Category: اوکاڑہ

اوکاڑہ تھانہ راوی کی حدود سے فیس بک پر فرقہ وارانہ مذہبی منافرت والا مواد اپ لوڈ کرنے والا نوجوان گرفتار کرلیا گیا۔سہیل لاشاری نے اپنے نام سے فیس بک آئی ڈی بنائی ہوئی تھی۔ جس پر وہ مذہبی منافرت والا مواد اب لوڈ کرتا جس میں اشتعال انگیزی والے الفاظ ادا کرتا رہتا۔ پولیس نے چھاپہ مارتے ہوئے ملزم کو گرفتار کرکے وہ موبائل قبضہ میں لیا جس میں فرقہ وارانہ نفرت انگیز مواد اب تو لوڈ تھا۔ 295a اور 29 ٹیلی گراف ایکٹ کی دفعات کے تحت مقدمہ درج کرلیا گیا۔اوکاڑہ ملزم سے تفتیش شروع کردی گئی ہے۔

اوکاڑہ(علی حسین) اوکاڑہ فیصل آباد روڈ پر 20 جیڈی کے قریب آٹو رکشہ اور کار کے تصادم میں رکشہ میں سوار چار افراد زخمی ہوگئے۔ ریسکیو1122 عملہ نے زخمیوں کو ابتدائی طبی امداد دیکر ضلعی ہسپتال ریفر کردیا ہے۔

اوکاڑہ(علی حسین) ضلع بھر میں یوم استحصال کشمیر کے حوالے سے ریلیوں اور پروگرامز کا انعقاد کیا گیا۔ ڈپٹی کمشنر آفس اوکاڑہ سے ایک بڑی ریلی نکالی گئی جس سے سول سوسائٹی، وکلاء، سیاسی اور سماجی شخصیات نے خطاب کیا۔ دیپالپور ، بصیر پور، صدر گوگیرہ، رینالہ خورد اور دیگر علاقوں میں بڑی اور چھوٹی ریلیاں نکالی گئیں۔ ضلع اوکاڑہ میں صحافی طبقے نے بھی کشمیریوں سے اظہار یکجہتی کرتے ہوئے پروگرامز منعقد کیے۔

اوکاڑہ( علی حسین ) صدر گوگیرہ میں خاوند نے بیوی کو قتل کرکے خودکشی کرلی، جبکہ سالی شدید زخمی ہوئی۔ ملزم اللہ دتہ نے اپنی بیوی حمیدہ بی بی کا سوتے ہوئے تیزدھار چھری سے گلا کاٹ دیا۔ بعد میں اپنی سالی کو چھری کے وار کرکے شدید زخمی کردیا۔ اس کے بعد ملزم اللہ دتہ نے گلے میں پھندا ڈال کر خود کشی کرلی۔ قتل کی وجہ گھریلو رنجش اور ناچاکی بتائی جارہی ہے۔ پولیس نے لاشوں کو قبضے میں لیکر اوکاڑہ ڈسٹرکٹ ہسپتال میں منتقل کردیا ہے۔

اوکاڑہ(علی حسین)فوڈ اتھارٹی کی کاروائی سٹنگ فیکٹری پکڑی گئی۔اوکاڑہ کے علاقے گلاس فیکٹری میں جعلی سٹنگ بوتلیں بنانے والی منی فیکٹری پکڑی گئی۔
ندیم عرف دیماں نامی شخص عرصہ دراز سے اس مکروہ دھندے میں ملوث تھا۔
فوڈ ڈیپارٹمنٹ نے موقع پر جعلی سٹنگ بوتلیں بنانے والا کیمیکل ،بوتلیں اور دیگر سامان برآمد کر لیا ۔
فوڈ اتھارٹی کی جانب سے جعلی سٹنگ بنانے والی منی فیکٹری کو موقع سیل کر کے سیل کردیا گیا ہے۔

اوکاڑہ(علی حسین) اوکاڑہ کے نواحی علاقہ تھانہ راوی کی حدود میں 16 سالہ نوجوان کو 12 جی ڈی کے قریب نامعلوم افراد نے فائرنگ کر کے ن قتل کر ڈالا نوجوان کی شناخت محبوب ولد شہادت کے نام سے ہوئی ہے پولیس تھانہ راوی موقع پر پہنچ گئی پولیس نے نعش کو قبضے میں لے کر مزید کارروائی شروع کردی قتل کی وجہ معلوم نہیں ہو سکی۔ مزید تفصیلات کا انتظار ہے۔

اوکاڑہ(علی حسین ) حکومت پاکستان کی جانب سے نافذ کیے گئے ملک گیر سمارٹ لاک ڈاؤن کو اوکاڑہ مین بازار کے تاجروں نے ماننے سے صاف انکار کردیا ۔ پولیس تھانہ اے ڈویژن اور بی ڈویژن سے پولیس کی بھاری نفری موقع پر پہنچ گئی۔ تاجروں اور پولیس کے مابین تلخ کلامی ہوئی ۔ تاجروں نے حکومتی حکم ماننے سے انکار کرتے ہوئے حق بازار ، صدر بازار، کچہری بازار اور ریل بازار میں دکانیں کھول لیں۔ پولیس کے پہنچنے پر دکانداروں کی بڑی تعداد احتجاج کے لیے اکٹھا ہوگئی جس پر اوکاڑہ پولیس نے مظاہرین کو مشتعل کرنا شروع کردیا۔ دکانداروں اور تاجروں نے باغی ٹی وی کو بتایا ہے کہ عید سے قبل لاک ڈاؤن کا نفاذ غیر اخلاقی عمل ہے۔ انہوں نے بتایا کہ عید سے کئی دن قبل عید کی تیاری کے لیے خریداروں کے لیے سٹاک جمع کررکھا تھا جو عید سے قبل فروخت کرنا تھا لیکن حکومتی پالیسی کی وجہ سے کاروبار میں نقصان یقینی ہے ۔

اوکاڑہ(علی حسین ) رینالہ خورد کے قریب نیشنل ہائی وے پر ٹریکٹر ٹرالی اور ٹرالر کے تصادم میں دو شخص جاں بحق ہو گئے۔ ریسکیو اوکاڑہ کا طبی عملہ فوراََ جائے حادثہ پر پہنچ گیا۔جائے حادثہ پر لوگوں کا ہجوم اکٹھا ہوگیا تاہم موٹر وے پولیس کی جانب سے روڈ کلیئر کردیا گیا ہے۔ یاد رہے کہ گزشتہ دنوں اسی روڈ پر حادثے میں ایک ہی گھر کے پانچ افراد جان کی بازی ہار گئے تھے۔

اوکاڑہ(علی حسین) صدر گوگیرہ کے قریب دریائے راوی میں مچھلیوں کا شکار کرتے ہوئے ایک شخص امانت علی سکنہ 33 ٹوآر ڈوب گیا۔ پولیس اور ریسکیو کا عملہ لاش کی تلاش میں مصروف ہے۔

اوکاڑہ(علی حسین ) حجرہ شاہ مقیم میں بدبخت بیٹے نے گھریلو رنجش کی بنا پر اپنے حقیقی باپ کو فائرنگ کرکے قتل کردیا۔ پولیس نے بروقت کاروائی کرتے ہوئے ملزم کو اسلحہ سمیت گرفتار کرلیا۔ تفصیلات کے مطابق حجرہ شاہ مقیم کے چونیاں چوک کے رہائشی باپ بیٹے کا گھریلو تنازع شدت اختیار کرگیا ، جس کی بنا پر رمضان نامی بدنصیب بیٹے نے اپنے حقیقی باپ 55 سالہ سخی محمد کو فائرنگ کرکے قتل کردیا۔ تھانہ حجرہ شاہ مقیم پولیس نے بروقت کاروائی کرتے ہوئے رمضان کو گرفتار کرکے مقدمہ درج کر لیا ہے۔