پشاور: عوامی نیشنل پارٹی (اے این پی) کے صوبائی اسمبلی کے امیدوار عصمت اللہ خان کوہاٹ میں انتقال کرگئے۔
باغی ٹی وی : صوبائی اسمبلی کی نشست پی کے 91 کے امیدوار عصمت اللہ خان انتقال کرگئے، عصمت اللہ خان عوامی نیشنل پارٹی کے ٹکٹ پر امیدوار تھے،ذرائع کے مطابق عصمت اللہ خان کی وفات حرکت قلب بند ہونے کی وجہ سے ہوئی۔
واضح رہے کہ کچھ روز قبل اے این پی کے امیدوار نیاز ولی بھی دل کا دورہ پڑنے کے باعث انتقال کرگئے تھے، نیاز ولی مرحوم نے تحصیل باڑہ کے حلقہ پی کے 70 سے کاغذات جمع کرائے تھے۔
لنڈی کوتل(باغی ٹی وی رپورٹ ) الحاج کاروان،پی ایم ایل ن میں مقامی مشران نے شمولیت کا اعلان کیا ہے
سیاسی وسماجی شخصیت اور سابق تحصیل چیئرمین امیدوار کلیم اللہ شینواری کا خاندان سمیت سابق صوبائی وزیر و سینیٹر الحاج تاج محمد آفریدی اور سابق ایم پی اے الحاج شفیق شیر آفریدی کی موجودگی میں پاکستان مسلم لیگ ن میں شامل ہوگئے،
لنڈی کوتل خوگہ خیل میں شمولیتی تقریب منعقد ہوئی جس میں سابق تحصیل چیئرمین شپ امیدوار اور خیبر سپورٹس کلب کے جنرل سیکرٹری کلیم اللہ شینواری سمیت اشرف خیل سے تعلق رکھنے والے سرکردہ نوجوانوں اور خاندانوں نے پاکستان مسلم لیگ ن میں شمولیت اختیار کر لی ہے ،
شمولیت اختیار کرنے والوں میں مرحوم حاجی اکبر علی اینڈ برادرز ، حاجی سعید شاہ اینڈ سنز ، ٹریول ایجنٹس حاجی راحت ولی اور عبدل آیاز اور حاجی محمد نواز کے جمہ خاندان شامل ہیں
شمولیتی تقریب سے خطاب کرتے ہوئے الحاج تاج محمد آفریدی ودیگر نے کہا کہ آئے روز عوام کی شمولیت پاکستان مسلم لیگ ن پر اعتماد کا اظہار ہیں ہم نے پہلے بھی عوام کی بلا تفریق خدمت کی ہے اور آئندہ بھی یہ سلسلہ جاری رکھیں گے
پشاور: چیئرمین پاکستان تحریک انصاف (پی ٹی آئی پارلیمنٹیرین) پرویز خٹک نے کہا ہے کہ عمران خان کے بہت قریب رہا ہوں وہ بہت جھوٹا آدمی ہے-
باغی ٹی وی: رشکئی میں جلسے سے خطاب میں ان کا کہنا تھا کہ ابھی پی ٹی آئی نہیں ہے، سارے امیدوار آزاد ہیں اور وہ میرے ساتھ ہیں، بانی پی ٹی آئی کو سیاسی لوگوں سے نفرت ہے انہیں صرف اپنے آپ سے مطلب ہے،لوگوں کو بے وقوف بنایا گیا ہے۔
پرویز خٹک کا کہنا تھا کہ میں عمران خان کے بہت قریب رہا ہوں وہ بہت جھوٹا آدمی ہے، انہوں نے قوم کے ساتھ جو وعدے کیے تھے سارے جھوٹے تھے، ان کے جھوٹ کی وجہ سے میں نے پی ٹی آئی چھوڑ دی کیونکہ وعدے وہ کرتے اور شرمندگی ہمیں اٹھانی پڑتی تھی،یہ حال میں نے پاکستان پیپلز پارٹی میں بھی دیکھا، کوئی ایک شکل میں آتا ہے تو کوئی دوسری شکل میں۔
دوسری جانب خیبرپختونخوا میں رجسٹرڈ ووٹرز کی تعداد میں اضافہ ہوگیا، 2018 کی نسبت 40 لاکھ نئے اضافی ووٹرز ووٹ کا حق استعمال کرسکیں گے الیکشن کمیشن سے حاصل کردہ دستاویز کے مطابق خیبرپختوںخوا میں 2018 کی نسبت 40 لاکھ 88 ہزار 274 ووٹرز کا اضافہ ہے۔
دستاویز کے مطابق خیبرپختوںخوا میں 2018 میں ووٹرز کی تعداد ایک کروڑ 78 ہزار 845 تھی جو اب 2 کروڑ 19 لاکھ 28 ہزار 119 پر پہنچ گئی ہےخواتین ووٹرز کی تعداد میں 23 لاکھ 63 ہزار 980 اور مرد ووٹرز کی تعداد میں 17 لاکھ 24 ہزار 294 مرد اضافہ ہوا ہے جس کے بعد خواتین ووٹرز کا تناسب 45 اعشاریہ 53 فیصد اور مرد ووٹرز کا 54 اعشاریہ 47 فیصد ہے۔
خیبر (باغی ٹی وی رپورٹ )باڑہ پولیس کی بڑی کارروائی بین الصوبائی منشیات سمگلر گرفتار،منشیات کی بڑی کھیپ سمگل کرنے کی کوشش ناکام بنادی گئی ،90 کلوگرام چرس برآمد ملزم گرفتار مقدمہ درج
تفصیلات کے مطابق ڈی پی او خیبر سلیم عباس کلاچی کے جاری کردہ احکامات پر ڈی ایس پی باڑہ سرکل سوالزار خان کی نگرانی میں ایس ایچ او باڑہ ہردم گل کی خفیہ اطلاع پر انچارج سید کریم شہید چوکی عابد ایڈشنل ایس ایچ او فضل کریم و دیگر پولیس نفری نے تھانہ باڑہ علاقہ شلوبر ماشومانوں مقبرہ علاقے میں ربنواز کے ٹھکانے پر چھاپہ زان ہوکر دوران تلاشی مجموعی طور پر 90 کلوگرام چرس برآمد کرکے ملزم زمرود ولد طاؤس خان کو گرفتار کر کے حوالات منتقل کر دیا گیا۔
دیگر ملزمان کی تلاش جاری ہیں جنہیں جلد گرفتار کرلیا جائے گا
ضلع خیبر میں 434 دینی مدرسہ کے طلباء کی دستار بندی تقریب
باغی ٹی وی رپورٹ
ضلع خیبر کے معروف دینی درسگاہ الجامعۃ اسلامیہ الفاروقیہ میں سالانہ دستاربندی کے پروقار تقریب کا انعقاد کیاگیا، فارغ التحصیل 434 طلباء کی دستار بندی کی گئی۔تقریب میں سینکڑوں طلباء علماء اور مختلف شعبہ زندگی سے تعلق رکھنے والے شخصیات نے شرکت کی۔شرکاء نےملک کےامن و استحکام کے لئےزار قطار رو کر دعائیں مانگی گئی۔
تفصیلات کے مطابق جمرود شاکس میں قائم معروف دینی درسگاہ سے 434 طلباء فارغ التحصیل ہوگئے۔ جس میں 337 طلباء درس نظامی اورر 97 طلباء نے قرآن پاک کی حفظ مکمل کرلیا۔ دستار بندی کے لئے ایک پروقار تقریب کا اہتمام کیا گیا۔ جس میں سینکڑوں کی تعداد میں طلباء؛ علماء کرام سمیت مختلف مکتبہ فکر کے شخصیات نے شرکت کی۔
شیخ الحدیث مولانا عبدالمجید نے طلباء کے دستار باندی اور فراغت کے اسناد تقسیم کئے۔تقریب کے مہمانان گرامی نے دینی درسگاہ کی علمی وروحانی کردار کو سراہتے ہوئے کہا کہ درسگاہ سے ہمیشہ امن وآشتی کا پیغام ملا ہے۔ صوبہ خیبر پختونخوا میں الجامعة اسلامیہ الفاروقیہ دینی عصری اور روحانی علوم کا ایک امتیازی حیثیت ہے۔ دستار بندی سے قبل ملک وقوم کی حفاظت اور سلامتی کے لئے قرآن خوانی کی گئی۔
آخر میں علمی و روحانی پیشوا حافظ فضل االک صاحب نے ملک وقوم کے حفاظت اور استحکام کے لئے خصوصی دعائیں کی۔ دعائیہ تقریب میں رقت آمیز مناظر دیکھنے کو ملے۔ تمام شرکاء زار وقطار رو کر ملک کی بقاء کے لئے اجتماعی کیں۔کہ مسائل کے بھنور میں پھنسے پاکستان کو خیر وعافیت سے امن وترقی کے ساحل پر لنگر انداز کریں۔
خیبرپختونخوا میں موسم سرما کی پہلی بارش کے ساتھ ساتھ بالائی علاقوں میں برف باری کا سلسلہ بھی شروع ہو گیا۔ محکمہ موسمیات کے مطابق گلیات اور وادی تیراہ سمیت دیگرعلاقوں میں بھی برفباری کاسلسلہ جاری ہے۔محکمہ موسمیات نے مسلسل خشک سردی کے بعد موسم سرما کی پہلے بارش اور برفباری کی خبر سنا دی، کالام،چترال،مالم جبہ،دیر،ناران،کاغان میں برفباری شروع ہو گئی۔ بلوچستان میں 28 اور 29 جنوری کو کوئٹہ، ژوب، زیارت، چمن، بارکھان اور مکران کے ساحلی علاقوں میں وقفے وقفے سے ہلکی سے درمیانی بارش اور پہاڑوں پر برفباری کا امکان ہے۔محکمہ موسمیات کے مطابق 27 جنوری کی رات سے 31 جنوری کے دوران گلگت بلتستان ( دیامیر، استور، غذر، اسکردو، ہنزہ ، گلگت، گانچھے، شگر)، کشمیر (وادی نیلم، مظفر آباد، پونچھ، بٹیاں، باغ، حویلی، سدھنوتی، کوٹلی، بھمبر، میرپور) میں وقفے وقفے سے ہلکی سے درمیانی بارش اور پہاڑوں پر برفباری کا امکان ہے۔
خیبر پختون خوا کے اسپتالوں میں ایک بار پھر دوایوں اور طبی آلات کی قلت نے سر اٹھا لیا ،مختلف ہسپتالوں میں طبی آلات اور ایمرجنسی ادویات کی قلت کے معاملے پر سیکریٹری صحت نے نگراں وزیرِ اعلیٰ کو خط لکھ دیا۔ خط میں بتایا گیا ہے کہ فنڈز کی عدم دستیابی کے باعث ادویات کی فراہمی کے لیے کوئی آرڈر نہیں دیا گیا، محکمہ صحت کے ذمے 2 ارب 67 کروڑ 40 لاکھ روپے کے واجبات ہیں۔خط کے مطابق اسپتالوں میں طبی آلات اور اینٹی ریبیز ویکسین سمیت ایمرجنسی ادویات کی قلت ہے، صوبے بھر کے اسپتالوں کی ضروریات کو پورا کرنے کے لیے 9 ارب روپے درکار ہیں۔خط میں مزید کہا گیا ہے کہ مالی سال 23-2022ء کے دوران ادویات کی خریداری کے لیے 90 کروڑ روپے سے زائد مختص کیے گئے تھے۔خط میں یہ بھی کہا گیا ہے کہ مالیاتی بحران کے باعث 6 ارب روپے اضافی گرانٹ کی بھی ضرورت ہے۔
پشاور: عوامی نیشنل پارٹی (اے این پی) کے خیبرپختونخوا کے صدر ایمل ولی خان نے کہا ہے کہ ہم صوبوں کو جائز حقوق دینا چاہتے ہیں، 18 ویں ترمیم کے ذریعے صوبائی خود مختاری حاصل کی-
باغی ٹی وی: چارسدہ میں انتخابی جلسے سے خطاب میں ایمل ولی خان کا کہنا تھاکہ ہم دہشت گردی سے بُری طرح متاثر ہوئے، 2013 کے انتخابات میں انتخابی مہم تک چلانے نہیں دی گئی، میں اپنے بچے کیلئے بندوق نہیں چاہتا، ہمیں پرائی جنگوں میں جھونکا گیا۔
انہوں نے کہا کہ ہم صوبوں کو جائز حقوق دینا چاہتے ہیں، 18 ویں ترمیم کے ذریعے صوبائی خود مختاری حاصل کی، بجلی ہم بنا رہے ہیں اور زیادہ لوڈشیڈنگ برداشت کر رہےہیں، گیس ہماری ہے لیکن ہم اس سے محروم ہیں، آزاد امیدوار بکیں گے اور لوٹے تو ضرور بکیں گے، بعض امیدواروں کو لوٹا کہنا بھی لوٹے کی توہین ہے، آزاد امیدوار ایک تھپڑ سے پرویز خٹک کے ساتھ شامل ہوں گے، آزاد امیدوار کو ووٹ دینا پرویز خٹک کو ووٹ دینا ہے۔
دوسری جانب امیر جماعت اسلامی سراج الحق نے ایف پی سی سی آئی میں خطاب کرتے ہوئے کہا کہ عوام کا اعتبار حکومت سے اُٹھ چکا ہے، عوام اور سرکار کے درمیان اعتماد کا فقدان ہے، ہر حکمران نے توشہ خانہ پر ہاتھ صاف کیا، ملک میں سالانہ 5 ہزار ارب کی کرپشن ہوتی ہے، اصل مسئلہ یہی ہے کہ وسائل کم ہیں اور اخراجات زیادہ ہیں، مسئلہ وسائل کی کمی کا نہیں بلکہ کرپشن کا ہے-
انہوں نے کہا کہ آئی پی پی کے معاہدوں کا بوجھ یک دم اتارنا ہوگا، آئی پی پی کے معاہدوں میں 70 فیصد پاکستانی کمپنیز ہیں ملک میں صرف 35 لاکھ افراد ٹیکس دیتے ہیں،عوام کا اعتبار حکومت سے اُٹھ چکا، ہر حکمران نے توشہ خانہ پر ہاتھ صاف کیا ، ہم نے سب سے پہلے قوم کے سامنے اپنا منشور پیش کیا، یہاں تو پہلے پارٹی بنتی ہے پھر نام، پھر کارکن اور پھر منشور آتا ہے،فلسطین کے لیے ایک ارب 40 کروڑ کا فنڈ ملا ہے، جماعت اسلامی کے پاس مختلف شعبوں کے ایک ہزار ماہرین ہیں۔
پشاور: عوامی نیشنل پارٹی (اے این پی) کی جانب سے سابق وزیراعظم نواز شریف کے خیبرپختونخوا کے لوگوں کیلئےدیئے گئے بیان کی مذمت کی ہے اور شدید ردعمل کا اظہار کیا ہے۔
باغی ٹی وی : ترجمان اے این پی خیبر پختونخوا ثمر بلور کے مطابق تین بار وزیراعظم رہنے والے کو زیب نہیں دیتا کہ ایک صوبےکے عوام کو بیوقوف کہیں، اس بیان کی مذمت کرتے ہیں اور مطالبہ کرتے ہیں نواز شریف اپنے الفاظ واپس لیں،پوری قوم سے معافی مانگیں،یہ لوگ کس منہ سے یہاں آکر ووٹ مانگیں گے، ماضی میں اسی جماعت نے ہمارےحقوق دینےسے انکار کیا تھا، حقوق سے انکار پرخان عبد الولی خان نے ان سے اتحاد سے نکلنے کا اعلان کیا تھا، شاید آج نوازشریف ایک بارپھرتاریخ دہرارہے ہیں، پختونخوا کے عوام کے نمائندے ابھی موجود ہیں۔
واضح رہے کہ لاہور میں منشور جاری کرنے کی تقریب سے خطاب میں نواز شریف نےکہا تھا کہ خیبرپختونخوا کے لوگ آسانی سے بیوقوف بن جاتے ہیں،یہ بیماری خیبرپختونخوا سے ہی آئی ہے، 2013 میں ان کی حکومت بننے ہی نہیں دینی تھی، نہ ہوتا بانس نہ بجتی بانسری۔
پیپلز پارٹی کے چیئرمین بلاول زرداری نے کہا ہے کہ ہم نے کاپی پیسٹ نہیں کیا اپنے ہاتھوں سے منشور لکھا ہے،عوام کو 300 یونٹ تک بجلی فری کر دیں گے،
پشاور میں جلسے سے خطاب کرتے ہوئے بلاول بھٹوکا کہنا تھا کہ انتقام اور تقسیم کی سیاست نہیں کرونگا، خان صاحب کہتا تھا سب کو جیلوں میں ڈالوں گا آج وہ خود جیل میں ہے ، کہتے تھے این آر او نہیں دوں گا آج سب کے ساتھ بات کرنے کو تیار ہیں،مخالف کی بہن ، بیٹیوں کو جیل میں ڈالنا شہید بی بی کی سیاست نہیں ، ایسے اسپتال بنائیں گے جہاں بغیر کسی کارڈ کے مکمل مفت علاج ہو گا،میں انتقامی سیاست نہیں، دن، رات آپ کی خدمت کروں گا،ن لیگ اور پی ٹی آئی نے نفرت کی سیاست کی، سیاسی اختلاف کو دشمنی میں بدل دیا،
بلاول زرداری کا کہنا تھا کہ ان کا کیا ہوگا جو ضمنی الیکشن سے ڈر کر بھاگتے رہے،مگر میرے جیالوں کے ہمت اور جدوجہد کی وجہ سے آج آپ سب کو الیکشن لڑنا پڑ رہا ہے، وہ تو کہتے ہیں کہ مہم نہیں چلا سکے، نہیں نکل رہے کہ ان پر دہشت گردی کی دھمکیاں ہیں، سیکورٹی تھریٹس ہیں، تو میں پوچھتا ہوں کہ فرق صرف اتنا ہم ڈرنے والے، گھبرانے ، بھاگنے والے نہیں، ہم تو شہید بھٹو کے سپاہی ہیں بینظیر کے جیالے ہیں، یہ سر کٹ تو سکتا ہے مگر جھک نہیں سکتا، ہم اپنے ملک کو بچانے کے لئے، عوام کو اس مشکل سے نکالنے کے لئے الیکشن لڑ رہے ہیں، ہمارا موقف یہ ہے کہ ملک خطرے میں، مشکل میں ہے، تاریخی معاشی بحران ہے، ہم نے یہ حالات پاکستان کی تاریخ میں نہیں دیکھے،مہنگائی، غربت، بے روزگاری میں اضافہ ہو رہا ہے، ایک طرف معاشی بحران تو دوسری طر ف دہشت گردی کا بحران ہے.ہم نے دہشت گردی کو شکست دی تھی، پشاور کے لوگوں نے قربانیاں دی تھیں،آج پھر دہشت گرد کیوں سر اٹھا رہے ہیں،معاشرے میں بھی ایک بحران ہے، ن لیگ اور پی ٹی آئی نے نفرت اور تقسیم کی سیاست مسلط کی ہے، اس سیاست کی وجہ سے معاشرے میں تقسیم ہوئی.
جس نے آصف زرداری کی زبان اور گلہ کاٹا ان پر مقدمے بنائے ان کے ساتھ بھی وہ سب کچھ ہوا تھا، مکافات عمل ہے جو تم آج کروگے کل تمہارے ساتھ ہوگا،بلاول
بلاول زرداری کا مزید کہنا تھا کہ تیر ہی شیر کا راستہ روک سکتا ہے ،مسلم لیگ اشرافیہ اور پیپلز پارٹی عوام کی جماعت ہے،اگر آزاد کو کامیاب کیا تو خان پھر استعفی دلوا کر دوبارہ الیکشن کروائے گا ،ووٹ ضائع کرنے والوں کو سمجھنا ہے کہ اب صرف تیر اور شیر کے درمیان مقابلہ ہے 8 فروری کو پیپلز پارٹی کو ووٹ دینا اور دلوانا ہے، ساری سیاسی جماعتیں پیپلز پارٹی کے منشور پر الیکشن لڑ رہی ہیں،بے نظیر انکم سپورٹ پروگرام لانے کا بھی دعویٰ کرتے ہیں،نوازشریف سے قبل آصف زرداری سی پیک کے تمام منصوبوں کے معاہدے کیے، سچے نواز کا سچا منشور، ہم نے تین بار دیکھ لیا کہ نواز شریف کتنا سچا ہے ،وہ ایٹمی طاقت بنانے کا دعویٰ کرتے ہیں حالانکہ ایٹم بم کا تحفہ بھٹو نے دیا ،ہم اپنی اور وہ ہماری کارکردگی پر الیکشن لڑ رہے ہیں،خان نے احتجاج کی بجائے ملکی اثاثوں پر حملوں کی سیاست کی ،نوازشریف نے مجھے کیوں نکالا کا رونا دھونا شروع کیا ،کہتا کہ ایک پیچ کی سیاست کرتا ہوں اب وہ اس کے گلے پڑگیا ہے،خان صاحب کو اب سرپرائز کیس لگ رہا ہوگا، پہلے لوگوں سے بات نہیں کرتا اب اس سے کوئی بات کرنے پر تیار نہیں ،خان کو کہا کہ ہر کسی کو چور چور نہ کہو سب کو جیل میں ڈالنے کا کہتا آج وہ خود جیل میں ہے، جس نے بھٹو کی بیٹی کے ساتھ ظلم کیا ان کی بیٹی سے بھی ظلم ہوا ، اس پارٹی جس نے آصف زرداری کی زبان اور گلہ کاٹا ان پر مقدمے بنائے ان کے ساتھ بھی وہ سب کچھ ہوا تھا، مکافات عمل ہے جو تم آج کروگے کل تمہارے ساتھ ہوگا، وزیر اعظم بنا تو انتقامی کارروائی اور نفرت کی سیاست نہیں کرونگا، دس نکاتی پروگرام کے لئے تیر پر ٹھپہ لگانا پڑے گا،
عمران خان کیخلاف بات کرنے پر پی ٹی آئی رہنما نے امام مسجد کو منافق کہہ دیا
میں وعدے کر کے یوٹرن نہیں لیتا تھا، نواز شریف
خیبر پختونخوا والو، آپ بھی جھوٹے شخص کے جھانسے میں آگئے؟ نواز شریف کا سوال
مریم نواز کے جلسے میں پارٹی پرچم پھاڑنے والے طالب علموں پر مقدمہ درج
نواز شریف کے مخالف عبرت ناک انجام کو پہنچ رہے ہیں
پاکستان کو نواز دو کے سلوگن سے مسلم لیگ ن نے انتخابی منشور جاری
ہم ووٹ مانگنے جاتے تو لوگ خواجہ سرا سمجھ کر 50 کا نوٹ دیتے، نایاب علی
پرانے سیاستدان عوامی خدمت کے بجائے ذات کیلئے سیاست کررہے ہیں
اسلام آباد میں جاری دھرنا ختم کرنے کا اعلان
بلوچ یکجہتی کونسل کی ماہ رنگ بلوچ کا ریاست مخالف پروپیگنڈہ بے نقاب