Category: پشاور

پاکستان پیپلز پارٹی کے چئیرمین بلاول بھٹو زرداری کا کہنا ہے کہ ہماری کوشش ہو گی حالات بہتری کی طرف لے کے جائے پچھلی حکومت کی وجہ سے پختونخوا سے لے کر بلوچستان تک ایک بار پھر دہشتگرد تنظیمیں سر اٹھارہی ہیں، آپریشن عزم استحکام پر حکومت کی اے پی سی میں اپنا وفد بھیجیں گے۔بلاول بھٹو نے گورنر ہاؤس خیبر پختونخوا میں پریس کانفرنس کرتے ہوئے کہا کہ پیپلزپارٹی نے ہمیشہ مثبت سیاست کی ہے، ہم گالم گلوچ کی سیاست پر یقین نہیں رکھتے، عوام ہمارے نمائندوں پر بھروسہ مسائل کے حل کی وجہ سے کرتے ہیں۔
انہوں نے کہا کہ خیبرپختونخوا میں پیپلزپارٹی کی تنظیم سازی جاری ہے، ہم پختونخوا سے نفرت کی سیاست کرنے والوں کا مثبت سیاست کے ساتھ مقابلہ کریں گے، انشاء اللہ جیت اس سیاست کی ہوگی۔بلاول بھٹو کا کہنا تھا کہ تاریخ میں کبھی اتنے مسائل ایک ساتھ نہیں دیکھے، معاشی بحران، مہنگائی، بے روزگاری اور غربت ہر پاکستانی کا مسئلہ ہے، تاثر ہے کہ دن بدن حالات بگڑ رہے ہیں۔بلاول بھٹو نے کہا کہ پاکستان میں اس وقت نفرت اور انا کی سیاست ہے، خیبرپختونخوا میں گالم گلوچ کی سیاست عروج پر ہے، ہمیں غیر سیاسی اور غیر جمہوری سیاست کا سیاسی روایتوں سے مقابلہ کرنا ہوگا۔انہوں نے کہا کہ سیاستدان اگر مسائل حل نہیں کریں گے تو عوامی ردعمل کا سامنا کرنا ہوگا۔
بلاول بھٹو نے کہا کہ ملک کو معاشی اور سیکیورٹی صورتحال کا بھی مسئلہ درپیش ہے، بہادر افواج نے دہشتگردوں کو تاریخی شکست دی، ہمسایہ ملک کی پوری فوج ناکام ہوئی تو بارڈر کے اس پار پاکستان کی سیکیورٹی فورسز کی قربانیوں نے دہشتگردوں کی کمر کی ہڈی توڑی۔ان کا کہنا تھا کہ پچھلی حکومت کی وجہ سے خیبر پختونخوا سے لے کر بلوچستان تک ایک بار پھر دہشتگرد تنظیمیں سر اٹھارہی ہیں۔انہوں نے کہا کہ حکومت نے آپریشن کے حوالے سے آل پارٹیز کانفرنس (اے پی سی) بلانے کا فیصلہ کیا ہے، ہم اے پی سی میں اپنا وفد بھیجیں گے اور متعلقہ فورم پر بھی اپنی تجاویز اور تحفظات شیئر کریں گے، کوشش ہے کہ مشاورت سے فیصلہ ہو۔بلاول بھٹو نے کہا کہ ایجنسیز چاروں صوبوں میں قربانیاں دے رہی ہیں، ہم نے اپنے گھر کو ٹھیک کرنا ہے، ماضی میں ہم سے غلطیاں ہوئی اس سے انکار نہیں ہے۔

پاکستان پیپلزپارٹی کے چیئرمین بلاول بھٹو زرداری سے گورنر ہاؤس میں پی پی پی اراکین اسمبلی کی گورنر ہاؤس میں ملاقات ہوئی ہے،
بلاول بھٹو زرداری کے ہمراہ گورنر خیبرپختونخوا فیصل کریم کنڈی، پی پی پی خیبرپختونخوا کے صدر محمد علی شاہ باچہ ودیگر موجود تھے، بلاول بھٹو زرداری سے پی پی پی اراکین قومی اسمبلی فتح اللہ میاں خیل اور ناعمہ کنول کی ملاقات ہوئی ہے،بلاول بھٹو زرداری سے پی پی پی اراکین خیبرپختونخوا اسمبلی شازیہ طہماس، نیلوفر بابر، مہر سلطانہ، فرزانہ ریاض اور اشبر جدون کی ملاقات ہوئی ہے،بلاول بھٹو زرداری سے پی پی پی اراکین خیبرپختونخوا اسمبلی ساجدہ تبسم، بہاری لالہ، کرامت خان، احمد کنڈی، ارباب زرک اور احسان کی ملاقات ہوئی ہے،

بلاول بھٹو زرداری کو پی پی پی اراکین اسمبلی نے خیبرپختونخوا کے عوامی مسائل اور سیاسی صورت حال سے آگاہ کیا،بلاول زرداری کا کہنا تھا کہ جیالے اراکین اسمبلی خیبرپختونخوا کے عوام کے مسائل ترجیحی بنیادوں پر حل کرنے میں اپنا کردار ادا کریں،

پشاور،بلاول سے ملک و قوم کا نام روشن کرنے والے کھلاڑیوں کی ملاقات
علاوہ ازیں پیپلزپارٹی کے چیئرمین بلاول بھٹو زرداری سے گورنر ہاؤس میں ورلڈ اسکواش چیمپئن جان شیر خان کی ملاقات ہوئی، بلاول بھٹو زرداری کے ہمراہ گورنر خیبرپختونخوا فیصل کریم کنڈی موجود تھے،بلاول بھٹو زرداری سے تائی کوانڈو میں گولڈ میڈلسٹ میمونہ نصیر بلوچ اور پاکیزہ کی ملاقات ہوئی، بلاول بھٹو زرداری نے تائی کوانڈو کی کھلاڑیوں سے مکالمہ کرتے ہوئے کہا کہ میں تائیکنڈو میں 1 ڈین تک پہنچا ہوں، آپ 2 ڈین ہیں، مجھے آپ کو اپنا کوچ بنانا ہوگا،

بلاول بھٹو زرداری سے قومی والی بال ٹیم کے کپتان اور سلور میڈلسٹ مراد جہاں اور والی بال کے دیگر کھلاڑیوں ولید خان اور مصور کی ملاقات بھی ہوئی، بلاول بھٹو زرداری سے ماؤتائی چیمپئن خان سعید آفریدی اور قومی کھیلوں میں نمائندگی کرنے والی پاکستان کی پہلی خاتون اسپرنٹر تمیم خان کی ملاقات ہوئی، بلاول بھٹو زرداری سے بھارت اور برازیل کو شکست دینے والے جوڈو کے ورلڈ چیمپئن عزیزالحق اور کوہ پیما ثمر خان کی بھی ملاقات ہوئی، بلاول بھٹو زرداری نے ملک و قوم کا نام روشن کرنے والے کھلاڑیوں کو یادگاری شیلڈز پیش کیں

قبل ازیں پاکستان پیپلزپارٹی کے چیئرمین بلاول بھٹو زرداری پشاور پہنچ گئے، گورنر خیبرپختونخوا فیصل کریم کنڈی اور صدر پی پی پی خیبرپختونخوا محمد علی شاہ باچہ نے بلاول زرداری کا استقبال کیا

عمران خان نے آخری کارڈ کھیل دیا،نواز شریف بھی سرگرم

موجودہ بجٹ معیشت، عوام ،ملک کے لئے تباہ کن ثابت ہوگا،شاہد خاقان عباسی

شاہد خاقان عباسی کچھ بڑا کریں گے؟ن لیگ کی آخری حکومت

پی ٹی آئی کی ڈیجیٹل دہشت گردی کا سیاہ جال،بیرون ملک سے مالی معاونت

جسٹس ملک شہزاد نے چیف جسٹس سے چھٹیاں مانگ لیں

اگر کارروائی نہیں ہو رہی تو ایک شخص داد رسی کیلئے کیا کرے؟چیف جسٹس اسلام آباد ہائیکورٹ

عمران خان کیخلاف درخواست دینے پر جی ٹی وی نے رپورٹر کو معطل کردیا

سوال کرنا جرم بن گیا، صحافی محسن بلال کو نوکری سے "فارغ” کروا دیا گیا

صوبائی کابینہ نے بانی پی ٹی آئی کے خلاف شواہد کے تحت کارروائی کی اجازت دی

توشہ خانہ،نئی پالیسی کے تحت تحائف کون لے سکتا؟قائمہ کمیٹی میں تفصیلات پیش

باسکن رابنز پاکستان کو اربوں روپے جرمانے اور منی لانڈرنگ کی تحقیقات کا سامنا

اگلے دو مہینے بہت اہم،کچھ بڑا ہونیوالا؟عمران خان کی پہنچ بہت دور تک

اڈیالہ جیل میں قید عمران خان نے بالآخر گھٹنے ٹیک دیئے

جعلی ڈگری،جسٹس طارق جہانگیری کے خلاف ریفرنس دائر

"بھولے بابا” کا عام آدمی سے خود ساختہ بابا بننے کا سفر ،اربوں کے اثاثے

اصلی ولن آئی ایم ایف یا حکومت،بے حس اشرافیہ نے عوام پر بجلی گرا دی

وزیر اعلیٰ خیبرپختونخوا علی امین گنڈاپور نے صحت اور تعلیم کے نظام میں بہتری کے لیے اہم ہدایات جاری کی ہیں۔ انہوں نے ان شعبوں میں اختیارات نچلی سطح پر منتقل کرنے پر زور دیا۔علی امین گنڈاپور کی زیر صدارت محکمہ صحت اور تعلیم کے شعبوں میں اصلاحات کے حوالے سے ایک اہم اجلاس منعقد ہوا۔ اجلاس میں صحت کارڈ کی طرز پر ایجوکیشن کارڈ کے اجرا پر بھی غور و خوض کیا گیا۔وزیر اعلیٰ نے اجلاس میں کہا کہ صحت اور تعلیم کے نظام کو بہتر بنانے کے لیے ضروری ہے کہ اختیارات نچلی سطح پر منتقل کیے جائیں۔ انہوں نے کہا کہ بڑے محکموں کو صوبائی سطح پر بہتر انداز میں چلانا ممکن نہیں ہے۔

وزیر اعلیٰ نے ہدایت دی کہ ریجنل سطح پر ایڈیشنل ڈائریکٹر جنرل تعینات کیے جائیں اور ڈومیسائل کی بنیاد پر بھرتی ہونے والے اساتذہ کو ان کے متعلقہ علاقوں میں تعینات کیا جائے۔ اساتذہ اور پیرا میڈیکل اسٹاف کی ترقی بھی ان کے ڈومیسائل والے علاقوں میں سروس سے مشروط کی جائے۔انہوں نے اس موقع پر کہا کہ سرکاری اسپتالوں میں غیرمستقل طبی آلات کا مکمل ڈیٹا ایک ہفتے میں اکٹھا کیا جائے اور انتظامی عہدوں پر ٹیچنگ کیڈر کے ملازمین کی تعیناتی بند کی جائے۔وزیر اعلیٰ نے مزید ہدایت کی کہ محکمہ صحت اور تعلیم میں ٹیچنگ کیڈر اور مینجمنٹ کیڈر کو الگ رکھا جائے اور کرائے کی عمارتوں میں قائم اسکولوں میں اساتذہ کو کانٹریکٹ پر بھرتی کیا جائے۔ان اصلاحاتی ہدایات کا مقصد خیبرپختونخوا میں صحت اور تعلیم کے نظام کو مضبوط بنانا اور عوام کو بہتر سہولیات فراہم کرنا ہے۔ وزیر اعلیٰ کے ان اقدامات سے امید کی جا رہی ہے کہ صوبے کے دونوں اہم شعبوں میں نمایاں بہتری آئے گی۔

خیبر پختونخوا کے مشیر خزانہ مزمل اسلم نے صوبے میں مختلف شعبوں کے لیے مالی امداد کے اعلانات کیے ہیں۔ انہوں نے بتایا کہ حکومت نے موسم برسات اور محرم الحرام کی تیاریوں کے لیے کئی اربوں روپے مختص کیے ہیں۔مشیر خزانہ کے مطابق، مون سون بارشوں سے ہونے والے نقصانات سے بچاؤ کے لیے 100 ملین روپے جاری کیے گئے ہیں، جبکہ مختلف اضلاع کو 105.8 ملین روپے دیے گئے ہیں۔ محرم الحرام کی مناسبت سے ریسکیو 1122 کو 15.5 ملین روپے اور پولیس کو 162 ملین روپے کی اضافی گرانٹ دی گئی ہے۔
مزمل اسلم نے یہ بھی بتایا کہ کوہاٹ، ہزارہ اور ڈیرہ اسماعیل خان کے کمشنرز کو 70 ملین روپے جاری کیے گئے ہیں۔ اس کے علاوہ، پی ڈی ایم اے کو مون سون سے متعلقہ مسائل سے نمٹنے کے لیے 1250 ملین روپے دیے گئے ہیں۔مجموعی طور پر، محرم الحرام کی سیکیورٹی اور مون سون بارشوں سے متعلقہ اقدامات کے لیے تقریباً 1870 ملین روپے جاری کیے گئے ہیں۔مشیر خزانہ نے یہ بھی اشارہ دیا کہ صوبائی ملازمین کی تنخواہوں میں اضافے کے حوالے سے جلد ہی ایک خوشخبری سنائی جائے گی۔ یہ اعلانات صوبائی حکومت کی جانب سے عوامی فلاح و بہبود اور سیکیورٹی کے لیے کیے گئے اقدامات کی

پرویز خٹک نے کہا ہے کہ بانی پی ٹی آئی ہوں یا کوئی بھی ہوں گواہی کے لئے بلایا گیا تو حق کی گواہی دونگا، جو دیکھا ہے جو میرے سامنے واقعات پیش آئے سب بتانے کے لئے تیار ہوں۔ سابق وزیر اعلیٰ کے پی نے کہا کہ علی امین بھی اس وقت کابینہ کا حصے تھے ان کو بھی گواہی دینی چاہے، خیبرپختونخوا میرا صوبہ اور علاقہ ہے کوئی مائی کا لال مجھ کو نہیں روک سکتا۔پرویز خٹک کا کہنا تھا کہ علی امین بڑکیاں مارتے رہتے ہیں ، قانون کے مطابق مقابلہ کیا۔ نوشہرہ میں غیر رسمی گفتگو کرتے ہوئے سابق وفاقی وزیر اعلیٰ خیبرپخٹونخوا پرویز خٹک کا کہنا تھا کہ بانی چیئرمین پی ٹی آئی عمران خان ہوں یا کوئی بھی ہوں، گواہی کے لیے بلایا گیا تو حق کی گواہی دوں گا، جو دیکھا ہے، جو میرے سامنے واقعات پیش آئے ہیں، سب بتانے کے لیے تیار ہوں۔
پرویز خٹک نے کہا کہ میں علی امین گنڈا پور کو اور علی امین مجھے بہت اچھی طرح جانتے ہیں، نہ ہی میں نے کبھی جھوٹ بولا نہ ہی جھوٹ بولوں گا، کچھ لوگ ہیں جو سچ برداشت نہیں کر سکتے۔ان کا مزید کہنا تھا کہ علی امین گنڈا پور بھڑکیں مارتے رہتے ہیں، علی امین بھی اس وقت کابینہ کا حصہ تھے ان کو بھی گواہی دینی چاہیئے۔پرویز خٹک نے بتایا کہ میں اللہ تعالی کی ذات کے علاوہ کسی سے نہ پہلے ڈرا ہوں نہ اب ڈرتا ہوں، نیب کے نوٹس ملتے آئے ہیں، قانون کے مطابق مقابلہ کیا ہے، خیبرپختونخوا میرا صوبہ اور علاقہ ہے کوئی مائی کا لال مجھ کو نہیں روک سکتا۔سابق وزیراعلیٰ کے پی کا کہنا تھا مجھ پر کسی کا احسان نہیں تو احسان فراموش کیسے ہو سکتا ہوں، 2013 میں اپنی محنت سے کم ممبران پر حکومت بنائی، کسی نے احسان کرکے وزیراعلیٰ نہیں بنایا۔