Category: پشاور

لنڈی کوتل (باغی ٹی وی رپورٹ )آنے والے انتخابات میں عوام ضمیر خریدنے والوں کو رد کریں: حمید اللہ جان آفریدی
جمعیت علمائے اسلام ضلع خیبر این اے 27 سے قومی اسمبلی اور پی کے 70 کے نامزد امیدوار سابق وفاقی وزیر حاجی حمید اللہ جان آفریدی,پی کے 69 کے امیدوار شیخ الحدیث تحسین اللہ نے لنڈی کوتل پریس کلب میں میٹ دی پریس پروگرام میں کہا کہ ہم جھوٹے دعوؤں پر یقین نہیں رکھتے ،سیاست اور عوام کی خدمت کو عبادت سمجھ کر کرتے ہیں ۔

ہمارا نظریہ جمعیت علمائے اسلام کا ہے کیونکہ 2018 میں جو قبائلی عوام پر جابرانہ طور پر اور ظالمانہ طریقہ سے انضمام نافذ کیا گیا,عوام کی رائے کے بغیر مسلط کیا گیا۔

ان کا کہنا تھا کہ آئین پاکستان میں واضح طور پر موجود تھا کہ قبائلی عوام کی مشاورت کے بغیر کوئی فیصلہ مسلط نہیں کیا جائے گا لیکن افسوس کہ قبائلی عوام نے دیکھا کہ موجودہ نظام میں جو قومی اسمبلی سے چھ سیٹ، سینیٹ نمائندگی ختم کر دی گئی، میڈیکل کالج اور یونیورسٹیوں میں خصوصی کوٹہ ختم کر دیا گیا اور جو وعدے این ایف سی اور گیارہ سو ارب روپے کا اس میں سے ابھی تک کچھ نہیں ملا اور اب بھی یہاں کے عوام پانی و بجلی سمیت تمام بنیادی مسائل سے محروم ہیں

انہوں نے کہا کہ الیکشن کمیشن نے پوسٹل بیلٹ کا اجراء نہیں کیا ہے جس سے سرکاری ووٹر اپنی رائے دہی سے محروم ہونگے متعلقہ حکام سختی سے اس کا نوٹس لیں اور ملوث اہلکاروں کے خلاف کارروائی کریں وقت کم ہے ،انہوں نے کہا کہ جےیوآئی قیادت کی کامیابی قبائلی عوام کی کامیابی ہے اور پارلیمنٹ میں ہم ہی آواز اٹھائیں گے کہ قبائلی عوام سے پوچھا جائے ان کی رائے کے بغیر ہمیں کوئی فیصلہ منظور نہیں کیوں کہ اس ملک کیلئے قبائلی عوام نے بیش بہا قربانیاں دی ہیں اور عوام نے موجودہ عدالتی نظام اور انضمام کے بعد کے حالات دیکھے ہیں جس سے عوام سخت پریشان ہیں

انہوں نے کہا کہ ٹرانسفر مر کی سیاست کو عوام سمجھتے ہیں کہ جب الیکشن کا وقت آجائے وہ عوام کو دھوکہ کرنے کیلئے یہ حربے استعمال کرتے ہیں یہ سب کچھ اپنے مفادات کیلئے کرتے ہیں ج،ےیوآئی قیادت قوم کو کبھی مایوس نہیں کریں گے قوم کو بیدار ہونا ہوگا اور اپنے فیصلے جےیوآئی جیسی مخلص قیادت جو علماء کرام کی جماعت ہے کو کامیاب کرنا ہوگا

انہوں نے کہا کہ میڈیا کی وساطت سے اپیل کرتے ہیں کہ اپنے قیمتی ووٹ کا استعمال صحیح طریقے سے کریں اور ضمیر بیچنے والوں کو عبرتناک شکست دیں

اس موقع پر جےیوآئی کے مرکزی رہنما مفتی اعجاز شینواری نے میٹ دی پریس کے دوران اظہار خیال کرتے ہوئے کہا کہ جےیوآئی نے ہر وقت قوم قبائلی عوام کیلئے پارلیمنٹ کے اندر اور باہر آواز بلند کی ہے اور ہم آئندہ بھی قوم کے ہر مسئلہ کیلئے میدان میں موجود ہونگے، کبھی بھی ہم قوم کو مایوس نہیں کریں گے

اس موقع پر جےیوآئی پی کے 69 مولانا تحسین اللہ نے کہا کہ جےیوآئی اکابرین نے مجھ پر اعتماد کیا ہے اب میں تمام عوام کو پیغام دیتا ہوں کہ آپ ہمیں کامیاب بنائیں ہم وہ جھوٹے وعدے نہیں کرینگے جو ہمارےبس میں نہیں ہے اور وہ مسائل جس کیلئے عوام ہم پر اعتماد کرتے ہیں اس میں قوم کو مایوس نہیں کریں گے ،یہاں کی عوام پینے کی پانی کیلئے ترس رہے ہیں، بجلی نہیں ہے اس کیلئے ضروری اقدامات اٹھائیں گے اور کبھی عوام کی حقوق پر سمجھوتہ نہیں کریں گے اور وعدہ کرتے ہیں کہ عوام کے حقوق غصب نہیں ہونے دیں گے.

لنڈی کوتل(باغی ٹی وی رپورٹ)خوگا خیل قبیلے کے بعض مشران قوم کے نام پر مراعات ہڑپ کرتے ہیں،انہیں نہیں مانتے: خوگاخیل مشران کی پریس کانفرنس

لنڈی کوتل پریس کلب میں خوگہ خیل بسی خیل کے مشران حاجی سعد اللہ، محمد وزیر، نورمحمد عرف مامدی، نعمت اللہ، کونسلر خلیل الرحمٰن، خانہ گل اور ذاکراللہ ودیگر نے پریس کانفرنس سے خطاب کرتے ہوئے کہا کہ بسی خیل کے ملک ماصل اور کرامت آج کے بعد ہمارے مشران نہیں ہیں، ان کو نہیں مانتے کیونکہ وہ قوم کے نام پر مراعات ہڑپ کرتے ہیں ڈی سی، اے سی سمیت تمام سرکاری اداروں کے ذمہ داروں سے اپیل کرتے ہیں کہ آج کے بعد ان کو ہمارے حوالے سے کسی قسم کی میٹنگ میں نہ بلائے اور نہ ہی ہمارے متعلق کسی کام کو اعتماد میں لیا جائے وہ ہمارے مشران نہیں رہے

انہوں نے کہا کہ ہمارے مشران ہم تپہ بسی خیل کے دو فریق ہیں جو باقاعدہ طور پر سول کورٹ لنڈی کوتل اور سیشن کورٹ جمرود میں درخواست بھی دائر کی ہے اور 1976 لسٹ میں 632 افراد اور 67 اس کے علاوہ ہیں یعنی خوگہ خیل بسی خیل میں ہمارے ساتھ اکثریت ہے لہذا طورخم این ایل سی چیک بسی خیل کا جو اس سے قبل ملک ماصل اور کرامت شینواری کے نام پر تھا

اب ہمارے فریق جس کا سربراہ حاجی سعد اللہ ہے اسی کے نام پر چیک کاٹا جائے انہوں نے کہا کہ خوگہ خیل کے دو تپے اشرف خیل اور فاطمی خیل کا قوم میں جو راستہ ہے وہی ہمارے لئے بھی اپنایا جائے

آخر میں انہوں نے کہا کہ اگر این ایل سی ودیگر اداروں نے تپہ بسی خیل کے حوالے سے ہمیں اعتماد میں نہیں تو ہمیں وہ منظور نہیں ہوگا اور اس کے خلاف ہم احتجاج کرنے پر مجبور ہو جائیں گے.

لنڈی کوتل،باغی ٹی وی (نصیب شاہ شینواری کی رپورٹ)پاک افغان بارڈر کی بندش ، پاکستانی معیشت کو 15 کروڑ روپے یومیہ کا نقصان ،تاجر برادری
پاک افغان بارڈر تورخم کی بندش سے تاجروں، کسٹم ایجنٹس اور ٹرانسپورٹرز کو سخت مشکلات کا سامنا ہے، قومی خزانے کو یومیہ پندرہ کروڑ روپےکا نقصان ہو رہا ہے حکومت جلد تجارت کیلئے طورخم سرحدی گذرگاہ کو کھول دیں. صدر ایمل خان شینواری

طورخم کسٹم کلئیرنگ ایجنٹس ایسوسی ایشن چئیرمین معراج الدین شینواری اور صدر ایمل خان کی قیادت میں کسٹم کلیئرنس ایجنٹس، تاجروں اور ٹرانسپورٹرز نے تورخم بارڈر پر پاسپورٹ ویزہ شرط لاگو کرنے کے خلاف احتجاجی مظاہرہ کیا۔

مظاہرین سے خطاب کرتے ہوئے معراج الدین شینواری اور ایمل خان ودیگر نے کہا کہ ہم دونوں ممالک کے ذمہ داران سے مطالبہ کرتے ہیں کہ تورخم بارڈر پر گزشتہ 5 دنوں سے مال بردار گاڑیاں کھڑی ہیں جس سے قومی خزانے کو ٹیکس کی مد میں پندرہ کروڑ روپے اور اس کے ساتھ ساتھ تاجروں کو جس میں پھل اور سبزیاں ہیں کا نقصان ہو رہا ہے۔

انھوں نے مطالبہ کیا کہ ان گاڑیوں کو جانے کی اجازت دی جائے اور ڈرائیوروں پر لاگو ویزہ پاسپورٹ شرط میں خصوصی رعایت دی جائے اور تاجروں اور دو طرفہ تجارت کی بہتری کیلئے اقدامات کئے جائیں اور یہاں کے لوگوں کیلئے روزگار کے مواقع فراہم کیے جائیں ۔

انھوں نے یہ مطالبہ بھی کیا عوام دشمن پالیسیوں کو ختم کیا جائے اور ہمسایہ ممالک کے ساتھ دوستانہ تعلقات بڑھانے کےلیے عوام دوست پالیسیاں بنائی جائیں۔

لنڈی کوتل،باغی ٹی وی (نصیب شاہ شینواری کی رپورٹ)میڈیا اور صحافیوں کا معاشرتی اصلاح ،مسائل اجاگر کرنے میں اہم کردار ہے، عدنان قادری
پاکستان تحریک انصاف پی کے 69 خیبر ون کے نامزد امیدوار اورپاکستان تحریک انصاف کے سابق وفاقی وزیر مذہبی امور علامہ نور الحق قادری کا بھتیجا اور قاری خاندان کے چشم و چراغ علامہ عدنان قادری کا لنڈی کوتل پریس کلب آمد، اس موقع پر انھوں نے نو منتخب صدر شاہ رحمان شینواری کو مبارکباد دی .

ان کے ہمراہ پاکستان تحریک انصاف اور تنظیم اہلسنت و الجماعت کے رہنماء اور کارکنان بھی موجود تھے .اس موقع پر نومنتخب صدر شاہ رحمان شینواری نے ان کا شکریہ ادا کیا اور لنڈی کوتل پریس کلب آنے پر خوش آمدید کہا۔ علامہ عدنان قادری نے کہا کہ صحافی معاشرے کی آنکھ و کان ہے جن کے مثبت کردار سے کوئی انکار نہیں کر سکتا ،

ان کا کہنا تھا کہ ہم ان صحافیوں کی قربانیوں کو قدر کی نگاہ سے دیکھتے ہیں۔ پریس کلب عمارت تعمیر کے حوالے سے ان کا کہنا تھا ، اگر منتخب ہوا تو صحافیوں کے مسائل ترجیحی بنیادوں پر حل کرنے کے لیے عملی کوششیں کرو گا۔

انہوں نے کہا کہ سابق وزیراعظم عمران خان اور پی ٹی آئی قیادت اس وقت قید وبند کی صعوبتیں برداشت کر رہی ہے لیکن عمران خان اب بھی عوام کے دلوں میں موجود ہیں اور الیکشن ہم جیت کر دکھائیں گے۔

لنڈی کوتل،باغی ٹی وی (نصیب شاہ شنواری کی رپورٹ)پاکستان پیپلز پارٹی کی حکومتوں نے ضلع خیبر میں بڑے ترقیاتی منصوبے مکمل کیے، شاہ رحمان شینواری

پاکستان پیپلز پارٹی ضلع خیبر این اے 27 سے قومی اسمبلی اور پی کے 69 کے امیدوار شاہ رحمان شینواری نے اپنے ساتھیوں نعمت اللہ شینواری، ہمیش شینواری، ابوذر مسرور اور حضرت نبی لنڈی کوتل پریس کلب میں میٹ دی پریس میں اظہار خیال کرتے ہوئے کہا کہ قبائلی عوام کیلئے تمام عوامی منصوبے پاکستان پیپلز پارٹی نے بنائے ہیں اور سابق فاٹا میں تمام بڑے پراجیکٹ منظور کی ہے جس میں لنڈی ہیڈ کوارٹر ہسپتال اور کالج سمیت تمام منصوبے عوام کے سامنے ہیں

انہوں نے کہا کہ سابق صدر آصف علی زرداری نے 2011 میں قبائلی عوام کیلئے سیاسی ایکٹ نافذ کیا ہے اور یہاں کے عوام کیلئے سب سے پہلے پی پی پی نے قبائلی عوام کو ووٹ کا حق دیا ہے اور پارلیمنٹ میں مزدوروں اور غریب عوام کیلئے سب سے مؤثر آواز بھی پاکستان پیپلز پارٹی نے بلند کی ہے

پاکستان تحریک انصاف کو بھی سیاسی میدان میں مکمل موقع دینا چاہئے ،میں ذاتی طور پر ان سے انتخابی نشان چھیننے کے خلاف ہوں کہ انہوں نے کہا کہ منتخب ہو کر یہاں کے عوام کیلئے یونیورسٹی سمیت فی میل ایجوکیشن کیلئے کام کریں گے اور بالخصوص اسی حلقہ کے عوام جو ابھی تک پینے کی پانی سے محروم ہیں جو کہ افسوسناک ہے ابھی تک کسی پارلیمینٹرین نے اس حوالے سے کوئی کردار ادا نہیں کیا ہے

انہوں نے کہا اگر عوام نے مجھے موقع دیا تو شلمان واٹر سپلائی سکیم سمیت پانی کیلئے جس میں بارانی ڈیم ودیگر منصوبہ ہے کیلئے ایمرجنسی بنیاد پر کام کرینگے کیونکہ پانی کی سطح انتہائی نیچے چلی گئی ہے، انہوں نے بجلی کے حوالے سے کہا کہ گریڈ اسٹیشن میں جس فیڈرز پر بوجھ ہے نئی فیڈرز لائینگے اور عوام کی بنیادی ضروریات پوری کرنے کیلئے کام کریں گے

انہوں نے کہا کہ صحت کے حوالے سے عوام کو کوئی سہولیات نہیں ہے دورافتادہ علاقے شلمان، بازار زخہ خیل ودیگر علاقے جہاں پر صحت سہولیات نہیں ہے وہاں پر بنیادی مراکز صحت بنائیں گے اور ڈسٹرکٹ ہیڈ کوارٹر ہسپتال میں جو کمی ہے ان پر بھرپور توجہ دینگے

آخر میں انہوں نے کہا کہ یہاں کے عوام کا بڑا مسئلہ روزگار ہیں کثیر تعداد میں نوجوان بے روزگار ہیں اس کیلئے پیپلز پارٹی کا واضح موقف ہے کہ پارلیمنٹ کو بااختیار بنائیں گے کیونکہ طاقت کا سر چشمہ عوام ہے اور پارلیمنٹ سے ہی بڑے عوامی منصوبوں کو منظور کرینگے اور اگر موقع مل گیا اور وفاق میں پاکستان پیپلز پارٹی کی حکومت آگئی تو طورخم بارڈر پر ایکسپورٹ امپورٹ کے حوالے سے مضبوط پالیسی بنائیں گے تاکہ دو طرفہ تجارت بھی ترقی کریں اور غریب عوام کو روزگار کے مواقع مل جائے اب بھی کئی دنوں سے طورخم بارڈر بند ہے

جس سے دونوں ممالک کو اربوں روپے نقصان کا سامنا ہے ذمہ داران غریب عوام پر رحم کریں اور عوام دشمن پالیسیوں کی بجائے عوام دوست پالیسی بنائے کیونکہ ملک اور جمہوریت کیلئے پی پی پی قیادت نے بیش بہا قربانیاں دی ہیں ہم ملک کے طاقتور طبقے سے مطالبہ کرتے ہیں کہ ملک میں آئین و جمہوریت اور پارلیمنٹ کو مضبوط بنائے تاکہ تمام سیاسی جماعتیں آزادانہ طریقہ سے اپنی اپنی پالیسیوں پر عمل کرکے ملک کی تقدیر کو بدل لیں.