Category: پشاور

مجھے پارٹیاں بدلنے کا طعنہ دینے والا میرا سگا بھائی پرویز خٹک بتائے تم نے اقتدار کے لئے کتنی پارٹیاں بدلیں، مجھے تو پارٹیاں بدلنے پر تم نے مجبور کیا، پرویز خٹک اپنے بھائی کا اپنا نہ بن سکا وہ کسی اور کیا بھلا چاہے گا۔پی ٹی آئی پی کے سربراہ پرویز خٹک کے بھائی لیاقت خٹک کا کہنا ہے کہ پرویز خٹک بتائیں اقتدار حاصل کرنے کے لئے کتنی پارٹیاں بدلیں، وہ اپنے بھائی کا نہ بن سکا کسی اور کا کیا بھلا چاہے گا۔نوشہرہ مانکی شریف میں انتخابی مہم کے دوران خطاب کرتے ہوئے حلقہ پی کے 89 سے جمعیت علمائے اسلام کے امیدوار لیاقت خٹک نے اپنے بھائی پرویز خان خٹک کی سیاست کا پوسٹ مارٹم کر دیا۔لیاقت خان خٹک کا کہنا تھا کہ سب کو برا کہنے والے میرے بھائی پرویز خٹک کے دعوؤں سے تو ایسا معلوم ہورہا ہے کہ وہ کل یہ بھی دعویٰ کرے گا کہ پاکستان قائد اعظم نے نہیں میں نے بنایا ہے۔لیاقت خٹک کا کہنا تھا کہ پرویز خٹک کو انتخابات کے دنوں میں اپنا حجرہ یاد آجاتا ہے، مانکی شریف کے لوگوں سے پوچھتا ہوں کہ اس کا حجرہ پہلے کبھی کھلا دیکھا ہے۔ واضح رہے کہ لیاقت خٹک سربراہ پی ٹی آئی پارلیمنٹرین پرویز خٹک کے چھوٹے بھائی ہیں اور وہ جمعیت علماء اسلام کے ٹکٹ سے پی کے 89 کے حلقہ سے امیدوار ہیں۔

امیر جماعت اسلامی سراج الحق نے کہا ہے کہ جن پارٹیوں کے اندر جمہوریت نہیں وہ ملک میں جمہوری استحکام نہیں چاہتیں، بعض سیاسی پارٹیاں بھی الیکشن ملتوی کرنے کی خواہش رکھتی ہیں۔ کہ بعض سیاسی پارٹیاں الیکشن نتائج سے متعلق بھی این آر او کے انتظار میں ہیں۔امیر جماعت اسلامی نے کہا کہ دہشت گردی کے خاتمہ کے لیے مضبوط اور مستحکم حکومت کا قیام ضروری ہے، عدلیہ وقار کی بحالی کے لیے آئین و قانون کی بالادستی یقینی بنائے۔سراج الحق نے کہا کہ ملک کی عدالتوں میں کمزور کے لیے انصاف نہیں، جماعت اسلامی اقتدار میں آ کر قرآن و سنت کی بالادستی کو یقینی بنائے گی۔ ان خیالات کا اظہار انھوں نے ثمرباغ دیرپائن میں اپنے حلقہ انتخاب این اے 6 میں انتخابی دفتر کے افتتاح کے موقع پر تقریب سے خطاب کرتے ہوئے کیا۔ جماعت اسلامی سے حلقہ پی کے 16 اور 17 کے امیدواران اعزاز الملک افکاری اور سعید گُل بھی اس موقع پر موجود تھے۔امیر جماعت اسلامی سراج الحق نے مزید کہا کہ ملک کی معاشی ترقی کیلئے تمام سیاسی جماعتوں کو لانگ ٹرم منصوبے پر اتفاق رائے پیدا کرنا ہوگا، جماعت اسلامی ہر شعبے میں اصلاحات چاہتی ہے، اقتدار میں آ کر غیرترقیاتی اخراجات کم کرکے تعلیم اور روزگار پر خرچ کریں گے، تعلیم کے بغیر کوئی قوم ترقی نہیں کرسکتی، روزگار کی فراہمی ریاست کی ذمہ داری ہے۔

مردان تھانہ سٹی پولیس کا ایس ایچ او مقدم خان کی قیادت میں بڑی کارروائیاں عمل میں لائی گئی ہے ،جن میں اقدام قتل کے مقدمے میں نامزد ملزم سمیت ایک منشیات فروش گرفتار کر لیے گئے، پولیس کے مطابق اقدام قتل کے مقدمے میں نامزد ملزم سے پستول جبکہ منشیات فروش سے 416 گرام ہیروئن اور 287 گرام آئس برآمد کر لیا گیا ہے،ڈی پی او مردان نجیب الرحمن کا منشیات کی روک تھام اور سماج دشمن عناصر کے خلاف جاری کردہ واضح احکامات پر تھانہ سٹی پولیس نے ایس پی انعام جان خان کے ہدایات ، ڈی ایس پی سٹی سرکل اعجاز خان کی نگرانی اور ایس ایچ او مقدم خان کی قیادت میں بڑی کارروائیاں کرتے ہوئے اقدام قتل کے مقدمے میں نامزد ملزم سمیت ایک منشیات فروش گرفتار کرلیا۔اقدام قتل کے مقدمے میں نامزد ملزم بلال ولد ذوالفقار ساکن چارسدہ چوک سے آلہ ضرر پستول جبکہ منشیات فروش سجاد ولد علی حیدر ساکن مسلم آباد کے قبضے سے 416 گرام ہیروئن اور 287 گرام آئس برآمد ہوکر دونوں ملزمان کے خلاف قانونی کارروائی عمل میں لائی گئی۔

محکمہ ٹرانسپورٹ خیبرپختون خوا نے بی آر ٹی آپریشنز کے لیے سبسڈی مانگ لی، محکمہ ٹرانسپورٹ کا محکمہ خزانہ کو فنڈز جاری کرنے کے لیے خط لکھا گیا، فوری طور پر ایک ارب روپے جاری کیے جائیں ،محکمہ ٹرانسپورٹ کا محکمہ خزانہ کو خط میں کہا گیا ہے کہ سبسڈی فنڈز نومبر 2023 سے فروری 2024 تک جاری کیے جانے تھے،خط میں کہا گیا ہے کہ فنڈز سے بی آر ٹی کے بلاتعطل آپریشنز ممکن ہوں گے، وینڈرز کے بڑھتے بقایاجات کو مدنظر رکھتے ہوئے فنڈز ترجیحی بنیادوں پر ادا کیے جائیں ،احمد رسول بنگش نگران وزیر ٹرانسپورٹ نے بتایا کہ بی آر ٹی کو دو مرتبہ پہلے بھی فنڈز دیے ہیں مزید پیسے بھی دے دیں گے ، اور بی آر ٹی عوامی مفاد کا منصوبہ ہے اسے روکنے نہیں دیں گے،

خیبرپختونخوا کے ضلع کرم میں صدہ کے قریب مسافر کوچ اور کار پر مسلح افراد کی فائرنگ سے خاتون سمیت 4 افراد جاں بحق اور 3 زخمی ہو گئے۔ ڈی پی او محمد عمران کا یہ بھی کہنا ہے کہ فائرنگ سے ڈرائیور، 2 سیکیورٹی اہلکار اور ایک خاتون جاں بحق ہوئی ہے۔ پولیس کا کہنا ہے کہ مسافر گاڑی پارا چنار سے کوہاٹ جارہی تھی۔زخمیوں کو طبی امداد کے لئے اسپتال منتقل کر دیا گیا ہے۔پاراچنار میں مسافر بس پر فائرنگ کا یہ پہلا واقعہ نہیں ہے۔گزشتہ ہفتے 30 دسمبر 2023 کو بھی پاراچنار کے قریب صدہ بازار میں پشاور جانے والی وین پر ملزمان نے حملہ کیا جس کے نتیجے میں ایک مسافر زخمی ہوا تھا۔وین میں موجود مسافر کی جوابی فائرنگ سے ملزمان فرار ہوگئے تھے۔
اس واقعے سے 3 روز قبل بھی ہنگو کے قریب پاراچنار جانے والی بس پر فائرنگ کے واقعے میں 2 افراد جاں بحق اور 4 زخمی ہوگئے تھے۔ڈی پی او محمد عمران کے مطابق حملہ آوروں کی گرفتاری کی کوشش کی جا رہی ہےان کا مزید کہنا ہے کہ حملہ آوروں نے پاراچنار سے پشاور جانے والی 2 گاڑیوں کو نشانہ بنایا۔