Category: پشاور

خیبرپختونخوا کے وزیر صحت سید قاسم علی شاہ نے صوبے میں خسرے کے کیسز میں اضافے کی بگڑتی ہوئی صورتحال کا نوٹس لیتے ہوئے ای پی آئی کے ڈائریکٹر سے رپورٹ طلب کر لی ہے۔اس معاملے پر ایک اجلاس سے خطاب کرتے ہوئے صوبائی وزیر صحت سید قاسم علی شاہ نے کہا کہ ہمارے معاشرے میں وبا نے زور پکڑ لیا ہے، لوگوں سے اپیل ہے کہ وہ اپنے بچوں کو جلد از جلد ایم آر (خسرہ اور روبیلا) کے ٹیکے لگائیں۔ انہوں نے اعلان کیا کہ وبا پر قابو پانے کے لیے ہنگامی بنیادوں پر فوری اقدامات کیے جائیں گے۔ انہوں نے ایم ٹی آئیز (میڈیکل ٹیچنگ انسٹی ٹیوشنز) میں آئسولیشن وارڈز فوری طور پر قائم کرنے اور وبا سے بچاؤ کے لیے ویکسی نیشن سنٹرز کے اوقات کار بڑھانے کی ہدایات جاری کیں۔ مزید برآں، وزیر صحت نے فوری طور پر صوبائی آؤٹ بریک ریسپانس کمیٹی تشکیل دینے کا حکم دیا جبکہ ویکسی نیٹرز کو ضائع کرنے سے ویکسین ہٹانے اور انہیں ڈسٹرکٹ ہیلتھ آفیسرز (ڈی ایچ اوز) کی نگرانی میں چلانے کی ہدایت کی۔ڈائریکٹر ای پی آئی ڈاکٹر عارف نے وزیر صحت کو خسرہ بارے بریفنگ دیتے ہوئے بتایا کہ برڈ ڈوز انیشیٹیو کے تحت ہسپتالوں میں لیبر روم کیساتھ ہی ویکسین سنٹر قائم کئے گئے،24گھنٹے کھلے ان سنٹرز میں پچھلے دو سال کے اندر ایک لاکھ سے زائد نومولود بچے ویکسینیٹ ہوچکے ہیں۔بریفنگ میں بتایا گیا کہ صوبہ میں خسرہ کے 3889 مشتبہ جبکہ 1445 مصدقہ کیسز رجسٹرڈ ،اب تک ہونے والے 22 اموات میں سے 13 میں خسرے کی تصدیق ہوچکی ہے ۔ڈائریکٹر ای پی آئی کے مطابق دو سے پانچ سال کے عمر کے بچے سب سے زیادہ متاثر ہورہے ہیں خسرے کو کنٹرول کرنے کیلئے صوبے کے 24 اضلاع کے 118 یونین کونسلز میں آوٹ بریک رسپانس جاری ہے۔

خیبرپختونخوامیں بارشوں اورژالہ باری کے نتئجے میں دوروز کے دوران دس افرادجاں بحق اوربارہ زخمی ہوگئے، جسکی رپورٹ پی ڈی ایم اےنےجاری کردی۔رپورٹ کےمطابق خیبرپختونخوا میں گزشتہ دو روز کے دوران بارش اورژالہ باری کے باعث حادثات کے نتیجے میں آٹھ بچوں سمیت دوخواتین جاں بحق ہوگئے،جبکہ 12 افراد زخمی ہوئے، زخمیوں میں 9 بچے، دو خواتین اور1 مرد شامل ہے۔رپورٹ کے مطابق مختلف اضلاع میں دیواریں اور چھتیں گرنے سے مجموعی طور پر 27 مکانات کو نقصان پہنچا جس میں 3 گھروں کو مکمل جبکہ 24 گھروں کو جزوی نقصان پہنچا۔ بارش اورژالہ باری کے باعث جانی و مالی حادثات صوبہ کے مختلف اضلاع پشاور، نوشہرہ، باجوڑ، شانگلہ، مانسہرہ، بنوں، مہمند، مردان اور شمالی وزیرستان میں رونما ہوئے ،پی ڈی ایم اے کی جانب سے متاثرہ اضلاع کے متاثرین میں امدادی سامان فراہم کر دیا گیا ہے، امدادی سامان مختلف اضلاع نوشہرہ، باجوڑ، مہمند اور دیگر اضلاع کے متاثرین کو فراہم کیا گیا۔پی ڈی ایم اے کی جانب سے متعلقہ ضلعی انتظامیہ کو اضلاع میں امدادی سرگرمیاں مزید تیز کرنے اورمتاثرہ اضلاع کی ضلعی انتظامیہ کو دیگر متاثرین کو امدادی سامان کی فراہمی فوری طور پر یقینی بنانے کی ہدایت۔
رپورٹ میں بتایاگیاکہ پی ڈی ایم اے، تمام ضلعی انتظامیہ، متعلقہ اور امدادی ادارے مکمل رابطے میں ہیں،پی ڈی ایم اے کا ایمرجنسی آپریشن سنٹر مکمل طور پر فعال ہے، عوام کسی بھی نا خوشگوار واقعے کی اطلاع 1700 پر دیں۔

چارسدہ میں امتحان میں پاس ہونے کی خوشی میں کم سن بچے کی فائرنگ سے اس کی والدہ جاں بحق ہو گئیں۔پولیس کے مطابق عمرزئی میں امتحان میں پاس ہونےکی خوشی میں بچے نے ہوائی فائرنگ کی، فائرنگ سے 9 سال کے بچے کی والدہ جاں بحق ہو گئیں۔پولیس کا کہنا ہے والد کی مدعیت میں بچے کے خلاف قتل خطا کی ایف آئی آر درج کر لی گئی ہے تاہم بچے کو تاحال گرفتار نہیں کیا گیا ہے۔اس حوالے سے بچے کے والد کا بتانا ہے کہ اسکول سے گھر آکر بیٹے نے پستول سے ہوائی فائرنگ کی، فائرنگ کے دوران گولی بچے کی والدہ کو لگی جس سے ان کی موت واقع ہو گئی۔

خیبرپختونخوا میں شدید بارشوں اور ژالہ باری کے پیش نظر صوبائی انتظامیہ نے ضلعی حکام کو ہدایت جاری کی ہیں کہ وہ احتیاطی تدابیر اختیار کریں اور کسی بھی ممکنہ واقعات سے نمٹنے کے لیے تیاری کو یقینی بنائیں۔ وزیراعلیٰ خیبرپختونخوا علی امین گنڈا پور نے صوبے بھر کی ضلعی انتظامیہ اور ریسکیو اداروں کو ہائی الرٹ رہنے کی ہدایت کی ہے۔ انہوں نے حالیہ بارشوں اور برف باری کے دوران صوبائی ڈیزاسٹر مینجمنٹ اتھارٹی (PDMA) کی طرف سے جاری کردہ ہدایات پر سختی سے عمل درآمد کی ضرورت پر زور دیا۔وزیر اعلیٰ نے بارش اور ژالہ باری سے ہونے والے جانی و مالی نقصان کو کم سے کم کرنے کے لیے تمام پہلوؤں سے جامع تیاریوں کو یقینی بنانے کی اہمیت پر زور دیا۔علی امین گنڈا پور نے کسی بھی ناگفتہ بہ صورتحال میں متاثرہ افراد کو بروقت امداد اور ریلیف فراہم کرنے کی اہمیت کا اعادہ کیا۔

بی آر ٹی اسکینڈل سے متعلق احتساب عدالت نے بڑا فیصلہ جاری کردیا جس میں ملوث ٹھیکے داروں کے 75 بینک اکاؤنٹس منجمد کرنے کے علاوہ 2 رہائشی پلاٹس سیل کرنے کے احکامات بھی جاری کردیے گئے۔احتساب عدالت کے جج محمد یونس نے ڈی جی نیب خیبرپختون خوا کے احکامات کی توثیق کرتے ہوئے احکامات جاری کیے۔ کیس کی سماعت کے موقع پر نیب کی جانب سے ایڈیشنل پراسیکیوٹرجنرل محمد علی اور پراسیکیوٹر مانک شاہ پیش ہوئے۔
دوران سماعت عدالت کو بتایا گیا کہ بی آرٹی اسکینڈل میں نیب تحقیقات کررہی ہے اور اس ضمن میں ٹھیکداروں کے 75 بینک اکاؤنٹس اور 2 کمرشل پلاٹس کو منجمد کیا گیا ہے۔ اس ضمن میں تمام کارروائی مکمل کی گئی ہے اور تحقیقات جاری ہیں، تحقیقات کو مزید بڑھانے کے لیے ان اکاؤنٹس منجمد کر دئے گئے ہے،اس موقع پر مقبول اور کیلسنز کے وکیل نے عدالت کو بتایا کہ ٹھیکدار انٹرنیشنل اربیٹریشن میں چلے گئے ہیں، اس کے ساتھ ساتھ ان اکاؤنٹس کو فریز کرنا غیرقانونی ہے کیوں کہ ڈی جی نیب کے پاس اختیار نہیں اور اس پراجیکٹ کے تیسرے غیر ملکی کنٹریکٹر کے خلاف کوئی ایکشن نہیں لیا گیا۔ اس موقع پر جواب دیتے ہوئے نیب کے وکیل نے عدالت کو بتایا کہ چیئرمین نیب کسی کو بھی اپنے اختیارات تفویض کر سکتا ہے جب کہ جس غیر ملکی کنٹریکٹر کی یہ بات کر رہے ہیں وہ تو ایک بے نام پارٹنر تھا، اس لیے ڈی جی کے پاس یہ اختیار موجود ہے۔نیب کے وکلا کا مؤقف تھا کہ یہ فریزنگ قانون کے تحت ہوئی ہے اور نیب یہ اکاؤنٹس منجمد کر سکتا ہے ۔دوران سماعت ٹھیکیداروں کے وکلا نے اکاؤنٹس کی فریزنگ کو غیر قانونی اقدام قرار دیا اور کہا کہ نیب نے قانونی تقاضے پورے نہیں کیے اور ان اکاؤنٹس اور پلاٹس کو سیل کیا گیا ہے، جس کی مالیت کروڑوں روپے ہے۔

پشاور ہائیکورٹ: پی ٹی آئی رہنما رکن قومی اسمبلی زین قریشی کی راہداری ضمانت پر سماعت ہوئی

سماعت چیف جسٹس محمد ابراہیم خان نے کی،عدالت نے زین قریشی کی راہداری ضمانت درخواست منظور کرلی، پشاور ہائیکورٹ کے چیف جسٹس محمد ابراہیم خان نے استفسار کیا کہ آپ تو پہلے بھی آئے تھے،وکیل درخواست گزار نے کہا کہ جی ہم نے پہلے درخواست دائر کیا تھا اب چار مزید مقدمات درج کئے ہیں چار مقدمات میں راہداری ضمانت دی جائے،پشاور ہائیکورٹ کے چیف جسٹس محمد ابراہیم خان نے کہا کہ ہم آپ کو راہداری ضمانت دیتے ہیں آپ مقررہ تاریخ متعلقہ عدالتوں میں پیش ہوجائے،وکیل درخواست گزار نے کہا کہ ہم مقدمات میں ضمانت کراتے ہیں تو ہمارے خلاف اور مقدمات درج کئے جاتے ہیں،پشاور ہائیکورٹ کے چیف جسٹس محمد ابراہیم خان نے کہا کہ جن مقدمات میں ہم ضمانت دے اس کے بعد اگر پنجاب پولیس بھی گرفتار کرلیں تو ہم آپ کو ریکور کریں گے،عدالت نے زین قریشی کی چار مقدمات میں راہداری ضمانت منظور کرلی

سابق وزیراعلیٰ پنجاب پرویز الہیٰ جیل کے واش روم میں گر گئے

جامعہ کراچی کے واش روم سے طالب علم کی لاش برآمد،پوسٹمارٹم کی رپورٹ آ گئی

دوران سفر جہازکے واش روم میں "گھناؤنا کام” کرنیوالا گرفتار

عمران خان کے سیل کے سامنے واش روم پر کوئی کیمرہ نہیں ہے. سرفراز بگٹی

کالج کی طالبات نے ساتھی طالبات کی واش روم میں فحش ویڈیو بنا کر وائرل کردیں