Category: پشاور

مردان تھانہ سٹی پولیس کا ایس ایچ او مقدم خان کی قیادت میں بڑی کارروائیاں عمل میں لائی گئی ہے ،جن میں اقدام قتل کے مقدمے میں نامزد ملزم سمیت ایک منشیات فروش گرفتار کر لیے گئے، پولیس کے مطابق اقدام قتل کے مقدمے میں نامزد ملزم سے پستول جبکہ منشیات فروش سے 416 گرام ہیروئن اور 287 گرام آئس برآمد کر لیا گیا ہے،ڈی پی او مردان نجیب الرحمن کا منشیات کی روک تھام اور سماج دشمن عناصر کے خلاف جاری کردہ واضح احکامات پر تھانہ سٹی پولیس نے ایس پی انعام جان خان کے ہدایات ، ڈی ایس پی سٹی سرکل اعجاز خان کی نگرانی اور ایس ایچ او مقدم خان کی قیادت میں بڑی کارروائیاں کرتے ہوئے اقدام قتل کے مقدمے میں نامزد ملزم سمیت ایک منشیات فروش گرفتار کرلیا۔اقدام قتل کے مقدمے میں نامزد ملزم بلال ولد ذوالفقار ساکن چارسدہ چوک سے آلہ ضرر پستول جبکہ منشیات فروش سجاد ولد علی حیدر ساکن مسلم آباد کے قبضے سے 416 گرام ہیروئن اور 287 گرام آئس برآمد ہوکر دونوں ملزمان کے خلاف قانونی کارروائی عمل میں لائی گئی۔

محکمہ ٹرانسپورٹ خیبرپختون خوا نے بی آر ٹی آپریشنز کے لیے سبسڈی مانگ لی، محکمہ ٹرانسپورٹ کا محکمہ خزانہ کو فنڈز جاری کرنے کے لیے خط لکھا گیا، فوری طور پر ایک ارب روپے جاری کیے جائیں ،محکمہ ٹرانسپورٹ کا محکمہ خزانہ کو خط میں کہا گیا ہے کہ سبسڈی فنڈز نومبر 2023 سے فروری 2024 تک جاری کیے جانے تھے،خط میں کہا گیا ہے کہ فنڈز سے بی آر ٹی کے بلاتعطل آپریشنز ممکن ہوں گے، وینڈرز کے بڑھتے بقایاجات کو مدنظر رکھتے ہوئے فنڈز ترجیحی بنیادوں پر ادا کیے جائیں ،احمد رسول بنگش نگران وزیر ٹرانسپورٹ نے بتایا کہ بی آر ٹی کو دو مرتبہ پہلے بھی فنڈز دیے ہیں مزید پیسے بھی دے دیں گے ، اور بی آر ٹی عوامی مفاد کا منصوبہ ہے اسے روکنے نہیں دیں گے،

خیبرپختونخوا کے ضلع کرم میں صدہ کے قریب مسافر کوچ اور کار پر مسلح افراد کی فائرنگ سے خاتون سمیت 4 افراد جاں بحق اور 3 زخمی ہو گئے۔ ڈی پی او محمد عمران کا یہ بھی کہنا ہے کہ فائرنگ سے ڈرائیور، 2 سیکیورٹی اہلکار اور ایک خاتون جاں بحق ہوئی ہے۔ پولیس کا کہنا ہے کہ مسافر گاڑی پارا چنار سے کوہاٹ جارہی تھی۔زخمیوں کو طبی امداد کے لئے اسپتال منتقل کر دیا گیا ہے۔پاراچنار میں مسافر بس پر فائرنگ کا یہ پہلا واقعہ نہیں ہے۔گزشتہ ہفتے 30 دسمبر 2023 کو بھی پاراچنار کے قریب صدہ بازار میں پشاور جانے والی وین پر ملزمان نے حملہ کیا جس کے نتیجے میں ایک مسافر زخمی ہوا تھا۔وین میں موجود مسافر کی جوابی فائرنگ سے ملزمان فرار ہوگئے تھے۔
اس واقعے سے 3 روز قبل بھی ہنگو کے قریب پاراچنار جانے والی بس پر فائرنگ کے واقعے میں 2 افراد جاں بحق اور 4 زخمی ہوگئے تھے۔ڈی پی او محمد عمران کے مطابق حملہ آوروں کی گرفتاری کی کوشش کی جا رہی ہےان کا مزید کہنا ہے کہ حملہ آوروں نے پاراچنار سے پشاور جانے والی 2 گاڑیوں کو نشانہ بنایا۔

پاکستان تحریک انصاف پارلیمینٹیرینز کے سربراہ پرویز خٹک نے کہا کہ نوشہرہ کے علاقے نظام پور پاکستان پیپلز پارٹی کو سیاسی دھچکا لگ گیا، سابق صوبائی اسمبلی کے ممبر اور آصف زرداری کے قریبی ساتھی مرحوم میجر بصیر خٹک کے بیٹوں سمیت پوری فیملی پاکستان تحریک انصاف پارلیمنٹیرین میں شامل ہوگئی اور پرویز خٹک کا ساتھ دینے کا اعلان کردیا۔شمولیتی تقریب سے خطاب کرتے ہوئے سابق وزیر اعلیٰ خیبرپختونخوا پرویز خٹک نے کہا کہ 8 فروری کے عام انتخابات ملک میں جمہوریت کے استحکام کے لیے ناگزیر ہیں، حکمرانوں نے روٹی کپڑا مکان کا نعرہ لگاکر عوام سے روٹی کپڑا اور سر کی چھت چھین لی۔ 8 فروری کو نہ بلا رہے گا اور نہ اس سے کھیلنے والا کھلاڑی رہے گا۔نوشہرہ میں ورکرز کنونشن سے خطاب میں پرویز خٹک نے کہا کہ 8 فروری کو نہ بلا رہے گا اور نہ اس سے کھیلنے والا کھلاڑی رہے گا انہوں نے مزید کہاکہ لوگوں کو ڈاکو کہنے والے عمران خان چوروں کے باپ نکلے۔

چیئرمین پی ٹی آئی پارلیمنٹیرین پرویز خٹک نے خان کوہی مین چیئرمین نور نواز خٹک کی طرف سے منعقدہ پروگرام میں شرکت کی۔
#Pervezkhattak#PTIParliamentarian pic.twitter.com/Cd7Fb7bq0Q

— PTIP Official (@official_ptip) January 5, 2024

ان کا کہنا تھاکہ بانی پی ٹی آئی کا غرور اورتکبر ان کو لے ڈوبا، انہوں نے مخلص دوستوں کے مشوروں پر کبھی عمل نہیں کیا۔پرویز خٹک نے کہا کہ عمران خان کی غلط پالیسوں کی وجہ سے مہنگائی کا طوفان آیا، نگرانوں نے ہم پر اپنی شاہ خرچیوں کو پورا کرنے کے لیے قوم کو آئی ایم ایف کا غلام بنادیا۔پی ٹی آئی پارلیمٹیرینز کے سربراہ کا کہنا تھا کہ میں نے صحت کارڈ شروع کیا، نگراں حکومت نے غیریب سے صحت کارڈ پر پابندی لگادی اور غریب کو مفت صحت کی سہولیت سے محروم کردیا، نوشہرہ کے لیے 7 ارب روپے کے ترقیاتی بجٹ منظور کیا۔انہوں نے مزید کہا کہ نوشہرہ کی عوام کی محرمیوں کا خاتمہ میری زندگی کا خواب ہے، عوام کے منڈیٹ سے پاکستان تحریک انصاف پارلیمنٹیرین حکومت بنائیں گئی۔

پی ٹی آئی رہنماء اور سابق وفاقی وزیر علی امین گنڈاپور، ان کے بھائی فیصل امین اور والد امین خان کے خلاف مقدمات کی تفصیل کے لیے کیس کی سماعت پشاور ہائیکورٹ کے جسٹس وقار احمد نے کی۔ پشاور ہائیکورٹ نے علی امین گنڈاپور، فیصل امین اور امین خان کی عبوری ضمانت میں 11 جنوری تک توسیع کردی۔سرکاری وکیل نے عدالت سے استدعا کی کہ علی امین اور فیملی کی عبوری ضمانتیں خارج کی جائیں۔وکیل درخواست گزار سکندر حیات شاہ ایڈووکیٹ نے عدالت کو بتایا کہ ڈی آئی خان بنچ نے عبوری ضمانتیں منظور کی ہیں اور یہ ڈی آئی خان بنچ کا کیس ہے، لہٰذا تاریخ دے کر وہیں بھیج دیا جائے جبکہ موجودہ کیسز میں ضمانت میں بھی توسیع دی جائے۔جس پر عدالت نے علی امین، فیصل امین اور امین خان کی عبوری ضمانت میں توسیع کرکے تینوں کو 11 جنوری کو ڈی آئی خان بنچ میں پیش ہونے کا حکم دیا۔عدالت نے حکومت کو 11 جنوری تک پی ٹی آئی کے تین رہنماؤں کو موجودہ مقدمات میں گرفتار نہ کرنے کا حکم دیا اور ساتھ ہی ان کے خلاف مقدمات کی تفصیل بھی طلب کی ہے۔

جماعت اسلامی رہنما سینیٹر مشتاق احمد نے سینیٹ میں ایک رکن کی درخواست پر انتخابات ملتوی کرنے کی شدید مزمت کرتے ہوئے کہا کہ انتخابات ہر حال میں 08 فروری کو منعقد ہونگے ،مقامی ٹی وی سے گفتگو کرتے ہوئے کہا کہ ہم سپریم کورٹ کے ساتھ کھڑے ہیں، انتخابات مقررہ وقت پر ہونگے، انہوں نے کہا کہ ایک سیاسی جماعت سے اس کا نشان چھیننا جمہوریت کے منافی ہے ، انتخابات میں دھاندلی کیلئے راہ ہموار کی جارہی ہے ملکر مقابلہ کریں گے ، ایک شخص کو خاص قسم کی سپورٹ حاصل ہے بلکہ پہلے سے طے کیا گیا ہے کہ اس ملک کا اختیار کس کو دیا جائے گا، سینٹر مشتاق احمد نے کہا کہ عوام کے حق پر ڈاکہ ڈال کر دھاندلی زدہ الیکشن کو عوام کھبی قبول نہیں کرے گی ،