Baaghi TV

Category: پشاور

  • ٹانک، پولیو ورکرز پر نامعلوم افراد کی فائرنگ

    ٹانک، پولیو ورکرز پر نامعلوم افراد کی فائرنگ

    ٹانک میں نامعلوم افراد کی فائرنگ سے انسداد پولیو مہم کی ٹیم پر معمور پولیس اہلکار زخمی، پشاور ایل ار ایچ سپتال منتقل کردیا گیا۔ٹانک میں نامعلوم افراد کی انسداد پولیو ٹیم پر فائرنگ کر دی جس کے نتیجے میں سیکیورٹی پر مامور پولیس اہلکار زخمی ہوگیا۔ زخمی اہلکار کو لیڈی ریڈنگ اسپتال پشاور منتقل کردیا گیا۔ڈی پی او ٹانک عبدالسلام خالد کے مطابق گاؤں شاہ عالم میں انسداد پولیو مہم جاری تھی جس کے لئے گاؤں کے اطراف ناکہ بندی کی گئی تھی، اسی دوران قریبی جنگل سے نامعلوم افراد نے فائرنگ کی جس سے موقع پر موجود پولیس اہلکار زاہد اللہ زخمی ہوا گیا۔ پولیس کی جوابی کاروائی میں ملزمان فرار ہونے میں کامیاب ہوئے، جبکہ ملزمان کی گرفتاری کے کئے علاقے میں سرچ اپریش جاری ہے ۔

    سی ٹی ڈی کی جانب سے جاری ہونے والی رپورٹ کے مطابق رواں سال اب تک پولیو ٹیموں کی سیکورٹی پر چار حملے ہوئے ہیں جن میں چار اہلکار زخمی جبکہ ایک جاں بحق ہوا ہے۔واقعہ پر گورنر اور وزیر اعلی خیبرپختونخوا نے شدید الفاظ میں مذمت بھی کی ۔ گورنر کے پی فیصل کریم کنڈی نے زخمی پولیس اہلکاروں کی جلد صحتیابی کیلئے نیک خواہشات کا اظہار کیا کہا کہ پولیو ٹیم کو فائرنگ کا نشانہ بنانے کے واقعات انتہائی افسوسناک ہیں۔جبکہ وزیراعلی خیبر پختونخوا سردار علی امین گنڈاپور نے ٹانک اور ڈی آئی خان میں پولیو ٹیم کی سکیورٹی پر مامور پولیس اہلکاروں پر نامعلوم افراد کی فائرنگ کی مذمت کرتے ہوئے کہا کہ فرنٹ لائن پولیو ورکرز ہمارے ہیرو ہیں، اس طرح کے واقعات سے پولیو ٹیموں کے حوصلے پست نہیں ہونگے، صوبائی حکومت صوبے سے پولیو وائرس کے خاتمے کے لئے پر عزم ہے۔

  • گاڑی پر حملہ،سابق سینیٹر ہدایت اللہ سمیت 3 افراد شہید

    گاڑی پر حملہ،سابق سینیٹر ہدایت اللہ سمیت 3 افراد شہید

    باجوڑ: تحصیل ماموند میں سابق سینیٹر ہدایت اللہ کی گاڑی پر ریموٹ کنٹرول بم دھماکہ، سابق سینیٹر ہدایت اللہ سمیت 3 افراد شہید ہوگئے

    سابق سینیٹر ہدایت اللہ اپنے بھتیجےامیدوار پی کے 22 نجیب اللہ کے الیکشن مہم کے لئے ڈمہ ڈولہ گئے تھے ،وہ سابق گورنر خیبرپختونخوا شوکت اللہ کے بھائی اور سابق ایم این اے بسم اللہ کے بیٹے تھے،

    ڈی ایس پی بخت منیر کے مطابق دھماکے میں سابق سینیٹر ہدایت اللّٰہ سمیت 3 افرادکی موت ہوئی ہے،واقعہ میں جاں بحق ہونے والوں میں‌ ماموند قبائل کے ملک عرفان، ملک نذرالدین شامل ہیں، پولیس حکام کے مطابق دھماکا ریموٹ کنٹرول ڈیوائس کے ذریعے کیا گیا، جس میں سابق سینیٹر کی گاڑی کو نشانہ بنایا گیا، اطلاع پر پولیس موقع پر پہنچ گئی، لاشوں کو ہسپتال منتقل کر دیا گیا

    سابق سینیٹر ہدایت اللہ اور دیگر 2 افراد کے جاں بحق ہونے پر دلی دکھ ہوا۔محسن نقوی
    وفاقی وزیرداخلہ محسن نقوی نے تحصیل ماموند کے علاقے ڈمہ ڈولہ میں دھماکے کی شدید مذمت کی ہے،وفاقی وزیرداخلہ محسن نقوی نےسابق سینٹر ہدایت اللہ سمیت 3 افراد کے جاں بحق ہونے کے واقعہ پر دکھ اور افسوس کا اظہار کیا،وفاقی وزیرداخلہ محسن نقوی نےجاں بحق افراد کے لواحقین سے دلی ہمدردی و اظہار تعزیت کیا اور کہا کہ سابق سینیٹر ہدایت اللہ اور دیگر 2 افراد کے جاں بحق ہونے پر دلی دکھ ہوا۔دہشت گردی کے خلاف ہر طبقے نے لازوال قربانیاں دی ہیں۔شہداء کی عظیم قربانیوں کو ہمیشہ یاد رکھا جائے گا۔

  • لنڈی کوتل:سینئر ٹیچر ستانہ گل آفریدی کو بازیاب کرایا جائے۔اساتذہ کی پریس کانفرنس

    لنڈی کوتل:سینئر ٹیچر ستانہ گل آفریدی کو بازیاب کرایا جائے۔اساتذہ کی پریس کانفرنس

    باغ لنڈی کوتل(باغی ٹی وی رپورٹ)سینئر ٹیچر ستانہ گل آفریدی کو بازیاب کرایا جائے۔اساتذہ کی پریس کانفرنس

    لنڈی کوتل پریس کلب میں پرہجوم پریس کانفرنس سے خطاب کرتے ہوئے اے ٹی اے،آل ٹیچرز ایسوسی ایشن لنڈی کوتل کے رہنماؤں چئیرمین راہد شاہ ،ڈپٹی چیئرمین ملک نادرشاه، فرمان شینواری ، شاداکبر، خان بہادر اور شفیق الرحمان سمیت کثیر تعداد میں سینیئر و جونیئر ٹیچرز نے کہا کہ ایس سی ٹی استاد ستانہ گل آفریدی کو کل تحصیل گیٹ کے سامنے سے نامعلوم افراد نے اٹھایاہے،

    انہوں نے کہا کہ ہم نے ایس ایچ او لنڈی کوتل سے ملاقات کی لیکن وہاں سے کوئی مناسب جواب نہیں ملا۔ ان کا کہنا تھا کہ ہم یہ کہتے ہیں کہ اگر کسی ٹیچر کو بلانا ہے یا کوئی پوچھ گچھ کرنی ہو تو ٹیچر ذمہ دار اور ایک باعزت شخص ہوتا ہے، ان سے عزت و احترام کیساتھ پیش آنا چاہیے، اساتذہ کو تحفظ فراہم کرنا انتظامیہ کی ذمہ داری ہے ۔

    انہوں نے کہا کہ تھانہ لنڈی کوتل کے محرر نے استاد ستانہ گل کو تفتیش کے لئے کال کی تھی بعد میں محرر کا کہنا تھا کہ ہم نے انہیں نہیں بلایا تھا تاہم ان سے سرسری تفتیش کی گئی جس کے بعد انہیں واپس بھیج دیا گیا۔

    رہنماؤں کا کہنا تھا کہ اب چونکہ چوبیس گھنٹے گذر گئے ہیں اور ستانہ گل ابھی تک لاپتہ ہیں اگر شام تک استاد ستانہ گل ریلیز نہیں ہوئے تو ایس ایچ او لنڈی کوتل سمیت تمام متعلقہ افراد کے خلاف مقدمہ درج اور موثر احتجاج شروع کرینگے۔ ان کاکہنا تھا کہ ایک سینئر استاد کی گرفتاری کے خلاف پاک افغان شاہراہ کو بھی بند کرینگے۔

  • لنڈیکوتل:ناجائز ٹیکسز کا نفاذ ،تاجر برادری وکسٹم کلیرنس ایجنٹس نے پہیہ جام ہڑتال کی کال دے دی

    لنڈیکوتل:ناجائز ٹیکسز کا نفاذ ،تاجر برادری وکسٹم کلیرنس ایجنٹس نے پہیہ جام ہڑتال کی کال دے دی

    لنڈیکوتل(باغی ٹی وی رپورٹ )ناجائز ٹیکسز کا نفاذ ،تاجر برادری وکسٹم کلیرنس ایجنٹس نے پہیہ جام ہڑتال کی کال دے دی

    آل طورخم کسٹم کلئیرنگ ایجنٹس ایسوسی ایشن کے صدر ایمل شینواری،ٹرانسپورٹ یونین صدر عظیم اللہ شینواری ،طورخم ایجنٹس کے سینئر نائب صدر شاہجہان شینواری، نائب صدر عامر شینواری، مشیر عمر شینواری سمیت سینیئر و جونیئر کسٹم ایجنٹس نے ہنگامی پریس کانفرنس سے خطاب کرتے ہوئے کہا کہ حکومت کی طرف سے یکم جولائی کو ایس آر او نمبر 297 کو لاگو کیا گیا ہے جس میں امپورٹ فریش فروٹ اور سبزیوں پر ناجائز ٹیکسز کا نفاذ کیا گیا ہے جس کو ہم یکسر مسترد کرتے ہیں اور اس کے خلاف پہیہ جام ہڑتال سمیت موثر احتجاج کرینگے کیونکہ مذکورہ ٹیکسز جس میں تقریباً 4 گنا اضافہ کیا گیا ہے کاروبار ختم کرنے کے مترادف ہے

    انہوں نے کہا کہ TAD( ٹمپریری ایڈمیشن ڈاکومنٹس) پالیسی میں ہمیں سخت مشکلات کا سامنا ہے کیونکہ یہاں پر ان کا نہ متعلقہ دفتر ہے جو ڈرائیورز کو رجسٹریشن پراسس کے حوالے سے سہولیات دیں بلکہ پشاور میں ایک اہم میٹنگ کے دوران ہمارے ساتھ وعدہ کیا گیا تھا کہ TAD رجسٹریشن طورخم میں ہی کی جائیگی چونکہ اب طورخم بارڈر پر دونوں طرف سے سینکڑوں کی تعداد میں گاڑیاں کھڑی ہیں جس کی وجہ سے کاروبار بری طرح متاثر ہے جبکہ گاڑیوں کا کرایہ دوگنا ہو گیا ہے

    آخر میں انہوں نے وزیراعظم، آرمی چیف، وزیر خزانہ، ایف بی آر چئیرمین ودیگر متعلقہ حکام سے اپیل کی کہ ایف بی آر نے جو ایس آر او نمبر 1501جاری کیا ہے اس کو معطل کرکے ایس آر او 297 کو لاگو جائے

    اس مسئلہ کو فی الفور حل کرکے پاک افغان دو طرفہ تجارت کی بہتری کیلئے ٹھوس اقدامات اٹھائے۔

  • سوات، سکول کی چھت گرنے سے 19 بچے زخمی

    سوات، سکول کی چھت گرنے سے 19 بچے زخمی

    خیبر پختونخواہ کے علاقے سوات میں افسوسناک واقعہ پیش آیا، سکول کی چھت گرنے سے 19 بچے زخمی ہو گئے ہیں

    واقعہ سوات کی تحصیل مٹہ کے علاقے ٹانگار میں پیش آیا، نجی سکول کی چھت گرنے سے 19 بچے زخمی ہوئے جنہیں طبی امداد کے لئے ہسپتال منتقل کر دیا گیا، اطلاع پر ریسکیو ٹیمیں موقع پر پہنچ گئیں،سکول میں امدادی کاروائیاں شروع کر دی گئی ہیں، ریسکیو حکام کے مطابق جس سکول کی چھت گری وہ پہاڑی علاقے میں ہے اور سکول کے کچھ کمروں کی چھت کچی تھی جسکی وجہ سے وہ گری، جس کمرے کے چھت گری اس میں نرسری کلاس کے بچے تھے، زخمی ہونے والے بچوں کی عمریں 5 سے 6 سال کے درمیان ہیں، تین بچوں کی حالت نازک بتائی جا رہی ہے

    دوسری جانب وزیراعلیٰ خیبر پختونخوا نے سوات میں سکول کی چھت گرنےکے واقعہ کا نوٹس لیتے ہوئے زخمی بچوں کو فوری بہترین علاج معالجہ کی ہدایات کیں.

  • پشاور میں آٹے کی فی کلو قیمت میں 20 روپے اضافہ

    پشاور میں آٹے کی فی کلو قیمت میں 20 روپے اضافہ

    پشاور میں آٹے کی فی کلو قیمت میں 20 روپے اضافہ کے بعد 20 کلو فائن آٹے کے تھیلے کی قیمت 1800روپے سے بڑھ کر 2200 روپے ہوگئی۔ آٹا ڈیلر کے مطابق پنجاب میں ڈیلرز کی جانب سے گندم ذخیرہ کرنے پر قیمتیں بڑھ گئیں۔ صدر آٹا ڈیلرز ایسوسی ایشن نے کہا کہ نان بائیوں کو 7500 روپے میں دی جانے والی بوری کی قیمت 8500 روپے ہوگئی۔

  • ضلع کرم :ڈاکٹر عدنان روس سے ڈاکٹریٹ آف جنرل سرجری کا گولڈ میڈل حاصل کرنے میں کامیاب

    ضلع کرم :ڈاکٹر عدنان روس سے ڈاکٹریٹ آف جنرل سرجری کا گولڈ میڈل حاصل کرنے میں کامیاب

    ضلع کرم ( باغی ٹی وی رپورٹ ) لوئرکرم ششو کے رہائشی ڈاکٹر عدنان جوکہ بنیادی طور پر انتہائی پسماندہ علاقہ سنٹرل کرم مناتو قوم منتوال ذیمشت تپہ باگزئی سے تعلق رکھتے ہیں، نے روس کے جیورجیا باٹومی شوٹا روستاویلی اسٹیٹ یونیورسٹی سے ڈاکٹریٹ کی تعلیم مکمل کی اور جنرل سرجری میں گولڈ میڈل حاصل کرکے نہ صرف ایک تاریخ رقم کی ہے، بلکہ پورے پاکستان کا نام روشن کرتے ہوئے ضلع کرم کے لئے بہت بڑا اعزاز حاصل کیا ہے۔

    اُنہوں نے میڈیا سے گفتگو کرتے ہوئے کہا کہ یہ جنرل ایوارڈ سری منی تھی، جن کے لئے پوری دنیا سے میرا انتخاب کیا گیا تھا، جو میرے وہم وگمان بھی نہ تھا۔ یہ سب کچھ میرے والدین کی دعاؤں،اساتذہ کی محنت اور میری ذاتی شبانہ روز کوششوں کے نتیجے میں ممکن ہؤا۔

    اُنہوں نے کہا کہ مجھے چاہنے والوں نے مبارک باد کے پیغامات بھیجے، لیکن جب مجھے معلوم ہؤا کہ ضلع کرم ایک بار پھر خون آلود ہے تو میری ساری خوشیاں ختم ہوگئیں۔

    اُنہوں نے روتے ہوئے کہا کہ دنیا کہاں سے کہاں چلی گئی اور ہم کہاں جا رہے ہیں، خدارا ضلع کرم کوامن اور خوشیاں دو، تعلیم، صحت اور مواصلات دو،ان کے بچوں اور آنے والی نسلوں پر رحم کرو، بچوں کے ہاتھوں میں بندوق نہیں قلم دو، تاکہ آنے والی نسلیں اعلیٰ تعلیم حاصل کرکے بہترین شہری بن کر ملک وقوم کی خدمت کرسکیں۔ اب مزید خونریزی کا یہ ڈرامہ ختم کر دو۔ یہاں غربت اور بے روزگاری سے لوگ فاقے کر رہے ہیں۔ اپنے بچوں کے لئے ایک وقت کی روٹی کے لیے در در کی ٹھوکریں کھا رہے ہیں۔

    اُنہوں نے علمائے کرام اور نوجوانانِ علاقہ سے درخواست کی کہ محراب و منبر سےامن کے لئے آواز اُٹھائیں اور ان لوگوں کی آواز بنیں جو امن لیے کام کرتے ہیں۔

    گزشتہ روز جب وہ اپنے آبائی گاؤں ششو لوئرکرم پہنچے تو مقامی لوگوں نے ان کا پرتپاک استقبال کیا۔ ہار پہنائے اور مبارک باد دی۔

    یاد رہے کہ ڈاکٹر عدنان نے میٹرک کیمبرج پبلک سکول سدہ سے ہی کیا اور مزید تعلیم کے لئے روس چلے گئے، جہاں سے انہوں نے جنرل سرجری میں ڈاکٹریٹ کی ڈگری حاصل کی۔

    یہ بھی یاد رہے کہ زمانہ طالب علمی میں وہ بوائے سکاؤٹس بھی رہے ہیں اور کرم سکاؤٹس اوپن گروپ کی طرف سے اُنہوں نے نیشنل اور انٹرنیشنل ایونٹس میں کئی بار شرکت کرکے اپنے قابلیت کا لوہا منوایا تھا۔

    اُنہوں نے اپنے اعزاز کو شہدائے کرم کے نام کردیا۔

  • پاکستان میں توہین آمیز مواد سے متعلق پالیسی سخت ہے،ٹک ٹاک

    پاکستان میں توہین آمیز مواد سے متعلق پالیسی سخت ہے،ٹک ٹاک

    پشاور ہائیکورٹ کی جانب سے ٹک ٹاک کو توہین آمیز مواد ہٹانے کے حکم پر ٹک ٹاک نے چیف جسٹس پشاور ہائیکورٹ کو خط لکھا ہے

    ٹک ٹاک کی جانب سے لکھا گیا خط چیف جسٹس پشاور ہائیکورٹ کو موصول ہو گیا ہے، خط ٹک ٹاک کے ہیڈ آف پبلک پالیسی اینڈ گورنمنٹ ریلیشنز کی جانب سے لکھا گیا ہے، چیف جسٹس پشاور ہائیکورٹ کو ٹک ٹاک کی جانب سے لکھے گئے خط میں کہا گیا کہ ” ٹک ٹاک پر مبینہ طورپر توہین آمیز مواد اپ لوڈ ہونےکی خبریں ہم تک پہنچیں جس پر ٹک ٹاک نے پی ٹی اے کو ایسا مواد ہٹانے کے لیے خصوصی پورٹل دیا مگر پی ٹی اے نے توہین آمیز مواد رپورٹ نہیں کیا، خبریں آنےکے بعد ٹک ٹاک نے خود پی ٹی اے کو توہین آمیز مواد رپورٹ کرنے کی درخواست کی اور پورٹل پر رپورٹ شدہ توہین آمیز مواد کو ٹک ٹاک نے بلاک کیا ہے،پاکستان میں توہین آمیز مواد سے متعلق ٹک ٹاک کی پالیسی سخت ہے اور ٹک ٹاک توہین آمیز مواد سے متعلق مقامی قوانین کی پاسداری کرتا ہے جب کہ ٹک ٹاک نے عدالتی کارروائی میں حصہ لینے سے متعلق کوئی فیصلہ نہیں کیا”۔

    واضح رہے کہ ٹک ٹاک کو توہین آمیز مواد کی وجہ سےبند کرنے کے لئے دائر درخواست پر سماعت پشاور ہائی کورٹ کے جسٹس ایس ایم عتیق شاہ اور جسٹس شکیل احمد پر مشتمل 2 رکنی بینچ نے کی تھی، دوران سماعت عدالت نے پی ٹی اے کو ٹک ٹاک سے توہینِ مذہب اور قابل اعتراض ویڈیوز ہٹانے کا حکم دیا تھا،درخواست گزار کے وکیل نے کہا تھا کہ ہم نے استدعا کی ہے کہ ٹک ٹاک کو بند کیا جائے، ٹک ٹاک پر جو توہین مذہب کی پوسٹیں شیئر کی جاتی ہیں، ہمیں ان پر اعتراض ہے، جو مثبت چیزیں شیئر ہوتی ہیں ہم اس کے خلاف نہیں ہیں، جسٹس شکیل احمد نے ریمارکس دیتے ہوئے کہا تھا کہ یہ انتہائی اہم ایشو ہے، جو مثبت چیزیں ہیں وہ شیئر کریں، لیکن قابل اعتراض چیزیں یا توہین مذہب سے متعلق پوسٹیں شیئر نہیں ہونی چاہیے،پی ٹی اے کے وکیل نے عدالت میں کہا تھا کہ ایک دن میں ٹک ٹاک پر لاکھوں ویڈیوز شیئر ہوتی ہیں، ٹک ٹاک پر جب بھی کوئی توہین مذہب کی پوسٹ شیئر کی جاتی ہے، ان کو بلاک کردیا جاتا ہے،جسٹس ایس ایم عتیق شاہ نے ریمارکس دیتے ہوئے کہا تھا کہ امریکا اور دیگر ممالک میں تو اس کو فلٹر کیا گیا ہے، یہاں پر ایسا کیوں نہیں کیا گیا؟، جس پر پی ٹی اے کے وکیل نے جواب دیا کہ ٹک ٹاک پر جو توہین مذہب کی پوسٹیں آتی ہیں وہ اکاؤنٹ باہر کے ہوتے ہیں،جسٹس ایس ایم عتیق شاہ نے استفسار کیا کہ کیا ایسا نہیں ہوسکتا کہ فائر وال بنائی جائے اور جو بھی توہین مذہب کی ویڈیوز آئیں وہ بلاک ہو جائیں، جس پر وکیل نے جواب دیا کہ یہ ٹیکنیکل معاملہ ہے،درخواست گزار کے وکیل نے کہا کہ عدالت پی ٹی اے کو حکم دے کہ جو توہین مذہب اور قابل اعتراض مواد ٹک ٹاک پر موجود ہے، اس کو ہٹایا جائے۔پشاور ہائیکورٹ میں ٹک ٹاک بند کرنے کےلیے دائر درخواست پر اگلی سماعت 24 جولائی کو ہوگی۔

    حریم شاہ مبشر لقمان کے جہاز تک کیسے پہنچی؟ حقائق مبشر لقمان سامنے لے آئے

    حریم شاہ کے خلاف کھرا سچ کی تحقیقات میں کس کا نام بار بار سامنے آیا؟ مبشر لقمان کو فیاض الحسن چوہان نے اپروچ کر کے کیا کہا؟

    حریم شاہ..اب میرا ٹائم شروع،کروں گا سب سازشیوں کو بے نقاب، مبشر لقمان نے کیا دبنگ اعلان

    میں آپکی بیویوں کے کرتوت بتاؤں گی، حریم شاہ کی دو سیاستدانوں کو وارننگ

    حریم شاہ کے ہاتھ میں شراب کی بوتلیں اور….ویڈیو وائرل

    ٹک ٹاک گرلز کے نئے دھماکے، عمران خان کی ساکھ کو شدید نقصان، مبشر لقمان نے کیے اہم انکشافات

    حریم شاہ کی دبئی میں کر رہے ہیں بھارتی پشت پناہی، مبشر لقمان نے کئے اہم انکشاف

    حریم شاہ کو کریں گے بے نقاب، کھرا سچ کی ٹیم کا بندہ لڑکی کے گھر پہنچا تو اسکے والد نے کیا کہا؟

    مبشر صاحب ،گند میں نہ پڑیں، ایس ایچ او نے حریم شاہ کے خلاف مقدمہ کی درخواست پر ایسا کیوں کہا؟

  • اے این ایف اور خیبر میڈیکل یونیورسٹی مشترکہ طور پر ’’منشیات سے آگاہی سیمینار‘‘ کا انعقاد

    اے این ایف اور خیبر میڈیکل یونیورسٹی مشترکہ طور پر ’’منشیات سے آگاہی سیمینار‘‘ کا انعقاد

    لنڈی کوتل(باغی ٹی وی رپورٹ)منشیات کے استعمال اور غیر قانونی اسمگلنگ کے خلاف آگاہی پیدا کرنے کے سلسلے میں منعقدہ سیمینار کے شرکاء نے لوگوں خصوصاً نوجوان نسل کو اس لعنت سے بچانے کے لیے سال بھر ایسے سیشنز کے انعقاد پر زور دیا۔انسداد منشیات فورس(ANF) اور خیبر میڈیکل یونیورسٹی (KMU) کی انسداد تمباکو اور منشیات کنٹرول کمیٹی نے مشترکہ طور پر ’’منشیات سے آگاہی سیمینار‘‘ کا انعقاد کیا۔

    تقریب میں بریگیڈیئر مظہر حسین ریجنل ڈائریکٹر کمانڈنٹ کے پی ، ڈی پی او خیبر سلیم عباس کلاچی، ممبر انسداد تمباکو اینڈ ڈرگ کنٹرول کمیٹی KMU ضیاء الحق سرحدی، چیئرمین اینٹی ڈرگ کنٹرول کمیٹی KMU ڈاکٹر محمد علی نے شرکت کی۔ حاجی بہادر ڈپٹی ڈائریکٹر اے این ایف کے پی، واجد یوسف، مختلف سکولوں کے طلباء اور زندگی کے مختلف شعبوں سے تعلق رکھنے والے افراد نے شرکت کی شرکاء نے پلے کارڈز بھی اٹھا رکھے تھے جن پر منشیات کے استعمال کے خلاف نعرے درج تھے اور اس لعنت کے تدارک کے لیے اقدامات کا مطالبہ کیا گیا تھا۔

    اس موقع پر خطاب کرتے ہوئے ممبر اینٹی ٹوبیکو ڈرگ کنٹرول کمیٹی کے ایم یو ضیاء الحق سرحدی نے کہا کہ عوام میں آگاہی پیدا کرنے کے حوالے سے ایسی سرگرمیاں سال بھر باقاعدگی سے ہونی چاہئیں۔ انہوں نے کہا کہ منشیات کا استعمال خطرناک حد تک بڑھ رہا ہے جس سے ہماری نوجوان نسل متاثر ہو رہی ہے جس کی روک تھام کے لیے سخت اقدامات کی اشد ضرورت ہے۔

    ضیا سرحدی نے خیبرپختونخوا حکومت کی طرف سے منشیات کی سمگلنگ کے خلاف ٹاسک فورس کی تشکیل کو بھی سراہتے ہوئے کہا کہ یہ ایک درست اقدام ہے اور وقت کی ضرورت تھی جو کے پی حکومت نے اٹھایا۔

    ڈائریکٹر اے این ایف، بریگیڈئر مظہر حسین ن کہا کہ جب منشیات کے استعمال کی بات آتی ہے تو نوجوان معاشرے کا سب سے زیادہ متاثرہ طبقہ ہوتے ہیں۔

    انہوں نے نشاندہی کی کہ یہ منشیات بنیادی طور پر پڑوسی ممالک سے اسمگل کی جاتی ہیں، اکثر نابالغوں کو نقل و حمل کے لیے استعمال کیا جاتا ہے۔ اس مسئلے سے نمٹنے کے لیے ڈومیسٹک ماحول کی اہمیت پر زور دیتے ہوئے انہوں نے کہا کہ انسداد منشیات فورس (ANF) انٹیلی جنس پر مبنی کارروائیاں کر رہی ہے اور منشیات فروشوں پر کڑی نظر رکھے ہوئے ہے۔ آج تک سمگلنگ کی 96% کوششیں ناکام بنا دی گئی ہیں، اور کم از کم 7,000 منشیات کے سمگلروں کے اثاثے ضبط کیے جا چکے ہیں۔

    چیئرمین اینٹی ڈرگ کنٹرول کمیٹی کے ایم یو، ڈاکٹر حاجی بہادر نے شرکاء کو آگاہ کیا کہ منشیات کے استعمال سے نمٹنے کے اپنے عزم کے تحت، کے ایم یو نے اعلیٰ تعلیمی اداروں میں منشیات اور تمباکو کے استعمال سے متعلق ہائر ایجوکیشن کمیشن (ایچ ای سی) کی پالیسی اپنائی ہے۔ یہ پالیسی اینٹی نارکوٹکس فورس (ANF)، غیر سرکاری تنظیموں (NGOs) اور معروف بحالی مراکز کے پیشہ ور افراد کے ساتھ مل کر پورے تعلیمی سال میں مسلسل آگاہی مہم بشمول سیمینارز، ورکشاپس اور لیکچرز کا پابند کرتی ہے،

  • پشاور: سی ٹی ڈی نے رواں سال دہشتگردوں کے خلاف کارروائیوں سے متعلق تفصیلات کی رپورٹ جاری کر دی

    پشاور: سی ٹی ڈی نے رواں سال دہشتگردوں کے خلاف کارروائیوں سے متعلق تفصیلات کی رپورٹ جاری کر دی

    رواں سال دہشتگردوں کے خلاف 1433 انٹیلی جنس بیسڈ آپریشنز ہوئے ۔خیبرپختونخوا میں رواں برس ہونے والے دہشتگردی کے واقعات اور محکمہ انسداد دہشت گردی (سی ٹی ڈی) کی کارروائیوں سے متعلق تفصیلات سامنے آگئیں۔ سی ٹی ڈی کی رپورٹ کے مطابق رواں سال اب تک 55 دہشتگرد حملوں کو ناکام بنایا گیا، 322 دہشتگردوں کو گرفتار کیا گیا اور 124 کو ہلاک کیا گیا۔سی ٹی ڈی رپورٹ کے مطابق 2خودکش حملہ آوروں کو گرفتار کرکے پشاور کو بڑی تباہی سے بچایا گیا، کارروائیوں میں محسن قادر گروپ، بیٹنی پڑاکیے گروپ، ٹیپو گل گروپ اور ضرار گروپ کو انجام تک پہنچایا گیا جبکہ سنتا گروپ، ٹی ٹی پی گنڈاپور گروپ کے کمانڈرز اور ان کے ساتھیوں کو بھی ہلاک کیا گیا۔ رپورٹ میں بتایا گیا ہے کہ دھماکا خیز بارود کی اسمگلنگ میں ملوث 14 ملزمان کو بھی گرفتار کیا گیا، 18 دہشتگردوں کے سروں کی قیمت مقرر کی تھی جن میں سے انتہائی مطلوب 10 دہشتگردوں کو گرفتار جبکہ 8 کو آپریشنز میں ہلاک کیا گیا۔سی ٹی ڈی رپورٹ کے مطابق رواں سال 273 دہشتگرد حملے ہوئے جبکہ حملوں میں 118 پولیس اہلکاروں اور افسران کو ٹارگٹ کیا گیا۔