینالہ یونین آف جرنلسٹس عبدالغفار چوہدری ، وائس چئیرمین میاں عتیق الرحمن ، سرپرست چوہدری عبدالاسلام،صدر شیخ آصف علی ،جنرل سیکرٹری عمیر کاشف، ایڈیشنل جنرل سیکرٹری احمد نیر،سینئر نائب صدر میاں لیاقت علی نیر،نائب صدر راناعثمان، عمیس ظفر، میاں وقاص الرحمن ، سینئر صحافی رانا محمد کاشف، محمود شہزاد،لیگل ایڈوائزر چوہدری عثمان ضیاءایڈوکیٹ، و دیگران مہمان گرامی چوہدری بلال اشرف ایڈوکیٹ ،ملک عاصم،نے شرکت کی تقریب میں لیگل ایڈوائزر و اونر فوڈ گارڈن چوہدری عثمان ضیاء کے بیٹے کی پیدائش پر مٹھائی بھی کھلائی گئی ۔
۔

کھیلیں نوجوانوں میں مثبت رویے پیدا کرنے کےلیے بے حد ضروری ہیں وائس چانسلر
کھیلوں کے عالمی دن کے حوالے سے اوکاڑہ یونیورسٹی کے ڈیپارٹمنٹ آف اسپورٹس سائنسز نے ایک سیمینار کا انعقاد کیا ۔ یہ سیمینار انسٹیٹیوٹ آف پروفیشنل اسکلز ڈیویلپمنٹ کے اشتراک سے منعقد ہوا ‘امن اور ترقی میں کھیلوں کا کردار’ کے عنوان سے منعقد ہونے والے اس سیمینار میں شعبہ اسپورٹس سائنسز کے سربراہ شہباز ابراہیم اور شعبہ پبلک ہیلتھ کے سربراہ ڈاکٹر طیب منہاس سمیت فرحت آصف، عامر بلال اور ابوظفر صادق نے خطاب کیا

اس موقع پر اپنے خصوصی پیغام میں اوکاڑہ یونیورسٹی کے وائس چانسلر پروفیسر ڈاکٹر محمد زکریا ذاکر نے کہا کہ کھیلیں نوجوان نسل میں مثبت رویے پیدا کرنے اور انہیں مجرمانہ اور غیر اخلاقی سرگرمیوں سے دور رکھنے کےلیے بے حد ضروری ہیں شہباز ابراہیم کا کہنا تھا کہ مذہب کے بعد کھیلیں ہی وہ واحد ذریعہ ہیں جس میں افراد اور اقوام میں اتفاق رائے پیدا کیا جا سکتا ہے ڈاکٹر طیب نے بتایا کہ معاشرتی ہم آہنگی کےلیے کھیلیں اہم کردار ادا کرتی ہیں۔

عامر بلال نے اقوام متحدہ کے پائیدار ترقی کے اہداف حاصل کرنے میں کھیلوں کے کردار پہ روشنی ڈالی فرحت آصف کا کہنا تھا کہ کھیلیں نفسیاتی امراض کا شکار افراد کی بحالی کےلیے مفید ثابت ہو سکتی ہیں ابوذر صادق کے مطابق کھیلوں سے نوجوانوں میں اچھی اور کامیاب زندگی گزارے کی صلاحیت پیدا ہوتی ہے۔ سیمینار میں طلباء کی ایک بڑی تعداد نے کرونا ایس او پیز مد نظر رکھتے ہوئے شرکت کی۔

پنجاب حکومت گندم خریداری کا ٹارگٹ پورا کرنا چاہتی ھے تو فوڈ ڈیپارٹمنٹ میں کرپٹ فوڈ انسپکٹروں کو فوڈ سنٹر نہ دیئے جائیں ، کالی بھیڑوں کومحمکے سے نکالے بلاجواز کٹوتیاں اور اضافی 1کلوکی ڈیمانڈ ختم کرےاور کیمپوٹرائز کانٹا سے خریداری کرےپنجاب حکومت 50 لاکھ میٹرک ٹن ٹارگٹ خریداری مقرر کرے 35 لاکھ میٹرک خریداری سے گندم کابحران آسکتا ھے

کیونکہ کےپی کے ذریعے گندم شمالی ملکوں کی طرف سمگلنگ ھوجاتی ھے مافیا اربوں روپیہ کماتا ھے، یہ سب کچھ محکمہ فوڈ کی ملی بھگت سے ھوتا ھے پنجاب میں محکمہ فوڈ ھی آٹے اور گندم کے بحران کا ذمہ دار ھے ، گزشتہ تین برسوں میں جن فوڈ انسپکٹروں پہ کرپشن کے الزامات ہیں اور گندم کا وزن پورا کرنے کےلئے مٹی ریت مکس کرنے والی کالی بھیڑوں کو فوڈ سنٹر الاٹ نہ کیئے جائیں

اسسٹنٹ کمشنر اوکاڑہ احمد سعید منج کا ضلع میں جاری پولیو مہم کے تیسرے روز 53ٹو ایل اور اس سے ملحقہ آبادیوں کا دورہ انہوں نے 53ٹو ایل سے ملحقہ آبادیوں کا دورہ کرتے ہوئے 5سال سے کم عمر بچوں کی انگلیوں پر پولیو ویکسئین کے قطرے پلائے جانے کے بعد لگائے جانے والے نشانات چیک کئے انہوں نے گھر گھر جا کر پولیو ٹیموں کی کار کردگی سے متعلق اور 5سال سے کم عمر بچوں کو قطرے پلانے سے متعلق دریافت کیا

انہوں نے پولیو ورکرز کو شاباش دیتے ہوئے کہا کہ انشاء اللہ وہ وقت دور نہیں جب ہم پاکستان کو پولیو فری بنانے میں کامیاب ہو جائیں گے انہوں نے کہا کہ پولیو سے بچاؤ کے یہ قطرے 5سال سے کم عمر بچوں کے لئے انتہائی ضروری ہیں کیونکہ یہ انہیں عمر بھر کی معذوری سے بچاتے ہیں

انہوں نے کہا کہ سو فیصد کوریج کے لئے ورکرز بھر پور محنت کریں اس موقع پر اسسٹنٹ کمشنر احمد سعید منج نے 5سال سے کم عمر بچوں کو پولیو سے بچاؤ کی ویکسیئن کے قطرے پلائے اور مارکر سے انگلیوں پر نشان بھی لگائے ۔