Category: پشاور

پشاور ہائیکورٹ ،سینیٹ انتخابات کیلئے مراد سعید، اعظم سواتی، فیصل جاوید، خرم زیشان اور اظہر مشوانی کے کاغذات منظوری کیخلاف دائر درخواستوں کی سماعت ہوئی

جسٹس ایس ایم عتیق شاہ اور جسٹس سید ارشد علی پر مشتمل دو رکنی بنچ نے سماعت کی ،عدالت نے فریقین کو نوٹس جاری کر دیا،وکیل درخواست گزار نے کہا کہ مراد سعید اور دیگر امیدواروں کیخلاف مختلف مقدمات درج ہیں۔ کاغذات نامزدگی جمع کراتے وقت امیدواروں نے گوشوارے چھپائے تھے۔ ایپلٹ ٹربیونل کے فیصلے کو کالعدم قرار دیا جائے۔عدالت نے فریقین کو نوٹس جاری کر کے سماعت یکم اپریل تک ملتوی کر دی

دوسری جانب لاہور ہائیکورٹ میں عون چوہدری کی کامیابی کے نوٹیفکیشن کے خلاف دائر درخواست پر سماعت ہوئی،عدالت نے رجسٹرار آفس کا اعتراض ختم کردیا ،عدالت نے درخواست کو ڈائری نمبر لگانے کی ہدایت کردی ،جسٹس فیصل زمان نے سلمان اکرم راجہ کی درخواست پر سماعت کی ،رجسٹرار آفس نے الیکشن کمیشن کے نوٹیفکیشن کی تصدیق شدہ کاپی نہ لگانے کا اعتراض عائد کیا تھا ، درخواست میں عدالت سے استدعا کی گئی ہے کہ عدالت عون چوہدری کی کامیابی کا نوٹیفکیشن کالعدم قرار دے

تمباکو سے پاک پاکستان…اک امید

تمباکو سے پاک پاکستان، آئیے،سگریٹ نوشی ترک کریں

تمباکو نشہ نہیں موت کی گولی، بس میں ہوتا تو پابندی لگا دیتا، مرتضیٰ سولنگی

ماہرین صحت اور سماجی کارکنوں کا ماڈرن تمباکو مصنوعات پر پابندی کا مطالبہ

تمباکو نوشی کے خلاف مہم کا دائرہ وسیع کریں گے،شارق خان

وزیر اعلیٰ کے پی کے علی امین گنڈا پور سے وزیر داخلہ محسن نقوی کی اہم ملاقات ہوئی ہے

ملاقات وزیراعلیٰ ہاؤس میں ہوئی، ملاقات میں امن و امان اور سکیورٹی کی صورتحال پر گفتگو کی گئی، وفاقی وزیر داخلہ محسن نقوی وزیراعلیٰ ہاؤس پہنچے تو وزیراعلیٰ خیبر پختونخوا علی امین گنڈا پور نے وزیر داخلہ کا پرتپاک استقبال کیا،ملاقات کے دوران وفاقی وزیر داخلہ و وزیراعلیٰ کے پی ، دونوں نے دہشتگردی کے ناسور کے مکمل خاتمے کے عزم کا اعادہ کیا،وفاقی وزیرداخلہ محسن نقوی اور وزیر اعلی خیبرپختونخوا نے دہشتگردی کے ناسور کے مکمل خاتمے کے عزم کا اعادہ کیا۔ ملاقات میں دہشتگردوں کے خلاف انٹیلیجنس بیسڈ آپریشن مزید تیز کرنے کا فیصلہ کیا گیا۔

وفاقی وزیرداخلہ محسن نقوی اور وزیر اعلیٰ خیبرپختونخوا علی امین گنڈاپور نےخود کش حملے میں چینی شہریوں کی ہلاکت پر افسوس کا اظہار کیا۔چینی حکومت ،عوام اور مرنے والے چینی شہریوں کے خاندانوں سے مکمل یکجہتی کا اظہار کیا۔حملے کے سہولت کاروں کو کیفر کردار تک پہنچانے کے عزم کا اظہار کیا گیا۔وزیر داخلہ محسن نقوی نے کہا کہ چینی شہریوں پر حملے کے عناصر قرار واقعی سزا سے نہیں بچ سکیں گے۔ وفاقی وزیرداخلہ محسن نقوی نے دہشتگردی سے نمٹنے کیلئے موثر کوآرڈینیشن کی ہدایت کی اور کہا کہ ملک دشمن عناصر بزدلانہ کارروائیوں سے پاکستانی قوم کے عزم کو شکست نہیں دے سکتے، پوری طاقت سے ملک دشمنوں کو جواب دیں گے،دہشتگردی کےخلاف جنگ پاکستان کی بقاء کی جنگ ہے۔خیبرپختونخوا کے ساتھ ہر ممکن تعاون کریں گے

وزیر اعلیٰ کے پی علی امین گنڈا پور نے کہا کہ امن و امان موجودہ صوبائی حکومت کی ترجیحات میں سرفہرست ہے، اس مقصد کے لئے صوبائی حکومت تمام دستیاب وسائل بروئے کار لائے گی، صوبے کے عوام کے جان و مال کے تحفظ کو یقینی بنانے کے لئے ہر ممکن اقدامات اُٹھائے جائیں گے۔خیبر پختونخوا دہشت گردی سے سب سے زیادہ متاثر ہوا ہے

پشاور ہائیکورٹ، صوبائی وزیر فضل شکور اور ارکان اسمبلی کے نام ای سی ایل اور اسٹاپ لسٹ میں ڈالنے کے خلاف کیس کی سماعت ہوئی،

جسٹس عتیق شاہ اور جسٹس شکیل احمد نے کیس کی سماعت کی،دوران سماعت وکیل درخواست گزار نے کہا کہ درخواست گزار عمرے کے لیے باہر جانا چاہتے ہیں، جسٹس عتیق نے سوال کیا کہ یہ سارے عمرے کے لیے جارہے ہیں؟ لگتا ہے یہ عمرے کسی خاص شخص کے لیے ہو رہے ہیں، وہاں ویڈیوز بناکر کہیں گے کہ ہم نے آپ کے لیے عمرہ کیا اور دعا بھی مانگ رہے ہیں،

جسٹس شکیل احمد نے وکیل درخواست گزار سے کہا کہ یہ اپنے ساتھ اسد قیصر کو بھی لے جائیں وہ بھی عمرے کے لیے جانا چاہتے تھے، عدالت نے وفاقی حکومت، ایف آئی اے اور متعلقہ فریقین سے 7 دن میں جواب طلب کرلیا۔

درخواستگزاروں میں پی ٹی آئی کے ممبران اسمبلی فضل شکور، عارف احمد زئی خالد خان، فصل محمد خان، عاطف خان ، شہرام خان ترکئی،ادریس خٹک، انور تاج،سابق ایم پی محمد علی ترکئی اور ارباب جہانداد شامل ہیں،

تھانہ روجھان کی حدود سے کچے کے ڈاکوؤں کے سہولت کار کو گرفتار کرلیا گیا

گھوٹکی: کچے کے علاقے میں پولیس کا ڈاکوؤں کے ساتھ مبینہ مقابلہ،3 مغوی بازیاب کرانے کادعویٰ

تنگوانی:کچے کے ڈاکوؤں نے 2 شہریوں کو اغواء کرلیا

تنگوانی : کچے کے ڈاکوؤں نےمل چوکیدارسمیت 10 افراد اغوا کرلئے

گھوٹکی:کچے میں ڈاکوؤں کیخلاف آپریشن،خطرناک ڈکیت نے ہتھیارڈال دئے

پشاور: خیبر پختونخوا کے ضلع شانگلہ کے علاقے بشام میں چینی باشندوں پر حملے کا مقدمہ سی ٹی ڈی تھانے میں نامعلوم افراد کے خلاف درج کرلیا گیا۔

باغی ٹی وی : ایف آئی آر تھانہ بشام کے ایس ایچ او کی جانب سے درج کرائی گئی ہے، ایف آئی آر میں دہشت گردی کی دفعات شامل ہیں، ایف آئی آر کے متن کے مطابق اطلاع ملی کہ لاہور نالہ بشام میں چینی کانوائے پر خودکش حملہ ہوا ہے، اطلاع کے پیش نظر پولیس نفری جائے وقوعہ پر پہنچی، فول پروف سکیورٹی میں کئی گاڑیوں پر مشتمل چینی کانوائے اسلام آباد سے داسو ڈیم کوہستان جارہا تھا۔

ایف آئی آر کے مطابق راستے میں ایک خودکش بمبار نے بارودی مواد سے بھری گاڑی کانوائے میں شامل کوسٹر سے ٹکرا دی، دھماکے سے کوسٹر میں آگ لگ گئی اور وہ گہری کھائی میں جا گری، واقعے میں کوسٹر میں بیٹھے 5 چینی ہلاک جب کہ ایک پاکستانی ڈرائیور جاں بحق ہوا۔

شانگلہ میں گاڑی پر خودکش حملہ، 5 چینی باشندوں سمیت 6 افراد ہلاک

تھانہ بشام کے ایس ایچ او کے مطابق ہم نے بس سے سی سی ٹی وی فوٹیجز حاصل کی ہیں اور معاملے کی تحقیقات کر رہے ہیں، تاہم اس بات کی تصدیق ہوئی ہے کہ حملے میں استعمال ہونے والی سلور کلر کی ٹویوٹا وِٹز کار تھی۔

چین کا پاکستان سے دہشت گردانہ حملے کی جلد از جلد جامع تحقیقات …

داسو ہائیڈرو پاور پراجیکٹ کے ایک اہلکار نے نام ظاہر نہ کرنے کی شرط پر بتایا کہ گیزوبا کمپنی، جس کا عملہ اس حملے میں ہلاک ہوا، اس نے اپنا آپریشن معطل کر دیا ہے اور چینی عملے کو اگلے احکامات تک اپنی رہائش گاہ پر رہنے کو کہا ہے۔

اسلام آباد ہائیکورٹ ججز کے خط پر چیف جسٹس کی زیر صدارت اجلاس ختم

پشاور: الیکشن کمیشن کا خیبرپختونخوا اسمبلی کے ارکان سے حلف نہ لینے کا معاملہ،نو منتخب خواتین و غیر مسلم ارکان خیبرپختونخواہ اسمبلی الیکشن کمیشن میں پیش ہوئے-

با غی ٹی وی : چیف الیکشن کمشنر کی سربراہی میں پانچ رکنی بینچ کی نو منتخب ارکان اسمبلی کی درخواست پر سماعت ہوئی،نو منتخب خواتین و غیر مسلم ارکان خیبرپختون خواہ اسمبلی الیکشن کمیشن میں پیش ہوئے،سیکرٹری خیبرپختون خواہ اسمبلی کا نمائندہ الیکشن کمیشن میں پیش ہوا، درخواست گزاروں کی جانب سے وکیل شاہ خاور الیکشن کمیشن میں پیش ہوئے-

وکیل شاہ خاور نے کہا کہ الیکشن کمیشن نے چار مارچ کو خواتین ارکان اسمبلی کے نوٹیفیکیشن جاری کیے،اسپیکر خیبرپختون خواہ اسمبلی کو اجلاس بلا کر ارکان سے حلف لینا چاہئیے تھا،اسپیکر خیبرپختون خواہ اسمبلی آئینی و قانونی طور پر اجلاس بلانے اور حلف لینے کے پابند ہیں،جب تک حلف نہ لیا جائے تب تک خیبرپختون خواہ میں سینیٹ انتخابات ملتوی کیے جائیں-

چیف جسٹس قاضی فائز عیسی 9 مئی کیسی سی ٹی وی فوٹیجز کو ریکور …

چیف الیکشن کمشنر نے کہا کہ آپ یہ بتائیں الیکشن کمیشن کس طرح اسپیکر خیبرپختون خواہ اسمبلی کو ہدایات جاری کر سکتا ہے،جس پر وکیل شاہ خاور نے کہا کہ الیکشن کمیشن نے 4 مارچ کو مخصوص نشستوں پر خواتین کی کامیابی کا نوٹیفکیشن جاری کیا، سپیکر خیبرپختونخوا اسمبلی کو اجلاس بلا کر نومنتخب ارکان سے حلف لینا چاہیے تھا، گورنر خیبرپختونخوا اسمبلی نے اجلاس بلایا لیکن اس پر عمل نہیں کیا گیا، وزیر اعلیٰ خیبر پختونخوا کی سمری کے بغیر گورنر نے اسمبلی کا اجلاس بلایا-

وکیل شاہ خاورر نے کہا کہ کسی عدالت نے الیکشن کمیشن کا نوٹیفکیشن معطل نہیں کیا، سپیکر خیبرپختونخوا اسمبلی قانون کے تحت ارکان کا حلف لینے کے پابند ہیں، نومنتخب ارکان کے حلف تک سینیٹ الیکشن ملتوی کیے جائیں-

چیف الیکشن کمشنر نے استفسار کیا کہ کیا الیکشن کمیشن خیبرپختونخوا اسمبلی کی کاروائی میں مداخلت کرسکتا ہے؟ کیا الیکشن کمیشن سپیکر خیبرپختونخوا اسمبلی کو احکامات جاری کرسکتا ہے؟ جس پر وکیل نے کہا کہ ارکان کے حلف کے معاملے تک الیکشن کمیشن اسمبلی کی کارروائی میں مداخلت کرسکتا ہے-

صدر مملکت سے وزیراعظم کی ملاقات

ممبر نثار درانی نے پوچھا کہ کیا الیکشن کمیشن سپیکر خیبرپختونخوا اسمبلی کو بھی احکامات دے سکتا ہے؟ جس پر کہا کہ ڈی جی لاء الیکشن میں الیکشن کمیشن حلف لینے کیلئے سپیکر کو احکامات بھی دے سکتا ہے، نومنتخب ارکان کے حلف نہ ہونے کی صورت میں الیکشن کمیشن سینیٹ الیکشن ملتوی کر سکتا ہے- بعد ازاں الیکشن کمیشن نے خیبرپختونخوا اسمبلی کی خواتین کے حلف نہ لینے کی درخواست پر فیصلہ محفوظ کرلیا-

امریکہ میں بحری جہاز ٹکرانے سے معروف پل تباہ، 7 مزدور اور گاڑیاں …

پشاور : خیرپختونخوا حکومت نے پبلک پارکوں میں مفت وائی فائی سہولت فراہم کرنے کا فیصلہ کیاہے۔

باغی ٹی وی : وزیر اعلیٰ خیبر پختونخوا علی امین خان گنڈاپورکی زیرصدارت اجلاس میں پشاور میں پبلک پارکوں میں مفت وائی فائی سہولت فراہم کرنے کا فیصلہ کیا گیا، علی امین گنڈاپور نے کہا کہ اگلے مرحلے میں وائی فائی سہولت دیگر شہروں میں دی جائے گی، اجلاس میں ناصر باغ روڈ پر جلد بی آر ٹی سروس شروع کرنے کا بھی فیصلہ کیا گیا۔

خیبرپختونخوا حکومت نے صوبے میں لیور ٹرانسپلانٹ سینٹر اور بون میرو ٹرانسپلانٹ سینٹر بنانے کا فیصلہ کیا ہے، جب کہ اجلاس میں انسٹی ٹیوٹ آف نیورو سرجری بھی قائم کرنے کا فیصلہ کیا گیا، وزیراعلیٰ کے پی نے ان سینٹرز کے قیام کیلئے فنڈز ترجیحی بنیادوں پر فراہم کرنے کی ہدایت کی۔

آئی ایم ایف کے ایگزیکٹو بورڈ کے اجلاس کا کیلنڈر جاری ،پاکستان شامل نہیں

علی امین گنڈاپور نے ہدایت کی منصوبوں کو حتمی شکل دے کر منظوری کیلئے پیش کریں، اسپتالوں میں ڈائیلاسز سروس کی 24 گھنٹےد ستیا بی یقینی بنائی جائے، جن اسپتالوں میں ڈائیلاسز سروسز نہیں ہیں وہاں شروع کی جائیں۔

وزیر اعلیٰ علی امین نے پشاور کی خوبصورتی کیلئے پی ڈی اے کو پلان تیار کرنے کی بھی ہدایت کرتے ہوئے کہا کہ سڑکوں کے اطراف کھمبوں پر گملے نصب کر کے مصنوعی پودے اور پھول لگائے جائیں اور ہیڈ پلوں اور عمارتوں پر خطاطی اور نقش و نگار کیے جائیں، پشاور میں اسٹریٹ لائٹس کو شمسی توانائی پر منتقل کیا جائے، اور یونیورسٹی روڈ پر بی آر ٹی کو ریڈور کے اطراف سڑک کی بحالی پر کام کیا جائے۔

ہندی شاعرہ، مجاہد آزادی اور ماہر تعلیم،مہا دیوی ورما

دوسری جانب پشاور میں پتنگ بازی پر ایک ماہ کیلئے دفعہ 144 کے تحت پابندی عائدکر دی گئی، پتنگ کی خریدوفروخت اورتیاری پر بھی پابندی عائد کی گئی ہے، ضلعی انتظامیہ کا کہنا ہے کہ خلاف ورزی کرنے والوں کیخلاف کارروائی کی جائے گی،پابندی کا اطلاق ایک ماہ کیلئے کیا گیا ہے۔

گیس کی قیمت بڑھانے کے لیے آئی ایم ایف کا دباؤ نہیں،چئیرمین اوگرا

پشاور: پشاور ہائیکورٹ نے سنی اتحاد کونسل کے مخصوص نشستوں سے متعلق کیس کا تفصیلی فیصلہ جاری کردیا۔

با ی ٹی وی : پشاور ہائیکورٹ کے 5 رکنی لاجر بینچ نے 14 مارچ کو مختصر فیصلہ سنایا تھا تاہم اب ہائیکورٹ کے جسٹس ایس ایم عتیق شاہ نے 30 صفحات پر مشتمل تفصیلی فیصلہ جاری کیا جس میں کہا گیا ہےکہ الیکشن کمیشن کا مخصوص نشستوں کی تقسیم کا فیصلہ آرٹیکل 51 کے مطابق ہے اور ہائیکورٹ کے پاس صوبے تک مخصوص نشستوں کے کیسز سننےکا اختیار ہے،سنی اتحاد کونسل خواتین مخصوص نشست کی حق دار نہیں ہے۔

تحریری فیصلے میں کہا گیا کہ درخواست گزار نے اعتراض کیا کہ مخصوص نشستیں دوسری سیاسی جماعتوں میں تقسیم نہیں ہوسکتیں، سنی اتحاد کونسل خواتین کی مخصوص نشستوں کی حق دار نہیں، مقررہ وقت گزرنےکے بعدمخصوص نشست کی لسٹ جمع نہیں کرائی جاسکتی، اس لیے درخواست خارج کی جاتی ہے۔

صحافیوں کو جاری نوٹسز سے متعلق کیس،اگرگزشتہ درخواست پر فیصلہ ہو جاتا تو آج یہ …

فیصلے میں کہا گیا کہ الیکشن میں حصہ لینے والی سیاسی جماعت کا مخصوص نشستوں پرحق ہوتا ہے لیکن جنرل الیکشن میں ایک بھی سیٹ نہ جیتنے والی جماعت مخصوص نشستوں کی اہل نہیں، یہ دلیل کہ مخصوص نشستیں دوسری جماعتوں کو نہیں دی جاسکتیں غیرآئینی ہے، الیکشن کمیشن نے مخصوص نشستوں کو آئینی طریقے سے تقسیم کیا۔

پشاور ہائیکورٹ میں اپوزیشن نے مخصوص نشستوں پر حلف کیلئے رٹ دائر کردی