Baaghi TV

Category: پشاور

  • عاطف خان اور شہرام ترکئی کی حفاظتی ضمانت منظور

    عاطف خان اور شہرام ترکئی کی حفاظتی ضمانت منظور

    پشاور ہائیکورٹ نے پاکستان تحریک انصاف(پی ٹی آئی) کے رہنما عاطف خان اور شہرام ترکئی کی حفاظتی ضمانت منظور کرلی۔

    باغی ٹی وی : پشاور ہائیکورٹ میں عاطف خان اور شہرام ترکئی کی حفاظتی ضمانت کے لیے دائر درخواست پر سماعت ہوئی، جسٹس اشتیاق ابراہیم اور جسٹس وقار احمد نے سماعت کی، پی ٹی آئی رہنما عاطف خان کی جانب سے محمد ریاض ایڈووکیٹ جبکہ شہرام ترکئی کی جانب سے عمران خان عدالت میں پیش ہوئے۔

    وکیل درخواست گزار نے کہاکہ عاطف خان اور شہرام ترکئی کے خلاف مقدمات کی تفصیل فراہم کی جائے،وکلاء نے استدعا کی کہ دونوں رہنماؤں کی حفاظتی ضمانت بھی منظور کی جائے، جس پر پشاور ہائیکورٹ نے ملزمان کی 19فروری تک حفاظتی ضمانت منظور کرلی۔

    پیپلز پارٹی کی سی ای سی کا بلوچستان میں حکومت بنانے کا فیصلہ

    علی امین گنڈا پور وزیراعلیٰ خیبرپختونخوا نامزد

    پی ایس ایل 9 کیلئے ٹرافی کی رونمائی کردی گئی

  • پرویز خٹک کی سیاست سے علیحدگی کی خبروں کی تردید

    پرویز خٹک کی سیاست سے علیحدگی کی خبروں کی تردید

    نوشہرہ: پاکستان تحریک انصاف پارلیمنٹرینز (پی ٹی آئی پی) کے سربراہ پرویزخٹک نے سیاست سے علیحدگی کی خبروں کی تردید کر دی-

    باغی ٹی وی : پرویز خٹک کا کہنا ہے کہ میری سیاست چھوڑنے کی زیرگردش خبریں غلط ہیں،سیاست چھوڑ رہا ہوں، نہ ہی اپنی پارٹی کا عہدہ چھوڑوں گا، کچھ وقت کے لئے آرام کرنا چاہتا ہوں، آرام کرنے کا ہرگز مطلب نہیں کہ میں سیاست چھوڑوں۔

    قبل ازیں خبریں تھیں کہ پروییز خٹک نے سیاست سے علیحدگی کا اعلان کیا ہے،پرویز خٹک کا کہنا تھاکہ انتخابات میں عوام کے فیصلے کو دل سے تسلیم کرتا ہوں، عوام نے خدمت کا جو صلہ دیا اس کو کھلے دل سے تسلیم کرتا ہوں، جلد پاکستان تحریک انصاف پارلیمنٹیرینز کا اجلاس طلب کریں گے، پارٹی کی چیئرمین شپ سے استعفی دےکر نئے چیئرمین کا انتخاب کریں گے۔

    قبل ازیں سربراہ استحکام پاکستان پارٹی (آئی پی پی) جہانگیر ترین نے سیاست چھوڑنے کا اعلان کیا تھا جبکہ سراج الحق نے امیرجماعت اسلامی کےعہدے سے استعفیٰ دے دیا ہے،سراج الحق کا کہنا تھا کہ پارٹی کو انتخابات میں مطلوبہ کا میابی نہیں دلواسکا، اس لئے عہدہ چھوڑ رہا ہوں-

    انتخابات میں ناکامی، سراج الحق جماعت اسلامی کے عہدے سے مستعفی

    جبکہ جہانگیرترین نے سماجی رابطے کی ویب سائٹ ایکس پر جاری بیان میں سیاست چھوڑنے کا اعلان کرتے ہوئے کہا تھا کہ استحکام پاکستان پارٹی کی چیئرمین شپ اور سیاست دونوں سے الک ہورہا ہوں، ان تمام لوگوں کا شکریہ ادا کرتا ہوں جنہوں نے الیکشن میں میرا ساتھ دیا، انتخابات میں عوام کی رائے کا احترام کرتا ہوں، ذاتی حیثیت میں اپنی صلاحیت کے مطابق ملک کی خدمت کرتا رہوں گا، اپنے مخالفین کو مبارکباد پیش کرتا ہوں، آئندہ چند سالوں میں پاکستان کو ترقی کی منازل طے کرنے کا موقع ملے گا۔

    جہانگیر ترین پارٹی عہدے سے مستعفی،سیاست چھوڑنے کا اعلان

  • 8 فروری کوالیکشن کم اورسودا گری کا بازار زیادہ تھا، ایمل ولی خان

    8 فروری کوالیکشن کم اورسودا گری کا بازار زیادہ تھا، ایمل ولی خان

    پشاور: عوامی نیشنل پارٹی (اے این پی ) کے صوبائی صدر ایمل ولی خان نے کہا ہے کہ پارٹی الیکشن نتائج کو مسترد کرتے ہوئے تمام حلقوں کو کھولنے کا مطالبہ کرتی ہے۔

    باغی ٹی وی: پشاور میں پریس کانفرنس کرتے ہوئے ایمل ولی نے کہا کہ 8 فروری کوالیکشن کم اورسودا گری کا بازار زیادہ تھا، ہمارے کئی ساتھیوں کو زخمی کیا گیا، ایسے لوگوں کو اسمبلی میں پہنچایا گیا جو خود چل بھی نہیں سکتے، کٹھ پتلی اسمبلی کے ذریعے اٹھار ہویں ترمیم کو رول بیک کرنا چاہتے ہیں۔

    ایمل ولی نے کہا کہ قوم پرست رہنماؤں کو باہر کرنے کا ردعمل تاریخ ساز ثابت ہوگا، ہمیں اپنی قوم کی ترجمانی کے لیے کسی پارلیمان کی ضرورت نہیں ہے، ہمیں ریاست کے مخالف نہ بنایا جائے، ہوسکتا ہے کہ مجھے ریاست دشمن قرار دے دیا جائے۔

    نواز شریف کی درخواست پر الیکشن کمیشن نے این اے 15 کا نتیجہ روک …

    علاوہ ازیں سماجی رابطے کی ویب سائٹ ایکس پر ٹوئٹ کرتے ہوئے صوبائی صدر اے این پی نے کہا یہ فیصلہ پہلے سے کیا گیا تھا کہ کس کو جتوانا ہے،پی ٹی آئی کے اہم رہنماؤں کو بھی ہرایا گیا سگنلز کو بند کر کے اپنے نتائج بنائے گئے،ہمارے نمائندوں سے آراوز نے کروڑوں روپے کا مطالبہ کیا ، ہمارے پاس ثبوت موجود ہے وقت آیا تو دیکھائیں گے۔
    https://x.com/AimalWali/status/1756671495986700358?s=20
    انہوں نے کہا کہ ووٹ ڈالنے والوں کو کوئی فرق نہیں پڑتا۔ جو لوگ ووٹوں کی گنتی کرتے ہیں میں تمام سیاسی قوتوں سے اپیل کرتا ہوں کہ وہ اپنے حقیقی حقوق کے لیے کھڑے ہوں اور بڑی قوتوں کے اس گھناؤنے کھیل کو بند کریں۔

    پاکستان کوسٹ گارڈز نے پسنی میں اونٹوں پر لدی چرس سے بھری 75 بوریاں …

    این اے 121 سے کامیاب پی ٹی آئی حمایت یافتہ امیدوار ن لیگ میں …

  • خیبر پختونخوا کا وزیر اعلی کون ہو گا؟

    خیبر پختونخوا کا وزیر اعلی کون ہو گا؟

    پی ٹی آئی ذرائع کے مطابق وزیراعلی کے لیے کئی گروپ بن چکے ہیں جس میں سابق اسپیکر اسد قیصر اپنے بھائی عاقب اللہ کو وزیر اعلی بنانے کے خواہاں ہیں، جبکہ ڈیرہ اسماعیل خان سے علی امین گنڈا پور بھی وزیر اعلٰی بننے کے لیے بھاگ دوڑ کرنے میں مصروف عمل دکھائی دے رہے ہے۔ذرائع نے تصدیق کی ہے کہ عاطف خان اپنے گروپ سے وزیر اعلٰی خیبر پختونخواہ کی نامزدگی کے خواہشمند ہے جبکہ الیکشن کمیشن کی جانب سے پی کے 79 پر نتائج روکنے کے بعد تیمور جھگڑا ایک بار پھر خود بھی اس دوڑ میں شامل ہیں، تیمور سلیم جھگڑا نے الزام عائد کیا کہ ’پشاور کی آٹھ سیٹوں پر پی ٹی آئی کے حمایت یافتہ آزاد اراکین کو منصوبہ بندی کے تحت ہروایا گیا تاکہ ہم حکومت سے باہر ہو جائیں۔لوگوں نے پی ٹی آئی کو اکثریت دی۔ اس میں کوئی شک نہیں کہ حکومت ہماری بنے گی کسی اور سے اتحاد کی ضرورت نہیں۔ تاہم وزیراعلٰی کے نام کا فیصلہ عمران خان خود کریں گے۔
    جبکہ ہزارہ ڈویژن سے مشتاق غنی اور اکبر ایوب بھی وزیر اعلی کے لیے امیدوار ہیں۔عاطف خان کا کہنا ہے کہ امید کرتے ہیں بانی چیئرمین خود وزیر اعلی نامزد کریں گے اور وہی وزیر اعلی ہونا چاہئے جسکا کردار صاف ہو۔ ذرائع کے مطابق مردان سے ظاہر شاہ طورو ، مالاکنڈ سے شکیل خان اور ایبٹ آباد سے مشتاق غنی کے نام وزارت اعلیٰ کیلئے پارٹی کے حلقوں میں زیرگردش ہیں۔

  • اسلام آباد موٹروے بند ،شہریوں کو مشکلات کا سامنا

    اسلام آباد موٹروے بند ،شہریوں کو مشکلات کا سامنا

    اسلام آباد تا پشاور موٹروے ہر قسم ٹر یفک کے لئے بند کر دیا گیا ہے ، موٹر وے حکام کے مطابق عوام کی بڑی تعداد احتجاج کے باعث ایم 1 موٹر وے ہر قسم کے ٹریفک کے لئے بند کر دی گئی ہے، جس کے باعٹ موٹر وے پر گاڑیوں کی لمبی قطاریں موجود ہیں اور عوام کو شدید مشکلات کا سامنا ہے ، پولیس کی جانب سے کہا جا رہا ہے کہ الیکشن میں دھاندلی کے خلاف احتجاج کے غرض سے عوام کی پڑی تعداد نے روڈ اور ٹریفک کو بند کر دیا ہے ،واضح رہے کہ ملک کے مختلف حصوں میں تمام سیاسی جماعتوں کی جاب سے احتجاج اور ریلیوں کا سلسلہ جاری ہے جن میں کچھ فائرنگ کے واقعات بھی سامنے آئے ہے،

  • لوئر دیر : دوبارہ گنتی جماعت اسلامی کو شکست

    لوئر دیر : دوبارہ گنتی جماعت اسلامی کو شکست

    لوئر دیر کی کے 17 پر آزاد امیدوار عبیداللہ کی جانب سے دوبارہ گنتی کی درخواست دی گئی تھی. تاہم پی ٹی آئی کے حمایت یافتہ عبید الرحمن 23 ہزار 229 ووٹ لیکر کامیاب جبکہ جماعت اسلامی کے امیدوار 19 ہزار 990 ووٹ حاصل کرسکے۔اس سے قبل اسی حلقے پر عبید الرحمن نے 22 ہزار 981 اور اعزازالملک نے 25 ہزار 124 ووٹ لئے تھے، جسکے خلاف عبیداللہ نے دوبارہ گنتی کا مطالبہ کیا تھا، واضح رہے کہ خیبر پختونخواہ صوبائی اسمبلی میں پی ٹی آئی کے حمایت یافتہ آزاد امیدواران کو واضح برتری حاصل ہے .

  • شمالی وزیرستان، گولیاں چل گئیں، محسن داوڑ زخمی ہو گئے

    شمالی وزیرستان، گولیاں چل گئیں، محسن داوڑ زخمی ہو گئے

    شمالی وزیرستان کے علاقے میرانشاہ میں گولیاں چل گئیں، محسن داوڑ زخمی ہو گئے

    پولیس نے محسن داوڑ پر حملے کی تصدیق کی ہے اور کہا کہ محسن داوڑ زخمی ہوئے ہیں، اطلاعات کے مطابق محسن داوڑ کے حامی میران شاہ کینٹ گیٹ کے سامنے احتجاج کر رہےتھے، شمالی وزیرستان میں انتخابی نتائج کی تاخیر پر احتجاج کیا جا رہا تھا اسی دوران گولیاں چلیں اور محسن داوڑ زخمی ہو گئے، محسن داوڑ کو طبی امداد کے لئے ہسپتال منتقل کر دیا گیا ہے، محسن داوڑ کی حالت خطرے سے باہر بتائی جا رہی ہے

    میڈیا رپورٹس کے مطابق محسن داوڑ کے حامیوں کی جانب سے بھی مبینہ طور پر فائرنگ کی گئی جس سے ایک پولیس اہلکار جان کی بازی ہار گیا جبکہ دو زخمی ہیں

    جماعت اسلامی کے سینیٹر مشتاق احمد کا کہنا ہے کہ انتخابی دھاندلی کیخلاف شمالی وزیرستان میں احتجاج پولیس کی فائرنگ سے محسن داوڑ سمیت دیگر زخمی ہونے کی اطلاعات ہیں،یہ انتہائی افسوسناک اور قابل مذمت ہے،محسن داوڑ اور ان کے ساتھیوں کیلئے دعاگو ہوں۔شانگلہ کے بعد یہ دوسرا واقعہ ہے جس میں الیکشن کمیشن کے دھاندلی کیخلاف قانونی احتجاج پر فائرنگ کی گئی اور بے گناہوں کا خون بہایا گیا۔سپریم کورٹ آف پاکستان اس حکومتی دہشتگردی کا نوٹس لے۔

    قبل ازیں گزشتہ ماہ تین جنوری کو بھی انتخابی مہم کے دوران میران شاہ تپی کے علاقے میں محسن داوڑ کے قافلے پر فائرنگ کی گئی تھی، گولیاں گاڑی کے فرنٹ اور سائیڈ شیشوں پر لگیں، محسن داوڑ گاڑی میں سوار تھے تا ہم بلٹ پروف گاڑی کی وجہ سے حملے میں محفوظ رہے تھے

    دعا اور خواہش ہے حالیہ انتخابات ملک میں معاشی استحکام لائیں،آرمی چیف

    سندھ میں پی پی کا تیر چل گیا،نتائج مکمل،پیپلز پارٹی84 سیٹیں لے اڑی

    آزاد امیدواروں نے بڑےناموں کو شکست دیکر ایوان پہنچنے سے روک دیا

    قومی وصوبائی855 میں سے 831 نتائج،آزاد 335 سیٹیں،ن لیگ 216 لے اڑی

    این اے 130 لاہور ، نواز شریف جیل میں گرفتار یاسمین راشد سے جیت گئے

    تخت لاہور،لطیف کھوسہ، میاں اظہر ،وسیم قادر کی جیت،شہباز،حمزہ،مریم،ایازصادق کی بھی جیت

    پنجاب،عمران نذیر،سلمان رفیق،میاں اسلم اقبال،بلال یاسین جیت گئے، رانا مشہود کو شکست

    انتخابی نتائج،آزاد امیدوار وں کا پلڑا تاحال بھاری، ن لیگ دوسرے نمبرپر

    تحریک انصاف کیلیے اچھی خبر، مخصوص نشستوں کا حصول آسان ہو گیا

    آزاد امیدوار ابھی تک آگے،مگر نواز شریف کو حکومت بنانے کی جلدی

    مانسہرہ سے نواز شریف جیت چکے ہیں،اسحاق ڈار کا دعویٰ

  • ضلع خیبر میں ایک قومی اور 3صوبائی نشستوں پر پی ٹی آئی کے حمایت یافتہ امیدوار کامیاب

    ضلع خیبر میں ایک قومی اور 3صوبائی نشستوں پر پی ٹی آئی کے حمایت یافتہ امیدوار کامیاب

    لنڈی کوتل،باغی ٹی وی(نصیب شاہ شینواری)ضلع خیبر میں ایک قومی اور تین صوبائی اسمبلی نشستوں پر پی ٹی آئی کے حمایت یافتہ امیدوار کامیاب
    ضلع خیبر میں تحریک انصاف کے چاروں امیدواروں نے بڑے مارجن سے کامیابی حاصل کر کے کلین سویپ کر دیا ہے ،
    حلقہ این اے 27 پر محمد اقبال نے 85 ہزار 514 ووٹ حاصل کرکے کامیابی حاصل کی ہے جبکہ ان کے مدمقابل مسلم لیگ ن کے شاہ جی گل آفریدی 18 ہزار 832 ووٹ کے ساتھ دوسرے نمبر پر رہے ،

    اسی طرح صوبائی اسمبلی کے حلقہ پی کے 71 خیبر میں عبدالغنی آفریدی نے 15 ہزار ووٹ لیکر کامیابی حاصل کی ہے جبکہ ان کے مد مقابل جماعت اسلامی کے خان ولی نے 7 ہزار 903 ووٹ حاصل کی ہے ،

    حلقہ پی کے 70 خیبر 2 میں محمد سہیل آفریدی نے 31 ہزار 649 ووٹ حاصل کرکے کامیابی حاصل کی ہے اور ان کے مد مقابل مسلم لیگ ن کے الحاج بلاول آفریدی نے 7 ہزار 401 ووٹ حاصل کئے ہیں ،

    اسی طرح پی کے 69 خیبر 3 میں علامہ عدنان قادری نے 25 ہزار 596 ووٹ لیکر کامیابی حاصل کی ہے جبکہ ان کے مدمقابل مسلم لیگ ن کے الحاج شفیق شیر آفریدی نے10 ہزار 95 ووٹ کے ساتھ دوسرے نمبر پر رہے ،

    جیت کی خوشی میں کارکنوں نے جشن منایا ، ریلی نکالی اور امیدواروں کو مبارکباد دی ہے

  • پی ٹی آئی کے نام پر جیتنے والے آزاد امیدواروں سے حلف نامہ لیں گے،اسد قیصر

    پی ٹی آئی کے نام پر جیتنے والے آزاد امیدواروں سے حلف نامہ لیں گے،اسد قیصر

    سابق سپیکر اور پاکستان تحریک انصاف کے رہنما اسد قیصر نے کہا ہے کہ پی ٹی آئی کے نام پر جیتنے والے آزاد امیدواروں سے حلف نامہ لیں گے اگر کوئی عمرا ن خان کے ساتھ نہیں رہے گا تو اس کا کوئی مستقبل نہیں ہے۔ نجی ٹی وی سے گفتگو کرتے اسد قیصر نے کہا کہ قومی اسمبلی میں سب سے بڑی پارٹی پی ٹی آئی ہے۔ سمجھ نہیں آ رہی وکٹری سپیچ نوازشریف نے کیوں کی؟ ہمارے پاس تین چار آپشنز ہیں۔پارٹی انتخابات کے بارے میں بھی سوچ رہے ہیں۔ انہوں نے کہا کہ کل بیٹھ کر فیصلہ کریں گے۔ خیبر پختونخوا کی وزارت اعلیٰ کے بارے میں بھی فیصلہ ہوگا اور وزیراعلیٰ کے نام پر غور کر رہے ہیں۔

  • پی ٹی آئی رہنما شیر افضل مروت این اے 41 لکی مروت سے کامیاب

    پی ٹی آئی رہنما شیر افضل مروت این اے 41 لکی مروت سے کامیاب

    پاکستان تحریک انصاف (پی ٹی آئی) شیر افضل مروت بطور آزاد امیدوار قومی اسمبلی کی نشست این اے 41 لکی مروت سے کامیاب ہوگئے۔ این اے 41 لکی مروت کے تمام 409 پولنگ اسٹیشنز کا غیر حتمی و غیر سرکاری نتیجہ سامنے آگیا۔ اس نتیجے کے مطابق پی ٹی آئی رہنما شیر افضل مروت بطور آزاد امیدوار 117395 ووٹ لے کر کامیاب ہوگئے۔ ان کے مقابلے میں جے یو آئی کے اسجد محمود 68303 ووٹ لے کر دوسر نمبر پر رہے۔