Category: پشاور

پشاور سے جاری ایک بیان میں، خیبر پختونخوا کے مشیر اطلاعات بیرسٹر محمد علی سیف نے کہا ہے کہ حکومت پاکستان تحریک انصاف (پی ٹی آئی) کے رہنماؤں کے خلاف جعلی مقدمات درج کر رہی ہے۔ انہوں نے یہ بھی کہا کہ یہ مقدمات پی ٹی آئی کے کارکنوں اور رہنماؤں کے حوصلے کو کمزور نہیں کر سکتے، خاص طور پر وزیراعلیٰ علی امین گنڈاپور کے خلاف سیاسی مقدمات کا ذکر کرتے ہوئے۔بیرسٹر سیف نے مزید وضاحت کی کہ ان مقدمات کا مقصد علی امین گنڈاپور کی پنجاب میں ہونے والی جلسوں میں شرکت کو روکنا ہے۔ انہوں نے کہا کہ علی امین گنڈاپور ان مقدمات کی پرواہ کیے بغیر جلسوں میں بھرپور شرکت کریں گے۔انہوں نے مریم نواز کو بھی تنقید کا نشانہ بناتے ہوئے کہا کہ انہیں پنجاب پولیس کا قبلہ درست کرنے کی ضرورت ہے اور وہاں کچے کے ڈاکوؤں پر توجہ دینی چاہیے جہاں پولیس کی ضرورت ہے۔بیرسٹر محمد علی سیف نے اس عزم کا اظہار کیا کہ وہ بانی پی ٹی آئی کی رہائی کے لیے جدوجہد جاری رکھیں گے اور دعویٰ کیا کہ جعلی حکومت کے دن گنے جا چکے ہیں۔

پشاور: خیبر پختونخوا اسمبلی کے رکن اور پاکستان تحریکِ انصاف (پی ٹی آئی) کے رہنما انور خان نے علی امین گنڈا پور کے خلاف دہشتگردی کا مقدمہ درج ہونے کی بھرپور مذمت کی ہے۔ اسمبلی میں اظہارِ خیال کرتے ہوئے انور خان نے کہا کہ ایک عوامی منتخب وزیر اعلیٰ اور پارٹی کے صوبائی صدر کے خلاف پنجاب میں دہشتگردی کے الزامات لگا کر مقدمہ درج کیا گیا، جو کہ قابلِ افسوس ہے۔انور خان نے کہا کہ "ہم وزیراعلیٰ خیبر پختونخوا کے خلاف اس بے بنیاد مقدمے کی شدید الفاظ میں مذمت کرتے ہیں۔ انہوں نے مزید کہا کہ ملک میں آئین و قانون کی حکمرانی کی کوئی علامت نہیں رہی، اور وہ لوگ جو آئین کا درس دیتے ہیں، وہ خود سپریم کورٹ کے مخصوص نشستوں کے فیصلے کو تسلیم کرنے سے انکاری ہیں۔پی ٹی آئی رہنما نے سپریم کورٹ کے فیصلوں کو نہ ماننے والوں کو آئین اور ملک سے غداری کا مرتکب قرار دیا اور کہا کہ آج ملک میں جمہوریت کے نام پر آمریت مسلط کر دی گئی ہے۔ان کا مزید کہنا تھا کہ ایسے اقدامات جمہوری اصولوں کے منافی ہیں اور ملک کو مزید بحرانوں میں دھکیل سکتے ہیں۔

خیبرپختونخوا کے عوام صوبائی حکومت کی کارکردگی سے شدید مایوس ہو گئے

گزشتہ روز سوات میں جو واقعہ ہوا پی ٹی آئی دس برسوں سے خیبر پختونخوا میں حکومت کر رہی ہے،صوبے کے تمام وسائل جلسوں اور جلوسوں پر خرچ ہو رہے ہیں انکا یہی وطیرہ رہا ہے کہ لوگوں کو سڑکوں پر نکالیں،حکومت وقت کی ترجیحات میں عوامی مسائل کا حل، امن و امان کا قیام،اور فلاحی کام ہوتا ہے لیکن کے پی میں ایسا کچھ نہیں ہو رہا، کے پی حکومت کو دیگر صوبوں سے سیکھنا چاہئے،وہاں آئے روز نئے منصوبے آتے ہیں.مگر بدقسمتی سے خیبر پختونخوا کے وسائل جلسوں پر ضائع ہو رہے ہیں.

سنو پختونخوا کے پروگرام میں کالز کے ذریعے عوام نے پی ٹی آئی حکومت کو شدید تنقید کا نشانہ بنایا ،عوام کا کہنا تھا کہ وزیر اعلیٰ خیبر پختونخوا جس حلقے سے منتخب ہوئے ہیں وہاں تو امن بالکل نہیں ہے ،بلکہ وہاں ایک فیصد بھی امن نہیں ہے،لیکن صوابی اور پشاور کے لوگ ان کو سپورٹ کرتے ہیں ،وزیر اعلیٰ صاحب جلسوں میں ڈھول باجے کے ساتھ نعرے لگاتے ہیں کہ میں آرہا ہوں لیکن وہ اپنا حلقہ سنبھال نہیں سکتا ،اور ہر جلسے میں نازیبا الفاظ استعمال کرتے ہیں

عوام کا کہنا ہے کہ وزیر اعلیٰ کے اپنے حلقے میں امن کا صورتحال یہ ہے ،کہ ہسپتال اور سڑکوں پر شام کے بعد کسی اور کی حکومت ہوتی ہے، پنجاب اور سندھ کو دیکھیں تو وہاں کی حکومت نے بھی عوام کے لیے کام کیا مگر ہم نے خیبرپختونخوا میں دس سال سے جلسے جلوسوں کی سیاست دیکھیں،ہم نے بہت بڑا دھوکا کھایا ہے کہ ہم نے ان کو منتخب کیا،ہمارے سرکاری افسران اور اساتذہ بھی اپنا کام نہیں کررہے

شہریوں‌کا کہنا ہے کہ خیبر پختونخوا کی صوبائی حکومت کو عوام کی کوئی پرواہ نہیں ہے، خیبر پختونخوا میں دہشت گردی بڑھ چکی ہے، مہنگائی میں اضافہ ہو چکا ہے، آئے روز جرائم کی وارادتیں ہو رہی ہیں، امن و امان کی صورتحال مخدوش ہو چکی ہے، لیکن وزیراعلیٰ کو جلسوں کی پڑی ہے، عمران خان کو جیل سے نکالنے کے نعرے کے علاوہ صوبائی حکومت کو کچھ نہیں سوجھتا، عوام کی کسی کو فکر نہیں.خیبرپختونخوا میں کرپشن کا بازار گرم، عوام بے یار ومددگار ہیں جبکہ وزیر اعلی سیاسی نعرے لگانے اور جلسوں کی رونق بننے میں مصروف ہیں ،

شہریوں کا کہنا تھا کہ گنڈا پور کا غلط بولنے کے علاوہ کوئی اور کام نہیں، صرف باتوں کی سیاست ہے، گنڈہ پور کوئی کام نہیں کر رہا ، بڑھکیں مارنے سے کوئی فائدہ نہیں، اپنے صوبے کے حالات دیکھنے چاہئے، جلسے جلوسوں کی بجائے امن، ترقی چاہئے، خوشحالی چاہئے، ورکر سے لے کر قیادت تک یوتھ کو انہوں نے کیا سکھا دیا،پولیو کے قطرے پلانے والی ٹیمیں محفوظ نہیں ہیں، انکو تنخواہیں نہیں مل رہیں، کے پی کا بیڑا غرق کیا ہوا ہے، وزیراعظم ہاؤس میں پیسوں کے لئے منتیں ترلے کیے جاتے ہیں پھر وہی پیسے جلسوں پر لگائے جاتے ہیں.

خیبر پختونخواہ بدانتظامی،کرپشن کی وجہ سے لاقانونیت کی لپیٹ میں.تحریر:ڈی جے کمال مصطفیٰ

آپریشن گولڈ سمتھ، اسرائیلی اخبار نے عمران خان کا "حقیقی چہرہ” دکھا دیا

اسرائیل نیازی گٹھ جوڑ بے نقاب،صیہونی لابی عمران کو بچانے کیلئے متحرک

عمران خان بطور وزیراعظم اسرائیل کے ساتھ سفارتی تعلقات قائم کرنے کیلئے تیار تھے،دعویٰ آ گیا

عمران خان اور پی ٹی آئی نے ملک دشمنی میں تمام حدیں پار کر دیں

امریکی ایوان نمائندگان میں قرارداد،پاکستان کے خلاف آپریشن گولڈ اسمتھ کی ایک کڑی

آپریشن گولڈ سمتھ کی کمر ٹوٹ گئی،انتشاری ٹولہ ایڑھیاں رگڑے گا

تحریک انصاف کی ملک دشمنی ایک بار پھر کھل کر سامنے آ گئی

14 سال سے خیبرپختونخوا میں پی ٹی آئی سرکار،اربوں بجٹ وصول،کارکردگی زیرو

عمران پر جیل میں تشدد ہوا،مجھے مرد اہلکار نے…بشریٰ بی بی نے سنگین الزام عائد کر دیا

خیبرپختونخوا حکومت نے سوات میں غیر ملکی سیاحوں کے داخلے پر پابندی عائد کر دی ہے۔ یہ فیصلہ حالیہ دنوں میں غیر ملکی سفارت کاروں کے قافلے پر ہونے والے حملے کے تناظر میں کیا گیا ہے جس کے بعد حکومتی حکام نے سکیورٹی کے پیش نظر غیر ملکیوں کی نقل و حرکت پر عارضی پابندی لگانے کا فیصلہ کیا۔ذرائع کے مطابق، انگلینڈ سے تعلق رکھنے والے ایک جوڑے کو سوات میں داخلے سے روک دیا گیا۔ دونوں میاں بیوی سیاحت کی غرض سے سوات کی جانب روانہ تھے لیکن انہیں لنڈاکے چیک پوسٹ پر روک دیا گیا۔ سوات اپنے قدرتی حسن اور سیاحتی مقامات کی وجہ سے عالمی سطح پر مشہور ہے اور ہر سال یہاں بڑی تعداد میں سیاح آتے ہیں، تاہم حالیہ سکیورٹی خدشات کی وجہ سے حکام نے فوری اقدامات اٹھائے ہیں تاکہ غیر ملکیوں کی حفاظت کو یقینی بنایا جا سکے۔
خیال رہے کہ گزشتہ روز سوات میں غیر ملکی سفارت کاروں کے قافلے کو دہشت گردوں کی جانب سے نشانہ بنانے کی کوشش کی گئی تھی۔ دہشت گردوں نے سڑک کنارے نصب دھماکہ خیز مواد کے ذریعے حملہ کیا، جس کا ہدف سفارتی قافلہ تھا۔ خوش قسمتی سے تمام سفارت کار حملے میں محفوظ رہے، تاہم سکیورٹی اسکواڈ کی ایک گاڑی اس دھماکے کی زد میں آئی اس حملے کے نتیجے میں پولیس کی گاڑی میں موجود ایک اہلکار جاں بحق ہو گیا، جبکہ تین دیگر اہلکار زخمی ہوئے۔ زخمیوں کو فوری طور پر قریبی اسپتال منتقل کیا گیا، جہاں انہیں طبی امداد فراہم کی گئی۔ یہ واقعہ سوات میں امن و امان کی صورتحال پر سوالیہ نشان بن گیا ہے اور حکومتی ادارے سکیورٹی کی صورتحال کو قابو میں رکھنے کے لیے اقدامات کر رہے ہیں۔
اس حملے کے بعد صوبائی حکومت نے فوری طور پر غیر ملکی سیاحوں کے سوات میں داخلے پر پابندی عائد کر دی ہے تاکہ مزید کسی ناخوشگوار واقعے سے بچا جا سکے۔ سوات میں موجود سیاحتی مقامات پر سکیورٹی کو مزید سخت کیا جا رہا ہے اور مقامی انتظامیہ نے بھی عوام سے تعاون کی اپیل کی ہے۔حکومت کا کہنا ہے کہ یہ پابندی عارضی ہے اور جیسے ہی سکیورٹی کی صورتحال بہتر ہوگی، غیر ملکی سیاحوں کو دوبارہ سوات میں آنے کی اجازت دی جائے گی۔ مقامی لوگوں اور کاروباری حلقوں میں بھی تشویش پائی جاتی ہے کیونکہ سیاحت سے وابستہ صنعت سوات کی معیشت کا ایک اہم حصہ ہے، اور یہ پابندی اس صنعت کو وقتی طور پر متاثر کر سکتی ہے۔خیبرپختونخوا حکومت اور سکیورٹی ادارے مل کر سوات میں سکیورٹی صورتحال کو بہتر بنانے کے لیے مشترکہ حکمت عملی تیار کر رہے ہیں۔ حکومت کی کوشش ہے کہ سوات میں امن و امان کو جلد بحال کیا جائے تاکہ سیاح دوبارہ سے اس خطے کی خوبصورتی اور قدرتی مناظر سے لطف اندوز ہو سکیں۔

خیبر پختونخوا کے وزیر اعلیٰ علی امین گنڈاپور نے صوبے کے عوام کے لیے صحت کارڈ پروگرام کو مزید جامع اور مؤثر بنانے کا فیصلہ کرتے ہوئے متعلقہ حکام کو صحت کارڈ میں مزید بیماریوں کے علاج کو شامل کرنے کی ہدایت جاری کی ہے۔ وزیر اعلیٰ نے صحت کارڈ سے متعلق اہم اجلاس کی صدارت کرتے ہوئے شہریوں کو لائف انشورنس صحت کارڈ میں شامل کرنے کی تجویز سے بھی اتفاق کیا اور اس حوالے سے ایک جامع پلان کی تیاری کا حکم دیا۔اجلاس میں وزیر اعلیٰ نے پی آئی سی (پشاور انسٹیٹیوٹ آف کارڈیالوجی) میں صحت کارڈ کے تحت دل کے آپریشنز کے متعلق شکایات کا سخت نوٹس لیتے ہوئے کہا کہ آپریشنز ریٹس میں کمی کی وجہ سے دل کے مریضوں کے آپریشن نہ ہونے کی شکایات ناقابل قبول ہیں۔ انہوں نے متعلقہ حکام کو فوری ہدایات جاری کیں کہ دل کے مریضوں کے آپریشنز کو ہر صورت ممکن بنایا جائے اور دل کے آپریشنز پر آنے والے تمام اخراجات خیبر پختونخوا حکومت برداشت کرے گی۔
وزیر اعلیٰ خیبر پختونخوا نے اس موقع پر کہا کہ صحت کارڈ پلس منصوبہ عوام کی سہولت کے لیے ایک اہم قدم ہے اور اسے مزید بہتر بنانے پر توجہ دی جا رہی ہے۔ انہوں نے اس بات کی یقین دہانی کروائی کہ خیبر پختونخوا حکومت صحت کارڈ کے دائرہ کار کو وسعت دینے کے لیے مزید بیماریوں کا علاج شامل کرنے پر سنجیدگی سے غور کر رہی ہے۔ یہ قدم عوام کو صحت کی بہتر سہولیات فراہم کرنے کی جانب ایک اہم پیش رفت ہوگی۔علی امین گنڈاپور نے کہا کہ اس منصوبے کو شفاف اور مؤثر بنانے کے لیے حکومت نے عزم کیا ہے کہ اچھی شہرت کے حامل مزید اسپتالوں کو بھی صحت کارڈ کے پینل میں شامل کیا جائے گا تاکہ عوام کو بہتر اور معیاری طبی سہولیات میسر آئیں۔انہوں نے کہا کہ عوام کی صحت کے لیے حکومت کے اقدامات میں نہ صرف اضافہ کیا جا رہا ہے بلکہ شفافیت کو بھی یقینی بنایا جائے گا تاکہ مستحق افراد تک صحت کی سہولیات کا بھرپور فائدہ پہنچ سکے۔حکومت خیبر پختونخوا کے اس اقدام کو عوامی حلقوں میں خوب سراہا جا رہا ہے اور توقع کی جا رہی ہے کہ صحت کارڈ کے مزید بہتر اور جامع بننے سے عوام کو صحت کی سہولیات تک رسائی میں بڑی آسانی ہوگی۔