Category: پشاور

پشاور(باغی ٹی وی رپورٹ )ٹیکس گذاروں کو عزت وتکریم دی جاتی ہے،انہیں مزید سہولیات دے رہے ہیں ،ڈاکٹر آصف محمود جاہ
گذشتہ روز وفاقی ٹیکس محتسب ڈاکٹر آصف محمود جاہ (ہلال امتیاز اور ستارہ امتیاز)نے کہا ہے کہ ایف ٹی او بزنس اور ٹیکس پیئرز فرینڈلی ادارہ ہے جو کہ ایک قلیل مدت میں ٹیکس گزاروں کی شکایات کا ازالہ کرکے ان کو ریلیف فراہم کررہاہے۔

ٹیکس ری فنڈز کے اجراء اورقوانین کے نفاذ کی آڑ میں بزنس کمیونٹی کو ہراساں کرنے کے واقعات کی روک تھام کیلئے موثر اقدامات اٹھارہا ہے جبکہ ٹیکس گزاروں کی عزت نفس کا ہر صورت خیال رکھا جائے گا کیونکہ کاروباری طبقہ کی وجہ سے ملک کی معیشت کو استحکام اور ترقی حاصل ہے اور بزنس کمیونٹی کو سہولیات کی فراہمی کو ہر سطح پر یقینی بنایا جائے گا۔

ان خیالات کا اظہارانہوں نے گذشتہ روز سرحد چیمبر کے دورہ موقع پرصدر فواد اسحق کی زیر صدارت اجلاس سے خطاب کرتے ہوئے کیا۔

اجلاس کے دوران چیمبرکے سینئرنائب صدر ثناء اللہ خان نائب صدر اعجاز خان آفریدی، سرحد چیمبر کے سابق سینئر نائب صدر اورمیڈیا وکسٹمزکوآرڈینیٹرایف ٹی او ضیاء الحق سرحدی ، ایڈوائزرفیڈرل ٹیکس محتسب(انکم ٹیکس)خیبر پختونخوا سردار علی خواجہ ،لیگل ایڈوائزر FTO اسلام آبادالماس علی جوندا لیگل ایڈوائزر FTO کسٹمزپشاور ضیاء الدین وزیر، شاہد نواز ایگزیکٹو کمیٹی کے اراکین تاجر و صنعت کاراور بزنس کمیونٹی کے نمائندے بھی موجود تھے۔

اجلاس سے خطاب کرتے ہوئے سرحد چیمبر کے صدر فواد اسحق نے کہا کہ حکومت موجودہ ٹیکس پیئرز پر مزید ٹیکسوں کا بوجھ ڈالنے کی بجائے مزید لوگوں کو ٹیکس نیٹ میں لے کر آئیں۔ انہوں نے پراپرٹی ٹرانسفر پر 25 سے 26 فیصد ٹیکس وصولی پر بھی تشویش کا اظہارکیا۔

اس موقع پر وفاقی ٹیکس محتسب آصف محمود جاہ نے کہاکہ ایف ٹی او گذشتہ سال 17.8 ملین روپے کے ٹیکس ری فنڈز کے کیسز فیڈرل بورڈ آف ریونیو کے ذریعے کلیئر کروا کر بزنس کمیونٹی کوریلیف فراہم کیا ہے جبکہ ملک کے مختلف مقامات پر ایف ٹی او نے فیسیلی ٹیشن ڈیسک قائم کئے تاکہ ٹیکس پیئرز کی شکایات کا ازالہ بروقت اور فوری کیا جاسکے۔

انہوں نے بزنس کمیونٹی کو یقین دلایا کہ ٹیکس گزاروں کی عزت نفس کا ہر صورت خیال رکھا جائے گا اور بزنس کمیونٹی کو سہولیات کی فراہمی کو ہر سطح پر یقینی بنایا جائے گاکیونکہ کاروباری طبقہ کی وجہ سے ملک کی معیشت کو استحکام اور ترقی حاصل ہے۔

میڈیا وکسٹمزکوآرڈینیٹرایف ٹی او ضیاء الحق سرحدی نے فیڈرل ٹیکس محتسب ادارہ کی اقدامات اورخدمات کو سراہتے ہوئے کہا کہ یہ ادارہ 2000ء میں قائم ہوا ہے اور 24 سالوں میں اس ادارے نے لاکھوں لوگوں کے مسائل حل کئے ہیں اور انہیں ریلیف فراہم کیا ہے۔ انہوں نے بتایا کہ40 دن کے اندر سائل کی شکایت / مسئلہ کو حل کرکے سستا انصاف فراہم کر رہا ہے۔

انہوں نے بزنس کمیونٹی اور عوام کیلئے انصاف کی فراہمی اور خدمات پر وفاقی ٹیکس محتسب آصف محمود جاہ اور ان کی ٹیم کو خراج تحسین پیش کیا جبکہ وفاقی ٹیکس محتسب ڈاکٹر آصف محمود جاہ ملک بھر کی تاجر برادری کی جائزٹیکس شکایتوں کے فوری طور پر ازالے کے لیے متحرک اور پر عزم ہیں اور معیشت میں بزنس کمیونٹی کے اہم کردار کو تسلیم کرتے ہوئے وفاقی ٹیکس محتسب ان کے تحفظات کے خاتمے کو بہت اہمیت دیتے ہیں، وہ یہ سمجھتے ہیں کہ سازگار کاروباری ماحول کے فروغ کے لیے منصفانہ اور موثر ٹیکس نظام بہت ضروری ہے۔

ضیاء الحق سرحدی جو کہ وفاقی ٹیکس محتسب کے اعزازی کوآرڈینیٹرکسٹم میٹرز بھی ہیں نے کہا کہ محتسب کا کام ٹیکس کے حوالے سے جو ابدہی اور کارکردگی پر مرکوز ہے اور اس کا مقصد ٹیکس سے متعلق تنازعات کو تیزی سے حل کرنا ہے تاکہ کاروبار کے راستے میں حائل رکاوٹوں کو کم کیا جاسکے۔

انہوں نے کہا کہ ایف ٹی او فعالیت اور موثر رابطے کے ذریعے ٹیکس دہندگان کے درمیان اعتماد کی فضا پیدا کرنے کی کوشش کرتا ہے اور انہیں یقین دلاتا ہے کہ ان کے خدشات سنے اور دور کیے جارہے ہیں محتسب بلا امتیاز ٹیکس دہندگان کے حقوق کے تحفظ اور ٹیکس قوانین کی تعمیل کو فروغ دینے میں اہم کردار ادا کرتا ہے، انصاف اور شفافیت کو برقرار رکھتے ہوئے ایف ٹی اوز یادہ مضبوط اور مساوی ٹیکس ایکو سسٹم کی ترقی میں اپنا حصہ ڈالتا ہے۔

انہوں نے کہا کہ ان کی شکایات پر فوری طور پر اور اسی دن کا روائی شروع ہو جاتی ہے اور کسی وکیل کی خدمات کے بغیر 34 دن کے ریکا رڈ وقت میں فیصلہ کیا جاتا ہے۔ شرکا نے ٹیکس سسٹم میں بدعنوانی کے خلاف اپنے بچاؤ کے لیے ایف ٹی او کی مجموعی کار کردگی کو سراہا۔

ضیاء الحق سرحدی نے اضاخیل ڈرائی پورٹ افغان ٹرانزٹ ٹریڈ اور بزنس کمیونٹی کو تجارت کی راہ میں حائل رکاوٹوں اور مسائل سے متعلق وفاقی ٹیکس محتسب کو آگاہ کیا اور ان کے حل کیلئے تجاویز اور سفارشات بھی پیش کیں۔

سدہ کرم( باغی ٹی وی رپورٹ) سنٹرل کرم قوم ذیمشت کے مشران و عمائدین اور نوجوانوں نے کہا ہے کہ قوم ذیمشت کے چار بڑے ذیلی شاخوں سمیت متعدد دوسریاقوام بھی یہاں رہائش ہیں اور خاص کر قوم علی شیر زئی کا بہت بڑا علاقے کا گزر بھی اِدھر ہی سے ہےمناتو کے مقام پر واحد ہائی سکول ہے، جنہیں زمانہ قدیم سے ہائیر سیکنڈری اسکول کا درجہ دیا گیا ہے اور ایک بہترین بلڈنگ بھی یہاں موجود ہے، لیکن اس کے باوجود یہاں کلاسیں نہیں ہیں اور نہ ہی ابھی تک فرسٹ ائیر اور سیکنڈ ائیر کی کلاسیں شروع کی گئی ہیں، جن کی وجہ سے ہر سال میٹرک پاس نوے فیصد بچے کالج کے عدم موجودگی سے ان کے تعلیم و تعلم کا سلسلہ روکا ہؤا ہے، اور بچوں کی تعلیمی دورانیہ بڑی تیزی سے ضائع ہو رہا ہے۔

اُنہوں نے کہا کہ ہائی سکول مناتو سے تقریباً ہر سال ساٹھ ستّر طلباء میٹرک پاس کرتے ہیں اور متعلقہ دوسرے سکولوں سے بھی اتنی ہی تعداد میں بچے میٹرک کرتے ہیں۔ لیکن بدقسمتی یہی ہے، کہ یہاں کوئی کالج نہیں ہے اور نہ ہی قریب کوئی دُوسرا کالج ہے جہاں بچے آسانی سے جاسکیں اور اپنی تعلیمی تشنگی بجھا سکیں۔

اتنی بڑی تعداد میں سے صرف چند خاندانوں کے بچے جو تعلیمی اخراجات کی استطاعت رکھتے ہیں وہ ڈگری کالج سدہ، بگن یا کہیں اور جاتے ہیں باقی سارے بچے غربت کی وجہ سے تعلیمی سلسلہ بند کر دیتے ہیں، جو مجبوراً کاشتکاری یا محنت مزدوری کرنے لگتے ہیں یا عرب امارات چلے جاتے ہیں۔

اُنہوں نے کہا ہے کہ ہمارے واحد مناتو ہائی سکول کو کب ہائیر سیکنڈری اسکول کا درجہ دیا گیا ہے لیکن کلاسوں کی شروعات نہ ہونے کی وجہ سے ہمارے 90 فیصد بچے ضائع ہوچکے ہیں، جنہیں دوسرے اضلاع کے کالجوں میں بھی داخلے نہیں ملتے۔ خود ہمارا علاقہ مناتو تحصیل ہیڈ کوارٹر سدہ سے تقریباً 26 کلومیٹر دور واقع ہے۔ وسطی کرم پہاڑی علاقہ ہونے کی وجہ سے یہاں کے طلباء روز روز جانے سے بھی قاصر ہیں، اسلئے کہ صرف کرایوں کی مد میں ہونے والے آخراجات بھی ماہوار ہزاروں روپے بنتے ہیں جو دوسرے آخراجات کے علاؤہ ہیں۔

اُنہوں نے کہا کہ ہمارا علاقہ جدید دور کے تمام سہولیات جیسا کہ 3G/4G اور انٹرنیٹ کونیکٹوٹی سروس اور مواصلات جیسی اہم ضروریات سے بھی محروم ہے۔

2022 کی مردم شماری کے مطابق صرف ہمارے ایک ہی گاؤں مناتو کی کل آبادی 8,396 تھی جو 2023 کے مردم شماری میں اور بھی بڑھ گئی ہے اور یہی حال پوری ذیمشت قوم کے ہر علاقے کا ہے۔ مناتو گاؤں تحصیل لوئرکرم کے زیر انتظام آتا ہے لیکن اس کے باوجود ہرقسم کے سہولیات سے دور بلکہ بہت دور ہے۔

مناتو ہائی سکول میں جہاں پرائمری سیکشن سمیت ہائی اسکول بھی ہے اور اس وقت اس کی تعداد 600 سے زائد ہے۔ ایف سی کے تعاؤن سے عارضی گرلز پرائمری سکول بھی موجود ہے، جہاں مناتو کے مضافات مرغان، مرغان درہ، منڈان، زاوکی میلہ، خٹک میلہ، باغ اور گواکی سمیت بہت دور سے لڑکے اور لڑکیاں آتی ہیں۔ 80 % سے زائد طلباء و طالبات پہاڑی علاقہ ہونے کی وجہ سے بہت دور کا لمبا سفر روزنامہ طے کرتے ہیں، جو موسم کی وجہ سے بھی اکثر مشکلات کا سبب بنتا ہے۔ جس میں مرغان درہ، منڈان، خٹک میلہ، گواکی اور زواکی کے طلباء کا یک طرفہ سفر تقریباً تین گھنٹے بنتا ہے۔ اکثریت والدین کا پیشہ زراعت، کھیتی باڑی ہے یا ہاتھ سے محنت مزدوری ہے یا مقامی جنگلات سے لکڑی کاٹ کر بیچتے ہیں جس پر اپنا گزر بسر کرتے ہیں۔

لہٰذا ہماری حکومت اور پاک فوج سے استدعا ہے کہ ہائیر سیکنڈری سکول کو فوری کھول دیا جائے یا انٹر کالج تعمیر کیا جائے، اور ہمارے بچوں کے مستقبل پر رحم کیا جائے ۔