Category: پشاور

لوئر دیر میں جلسے سے خطاب کرتے ہوئے بلاول بھٹو نے کہا کہ جو پہلی ااور دوسری دفعہ فیل ہو گیا تو چوتھی بار کیا تیر مارے کا،بلاول بھٹو نے نواز شریف کو کہا کہ اگر اپکو چوتھی دفعہ بھی سلیکٹ ہو کے آنا ہے تو نہ میں آپکو مانو گا نہ یہ عوام آپکو قبول کرے گی، میاں صاحب کو پیغام ہے کہ بانی پی ٹی آئی بھی سیلیکٹ ہو کے آئے تھے آپ نے خود دیکھا کہ اس نے ملک کا کیا حشر کیا ،اسلئے آپ ہمارے بڑے ہو بزرگ ہو اس لئے آپ سے بھی درخواست ہے کہ ایک دفعہ ایلیکٹ ہو کے آجائے،
چیئرمین پاکستان پیپلز پارٹی بلاول بھٹو زرداری نے کہا ہے کہ رائیونڈ کا وزیراعظم چاہتا ہے مجھے چوتھی بار سلیکٹ کیا جائے،تیمر گرہ میں ورکرز کنونشن سے خطاب کرتے ہوئے بلاول بھٹو زرداری کا کہنا تھا کہ آئی جے آئی بنا کر بھی یہ سلیکٹ ہوا تھا، میاں صاحب انہیں سے ٹکرائے جنہوں نے دو تہائی اکثریت دلائی، میاں صاحب نے ایک بار پھر حکومت دلوانے والوں سے لڑنا ہے۔ بلاول بھٹو زرداری نے کہا کہ نہ زمان پارک کا وزیراعظم میرا مخالف ہے نہ رائیونڈ کا وزیراعظم میرا مخالف ہے، عوام جس مہنگائی کے سونامی میں ڈوب رہے ہیں.بلاول نے کہا کہ بانی پی ٹی آئی سے صرف یہ اختلاف تھا کہ وہ سلیکٹ ہو کر آئے تھے، بانی پی ٹی آئی غلط تھے اور امپائر کی انگلی سے اپنی سیاست کرتے رہے۔ اس کا آغاز پی ٹی آئی دور میں ہوا، نگراں حکومت میں ایسے لوگ ہیں جو سیاسی جماعتوں سے تعلق رکھتے ہیں،میاں صاحب کے کارکن آج بھی وزارتیں سنبھال رہے ہیں۔پیپلز پارٹی کے چیئرمین نے کہا کہ میاں صاحب کا وزیر پی آئی اے بیچ نہیں رہا بلکہ خرید رہا ہے، ہم کسی کو اس طرح پی آئی اے خریدنے نہیں دیں گے، میرا بانی پی ٹی آئی سے اختلاف صرف یہ تھا کہ وہ سلیکٹ ہوکر کیوں آئے؟ بانی پی ٹی آئی امپائر کی انگلی پر سیاست کرتے رہے اور حکومت چلاتے رہے۔بلاول بھٹو نے کہا کہ میاں صاحب کو پیغام ہے کہ سلیکشن کی سیاست چھوڑیں اور الیکشن کی سیاست کریں۔

بلاول بھٹو آج لوئر دیر تیمرگرہ کے مقام پرمنعقدہ ورکرز کنونشن میں شرکت کرکے خطاب کریں گے۔ بلاول بھٹو اسلوئر دیر پہنچ گئے، ورکرز کنونشن کے لیے تمام تیاریاں مکمل کرلی گئی ہیں، رات گئے تک پنڈال میں گیا ،پاکستان پیپلزپارٹی کے چیئرمین بلاول بھٹو زرداری سے لوئر دیر میں چترال کے معمر کارکن محمد اشرف سے ملاقات کی ہے
چیئرمین بلاول بھٹو زرداری کو دیکھ کر چترال کے بزرگ کارکن محمد اشرف جذباتی ہوگئے، چیئرمین بلاول بھٹو زرداری سے چترال کے سینئر جیالے محمد اشرف نے شہید ذوالفقار علی بھٹو کے دور سے اپنی سیاسی جدوجہد کا ذکر کیا، چیئرمین بلاول بھٹو زرداری سے چترال کے معمر کارکن محمد اشرف نے شہید ذوالفقار علی بھٹو کی شہادت پر اپنے دکھ کر اظہار کیا، چیئرمین بلاول بھٹو زرداری کو چترال کے بزرگ جیالے محمد اشرف نے خیبرپختونخوا کے عوام کی پی پی پی سے وابستگی کا جذباتی انداز میں ذکر کیا،

پاکستان پیپلزپارٹی کے چیئرمین بلاول بھٹو زرداری سے لوئر دیر میں چترال کے معمر کارکن محمد اشرف سے ملاقات

چیئرمین بلاول بھٹو زرداری کو دیکھ کر چترال کے بزرگ کارکن محمد اشرف جذباتی ہوگئے

چیئرمین بلاول بھٹو زرداری سے چترال کے سینئر جیالے محمد اشرف نے شہید ذوالفقار علی بھٹو کے دور… pic.twitter.com/BqrAK1GJSu

— PPP (@MediaCellPPP) December 9, 2023

چیئرمین بلاول بھٹو زرداری نے چترال کے معمر کارکن محمد اشرف کی بھٹوازم سے وابستگی کو سراہا

پاکستان میں غیر قانونی طور پر مقیم غیر ملکیوں کی واپسی کا عمل جاری ہے، تاہم خیبر پختونخوا سے اب تک 2 لاکھ 58 ہزار 657 غیرقانونی مقیم غیرملکی اپنے وطن واپس لوٹ گئے۔محکمہ داخلہ کے مطابق طورخم کے راستے اب تک مجموعی طور پر 2 لاکھ 54 ہزار 385 تارکین وطن واپس افغانستان پہنچے ہیں۔انگور اڈا بارڈر کے راستے 3 ہزار 573 افراد اور اسی طرح خرلاچی بارڈر سے 698 غیر قانونی مقیم غیرملکی اپنے وطن واپس لوٹ گئے ہیں۔محکمہ داخلہ کے اعداد و شمار کے مطابق خیبر پختونخوا سے 2 لاکھ 58 ہزار 657 غیر ملکی وطن واپس چلے گئے ہیں۔

پاکستان تحریک انصاف(پی ٹی آئی)کے نائب صدر شیر افضل مروت کو گرفتاری کے بعد رہا کر دیا گیا،شیر افضل مروت کے سوشل میڈیا اکاؤنٹ ایکس سے پیغام جاری کیا گیاہے کہ شیر افضل مروت کو محفوظ مقام پر منتقل کر دیا گیا ہے، کل باجوڑ کنونشن میں ضرور شرکت کریں گے، تمام پی ٹی آئی ورکرز اور عمران ٹائیگرز سے اپیل کی جاتی ہے کہ کنونشن کو کامیاب بنانے کیلئے بھرپور شرکت کریں.

شیر افضل مروت ٹیم کی بریکنگ نیوز:

شیر افضل مروت کو محفوظ مقام پر منتقل کر دیا گیا ہے۔ کل باجوڑ کنونشن میں ضرور شرکت کریں گے۔ تمام پی ٹی آئی ورکرز اور عمران ٹائیگرز سے اپیل کی جاتی ہے کہ کنونشن کو کامیاب بنانے کے لیے بھرپور شرکت کریں۔ آزادی کبھی پلیٹ میں نہیں دی جاتی، چھیننی…

— Sher Afzal Khan Marwat (@sherafzalmarwat) December 8, 2023

اس سے قبل میڈیا پر خبریں گردش کرہی تھی کہ شیر افضل مروت کو نوشہرہ سے گرفتار کر لیا گیا،تاہم کے پی کے پولیس کی جانب سے انکی گرفتاری کین تردید کی گئی اور اب شیر افضل مروت کے ایک ہنڈل سے یہ پیغام جاری کیا گیا کہ انکو رہا کر دیا گیا اور کل ہر حال میں باجوڑ کنونشن میں حصہ لے گے،

آئی ایس پی آر کے مطابق ضلع ٹانک کے علاقے ملازئی میں سیکیورٹی فورسز نے انٹیلی جنس معلومات کی بنیاد پر آپریشن کے دوران 5 دہشتگردوں کو ہلاک کردیا۔
آئی ایس پی آر کے مطابق آپریشن کے دوران فائرنگ کے شدید تبادلے میں 5 دہشتگرد ہلاک ہوگئے۔پاک فوج کے شعبہ تعلقات عامہ آئی ایس پی آر کے اعلامیہ کےمطابق آپریشن 7 اور 8 دسمبر کی درمیانی شب دہشتگردوں کی موجودگی کی اطلاع پر کیا گیا۔آئی ایس پی آر کے مطابق ہلاک دہشتگرد قانون نافذ کرنے والے اداروں کے خلاف دہشتگردی کی متعدد کارروائیوں، بھتہ خوری اور معصوم شہریوں کی ٹارگٹ کلنگ میں ملوث تھے۔اعلامیہ میں کہا گیا ہے کہ آپریشن کے دوران اسلحہ، گولہ بارود اور دھماکہ خیز مواد کا ذخیرہ بھی برآمد ہوا ہے، علاقے میں موجود دیگر دہشتگردوں کے خاتمے کےلیے کلیئرنس آپریشن جاری ہے۔ آئی ایس پی آر کے مطابق پاکستان کی سیکیورٹی فورسز ملک سے دہشتگردی کے خاتمے کےلیے پرعزم ہیں۔

خیبر پختونخوا پولیس نے پی ٹی ائی کے سینئیر نائب صدر گرفتاری کی تردید کی ہے۔ جبکہ پاکستان تحریک انصاف نے ان کو گرفتار کیے جانے کا دعویٰ کیا ہے ،تحریک انصاف کا کہنا ہے کہ بانی پی ٹی آئی کے وکیل شیر افضل مروت کو چکدرہ سے اغوا کیا گیا، شیر افضل مروت باجوڑ کنونشن میں شرکت کے لیے جا رہے تھے۔ ترجمان پی ٹی آئی معظم بٹ کا کہنا ہے کہ ہم شیر افضل مروت کی رہائی کا مطالبہ کرتے ہیں، غیر قانونی گرفتاریوں اور اغوا کے معاملے کا جلد نوٹس لیا جائے۔دوسری جانب ڈپٹی انسپکٹر جنرل (ڈی آئی جی) ملاکنڈ نے پاکستان تحریک انصاف کے دعوے کی تردید کرتے ہوئے کہا کہ شیر افضل مروت کو گرفتار نہیں کیا گیا ہے۔
واضح رہے کہ پی ٹی ٓئی نے کہا کہ شیر افضل مروت کو پولیس نے گرفتار کر لیا

پشاور،طورخم سرحد پر ویلکم ٹوپاکستان بورڈ لگانے پر افغان حکام کو اعتراض ،سرحدی گزرگاہ پھر بند کر دی گئی

فورسز طورخم زیرو پوائنٹ پر سرکاری سائن بورڈ نصب کررہے تھے، کہ افغان حکام نے اعتراض عائد کر دیا، جس کے بعد افغان سکیورٹی حکام نے طورخم سرحدی گزرگاہ کو ہرقسم آمدورفت کے لئے بند کر دیا، کشیدگی کے باعث امپورٹ ، ایکسپورٹ، ٹرانزٹ سمیت پیدل آمدورفت معطل ہو گئی ہے، افغان حکام نے خیر سگالی بورڈ کی تعیناتی پر اعتراض اٹھایا،تا ہم پاکستا ن کی جانب سے کہا گیا کہ ویلکم ٹو پاکستان بورڈ لگا رہے ہیں، دوسری طرف افغان حکام ویلکم تو افغانستان کا بورڈ لگا لیں،

طورخم سرحد بند ہونے سے افغان مہاجرین کی افغانستان واپسی کا سلسلہ بھی رک گیا ہے،

عمران خان کی گرفتاری کیسے ہوئی؟ 

چئیرمین پی ٹی آئی کا صادق اور امین ہونے کا سرٹیفیکیٹ جعلی ثابت ہوگیا

پیپلز پارٹی کسی کی گرفتاری پر جشن نہیں مناتی

 عمران خان کی سزا معطلی کی درخواست پر سماعت ہوئی

لائرز فار رائٹس نیٹ ورک کے تحت خواجہ سراؤں کو مفت قانونی مدد کے لیے اقدامات کا آغاز ہوگیا ہے۔ مفت لیگل سہولیات میسر آنے سے اس طبقے کو کافی سپورٹ ملے گی۔ پشاور میں خواجہ سرا کمیونٹی کے خلاف قتل اور تشدد کے واقعات تھم نہ سکے، پولیس کے مطابق رواں سال صوبائی دارالحکومت میں تین خواجہ سرا کو قتل کیا گیا
آرزو خان جو خواجہ سرا کمیونٹی کی ڈی آر سی ممبر ہیں ان کا کہنا ہے کہ قانونی سہولیات دستیاب نہ ہونے کی وجہ سے خواجہ سراؤں کے قاتل با آسانی رہا ہوجاتے ہیں۔
غیرسرکاری تنظیم سے تعلق رکھنے والی خورشید بانو کا کہنا ہے کہ لائرز فار رائٹس نیٹ ورک کے تحت خواجہ سراؤں کو مفت لیگل سہولیات فراہم کی جائیں گی۔
دوسری طرف وکلاء کا کہنا ہے کہ ابتدائی طور پر 4 اضلاع میں خواجہ سراؤں کو مفت قانونی مدد فراہم کی جائے گی۔
معاملے کی سنگینی کو دیکھتے ہوئے ایک غیرسرکاری تنظیم نے لائرز فار رائٹس نیٹ ورک کا آغاز کردیا ہے۔ جس کے بعد امید ہے کہ اب خواجہ سراؤں کے قاتل انجام کو پہنچیں گے۔سکسٹین ڈیزآف ایکٹی وزم میں محروم طبقوں کے حقوق کے لیے یہ اقدام نہایت قابل ستائش تصور کیا جارہا ہے۔