خیبر پختونخوا کے ضلع کولئی پالس کوہستان میں لڑکا لڑکی کو غیرت کے نام پر فائرنگ کرکے قتل کردیا گیا۔پولیس کے مطابق فائرنگ کا واقعہ گاؤں چیرگئی برپارو میں پیش آیا جہاں لڑکا اور لڑکی کو فائرنگ سے ہلاک کیا گیا ہے۔پولیس کے مطابق ایک گھر کے کمرے میں نوجوان لڑکے اور لڑکی کو دیکھ کر لڑکی کے گھر والوں نے فائرنگ کرکے دونوں کو قتل کردیا۔پولیس کا کہنا ہے کہ لڑکی کے والد اور دو بھائیوں پر قتل کا مقدمہ درج کرلیا گیا ہے اور مقتولین کی لاشیں پوسٹ مارٹم کے لیے تحصیل ہیڈ کوارٹر اسپتال پٹن منتقل کردی گئی ہیں۔پولیس کے مطابق قتل کی واردات کے بعد ملزمان فرار ہوگئے جن کی تلاش کے لیے چھاپے مارے جارہے ہیں۔
Category: پشاور
-
خیبر پختونخوا نو منتخب ممبران اسمبلی کی حلف برداری کب ہو گی؟
خیبرپختونخوا کے نو منتخب ممبران اسمبلی کی حلف برداری کی تقریب 28 فروری کو منعقد ہونے کا امکان ہے۔ذرائع کے مطابق حلف برداری کی تقریب مخصوص نشستوں کا فیصلہ نہ ہونے کے باعث تاخیر کا شکار ہوگیا ہے، نامزد سپیکر خیبرپختونخوا اسمبلی عاقب اللہ نے کہا کہ پارٹی کی خواہش ہے کہ کچھ دن انتظار کیا جائے تاکہ مخصوص نشستوں کا فیصلہ ہوسکے۔نامزد سپیکر عاقب اللہ نے مزید کہا کہ کابینہ ممبران کے ناموں کو بھی فائنل کردیا گیا ہے، کابینہ ممبران کے ناموں کو بانی پی ٹی آئی کو بھیج دیا ہے، حلف برداری کی تقریب ہوتے ہی عملی طور پر کام کا آغاز کریں گے، صوبے کے اہم معاملات کے لئے بھی ہوم ورک ابھی سے جاری ہے۔ذرائع کے مطابق بجٹ کی منظوری ہو یا کوئی اور معاملہ تیاری کی جاری ہے، پہلے نومنتخب ممبران اسمبلی حلف لیں گے اس کے بعد سپیکر، ڈپٹی سپیکر اور پھر وزیراعلیٰ کا انتخاب ہوگا۔
-
پنجاب اور خیبر پختونخوا کی الوداعی اجلاس کل طلب
نگران وزیراعلیٰ پنجاب محسن نقوی نے پنجاب کابینہ کا الوداعی اجلاس کل 23 فروری کو طلب کر لیا۔اجلاس کل وزیراعلیٰ آفس کے کمیٹی روم میں ہو گا، یہ پنجاب کابینہ کا 42واں اجلاس ہو گا، اجلاس میں تمام صوبائی وزراء، مشیران، چیف سیکرٹری، انسپکٹر جنرل پولیس، چیئرمین پلاننگ اینڈ ڈویلپمنٹ بورڈ، سینئر ممبر بورڈ آف ریونیو اور تمام سیکرٹریز شرکت کریں گے۔واضح رہے کہ نگران وزیراعلیٰ پنجاب محسن نقوی کی زیرصدارت صوبائی کابینہ کے اجلاسوں میں متعدد بڑے بڑے فیصلے کئے گئے تھے۔ خیبرپختونخوا نگران کابینہ کا آخری اجلاس آج طلب کر لیا گیا۔
خیبر پختونخوا
دوسری جانب خیبر پختوا کا بینہ اجلاس بھی کل طلب کر لیا گیا،کابینہ اجلاس کی صدارت نگران وزیر اعلیٰ خیبرپختونخوا جسٹس ریٹائرڈ سید ارشد حسین شاہ کریں گے، اجلاس ساڑھے 11 بجے ہوگا۔اعلامیہ کے مطابق صوبائی نگران کابینہ اجلاس میں آئندہ چار ماہ کے بجٹ کی منظوری دیئے جانے کا امکان ہے۔ذرائع کا کہنا ہے کہ موجودہ چار ماہ کے بجٹ کی مدت 29 فروری کو ختم ہو رہی ہے، اجلاس میں نگران وزراء، چیف سیکرٹری، آئی جی پولیس سمیت دیگر اعلیٰ حکام کی شرکت متوقع ہے۔ -
کے پی کی نگران حکومت نے آئندہ 4 ماہ کا بجٹ تیار کر لیا
پشاور: خیبرپختونخوا کی نگران حکومت نے آئندہ 4 ماہ کا بجٹ تیار کر لیا۔
باغی ٹی وی : محکمہ خزانہ احمد رسول بنگش کے مطابق بجٹ یکم مارچ سے 30 جون 2024 تک کیلئے تیار کیا گیا ہے جس میں4 ماہ کے بجٹ کا تخمینہ 560 ارب روپے لگایا گیا ہےابتدائی طور پر ایک ماہ کے بجٹ کی منظوری لی جائے گی کیونکہ موجودہ بجٹ کی مدت 29 فروری کو ختم ہو جائے گی جس کے بعد ایک روپیہ بھی خرچ کرنا غیرقانونی ہو گا-
احمد رسول بنگش کے مطابق روزمزہ کے امور چلانےکیلئے کم ازکم ایک ماہ بجٹ کی منظوری لازمی ہے، نگران حکومت نے 2 بار 4، 4 مہینوں کے لیے بجٹ کی منظوری دی تھی، بجٹ تیار کر کے منظوری کے لیے کابینہ کو بھیج دیا گیا ہے، یہ کابینہ کا اختیار ہے کہ 4 یا 1 مہینے کے لیے بجٹ کی منظوری دے، مستقل حکومت آئے گی تو پھر وہ بجٹ منظور کرے گی، فی الحال معمول کے امور چلانے کے لیے بجٹ کی منظوری لازمی ہے۔
مریم نواز سے آئی جی پنجاب اور چیف سیکرٹری سمیت دیگر کی ملاقات
پی ٹی آئی انٹرا پارٹی الیکشن کب کروائے گی ،تاریخ اور شیڈول جاری
امیر بالاج ٹیپو قتل کیس: نامزد ملزم طیفی بٹ کی گرفتاری کیلئے …
-
انتخابات میں دھاندلی کا الزام:پی ٹی آئی پشاور کی انتظامی افسران کے خلاف مہم
پشاور : پاکستان تحریک انصاف ( پی ٹی آئی ) نے انتخابات میں دھاندلی کا الزام لگا کر سوشل میڈیا پر انتظامی افسران کے خلاف مہم کا آغاز کر دیا۔
باغی ٹی وی :تفصیلات کے مطابق سوشل میڈیا پلیٹ فارم "ایکس” پر پی ٹی آئی پشاور کے آفیشلپی ٹی آئی پیج پر انتظامی افسران کی تصاویر اور نام جاری کیے گئے ہیں ،جاری کی گئی تصاویر کے ساتھ "ضلع پشاورکے مینڈیٹ پر ڈاکا ڈالنے والے قومی مجرمان ” کی تحریر بھی لکھی گئی ہے۔
اس حوالے سے پی ٹی آئی کے پی کے سوشل میڈیا ہیڈ اکرام کھٹانہ نے نجی خبررساں ادارے جیو نیوز سے گفتگو کرتے ہوئے کہا کہ ڈی سی سمیت دیگرانتظامی افسران نے مینڈیٹ چھین کر عوامی جذبات کو ٹھیس پہنچائی، فارم 45 کے نتائج کو فارم 47 میں یکسر تبدیل کیا گیا ہے، ہم چاہتے ہیں کہ فارم 45 کے مطابق نتائج جاری کیے جائیں اور ہماری جیتی ہوئی نشستیں واپس کی جائیں۔
سابق کمشنر راولپنڈی کے دھاندلی کے الزامات پر تحقیقاتی کمیٹی رپورٹ پیش نا کر سکی
واضح رہے کہ قبل ازیں چیف جسٹس پاکستان قاضی فائز عیسیٰ کے خلاف سوشل میڈیا پر دھمکی آمیز مہم چلانے والا شخص گرفتار کرلیا گیا، ذرائع کے مطابق 20 فروری کو راولپنڈی کے علاقے پنڈورا کے رہائشی عبدالواسع نے چیف جسٹس پاکستان کے خلاف غلیظ اور دھمکی آمیز سوشل میڈیا کمپین میں حصہ لیا، عبدالواسع نے چیف جسٹس کو دھمکیاں دیں، کردار کشی کی سوشل میڈیا کمپین میں حصہ لیا قانون نافذ کرنے والے اداروں نے فوری کارروائی کرتے ہوئےعبدالواسع کو حراست میں لے لیا جبکہ چیف جسٹس قاضی فائز عیسیٰ کے خلاف سوشل میڈیا کیمپین میں باقی کرداروں کی شناخت کا عمل جاری ہے، مذموم سوشل میڈیا کمپین میں حصہ لینے والوں کے خلاف قانونی کارروائی کی جا رہی ہے۔
چیف جسٹس کیخلاف سوشل میڈیا پر دھمکی آمیز مہم چلانے والا شخص گرفتار
-
اسد قیصر کا نام ای سی ایل سے نکالنے کا حکم
پشاور ہائیکورٹ نے تحریک انصاف کے رہنما اور سابق اسپیکر قومی اسمبلی اسد قیصر کا نام ای سی ایل سے نکالنے کا حکم دے دیا۔
باغی ٹی وی : سابق اسپیکر کا نام ای سی ایل میں ڈالنے کے خلاف دائر درخواست پر جسٹس شکیل احمد اور جسٹس صاحبزادہ اسد اللّٰہ نے سماعت کی،دوران سماعت اسد قیصر کے وکیل معظم بٹ ایڈووکیٹ نے کہا کہ اسد قیصر سابق اسپیکر قومی اسمبلی ہیں، وہ عمرہ ادائیگی کے لیے جا رہے تھے انہیں روکا گیا۔
جسٹس صاحبزادہ اسد اللہ نے سوال کیا کہ ان کا نام کب ای سی ایل میں شامل کیا گیا ؟ وکیل نے بتایا کہ 23 جون 2023 کو ان کا نام ایگزٹ کنٹرول لسٹ پر ڈالا گیا، جسٹس شکیل احمد نے سوال کیا کہ یہ اب ممبر قومی اسمبلی بھی منتخب ہوئے ہیں؟ وکیل نے کہا کہ جی یہ ممبر قومی اسمبلی ہیں۔
دھاندلی کے الزامات،سابق کمشنر راولپنڈی نے بیان ریکارڈ کرا دیا
عدالت نے کہا کہ عمرے کی ادائیگی کے لیے کیوں اجازت نہیں دی جا رہی ؟ بعد ازاں عدالت نے سابق اسپیکر کا نام آرڈر غیر قانونی قرار دے کر ان کا نام ای سی ایل سے فوری طور پر نکالنے کا حکم دے دیا۔
بابر کے اندر کپتانی کی صلاحیت نہیں،کرکٹر عبدالرزاق
عمران خان کی بہنوں کی عبوری ضمانت میں توسیع
-
لکی مروت میں پولیس چوکی پر دہشتگروں کا حملہ ناکام بنا دیا گیا
پشاور: خیبر پختونخوا کے ضلع لکی مروت میں رات گئے پولیس چوکی پر دہشتگروں کا حملہ ناکام بنا دیا گیا۔
باغی ٹی وی : پولیس کے مطابق لکی مروت کے علاقے منجی والا پولیس چوکی پر رات گئے دہشت گردوں نے حملہ کیا تاہم پولیس کی بھرپور جوابی کارروائی کی بدولت دہشتگرد فرار ہو گئے دہشت گردوں نے حملے میں خودکار اور بھاری ہتھیاروں کا استعمال کیا تاہم خوش قسمتی سے کوئی جانی نقصان نہیں ہوا۔
واضح رہے کہ گزشتہ ماہ لکی مروت کے علاقے تختی خیل میں نامعلوم افراد نے گھر میں فائرنگ کر کے 11 افراد کو قتل کر دیا تھا، پولیس کا کہنا تھا کہ ابتدائی تحقیقات سے معلوم ہوتا ہے حملہ آور مہمان بن کر آیا اور اہلخانہ کے ساتھ رات گزاری جبکہ مقتولین کو نشہ آور کھانا کھلانے کے بعد قتل کیا گیا،جاں بحق ہونے والے افراد میں ایک بھائی، اس کی بیوی، 2 بیٹوں، ایک شادی شدہ بیٹی اور اس کا بیٹا شامل تھے جبکہ دوسرے بھائی کی بیوی، بیٹی اور 2 بیٹوں کو بھی قتل کیا گیا،واقعہ پرانی دشمنی کاشاخسانہ معلوم ہوتا ہے تاہم پولیس تحقیقات کر رہی ہے۔
لسبیلہ میں ماحولیاتی نمونے میں پولیو وائرس کی تصدیق
مچ میں شرپسندوں نے سوئی گیس کی پائپ لائن کو دھماکا خیز مواد سے تباہ …
یورپی یونین کی روس کے خلاف نئی پابندیوں کی منظوری
-
کے پی کی گورنرشپ کیلئے پیپلزپارٹی کی طرف سےنام سامنے آگئے
پشاور: خیبرپختونخواکی گورنرشپ کیلئے پیپلزپارٹی کی طرف سے چار نام سامنے آگئے۔
باغی ٹی وی: ذرائع کے مطابق مرکزی رہنما فیصل کریم کنڈی، شجاع خان گورنر شپ کی دوڑ میں شامل ہیں، یاور نصیر اور امجد آفریدی بھی گورنر شپ کے امیدوار ہوں گے جبکہ فیصل کریم کنڈی گورنر کے لیے مضبوط امیدوار ہیں۔
اس سے قبل پنجاب میں گورنر کے عہدے کے لیے ممکنہ نام بھی سامنے آئے تھے۔ذرائع کے مطابق گورنر پنجاب کے لیے مخدوم احمد محمود، قمر زمان کائرہ اور ندیم افضل چن کے نام زیر غور ہیں،جبکہ مخدوم احمد محمود پارٹی قیادت کی پہلی ترجیح ہوں گے اور وہ مسلم لیگ (ن) کے لیے بھی قابل قبول ہوں گے۔
21 فروری مادری زبانوں کا عالمی دن
دوسری جانب پاکستان مسلم لیگ (ن) کے رہنما اور سابق وفاقی وزیر خزانہ اسحاق ڈار کی زیر صدارت کوئٹہ میں مسلم لیگ ن بلوچستان کا اجلاس ہوا۔ جس میں نو منتخب ارکان اسمبلی نے وزارت اعلیٰ پیپلزپارٹی کو دینے پر تحفظات کا اظہار کیا، اراکین بلوچستان اسمبلی نے کہا کہ صوبے میں ن لیگ بڑی پارٹی ہے وزیراعلیٰ ہمارا ہونا چاہیے،جس پر اسحاق ڈار نے کہا کہ ن لیگ کے ایم پی ایز کے تحفظات کو دور کیا جائے گا۔
نگران وزیر اعلی پنجاب سے چینی اور ایرانی قونصل جنرلز سے الگ الگ ملاقاتیں
ذرائع کا دعویٰ ہے کہ پیپلزپارٹی اور ن لیگ میں بلوچستان حکومت پر نیا معاہدہ ہوگا جس کے تحت پہلے ڈھائی سال وزیر اعلیٰ پیپلز پارٹی سے ہوگا اور اس کے بعد ڈھائی سال کیلئے وزیراعلیٰ ن لیگ سے ہوگا، مسلم لیگ ن کو چونکہ وزارت اعلیٰ پہلے نہیں مل رہی اس لئے انہیں اچھی وزارتیں دی جائیں گی، اس کے علاوہ مسلم لیگ ن بلوچستان کے رہنماؤں کو مرکز میں بھی ایڈجسٹ کیا جائے گا۔
معروف تجزیہ نگار و کالم نویس نذیر ناجی وفات پا گئے
-
پشاور ہائیکورٹ سے پی ٹی آئی رہنما میاں اسلم کی ضمانت منظور
تحریک انصاف کے رہنما، نامزد وزیراعلیٰ پنجاب میاں اسلم نے ضمانت منظور ہونے کے بعد پشاور میں میڈیا سے بات چیت کرتے ہوئے کہا ہے کہ ضمانت کیلے حاضر ہوا ہوں مجھ پر ناجائز کیسز بنائے گئے،جس نے ظلم کیا ہے اسے سزا ضرور دیں ناجائز کیسز نہیں ہونے چاہیے،
میاں اسلم اقبال کا مزید کہنا تھا کہ 9 مئی میں ایک وقت میں مختلف مقدمات بنائے گئے،7 مئی اے ٹی سی سے ضمانت کرانے کے بعد لاہور سے چلا گیا تھا، میری کوئی سی سی ٹی وی، سیف سٹی کی فوٹیج کوئی ایک چیز بتائی جائے، پشاور ہائیکورٹ کے ججز صاحبان کا شکر گزار ہوں، ہم پر امن شہری ہیں، الیکشن لڑتے ہوئے 25 سال ہو چکے ہیں، میرے جیسے بندے پر اتنے زیادہ کیسز؟فائرنگ کر کے قتل تک کا الزام لگایا گیا ہے، الیکٹیبلز کا بیانیہ پی ٹی آئی نے تبدیل کر دیا ہے، اب عوام کے مینڈیٹ کا احترام کیا جائے، جب الیکشن آتے ہیں تو ایک دوسرے کی کرپشن کی باتیں کرتے ہیں، بعد میں دوبارہ مل جاتے ہیں، یہ وارداتی ہیں، سولہ ماہ میں انہوں نے کیا کچھ نہیں کیا جو اب کرنا ہے، انہوں نے ہر ادارے کو تباہ کیا ہے،ریاستی اور پبلک ادارے سمیت سب کو تباہ کیا ہے، پی آئی اے ، ریلوئے خسارے میں چلے گئے ہیں،اسمبلی میں یہ ساری چیزیں بیان کریں گے، ن لیگ کہہ رہی ہے کہ آر او کے ذریعے ہمارے ساتھ شامل ہو جاو ورنہ نوٹیفکیشن کینسل کر دیا جائیگا، چور بٹھا دیا جائے گا تو ملک کیسے چلے گا، لاہور اور پنڈی میں پی ٹی آئی نے کلین سویب کیا ہے،
میاں اسلم اقبال کا مزید کہنا تھا کہ بندے توڑنے کی عادت انکی پرانی ہے،پارلیمنٹ کی یہ بے توقیری کر رہے ہیں ہمارے جو امیدوار کامیاب اور انکے نوٹفکیشن ہو چکے ان کو ن لیگ کہہ رہی کہ ہمارے ساتھ شامل ہو جاؤ نہیں تو نوٹفکیشن کینسل،ہو رہے ہیں کینسل بھکر،ٹوبہ ٹیک سنگھ، پنڈی سے کینسل ہو چکے، رات کے اندھیرے میں وارداتیں ڈال کر چور بٹھا دیں گے تو ملک کیسے چلے گا، عوام نے جن کو مینڈیٹ دیا انکو آنے دیں، اگر ہم نے پرفارم نہ کیا تو عوام اگلی بار مسترد کر دے گی ، نگران حکومت ،الیکشن کمیشن سے مطالبہ ہے کہ عوام نے ہمیں حکومت کرنے کا مینڈیٹ دیا ہمیں حکومت کرنے دی جائے،ہمیں وفاق میں سیٹیں واپس کی جائیں، صوبوں میں سیٹیں واپس کی جائیں،کراچی میں مینڈیٹ ہمیں ملا، بلوچستان میں ملا لیکن دھاندلا کر دیا گیا،یہ طریقہ نہیں کہ نتائج ہی بدل دیئے جائیں، ہمیں عدالتوں پر اعتماد ہے،میں ادھر ہی تھا ضمانت مل گئی اب پنجاب جا رہا ہوں،ہم پنجاب میں اپنا نمبر شو کریں گے،ہمارا مینڈیٹ ہمیں واپس کریں تو ہم حکومت بنانے کو تیار ہیں،
پشاور ہائیکورٹ نے تحریک انصاف کے رہنما میاں اسلم اقبال کی راہداری ضمانت منظورکرلی ہے،چیف جسٹس پشاور ہائیکورٹ محمد ابرہیم نے میاں محمد اسلم اقبال کی راہداری ضمانت منظور کر لی،میاں اسلم اقبال پشاور ہائیکورٹ میں پیش ہوئے،میاں اسلم اقبال نے راہداری ضمانت کیلئے پشاور ہائیکورٹ میں درخواست دائر کی تھی،میاں اسلم اقبال کیخلاف 19مقدمات درج ہیں،وکیل کی جانب سے درخواست کی آج ہی سماعت کرنے کی استدعا کی گئی تھی۔
قبل ازیں تحریک انصاف پنجاب کے نامزد وزیر اعلیٰ میاں اسلم اقبال پشاور ہائیکورٹ پہنچ گئے تھے، راہداری ضمانت کے بعد میاں اسلم متعلقہ عدالتوں میں پیش ہونگے ۔
واضح رہے کہ میاں اسلم کو تحریک انصاف نے وزیراعلیٰ پنجاب کے لئے نامزد کر رکھا ہے، میاں اسلم نو مئی کے واقعہ کے بعد سے روپوش تھے،عدالتوں نے میاں اسلم کو اشتہاری قرار دے رکھا ہے
نو مئی کے مقدمات کے ملزمان پشاور ہائیکورٹ میں ہی پیش ہو رہے ہیں اور انہیں ضمانتیں مل رہی ہیں، فیصل جاوید پشاور ہائیکورٹ پیش ہوئے اور انہیں ضمانت ملی، عمر ایوب ، علی امین گنڈا پور بھی پشاور ہائیکورٹ سے ضمانتیں حاصل کر چکے. زرتاج گل کو بھی پشاور ہائیکورٹ سے ضمانت ملی ہے،
پنجاب میں میاں اسلم،بلوچستان میں سالار وزارت اعلیٰ کے امیدوار،بیرسٹر گوہر کا اعلان
جماعت اسلامی کا تحریک انصاف سے اتحاد سے انکار
نواز شریف کا چوتھی بار وزارت عظمیٰ کا خواب ادھورا، شہباز شریف وزیراعظم نامزد
اگر آزاد کی اکثریت ہے تو حکومت بنا لیں،ہم اپوزیشن میں بیٹھ جائینگے، شہباز شریف
پی ٹی آئی کا وفاق اور پنجاب میں ایم ڈبلیو ایم ،خیبر پختونخوامیں جماعت اسلامی سے اتحاد کا اعلان
نواز شریف چیخ اٹھے مجھے کیوں بلایا،زرداری کی شرط،مولانا کی ضد،ن کی ڈیمانڈ
موبائل بندش سے نتائج تاخیر کا شکار،دھاندلی بھی ہوئی، الیکشن کمیشن کی تصدیق
-
سوات مینگورہ میں زلزلے کے جھٹکے
مینگورہ شہر اور گرد و نواح میں زلزلے کے جھٹکے محسوس کیے گئے ہیں۔زلزلے کے بعد لوگ کلمہ طیبہ کا ورد کرتے ہوئے گھروں سے باہر نکل آئے۔
زلزلہ پیما مرکز کے مطابق زلزلے کی شدت 4.1 ریکارڈ کی گئی۔یاد رہے کہ گزشتہ روز گلگت بلتستان کےمختلف علاقوں میں زلزلےکے جھٹکے محسوس کیے گئے تھے۔ گلگت بلتستان میں آنے والے زلزلے کی شدت 5.0ریکارڈ کی گئی تھی۔ اورزلزلے کی گہرائی 25 کلومیٹر ریکارڈ کی گئی تھی۔