Category: پشاور

گورنر کے پی فیصل کریم کنڈی نے کہا کہ وزیراعلیٰ علی امین گنڈا پور کو ایک پھر گورنر ہاؤس آنے کا دعوت دیتا ہوں۔ فیصل کریم کنڈی نے کہا کہ اگر وہ عار محسوس کرتے ہیں تو میں وزیراعلیٰ ہاؤس جانے کو تیار ہوں، صوبے کا مقدمہ متعلقہ فورم پر لڑنا چاہتے ہیں، تمام پارٹیوں کو دعوت دیتا ہوں کہ وہ آئیں اور صوبے کا مقدمہ لڑیں، گورنر ہاؤس ہر سیاسی پارٹی کا گھر ہے۔گورنر کے پی فیصل کریم کنڈی نے میڈیا سے گفتگو کرتے ہوئے کہا کہ وفاق اور صوبے کے درمیان پل کا کردار ادا کروں گا، بات دلیل کی بنیاد پر کرنا چاہئے نہ کہ غیر مہذبانہ انداز میں۔
انہوں نے کہا کہ سیاسی مقابلے الیکشن میں کریں گے، اب وقت کارکردگی کا ہے، صوبے کے حقوق کے لئے وزیراعلیٰ کے ساتھ ہر وقت ملنے کو تیار ہوں، گورنر راج نہیں لگائیں گے، پیپلز پارٹی جمہوریت پر یقین رکھتی ہے، وزیراعلیٰ بجلی پر قبضہ کرنے کی بات نہ کریں۔گورنر کے پی نے کہا کہ وفاق کو مشورہ دیا ہے کہ بجلی کی تینوں کمپنیاں صوبے کے حوالے کریں، صوبائی حکومت اس کے نفع اور نقصان کی ذمہ دار ہو گی، بجلی کے سوئچ پر قبضہ کی نوبت نہیں آئی گی، میں الف با تا پر یقین رکھتا، الف کے معنی آئین، با کا معنی بجلی اور تا کا معنی مالاکنڈ ہے۔
ان کا مزید کہنا تھا کہ صوبائی حکومت سے کہتا ہوں کہ آئیں ملکر عوام کا مقدمہ وفاق سے لڑیں، یہ وقت جذبات کا نہیں ذمہ داری کا ہے، کتے کے بھونکنے سے قافلے رکھتے نہیں، صوبے کے حقوق کے لئے تمام سیاسی قائدین سے ملوں گا، مالاکنڈ میں ٹیکس کا مسئلہ وفاق میں پیش کروں گا۔فیصل کریم کنڈی نے کہا کہ مالاکنڈ ڈویژن کے عوام کا بار بار احتجاج حل نہیں بلکہ مستقل حل نکالنا پڑے گا، ٹیکس استثنیٰ ذوالفقار علی بھٹو کا تحفہ تھا، عوامی گورنر ہوں، گلی گلی جانے کو تیار ہوں، کسی کو تکلیف نہیں دینا چاہتا، ایسا بھی نہیں کہ گورنر بنکر میرے پر نکل آئے۔گورنر کے پی نے مزید کہا کہ مالاکنڈ میں یونیورسٹی کیمپس قائم کروں گا، باقی کام اختیارات جاننے کے بعد کروں گا۔

مشیر اطلاعات خیبر پختونخوا بیرسٹر محمد علی سیف نے کہا ہے کہ خیبر پختونخوا میں کوئی ڈرون حملہ نہیں ہوا۔ایک بیان میں مشیر اطلاعات نے کہا کہ کسی گھر میں کچھ بارودی مواد تھا جس کی وجہ سے دھماکا ہوا، اس کا تعلق ڈرون حملے سے نہیں ہے۔بیرسٹر سیف نے کہا ہے کہ خیبر پختونخوا حکومت جلد بجٹ پیش کرنے جا رہی ہے، صوبے کا بجٹ عوامی توقعات کے مطابق ہو گا، خیبر پختونخوا میں مہنگائی میں کمی آ رہی ہے۔انہوں نے کہا کہ ہم تصادم نہیں بلکہ اپنے حق کی بات کر رہے ہیں، وفاق پختونخوا کیساتھ سوتیلی ماں جیسا سلوک کر رہا ہے ،وفاق ہمارا بجلی سے متعلق مطالبہ پورا کرے ،ہمیں بجلی چور کہا جا رہا ہے ایسے باتیں برداشت نہیں۔انہوں نے کہا کہ ہمیں ایک چیف سیکرٹری تک نہیں دیا جا رہا ، یقینی دہانیوں کے باوجودوفاق خیبر پختونخوا کے بقایاجات ادا نہیں کر رہا، فاٹا میں ترقیاتی کاموں کے فنڈز شیئر کرنے سے متعلق اعلان ہوئے مگر فنڈز نہیں آئے۔

وزیر خوراک خیبر پختون خوا ظاہر شاہ نے کہا ہے کہ خیبر پختونخوا باہر سے لائی گئی گندم نہیں خریدے گا، ہم مقامی کسانوں سے 6 لاکھ ٹن گندم خرید رہے ہیں۔اسلام آباد میں مشیر اطلاعات خیبرپختونخوا بیرسٹر سیف کے ہمراہ پریس کانفرنس کرتے ہوئے ظاہر شاہ نے کہا کہ پہلے مرحلے میں 3 لاکھ میٹرک ٹن گندم خریدی جائے گی۔انہوں نے کہا کہ 40 کلو گندم کا ریٹ 3900 روپے رکھا ہے، اس بار گندم کی خریداری کو شفاف بنایا جائے گا۔ظاہر شاہ کا کہنا ہے کہ خیبر پختون خوا حکومت نے کسانوں سے 17 ہزار میٹرک ٹن گندم خریدی ہے۔
ان کا مزید کہنا ہے کہ خیبر پختونخوا حکومت کو فنڈز نہیں دیے جا رہے ہیں، گندم اور پانی پر ہمیشہ لڑائیاں رہی ہیں، گندم اسٹوریج اس لیےہوتہ ہے تاکہ آفات میں اس کو استعمال کیا جائے، ہم نے جو فیصلہ کیا اس سےصوبے کو 12 ارب روپے کا فائدہ ہو گا۔صوبائی وزیر نے کہا کہ امپورٹ کی گئی گندم خیبر پختون خوا کے لوگ پسند نہیں کرتے، خیبر پختون خوا میں 22 سینٹرز میں گندم کی خریداری کی جا رہی ہے، 20 مئی سے نئے مراحل میں گندم خریدی جائے گی۔ظاہر شاہ نے یہ بھی کہا کہ فوڈ کے شعبے میں کرپشن ہوتی تھی اس لیے ایپ بنائی گئی، 14 لاکھ میٹرک ٹن گندم کا کسانوں نے ایپ میں اندراج کیا۔

وزیرِ اعلیٰ خیبر پختون خوا علی امین گنڈاپور نے پاکستان میں کرغزستان کے سفیر کو خط لکھا ہے جس میں پاکستانی طلبہ کی حفاظت کے مؤثر اقدامات پر کرغزستان حکومت سے اظہارِ تشکر کیا ہے۔خط میں وزیرِ اعلیٰ خیبر پختون خوا علی امین گنڈاپور نے کہا ہے کہ واقعے پر فوری ردِ عمل اور صورتِ حال سے نمٹنے کے لیے جامع اقدامات قابلِ تعریف ہیں، فوری اقدام نے مزید نقصان کو روکا اور پریشان والدین کو یقین دہانی فراہم کی۔ وزیرِ اعلیٰ خیبر پختون خوا کا خط کہنا ہے کہ طلبہ کے تحفظ کو یقینی بنانے کے لیے جاری کوششوں کے مشکور ہیں، واقعہ طلبہ اور ان کے خاندانوں کے لیے کافی پریشانی کا باعث بنا، کے پی حکومت طلبہ کی بحفاظت واپسی کے اخراجات برداشت کرنے کے لیے پُرعزم ہے۔انہوں نے کرغزستان کے سفیر کو خط میں کہا ہے کہ مستقل رابطوں نے خدشات کو دور کرنے میں مدد کی، یہ جان کر تسلی ہوئی کہ ہمارے طلبہ محفوظ ہاتھوں میں ہیں۔خط میں وزیرِ اعلیٰ خیبر پختون خوا علی امین گنڈاپور نے یہ بھی لکھا ہے کہ طلبہ کی فلاح و بہبود مشترکہ ذمے داری ہے، یقین ہے کہ طلبہ کی پاکستان میں محفوظ اور بر وقت واپسی کو یقینی بنایا جائے گا۔

وزیر اعلیٰ خیبرپختونخوا نے کہا کہ صوبے کے صرف بجلی کی مد میں 1510 ارب روپے بنتے ہیں، آئین بھی آپ توڑتے ہیں اورجمہوریت کے لیکچر بھی آپ دیتے ہیں، میں اپنا حق مانگ رہا ہوں اور حق بھی نہیں دے رہے، بانی پی ٹی آئی کی حکومت میں بجلی کا فی یونٹ 16 روپے تھا اور انڈسٹری چل رہی تھی۔ خیبرپختونخوا اسمبلی میں خطاب کرتے ہوئے وزیراعلیٰ خیبرپختونخوا علی امین گنڈا پور نے کہا کہ ہمارے ساتھ ظلم ہوا اور ہم پر ہی الزام لگائے جا رہے ہیں، عوام نے جبر، ظلم، پارٹی نشان چھیننے کے باوجود ہمیں اکثریت دی، دھاندلا ہوا انشااللہ حلقے کھلیں گے، ہم سب تو اپنے حلقے کھولنے کے لیے تیار ہیں۔وزیر اعلیٰ خیبرپختونخوا علی امین گنڈا پور نے کہا ہے کہ پندرہ دن کا وقت دے رہا ہوں بجلی کے مسئلے کو حل کریں، ریلیف نہیں دیتے تو میں ٹیک اوور بھی کر سکتا ہوں، پھر میں ہی بجلی کا بٹن آن آف کروں گا۔وزیر اعلیٰ خیبرپختونخوا نے کہا کہ وفاق کا یہ رویہ ناقابل برداشت ہے، ایسا نہیں ہوگا کہ ہم اب خاموش رہیں گے، اسمبلی سے پیغام دے رہا ہوں ہمیں مجبور نہ کریں، اپنے صوبے کا حق مانگ رہا ہوں، کوئی سمجھتا ہے کہ ہم چپ ہو جائیں گے تو ایسا نہیں ہو گا۔علی امین گنڈا پور نے کہا کہ پی ٹی آئی پر جب ظلم ہوا تب کسی کو جمہوریت یاد نہیں آئی؟ پورا پاکستان جانتا ہے ہماری پارٹی مظلوم ہے، وفاق کی جانب سے 300 ارب روپے کم دیئے گئے، آج بھی وفاق ہمیں ہمارا حق نہیں دے رہا۔
انہوں نے کہا کہ ہمیشہ کہتا ہوں ہماری ہسٹری کو دیکھو، ایسے نہیں تو ایسے ہی سہی اس فارمولے کی طرف نہ لے کر جاؤ، درخواست کی بھی ایک لمٹ ہوتی ہے، ہمیں اس سال کے 50 ارب روپے دو مہینے میں چاہئیں۔علی امین گنڈا پور نے کہا کہ فاٹا کے لوگوں نے آپریشن کی وجہ سے اپنے گھر چھوڑے، دہشت گردی کے خلاف جنگ میں ہمیں آج تک ایک روپیہ نہیں دیا گیا، لوگوں کو بیوقوف بنانے کا وقت گزر چکا ہے، ہماری فوج، پولیس قربانیاں دے رہی ہے۔