Category: اوکاڑہ

اوکاڑہ(علی حسین) اوکاڑہ کے نواحی علاقہ تھانہ راوی کی حدود میں 16 سالہ نوجوان کو 12 جی ڈی کے قریب نامعلوم افراد نے فائرنگ کر کے ن قتل کر ڈالا نوجوان کی شناخت محبوب ولد شہادت کے نام سے ہوئی ہے پولیس تھانہ راوی موقع پر پہنچ گئی پولیس نے نعش کو قبضے میں لے کر مزید کارروائی شروع کردی قتل کی وجہ معلوم نہیں ہو سکی۔ مزید تفصیلات کا انتظار ہے۔

اوکاڑہ(علی حسین ) حکومت پاکستان کی جانب سے نافذ کیے گئے ملک گیر سمارٹ لاک ڈاؤن کو اوکاڑہ مین بازار کے تاجروں نے ماننے سے صاف انکار کردیا ۔ پولیس تھانہ اے ڈویژن اور بی ڈویژن سے پولیس کی بھاری نفری موقع پر پہنچ گئی۔ تاجروں اور پولیس کے مابین تلخ کلامی ہوئی ۔ تاجروں نے حکومتی حکم ماننے سے انکار کرتے ہوئے حق بازار ، صدر بازار، کچہری بازار اور ریل بازار میں دکانیں کھول لیں۔ پولیس کے پہنچنے پر دکانداروں کی بڑی تعداد احتجاج کے لیے اکٹھا ہوگئی جس پر اوکاڑہ پولیس نے مظاہرین کو مشتعل کرنا شروع کردیا۔ دکانداروں اور تاجروں نے باغی ٹی وی کو بتایا ہے کہ عید سے قبل لاک ڈاؤن کا نفاذ غیر اخلاقی عمل ہے۔ انہوں نے بتایا کہ عید سے کئی دن قبل عید کی تیاری کے لیے خریداروں کے لیے سٹاک جمع کررکھا تھا جو عید سے قبل فروخت کرنا تھا لیکن حکومتی پالیسی کی وجہ سے کاروبار میں نقصان یقینی ہے ۔

اوکاڑہ(علی حسین ) رینالہ خورد کے قریب نیشنل ہائی وے پر ٹریکٹر ٹرالی اور ٹرالر کے تصادم میں دو شخص جاں بحق ہو گئے۔ ریسکیو اوکاڑہ کا طبی عملہ فوراََ جائے حادثہ پر پہنچ گیا۔جائے حادثہ پر لوگوں کا ہجوم اکٹھا ہوگیا تاہم موٹر وے پولیس کی جانب سے روڈ کلیئر کردیا گیا ہے۔ یاد رہے کہ گزشتہ دنوں اسی روڈ پر حادثے میں ایک ہی گھر کے پانچ افراد جان کی بازی ہار گئے تھے۔

اوکاڑہ(علی حسین) صدر گوگیرہ کے قریب دریائے راوی میں مچھلیوں کا شکار کرتے ہوئے ایک شخص امانت علی سکنہ 33 ٹوآر ڈوب گیا۔ پولیس اور ریسکیو کا عملہ لاش کی تلاش میں مصروف ہے۔

اوکاڑہ(علی حسین ) حجرہ شاہ مقیم میں بدبخت بیٹے نے گھریلو رنجش کی بنا پر اپنے حقیقی باپ کو فائرنگ کرکے قتل کردیا۔ پولیس نے بروقت کاروائی کرتے ہوئے ملزم کو اسلحہ سمیت گرفتار کرلیا۔ تفصیلات کے مطابق حجرہ شاہ مقیم کے چونیاں چوک کے رہائشی باپ بیٹے کا گھریلو تنازع شدت اختیار کرگیا ، جس کی بنا پر رمضان نامی بدنصیب بیٹے نے اپنے حقیقی باپ 55 سالہ سخی محمد کو فائرنگ کرکے قتل کردیا۔ تھانہ حجرہ شاہ مقیم پولیس نے بروقت کاروائی کرتے ہوئے رمضان کو گرفتار کرکے مقدمہ درج کر لیا ہے۔

اوکاڑہ(علی حسین) ضلع اوکاڑہ کی معروف مذہبی روحانی شخصیت، مصنف کتب کثیرہ، شاعر و ادیب پیر سید افضال حسین گیلانی رضائے الٰہی سے انتقال کر گئے۔ مرحوم کو ان کے آبائی علاقے وسطی سادات عظام شیخو شریف میں سپرد خاک کیا جائیگا۔ سوگواران میں ہزاروں افراد چھوڑ گئے۔

اوکاڑہ(علی حسین) نوعمر لڑکا ریحان ٹیوب ویل پر نہاتے ہوئے کرنٹ لگنے سے جاں بحق ہوگیا۔ متوفی نویں کلاس کا طالبعلم اور والدین کا اکلوتا بیٹا تھا۔

اوکاڑہ(علی حسین) پولیس چوکی جندراکہ کے سب انسپکٹر نے پولیس ٹیم کے ہمراہ نواحی قصبہ چاہ کوٹھیانوالہ میں چھاپہ مار کر شراب کشید کرنے والی چالو بھٹی پکڑ لی۔ شراب کشید کرنے والے صدی احمد ولد محمد انور کو رنگے ہاتھوں گرفتار کرکے مقدمہ درج کر لیا ہے۔ تھانہ بصیر پور کی پولیس نے کاروائی کرتے ہوئے منشیات فروش غلام مرتضیٰ ولد محمد طفیل سکنہ جسوکے سے 2220گرام چرس برآمد کرلی۔ ملزم کو گرفتار کرکے مقدمہ درج کر لیا گیا ہے۔

اوکاڑہ(علی حسین) اوکاڑہ پولیس نے کاروائی کرتے ہوئے چار افراد کو ناجائز اسلحہ کی نمائش کرنے پر گرفتار کرلیا۔ گرفتار ہونیوالے افراد میں مظہر، عثمان، بابر اور قدیر وغیرہ شامل ہیں۔ ترجمان پولیس کے مطابق ڈی پی او اوکاڑہ عمرسعید ملک کی ہدایات پر ضلع بھر میں ناجائز اسلحہ رکھنے والوں، جواریوں اور منشیات فروش جرائم پیشہ عناصر کے خلاف بلاتفریق آپریشن جاری ہے۔ تھانہ چوچک کی پولیس نے ناجائز اسلحہ کی نمائش کرنے اور لوگوں میں خوف و ہراس پھیلانے کیوجہ سے چار افراد کو گرفتار کرکے مقدمہ درج کرلیا ہے۔

اوکاڑہ( علی حسین)اوکاڑہ کے نواحی گاؤں چوچک میں نماز پڑھا کر واپس گھرجانیوالا امام مسجد دروازے سے کرنٹ لگنے سے جانبحق ہوگیا۔گھر میں موجود بیٹا بھی باپ کی نعش دیکھ کر صدمے سے چل بسا۔تفصیلات کے مطابق چوچک کے نواحی گاؤں موضع چاکر کے پار کا امام مسجد نماز پڑھا کر واپس گھر پہچا تو دروازے سے کرنٹ لگنے سے امام مسجد موقع پر جانبحق ہوگیا ۔گھر میں موجود بیٹا بھی باپ کی نعش دیکھ کر صدمے سے ہارٹ اٹیک سے چل بسا ۔ مرنے والوں میں مقبول حسین امام مسجد اور بیٹا بابر علی جو فرسٹ ایئر کا سٹوڈنٹ تھا علاقہ کی فضا سوگوار دونوں میتوں کو اہوں اور سسکیوں میں سپرد خاک کیا گیا۔