Category: اوکاڑہ

اوکاڑہ کی تحصیل دیپالپور میں محکمہ ریونیو رجسٹری برانچ میں رشوت کا بازار گرم، رشوت دوگے تو رجسٹری ہوگی ورنہ سائلین کا خوار ہونا معمول بن گیا نیوز کے اسٹنگ آپریشن نے رجسٹری برانچ کے اہلکاروں کی سائلین سے رشوت خوری کا بھانڈا پھوڑ دیا رجسٹری محرر طفیل اور جمشید کی بے خوف و خطر رشوت لینے کی تصویریں Baaghi TV نے حاصل کرلی فوٹیج میں واضح دیکھا جاسکتا ہے

رجسٹری کیلئے سائل سے ہزاروں روپے رشوت وصول کی جارہی ہے رجسٹری برانچ میں میں روزانہ کی بنیاد پر سائلین سے لاکھوں روپے رشوت وصول کرکے اعلی افسران تک حصہ پہنچایا جاتا ہے سائلین نے وزیراعظم ، وزیر اعلی پنجاب سے نوٹس لیکر رجسٹری برانچ کے تمام عملہ کو نوکری سے نکال کر انکے خلاف قانونی کارروائی کا مطالبہ کیا ہے .

حجرہ شاہ مقیم بیمار ماں کو ڈاکٹر کے پاس لیکر جانیوالی بیٹی راستے میں اغواء کرلی گئی خاتون سمیت پانچ مسلح افراد مغویہ کو حرام کاری کیلئےکار میں ڈال کر فرار ہوگئے، ماں بیٹی ڈاکٹر سے دوائی لینے جارہی تھیں کہ بھوکن چوک کے قریب ملزمان نے گھیر لیاآسیہ بتول کو بازیاب کرایا جائے مغویہ کی ماں کا وزیر اعلیٰ اورآئی جی پنجاب سے مطالبہ پولیس نے علی رضا،عدیل وغیرہ پانچ ملزمان کے خلاف مقدمہ درج کر لیاپولیس فرار ملزمان کی تلاش اور مغویہ کی بازیابی کیلئے چھاپے مار رہی ہے .

اشتیاق احمد جٹ باغی ٹی وی ڈسٹرکٹ اوکاڑہ ۔

پاکستان کے معروف صحافی و دانشور سہیل وڑائچ نے اوکاڑہ یونیورسٹی کا دورہ کیا جس میں انہوں نے شعبہ ابلاغیات کے طلباء کو ایک خصوصی لیکچر دیا اور وائس چانسلر پروفیسر ڈاکٹر محمد زکریا ذاکر سے باہمی تبادلہ خیال کیا۔

"لیکچر آف دی ائیر” کے عنوان سےمنعقد ہونے والے اس سیشن کی صدارت وائس چانسلر نے کی جبکہ اس کا اہتمام شعبہ ابلاغیات کی جانب سے کیا گیا۔
اپنے افتتاحی خطاب میں وائس چانسلر نے اوکاڑہ آمد پہ سہیل وڑائچ کا شکریہ ادا کیا اور بتایا کہ اوکاڑہ یونیورسٹی انتظامیہ طلباء کی پیشہ وارانہ تربیت اور ان کے اندر عصر حاضر کے تقاضوں سے نمٹنے کی صلاحیت پیدا کرنے کےلیے یونیورسٹی اور انڈسٹری کے مابین تعلق کو مضبوط کرنے کےلیے کوشاں ہے۔

شعبہ ابلاغیات کے سربراہ ڈاکٹر زاہد بلال نے سہیل وڑائچ کے بطور صحافی، مصنف اور دانشور کارناموں پہ روشنی ڈالی اور طلباء کو اس بات کی ترغیب دی کہ وہ اپنےان کارناموں سے سیکھ کر اپنے کیرئیر کو جلا بخشیں۔

سہیل وڑائچ نے سیشن کے شرکاء سے خطاب کرتے ہوئے کہا کہ مجھے اوکاڑہ جیسے مضافاتی علاقے میں ایک جدید یونیورسٹی کو دیکھ کر خوشی محسوس ہو رہی ہے۔ انہوں نے یونیورسٹی کی تعمیر و ترقی کےلیے وائس چانسلر کی کاوشوں کو سراہا۔

سہیل وڑائچ نے طلباء کے سوالات کے جواب بھی دیے۔سیٹیزن جرنلزم کے تناظر میں میڈیا کے مستقبل کے بارے میں بات کرتے ہوئے ان کا کہنا تھا کہ اس حقیقت سے انکار نہیں کہ مستقبل آن لائن جرنلزم سے منسلک ہے لیکن اس کے باوجود کتب، رسائل، جرائد اور اخبارات کی اہمیت کم نہیں ہو سکتی۔
سیشن کے اختتام پہ وائس چانسلر نے مہمان خصوصی کو شیلڈ بھی پیش کی اور اس کے ساتھ کامیاب پروگرام کے انعقاد پہ شعبہ ابلاغیات کو مبارکباد پیش کی۔

حجرہ شاہ مقیم نواحی گاؤں 51 ٹو ایل میں واقع گھر کے گیس میٹر کی سپلائی لائن میں آگ لگ گئ ، پائپ لائن میں آگ گیس لیکج کی وجہ سے لگی، طلاع ملنے پر ریسکیو 1122 کی ایمبولینس اور فائر وہیکل جائے حادثہ پر پہنچ گئیں ، ریسکیو ٹیموں نے بروقت ریسپانس اور پیشہ ورانہ مہارت کا مظاہرہ کرتے ہوئے آگ پر قابو پانے کےلئے فائر فائیٹنگ شروع کر دی۔

اشتیاق احمد جٹ باغی ٹی وی ڈسٹرکٹ اوکاڑہ ۔

حجرہ شاہ مقیم ، گیس لیکج کیوجہ سے گھریلو پائپ لائن میں آگ لگ گئی جس پر ریسکیو ٹیموں نے بروقت قابو پالیا ۔#BaaghiTv #Pakistan #Okara @GovtofPunjabPK @Rescue1122Pak pic.twitter.com/Sa3ov2vSfp

— Baaghi TV باغی ٹی وی (@BaaghiTV) March 6, 2021

دیپالپور میں تھانہ سٹی سے چند قدم کے فاصلے پر نوبہار کالونی میں گزشتہ شام دن دیہاڑے اہل خانہ کی گھر میں موجودگی نہ پا کر موٹر سائیکل سوار نامعلوم چور دیوار پھلانگ کر سینیئر صحافی مظہر عباس کے گھر میں داخل ہو گئے

لاکھوں مالیت کے طلائی زیورات، ہزاروں روپے نقدی اور قیمتی گھریلو سامان چوری کر لیا باغی ٹی وی نے واردات کی سی سی ٹی وی فوٹیج حاصل کر لی جس میں نامعلوم چوروں کو گھر کی اندر داخل ہوتے ہوئے اور سامان چوری کرکے لے جاتے ہوئے واضح دیکھا جا سکتا ہے سیکرٹری جنرل پی ایف یو جے رانا محمد عظیم سمیت ضلع بھر کی صحافتی تنظیموں نے واردات ہونے کی سخت مذمت کی ہے اور ڈی پی او فیصل شہزاد سے فوری نوٹس لینے ملزمان کی گرفتاری اور مال مسروقہ برآمد کرنے کا مطالبہ کیا ہے ۔

اشتیاق احمد جٹ باغی ٹی وی ڈسٹرکٹ اوکاڑہ ۔۔

ہیڈ سلیمانکی میں 1906 سے خدمات سر انجام دینے والا پوسٹ آفس بند کر دیا گیا اہل علاقہ کو شدید مشکلات اور پریشانی کا سامنا ھیڈ سلیمانکی اور گردونواح کی آبادی جس میں پہلے ہی بنیادی سہولیات کا فقدان ہے اوپر سے یہ سہولت بھی چھین لی گئی

ہیڈ سلیمانکی اور اس سے ملحقہ 20 کے قریب گاؤں کے لیے یہ ڈاکخانہ کسی نعمت سے کم نہیں تھا لوگوں کو منی آرڈر پارسل رجسڑی بجلی کے بل کی ادائیگی کے لیے 20 کلومیٹر کا سفر طے کرکے جانا پڑتا ہے پوسٹ آفس کے ختم کیے جانے کے بعد سوشل میڈیا پر توجہ دلانے کی غرض سے ہائی لائٹ کیا گیا نوٹس میں لانے کے باوجود عملدرآمد نہ ہوسکا ارد گرد کے مختلف محکموں کی موجودگی اور سرکاری ڈاک وغیرہ کا نظام بھی ٹھپ ہوکر رہ گیا

حتی کہ سول لوگ اس سے سیونگ بنک کے طور پر بھی مستفید ہوتے تھے جبکہ محکمہ ڈاک کے عملہ کا موقف ہے کہ ریونیو کم ہونے کیوجہ سے پوسٹ آفس ختم کر دیا ہے اہل علاقہ نےحکومت وقت اور وفاقی وزیر مراد سعید سے اپیل کی ہے کہ پوسٹ آفس جو ہمارے لیے سہولت کے ساتھ ساتھ ایک ورثہ کا مقام رکھتا ہے اسے ھیڈ سلیمانکی میں شفٹ کرکے مشکلات کا مداوا اور عوام دوست ہونے کا ثبوت دیں ۔

اشتیاق احمد جٹ باغی ٹی وی ڈسٹرکٹ اوکاڑہ ۔