Category: پشاور

لنڈی کوتل(باغی ٹی وی رپورٹ)سابق وفاقی وزیر ڈاکٹر نور الحق قادری اپنے آبائی علاقہ میں الیکشن کمپین میں مصروف
ضلع خیبر کے تحصیل لنڈی کوتل سلطان خیل حاجی زڑاور خان آفریدی کے حجرے میں انتخابات کے سلسلے میں آزاد امیدوار علامہ محمد عدنان قادری کا جلسہ منعقد ہوا۔

جلسے سے سابق وفاقی وزیر علامہ نورالحق قادری، علاقائی رہنماوں حاجی زڑاور خان اور ملک عبدالرزاق نے خطاب کیا۔ اپنے خطاب میں نورالحق قادری نے کہا کہ عمران خان کو امریکہ کے ایماء پر قید کیا گیا ہے ہم گھر گھر عمران خان کا پیغام پہنچائینگے اور اس ظلم کا بدلہ انشاءاللہ آٹھ فروری کو ووٹ کی صورت میں لینگے عمران خان ایک طاقت ہے ایک وژن ہے جب پی ٹی آئی کو توڑا گیا تو مختلف پارٹیوں نے شمولیت کیلئے رابطے کئے لیکن میں نہ جھکنے والا ہوں اور نہ بکنے والا ۔

انہوں نے کہا کہ عمران خان نے اس ملک کو ترقی کے راہ پر گامزن کیاتھا اور مختلف عوامی منصوبوں کو عملی جامہ پہنایا تھا اب وقت آگیا ہے کہ خیبر کے عوام قومی اسمبلی کیلئے امیدوار اقبال آفریدی اور صوبائی اسمبلی کے امیدوار علامہ عدنان قادری کو کامیاب کرائیں ۔

حاجی زڑاور خان نے کہا کہ سلطان خیل نورالحق قادری کا گڑھ ہے اور یہاں سے تمام ووٹ اقبال آفریدی اور علامہ عدنان قادری کے حق میں پڑیں گے ہم انشاءاللہ ہر فورم پر پیر نورالحق قادری کے ساتھ کھڑے ہیں

لنڈی کوتل(نصیب شاہ شینواری ) یہاں کے صحافیوں نے عوامی مسائل کو اجاگر کرنے میں مثبت اور اہم کردار ادا کیا ہے: تاج محمد آفریدی
صحافیوں کے مثبت کردار کو قدر کی نگاہ سے دیکھتے ہیں ، افغانستان کے ساتھ برادرانہ تعلقات اور تجارت کے فروغ میں لنڈی کوتل پریس کلب کے صحافیوں کی ہی مرہون منت ہے. الحاج تاج محمد آفریدی۔

لنڈی کوتل پریس کلب کے نو منتخب کابینہ کی حلف برداری تقریب منعقد ہوئی جس میں سال 2024 کیلئے آئنی طریقے سے منتخب صدر شاہ رحمان شینواری ان کی کابینہ اور گورننگ باڈی ممبران نے حلف اٹھا لیا ۔

جنرل سیکرٹری عمر شینواری، نائب صدر پرویز آفریدی، فنانس سیکرٹری شاہد علی آفریدی سمیت 7 رکنی گورننگ باڈی ممبران جس میں اشرف الدین پیرزادہ، شاہد شینواری، عطاء اللہ آفریدی ،اسد اللہ، نورست خان، آمین الحق اور کامران شینواری شامل ہیں نے حلف اٹھا لیا.

تقریب حلف برداری کے مہمان خصوصی سابق صوبائی وزیر و سنیٹر الحاج تاج محمد آفریدی تھے جنہوں نے کابینہ سے حلف لیا، تقریب میں لنڈی کوتل پریس کلب کے کثیر تعداد میں صحافیوں نے شرکت کی ۔

مہمان خصوصی الحاج تاج محمد آفریدی نے اپنے خطاب میں کہا کہ صحافت ریاست کا چھوتا ستون ہیں ،صحافتی اصولوں کی پاسداری کرتے ہوئے عوامی خدمات اور ملکی استحکام کیلئے اپنی توانائی خرچ کریں اور جو لوگ عوام کی حقیقی خدمت کرتے ہیں انہیں عوام کے سامنے لائیں تاکہ لوگوں کو پتہ چلے کہ ان کے خیر خواہ کون ہیں۔

انہوں نے کہا کہ امن کے قیام اور بالخصوص افغانستان کے ساتھ برادرانہ تعلقات و تورخم بارڈر پر تجارت کی ترقی کے حوالے سے لنڈی کوتل پریس کلب صحافیوں کا کردار مسلمہ ہے۔

انہوں نے کہا کہ پاکستان مسلم لیگ ن مرکز اور صوبوں میں حکومت بنائیں گے کیونکہ عوام جان چکے ہیں کہ پاکستان کے تمام مسائل کا حل نواز شریف ہے اور وہ ہی ملک کو بحرانوں سے نکال سکتے ہیں۔

لنڈی کوتل(باغی ٹی وی رپورٹ )پاکستان کو اسلامی فلاحی ریاست بنانا جماعت اسلامی کا بنیادی مشن ہے، سینیٹر مشتاق احمد
ضلع خیبر کے تحصیل لنڈیکوتل میں سلطان خیل تکیہ کے مقام پر سنیٹر مشتاق احمد نے ایک بڑے عوامی اجتماع سے خطاب کرتے ہوئے کہا کہ ہم پاکستان کو اسلامی فلاحی ریاست بنانا اور اس میں شریعت کا قانون نافذ کرنا چاہتے ہیں جہاں سود سے پاک نظام،امانت کی پاسداری ، امن و امان اور انصاف کا بول بالا ہو.

انہوں نے خیبر عوام سے اپیل کرتے ہوئے کہا کہ Na-27 سے شاہ فیصل افریدی جبکہ PK-69-70-71 سے تینوں جماعت اسلامی کے امیدواران کو کامیاب بنا کر قوم پر احسان کریں،انھوں نے ترازو پر سٹمپ لگا کار عوام سے جماعت اسلامی کے لیے ووٹ کا مطالبہ کیا۔

ان کاکہنا تھا کہ ہم جبری گمشدگی کے خلاف ہیں، ماورائے عدالت قتل جمہوری اقدار کے منافی ہے. انہوں نے کہا کہ اسرائیل نے فلسطینیوں پر مظالم کی افسوس ناک تاریخ رقم کردی ہے جبکہ پوری اسلامی دنیا خاموش ہیں .

انہوں نے کہا کہ صرف جماعت اسلامی ہے جنہوں نے غزہ کو امدادی سامان پہنچایا ہے. ہم نے ہمیشہ ترقی کی بات کی ہے ہم ظالموں کے سامنے کھڑے ہوئے.

انہوں نے افسوس کا اظہار کرتے ہوئے کہا کہ ہر پاکستانی 2 لاکھ پچاس ہزار روپے کا مقروض ہے ،صوبے اور وفاق میں رہنے والی پارٹیوں نے عوام کا پیسہ کھایا ہے ,اس ملک پر چند مافیا خاندان حکومت کرتے چلے آرہے ہیں۔

اشیائے ضرورت کی قیمتوں میں مسلسل اضافہ ہورہا ہے جو لمحہ فکریہ ہے،ان کاکہنا تھا کہ اگر دیکھا جائے تو سابقہ حکمرانوں نے عوام کو معاشی دہشت گردی میں دھکیل دیا ہے

ہم پاکستان سے لوٹ مار کی سیاست کا خاتمہ چاہتے ہیں مگر عوام کے ٹیکس سیاستدانوں کے جیب میں جاتا ہے عوام کے دیئے ہوئے ٹیکس عوام پر خرچ نہیں ہوتا ہے۔

مشتاق نے کہا کہ پی آئی اے چھ سو ارب روپے کے خسارے میں ہے، پاکستان سٹیل مل بھی نقصان میں ہے اگرچہ ہمارا ملک ہر قسم معدنیات اور ریسورسز سے مالا مال ہے.

ہم عوام کے حقوق کی جنگ لڑ رہے ہیں جو حقیقی طاقت کا سر چشمہ ہے انھوں نے کہا کہ ہم.نے ٹرانسجنڈر ایکٹ کے خلاف بھی آواز اٹھائی ہے ،یہ ایکٹ اسلام کے خلاف تھا۔

اس ایکٹ کے خلاف فیڈرل شریعت کورٹ میں کیس دائر کیا اور میں نے اکیلے حکومت کے خلاف ٹرانسجنڈر ایکٹ کا کیس جیتا ہے سابقہ حکومت نے اشرافیہ کو تحفظ دینے کے لئے پارلیمنٹ سے 75 قوانین پاس کئے۔

ہمیں ورلڈ بینک کی ضرورت ہے نہ ہی آئی ایم ایف کی مگر بدقسمتی سے ہم ان کے مختاج ہیں.

سنیٹر مشتاق نے کہا کہ اگر ہم برسر اقتدارآئے تو پروٹوکول کلچر کا خاتمہ کریں گے اور کسی کو بھی مفت گیس ، پٹرول اور بجلی کی اجازت نہیں دینگے اور قوم کا پیسہ قوم پر خرچ ہوگا .

قوم کو اشرافیہ کے رحم و کرم پر نہیں چھوڑیں گے ،انھوں نے کہا کہ کرپشن کا خاتمہ ہمارا مشن ہے۔

لنڈی کوتل(باغی ٹی وی رپورٹ) خصوصی افراد نے عوامی نمائندوں،سرکاری اداروں سے اپنے حقوق دینے کا مطالبہ کیا ہے

خصوصی افراد کیلئے جمرود اور باڑہ کی طرح لنڈی کوتل میں بھی آفس بنایا جائے، ہمیں مخصوص کوٹہ پر بھرتیوں میں اعتماد میں لیا جائے کیونکہ ابھی تک ہم میں سے کسی کو میرٹ پر بھرتی نہیں کیا گیا، ہمارے حقوق ہڑپ کرنے والوں کا احتساب کیا جائے، خصوصی افراد کابینہ مشران کا مطالبہ

لنڈی کوتل ڈس ایبل ویلفیئر آرگنائزیزیشن کے صدر قاری انور جمال، جنرل سیکرٹری شاہ فہد اور آفس سیکرٹری نے لنڈی کوتل پریس کلب میں پریس کانفرنس کرتے ہوئے کہا کہ لنڈی کوتل میں خصوصی افراد کی تعداد 1800 سے تجاوز کر چکی ہے لیکن ہمارے بنیادی مسائل سے حکومت چشم پوشی کر رہی ہے ہماری تنظیم کو رجسٹرڈ کیا جائے ہمارا سرکاری کوٹہ 2 فیصد پر عمل درآمد کرکے سرکاری نوکریاں دی جائے ہمارے لئے تعلیمی اور ٹیکنیکل سنٹر بنائے جائیں تاکہ معاشرے میں باعزت روزگار کے مواقع ملیں ۔

ہمیں بیت المال سے وظیفہ اور زکواة فنڈز میں حصہ دیا جائے جمرود اور باڑہ تحصیل کے معذوران کی طرح ہمیں بھی آفس دیا جائے تاکہ ہم اپنے حقوق کے حصول کیلئے اپنی سرگرمیاں جاری رکھ سکیں ۔