Category: پشاور

وزیراعلیٰ خیبرپختونخوا علی امین خان گنڈاپور کی زیر صدارت محکمہ بلدیات کا اجلاس ہوا۔اجلاس میں مالی طور پر کمزور ٹی ایم ایز ملازمین کی تنخواہوں اور پنشنز کی ادائیگیوں کے لئے خصوصی فنڈز جاری کرنے کا فیصلہ کیا گیا، وزیراعلیٰ نے متعلقہ حکام کو اس مقصد کے لئے ڈیڑھ ارب روپے ترجیحی بنیادوں پر جاری کرنے کی ہدایت کردی۔علی امین گنڈا پور نے ہدایت کی کہ ان ملازموں کو دو مہینوں کی تنخواہیں اور پنشنز ادا کی جائیں تاکہ ان ملازموں کو رمضان کے دوران اور عید پر کوئی مالی مشکلات کا سامنا نہ ہو۔وزیراعلیٰ نے کہا کہ مالی طور پر کمزور ٹی ایم ایز کے ملازموں کو گزشتہ کئی ماہ سے تنخواہوں اور پنشنز کی ادائیگیوں کا مسئلہ درپیش ہے جس کی وجہ سے ان ٹی ایم ایز کے ملازمین کو مالی طور پر مسائل کا سامنا ہے۔علی امین گنڈاپور نے مزید کہا کہ رمضان کے مہینے اور عیدالفطر کے لئے ان ملازمین کو تنخواہوں اور پنشنز کی ادائیگی کا بندوبست کیا جائے۔

لاہور اور پشاور میں ارمضان کا چاند نظر آگیا، لیکن باضابطہ اعلان مر کزی رویت ہلال کمیٹی نے کیا ،
رمضان کا چاند دیکھنے کےلیے مرکزی رویت ہلال کمیٹی کا اجلاس پشاور میں ہوا۔ چیئرمین مرکزی رویت ہلال کمیٹی مولانا عبدالخبیر آزاد اجلاس کی صدارت کی۔چاند کی رویت کا حتمی اعلان چیئرمین رویت ہلال کمیٹی عبدالخبیر آزاد نے کی مرکزی رویت ہلال کمیٹی کا اجلاس چارسدہ روڈ پر اوقاف ہال میں ہوا۔ اس اجلاس میں کمیٹی کے ارکان، محکمہ موسمیات، اسپارکو، وزارتِ سائنس اینڈ ٹیکنالوجی کے نمائندے شریک ہوئے۔دوسری جانب مسجد قاسم علی خان میں غیرسرکاری رویت ہلال کمیٹی کا اجلاس بھی آج ہوا۔غیرسرکاری رویت ہلال کمیٹی کے اجلاس کی صدارت مفتی شہاب الدین پوپلزئی نے کی۔واضح رہے کہ سعودی عرب سمیت خلیج ریاستوں میں رمضان المبارک کا چاند نظر آگیا اور ان ممالک میں آج پہلا روزہ ہے۔ دوسری جانب مشرقی ایشیائی اور اوشیانا ریاستوں میں رمضان المبارک کا چاند نظر نہیں آیا تھا۔ ان ممالک میں پہلا روزہ 12 مارچ کو ہے۔

اے این پی کے سربراہ اسفند یار علی کی اہلیہ وفات پا گئی ہیں

اسفند یار ولی کی اہلیہ علیل تھیں اور مقامی ہسپتال میں زیر علاج تھیں ، آج انکی موت ہو گئی ہے، مرحومہ صوبائی صدر ایمل ولی خان کی والدہ محترمہ تھیں،اسفند یار ولی کی اہلیہ کی تدفین چارسدہ میں کی جائے گی، نماز جنازہ آج شام ساڑھے پانچ بجے (5:30) ولی باغ میں ادا کی جائے گی۔

اسفند یارولی کی اہلیہ کی وفات، صدر مملکت،وزیراعظم، وزیراعلیٰ پنجاب،سپیکر قومی اسمبلی و دیگر کا اظہار افسوس
صدر مملکت آصف علی زرداری نے اسفند یار ولی کی اہلیہ کی وفات پر اظہارِ افسوس کیا ہے،صدر مملکت نے سربراہ عوامی نیشنل پارٹی اسفند یار ولی اور ان کے اہلِ خانہ سے اظہار ِ تعزیت کی ہے اور کہا ہے کہ دکھ کی اس گھڑی میں میری ہمدردیاں اور دعائیں سوگواران کے ساتھ ہیں،صدر آصف علی زرداری نےورثاء کے ساتھ اظہارِ ہمدردی کیا ہے،صدر مملکت نے مرحومہ کیلئے دعائے مغفرت ، سوگوران کیلئے صبر جمیل کی دعا کی ہے.

وزیر اعظم محمد شہباز شریف نےعوامی نیشنل پارٹی کے سربراہ اسفند یار ولی خان کی اہلیہ کے انتقال پر تعزیت کی ہے، وزیراعظم شہبا زشریف نے اسفند یار ولی اور تمام اہل خانہ سے ہمدردی اور افسوس کا اظہار کیا ہے،وزیراعظم نے مرحومہ کی مغفرت اور اہل خانہ کے لئے صبر جمیل کی دعا کی ہے.

وزیر اعلیٰ پنجاب مریم نواز نے اے این پی کے سربراہ اسفند یار ولی کی اہلیہ کے انتقال پر اظہار افسوس کیا ہے،وزیر اعلیٰ مریم نواز نے سوگوار خاندان سے اظہار تعزیت و ہمدردی کی ہے

جے یو آئی سربراہ مولانا فضل الرحمان نے اے این پی سربراہ اسفندیار ولی کی اہلیہ اور ایمل ولی خان کی والدہ کی وفات پر اظہار افسوس کیا ہے، مولانا فضل الرحمان کا کہنا تھا کہ دعاء ہے کہ اللہ کریم مرحومہ کی مغفرت فرمائے اور ان کے درجات بلند فرمائے ۔اسفندیار ولی خان اور ان کے اہل خانہ کے غم میں برابر کا شریک ہوں ۔والدہ کا کوئی نعم البدل نہیں۔لواحقین کے لئے صبر جمیل کی دعاء کرتا ہوں ۔

وزیراعلیٰ بلوچستان سرفراز بگٹی نے بھی ٹویٹ کرتے ہوئے کہا کہ عوامی نیشنل پارٹی کے سربراہ اسفند یار ولی خان کی اہلیہ کی وفات پر ان سے دلی تعزیت کا اظہار کرتا ہوں۔ اللہ تعالیٰ مرحومہ کے درجات بلند فرمائے اور پس ماندگان کو صبر عطا فرمائے، آمین

سیکرٹری جنرل پاکستان پیپلز پارٹی پارلیمنٹیرنز سید نیئر حسین بخاری نے اے این پی سربراہ اسفندیار ولی خان اور صوبائی صدر ایمل ولی خان سے اظہار تعزیت کیا ہے،اسفند یار ولی خان کی شریک حیات اور ایمل ولی خان کی والدہ کی وفات پر دلی دکھ اور افسوس کا اظہار کیا ہے،

اسپیکر قومی اسمبلی سردار ایاز صادق
کا عوامی نیشنل پارٹی کے سربراہ اسفند یار ولی خان کی اہلیہ کے انتقال پر گہرے دکھ اور افسوس کا اظہار

اسپیکر قومی اسمبلی سردار ایاز صادق نے عوامی نیشنل پارٹی کے سربراہ اسفند یار ولی کی اہلیہ اور اے این پی کے صوبائی صدر ایمل ولی خان کی والدہ کے انتقال پر تعزیت کا اظہار کیا ہے،اسپیکر نے مرحومہ کے انتقال پر گہرے دکھ اور افسوس کا اظہار کیا اور کہا کہ دکھ اور غم کی مشکل گھڑی میں اسفند یار ولی، ایمل ولی خان اور ان کے اہلخانہ کے غم میں برابر کا شریک ہوں۔اسپیکر قومی اسمبلی نے اللہ تعالیٰ سے مرحومہ کے ایصالِ ثواب اور لواحقین کو صبر جمیل عطا کرنے کی دعاکی ہے،

شمالی وزیرستان کے علاقے شیوا میں قدرتی گیس کے ذخائر دریافت ہوئے ہیں۔ شمالی وزیرستان کے علاقے شیوا 1 اور شیوا 2 سے قدرتی گیس دریافت ہوئی ہے، ابتدائی طور پر 7 کروڑ مکعب فٹ یومیہ گیس سسٹم میں شامل ہوگی۔گیس کے نیشنل سسٹم میں شامل ہونے سے ملک میں انرجی کی کمی کو 5 فیصد تک پورا کیا جاسکے گا۔شیوا ذخائر سے حاصل ہونے والی گیس کو صاف کرکے ایس این جی پی ایل کو منتقل کرنے کے لیے پروسیسنگ پلانٹ بھی لگایا گیا ہے۔شمالی وزیرستان کا علاقہ شیوا میں ماڑی پیٹرولیم کمپنی نے 2 کنوؤں کی کھدائی کے بعد قدرتی گیس دریافت کی ہے ، یہ پاکستان کی کل ضروت کا 5فیصد ہے۔یہاں سے گیس پروسیس کر کے ایس این جی پی ایل کی پائپ لائن کو منتقل کی جاتی ہے۔

پشاور میں رمضان المبارک کا چاند دیکھنے کیلئے اجلاس کل ہوگا،غیر سرکاری مقامی رویت ہلال نے اجلاس طلب کر لیا۔ تفصیلات کے مطابق اجلاس نماز مغرب کے بعد جامع مسجد قاسم علی خان میں منعقد ہوگا،اجلاس کی صدارت مفتی شہاب الدین پوپلزئی کرینگے،اجلاس کیلئے تمام علاقائی علما کرام کو دعوت دے دی گئی ہے،صوبے بھر سے شہادتیں جمع ہونے تک اجلاس جاری رہے گا۔

لکی مروت: وانڈہ میر عالم چشمہ روڈ کے قریب چڑھائی سے اترتے ہوئے ٹریکٹر بریک فیل ہونے کے باعث حادثے کا شکار ہو گیا۔ لکی مروت حادثے میں 4 افراد جاں بحق جبکہ 20 سے زائد افراد زخمی ہو گئے۔ زخمیوں میں عورتیں اور بچے بھی شامل ہیں۔ ریسکیو آپریشن میں ریسکیو 1122 لکی مروت اور ریسکیو 1122 عیسیٰ خیل (پنجاب) کی ٹیموں نے حصہ لیا۔ ریسکیو 1122 لکی میڈیکل ٹیموں نے زخمیوں اور جسد خاکی کو تحصیل ہیڈکوارٹر ہسپتال عیسی خیل منتقل کردیا۔

مسلم لیگ ن خیبر پختونخوا اختیارولی خان نے وزیراعلیٰ کے پی علی امین گنڈاپور کی تقریر پر ردعمل ‏میں کہا کہ سائفر کا گم ہونا اور پھر میڈیا میں چھپنا ہی آپ کے لیڈر کی سازش تھی۔ اختیارولی خان ‏نے کہا کہ آپ کی گاڑی کی ڈگی سے باقاعدہ بلینک بیلٹ پیپرز بھی برآمد ہوئے، ویڈیو بڑی وائرل ہے، اگر حلقے کھل گئے تو نہ آپ وزیراعلیٰ رہیں گے نہ آپکی کابینہ، کیونکہ آپ کا مینڈیٹ جعلی ہے، اگر تحقیقات ہوئی تو قومی اسمبلی میں آپ 92 سے 29 پر آجائیں گے۔ترجمان مسلم لیگ ن خیبر پختونخوا اختیارولی ‏خان نے کہا کہ پختونخوا کو ایک ہزار ارب روپے مقروض کرنے کا جُرم آپ نے تسلیم کیا آپ کا شکریہ، ‏ ہمارا مؤقف ہے دھاندلی خیبرپختونخوا میں ہوئی ہے جہاں آپ جیتے ہیں۔انہوں نے مزید کہا کہ ‏یہ پاکستان ہے کوئی نیلام گھر نہیں، اپنے لیڈر کو رہا کرانے کیلئے عدالتوں سے رجوع کریں، ‏گنڈاپور صاحب آپ کے پاس تنخواہوں کے پیسے نہیں آپ صحت کارڈ کا ڈرامہ کیسے چلائیں گے؟اختیارولی نے کہا کہ ‏بدقسمتی سے آپ وزیراعلیٰ بن چکے اب سلطان راہی کے ڈائیلاگ چھوڑیں قوم کی خدمت کریں۔

وزیراعلیٰ خیبرپختونخوا علی امین گنڈا پور نے کہا کہ ہ افسوس شہبازشریف نے منی لانڈرنگ کی وہ آج ملک کا وزیراعظم ہے، بانی پی ٹی آئی کا فیئر ٹرائل اور جلد رہا کیا جائے، سائفر بانی پی ٹی آئی حکومت کے خلاف سازش تھی، سائفر سازش کے پیچھے آلہ کار ایک دن سامنے آئیں گے۔ علی امین گنڈا پور نے مطالبہ کیا کہ سائفر کی تحقیقات کے لئے جوڈیشل کمیشن بنایا جائے۔ وزیراعلیٰ خیبرپختونخوا علی امین گنڈا پور نے کارکنوں سے خطاب کرتے ہوئے کہا کہ حق کا ساتھ دینے والے کارکنوں کو سلام پیش کرتا ہوں، بانی پی ٹی آئی کے خلاف غیرقانونی مقدمات بنائے گئے، آصف علی زرداری نے توشہ خانہ سے غیرقانونی طریقے سے گاڑیاں لیں، افسوس آصف علی زرداری ملک کا صدر بن گیا۔
وزیراعلیٰ خیبرپختونخوا نے مزید کہا کہ چیف جسٹس آف پاکستان سائفرکیس پرجوڈیشل کمیشن بنائیں، مینڈیٹ چوری کے خلاف ایک کمیشن بنایا جائے، ہمارا مطالبہ ہے تحریک انصاف کا مینڈیٹ واپس دیا جائے، چیف الیکشن کمشنر کو آئین توڑنے والے نظر نہیں آرہے؟انہوں نے کہا کہ افسوس ڈھٹائی کے ساتھ ہماری مخصوص نشستیں دوسری جماعتوں کو دی گئیں، ہمیں مجبور نہ کیا جائے، اپنا حق ملنے، بانی پی ٹی آئی کی رہائی تک ہم پیچھے نہیں ہٹیں گے، ہم ایک ٹیم بن کر کرپشن، ظلم اور ناانصافی کے خلاف جہاد کریں گے۔علی امین گنڈا پور نے مزید کہا کہ ہم خیبرپختونخوا کوایک مثالی صوبہ بنائیں گے، خیبرپختونخوا میں امن لائیں گے، اسی جنون کے ساتھ ہم اپنا حق بھی لیں گے، وزیراعلیٰ نے ’’ساڈا حق ایتھے رکھ‘‘ کے نعرے بازی بھی کی۔