Category: اوکاڑہ

منظور احمد ولد طالب حسین قوم بلوچ سکنہ چک نمبر31/ 4ایل تحصیل و ضلع اوکاڑہ محنت مزدوری کرتا ہے مورخہ 29/ 30 اگست کی درمیانی شب بوقت رات 1:30 بجے سائل و پسر یاور منظور جس کو درد شکم ہونے کی وجہ سے جنید اللہ خان ولد اللہ دتہ قوم بلوچ سکنہ چک نمبر31/فور ایل اوکاڑہ شب کو پرائیویٹ میڈیکل سٹور مالک کے گھر پر بغرض طبی امداد گئے اور ہم نے سٹور مالک کو کہا کہ بچے کو درد شکم ہے

اس کو کوئی میڈیسن دیں بچہ بہت زیادہ تکلیف میں ہے تو سٹور مالک نے کہاکہ میں میڈیکل سٹور کھولکر اسے میڈیسن دے دیتا ہوں جب میڈیکل سٹور کا مالک اور ہم میڈیکل سٹور کے قریب پہنچے اتنے میں شاہ بھور تھانہ پولیس کی 2 وین آ گئی جو غالبا” معمول کے گشت پر تھیں اس میں موجود شاہ بھور تھانہ پولیس کے اے ایس آئی سعی خان، اے ایس آئی عطاء محمد، کانسٹیبلان آصف، عبداللہ و آٹھ نامعلوم پولیس ملازمین شامل تھے ہمیں روکا ہم نے بتایا کہ ہم بچے کو بغرض طبی امداد میڈیکل سٹور پر لے جا رہے ہیں بچے کو بہت زیادہ درد ہے ہمیں برلب سڑک روک کر ہماری ایک نہ سنی ہمیں تھپڑوں اور لاٹھیوں سے مارا اور زد و کوب کرنا شروع کر دیا

جس سے میڈیکل کا مالک جنید بے ہوش ہو گیا اور ہولیس اہلکاران نے مجھ سے مبلغ 5 ہزار اور جنید کی جیب سے مبلغ 10 ہزار جو بغرض علاج معالجہ ساتھ لائے تھے زبردستی چھین لیے۔ ہمارے شور و واویلا سے ساکنان دیہہ افراد حبیب اللہ ولد میاں سرور، اظہر اقبال ولد بشیراحمد واقعہ کے گواہان بھی ہیں موقع پر پہنچ گئے ان کو دیکھ کر پولیس والوں نے مجھے اور میرے بیٹے کو پولیس گاڑی پر بیٹھا کر لے گئے اور دو کلو میٹر دور لے جا کر ویرانے میں مجھے لاتوں سے ٹھڈےاور میرے بچے کو تھپڑوں سے مارا مریض کو درد شکم کی شدت کی تکلیف کی وجہ سے گاڑی روک کر دھکے دے کر گاڑی سے نیچے اتارا اور رقم سے محروم کر کے چلتے بنے۔ میری آئی جی پنجاب، آر پی او ساہیوال، ڈی پی او اوکاڑہ سے اپیل ہے کہ مزکورہ پولیس ملازمین جو عوام کو تحفظ دینے کی بجائے ہمیں لوٹا اور ہم پر بہیمانہ تشدد کیا اس کا نوٹس لے کر ہمیں انصاف فراہم کیا جائے ہم آپ سے انصاف کی توقع رکھتے ہیں ۔

اشتیاق احمد جٹ باغی ٹی وی ڈسٹرکٹ اوکاڑہ ۔

ڈی پی او اوکاڑہ فیصل شہزاد کے حکم پر مہر ندیم افضال DSP سٹی سرکل کی زیر نگرانی اعجاز احمد ڈوگر انسپکٹر SHO بی ڈویژن اور ان کی ٹیم نے منشیات فروشوں کے خلاف کریک ڈاؤن کرتے ہوئے

ملزم مسمی محمود احمد ولد عبد الغفور سکنہ ارشاد ٹاؤن اوکاڑہ سے 100 لیٹر شراب دیسی برآمد کی جس پر مقدمہ درج کر لیا گیا ایس ایچ او کا کہنا تھا کہ ہمیں ڈی پی او اوکاڑہ فیصل شہزاد صاحب کی طرف سے واضح ہدایات ہیں کہ منشیات فروشوں کو کیفر کردار تک پہنچانا ہے.

اوکاڑہ یونیورسٹی میں یوم پاکستان کی تقریبات، سیمینارز اور خصوصی لیکچرز کا انعقاد کیا گیا ، وائس چانسلر پروفیسر زکریا ذاکر تقریبات شعبہ ابلاغیات، سیاسیات اور بین الاقوامی تعلقات کی جانب سے منعقد کی گئیں نوجوان نسل میں نظریہ پاکستان کا شعور بیدار کرنا بہت ضروری ہے:

اوکاڑہ یونیورسٹی میں یوم پاکستان کے حوالے سے مختلف تقریبات منعقد ہوئیں جن میں سیمینارز اور خصوصی لیکچرز شامل ہیں۔ پہلا سیمینار شعبہ ابلاغیات نے منعقد کیا جب کہ شعبہ سیاسیات اور شعبہ بین الاقوامی تعلقات نے مل کر ایک سیمینار کا انعقاد کیا۔ ان تقریبات کا مقصد طلباء میں یوم پاکستان کی اہمیت اور حساسیت اجاگر کرنا تھا اس موقع پر اوکاڑہ یونیورسٹی کے وائس چانسلر پروفیسر ڈاکٹر محمد زکریا ذاکر نے اپنے خصوصی پیغام میں کہا کہ نوجوان نسل میں دو قومی نظریے کی اہمیت کا شعور بیدار کرنا اور ان کو یہ باور کرانا کے ہمارے اجداد نے برصغیرکے مسلمانوں کے لیے ایک الگ وطن حاصل کرنے کی خاطر کتنی قربانیا ں دی ہیں بے حد ضروری ہے۔

تحریک پاکستان میں میڈیا کے کردار پہ روشنی ڈالتے ہوئے شعبہ ابلاغیات کے سربراہ ڈاکٹر زاہد بلال کا کہنا تھا کہ صحافت کا اصل مقصد پسماندہ طبقات کو تقویت دینا اور معاشرے میں مثبت تبدیلی پیدا کرنے کےلیے کوشش کرنا ہے۔شعبہ سیاسیات کے سربراہ عثمان شمیم نے ان سارے واقعات کا ذکر کیا جو قرارداد پاکستان کی وجہ بنے اور طلباء کو اس بات کی ترغیب دی کہ وہ ملک میں جمہوریت اور قانون کی بالادستی کے فروغ کےلیے کوشش کریں۔ شعبہ بین الاقوامی تعلقات کی سربراہ فاخرہ شاہد نے بتایا کہ دو قومی نظریہ ہماری طاقت ہے اور ہمیں اس پہ فخر کرنا چاہیے تاکہ بین الاقوامی سطع پر ہم اپنی منفرد شناخت کو قائم رکھ سکیں۔
اس موقع پر طلباء نے ملی نغمے پیش کیے اور پرچم کشائی بھی کی گئی۔

اشتیاق احمد جٹ باغی ٹی وی ڈسٹرکٹ اوکاڑہ ۔

اوکاڑہ تھانہ صدر پولیس کی بڑی کارروائی بین الاضلاعی ڈکیت گینگ عثمان عرف عثمانی اور مقبول عرف کولی ڈکیت گینگ کے 5 کارندے گرفتار
دو کروڑ روپے سے زائد مالیت کا مال مسروقہ برآمد کر کے اصل مالکان کے حوالے کر دیا

ڈی ایس پی جاوید اختر عرف جتوئی نے بتایا کہ مال مسروقہ میں 43 لاکھ روپے نقدی، 30 لاکھ روپے کے مال مویشی،8 موٹر سائیکل،6 ٹریکٹر ٹرالے شامل ہیں۔
ملزمان روڈز کے اوپر راہگیروں کو ناکہ لگا کر لوٹتے تھے

ملزمان مکئی مونجی اور آلو وغیرہ کے لوڈڈ ٹرالے چھین کر دوسرے اضلاع کی منڈیوں میں فروخت کرتے تھے گرفتار ملزمان میں رضوان،اصغر،شاہد،عثمان اور مقبول عرف کولی شامل ہیں ، کولی گینگ کے دو کارندے فخر حیات اور اشرف فرار ہیں جن کی گرفتاری کے لیے چھاپے جاری ہیں ۔

اشتیاق احمد جٹ باغی ٹی وی ڈسٹرکٹ اوکاڑہ

اوکاڑہ میں پوسٹ گریجویٹ کالج کے طلباء کا اوکاڑہ فیصل آباد روڈ پر احتجاجی مظا ہرہ طلباء نے اوکاڑہ فیصل آباد روڈ بلاک کر دی اوور ہیڈ برج پر گاڑیوں کی لمبی قطاریں لگ گئیں , طلباء کا مطالبہ ہے کہ بی اے کےسالانہ امتحانات میں توسیع کی جائے پولیس کی بھاری نفری موقع پر پہنچ گئی مذاکرات جاری ٹریفک بلاک ہونے سے مسافروں کو پریشانی کا سامنا ۔

اوکاڑہ پنجاب فوڈ اتھارٹی کا حجرہ شاہ مقیم میں واٹر پلانٹ پر چھاپہ دھوکا دہی اور جعل سازی پر لبرا انٹرپرائزز کو سیل کر دیا غیر معیاری پانی کی بوتلوں پر معروف برانڈز کی جعلی لیبلنگ کی جارہی تھی ،کارروائی سے بچنے کے لیے پیکنگ پر غلط پتہ درج کیا گیا تھا پیکنگ مٹیریل کے لیے کوئی بھی فوڈ گریڈ سرٹیفکیٹ واضح نہ کیا گیافلنگ ایریا میں چھپکلیاں اور حشرات کی موجودگی بھی پائی گئی دوران کارروائی 675لٹر ڈرنکنگ واٹر برآمد کر لیاگیا خوراک کے نام پر دھوکہ دہی کرنے والے معاشرے کے لیے ناسور ہیں محکمہ فوڈ صحت بخش خوراک صحت مند معاشرے کی تشکیل ہے

اشتیاق احمد جٹ باغی ٹی وی ڈسٹرکٹ اوکاڑہ ۔

حجرہ شاہ مقیم تھانہ حجرہ شاہ مقیم کے علاقہ شریں بتھنہ میں باپ نے جوان بیٹی کو آگ لگا کر زندہ جلا ڈالا ، اوکاڑہ کے نواحی قصبے حجرہ شاہ مقیم میں 20 سالہ صباء بی بی علاقہ مکینوں کا کہنا ہے کہ صبا والد کی غیر عورتوں سے ناجائز تعلقات استوار کرنے سے منع کرتی تھی۔ اس رنج پر ظالم باپ یار محمد نے جوان بیٹی کو زندہ جلا کر مار ڈالا
مقامی پولیس تھانہ حجرہ موقع پر پہنچ گئی

واقعہ کی تحقیقات جاری ہے ابتدائی طور پر ابھی کچھ کہنا قبل از وقت ہے،باپ کے مطابق میاں بیوی کی لڑائی ہوئی تھی تو لڑکی نے دل برداشتہ ہو کر خود کو آگ لگائی جبکہ لڑکی کے ماموں کے مطابق لڑکی کو اسکے باپ نے آگ لگائی ، لڑکی کا باپ بد کردار آدمی ہے علاقہ مکیناسکے باپ کو شخصی ضمانت چھوڑ دیا گیا ہے ۔

اشتیاق احمد جٹ باغی ٹی وی ڈسٹرکٹ اوکاڑہ ۔