لوئر دیر تالاش میں پیپلز پارٹی کے سابق رکن اور صوبائی وزیر خزانہ مظفر سید ایڈووکیٹ نے پیپلز پارٹی چھوڑ کر پاکستان تحریک انصاف پارلیمنٹیرین میں شمولیت اختیار کی اور ایک شمولیتی جلسہ کا بھی انعقاد کیا گیا جس میں سینکڑوں کی تعداد میں عوام نے شرکت کرکے پاکستان تحریک انصاف پارلیمنٹیرین پر اپنے اعتماد کا اظہار کیا پاکستان تحریک انصاف پارلیمنٹیرین دل سے ضلع دیر کے عوام کا شکر گزار ہیں ،لوئر دیر میں جلسے سے خطاب میں پی ٹی آئی پی کے چیئرمین پرویز خٹک نے کہا کہ میرے نزدیک مراد سعید اور تحریک انصاف پاکستان کے مجرم ہیں۔
جلسے سے خطاب کرتے ہوئے انہوں نے کہا کہ اقتدار میں کوئی نیا پاکستان اور کوئی اسلام کے نام پر آیا، مگر عوام کے لئے کچھ بھی نہیں کیا ، پرویز خٹک نے مزید کہا کہ سابق حکومتوں نے ملک کو قر ضوں میں دبا دیا لیکن ہم ملک میں امن اور بیرونی قرضوں سے نجات چاہتے ہیں۔

لوئر دیر تالاش ۔۔۔
پاکستان تحریک انصاف پارلیمنٹیرین کے وائس چیئرمین محمود خان کا شمولیتی تقریب سے خطاب کرتے ہوئے کہا
عظیم الشان شمولیتی جلسہ پر تمام منتظمین کے دل سے مشکور ہیں ۔محمود خان
دیر کا مستقبل پاکستان تحریک انصاف پارلیمنٹیرین کے ساتھ ہے ۔محمود خان
دیر یونیورسٹی کی… pic.twitter.com/7DBKak74pw

— PTIP Official (@official_ptip) November 24, 2023

اُن کا کہنا تھا کہ ہم 30 سال سے قرض لیے جارہے ہیں، اب وقت آگیا کہ ہم جاگ جائے ، چیئرمین پی ٹی آئی پارلیمنٹرین نے یہ بھی کہا کہ صحت کارڈ، پشاور بی آر ٹی اور موٹر ویے منصوبے میں نے شروع کیے تھے۔ اُنہوں نے یہ بھی کہا کہ چیئرمین پی ٹی آئی کہتا تھا کہ یہاں باہر سے لوگ مزدوری کرنے آئیں گے۔
اس موقع پر پاکستان تحریک انصاف پارلیمنٹیرین کے وائس چیئرمین محمود خان کا شمولیتی تقریب سے خطاب کرتے ہوئے کہا کہ عظیم الشان شمولیتی جلسہ پر تمام منتظمین کے دل سے مشکور ہیں ۔محمود خان نے کہا کہ دیر کا مستقبل پاکستان تحریک انصاف پارلیمنٹیرین کے ساتھ ہے ۔ دیر یونیورسٹی کی اپگریڈشن میڈیکل کالج اور روڈز کیلئے اربوں روپے کے فنڈز دئیے ۔محمود خان کہ دیر موٹر وے کے لیئے 5ارب روپے زمین کیلئے رکھےاور چند مہینے کے بعد انشاء اللہ صوبہ میں پاکستان تحریک انصاف پارلیمنٹیرین کی حکومت ہوگی اور پرویز خٹک وزیر اعلیٰ ہونگےسابق وزیر اعلی نے کہا کہ مخالفین کو کہنا چاہتا ہوں کہ عوام کو منشور کے مطابق کام چاہیے کسی کے پیچے باتیں کرنے سے کچھ نہیں ہوگا ۔ہمارا وعدہ ہے کہ علاقہ دیر انشاء اللہ ترقی ضرور کرے گا۔

سی ٹی ڈی خیبر پختونخوا نے دہشت گردی کی کارروائیوں میں ملوث ہونے پر سیکیورٹی فورسز، پولیس اور دیگر مقامات کو مطلوب دہشت گردوں کی تیسری فہرست جاری کردی ہے۔ ان کے سروں کی قیمت 0.3 ملین سے 10 ملین روپے تک مقرر کی گئی ہے۔سی ٹی ڈی خیبرپختونخوا نے مزید 152 مطلوب دہشت گردوں کی فہرست جاری کردی جن کی سر کی مقررہ قیمت کے ساتھ تشہیر کی گئی ہے۔ سی ٹی ڈی حکام کے مطابق دہشت گردوں کی معلومات کے حوالے سے رپورٹ کرنے والے افراد کے نام خفیہ رکھے جائیں گے۔
حکام کا کہنا ہے کہ مطلوب دہشت گردوں کا تعلق مختلف کالعدم تنظیموں سے ہے اور ان کے سروں کی قیمت 30 لاکھ روپے سے ایک کروڑ روپے تک مقرر کی گئی ہے۔
دوسری جانب محکمہ انسداد دہشت گردی (سی ٹی ڈی) خیبر پختونخوا (کے پی) نے انتہائی مطلوب 152 افراد کی فہرست میں پراونشل ڈیزاسٹر منیجمنٹ اتھارٹی (پی ڈی ایم اے)کے ترجمان کا نام بھی شامل کردیا۔محکمہ انسداد دہشت گردی خیبر پختونخوا نے انتہائی مطلوب افراد کی فہرست میں پی ڈی ایم اے کے ترجمان احسان داوڑ کا نام فوٹو اور دیگر تفصیلات بھی شیئر کی ہیں۔پی ڈی ایم اے کے ترجمان احسان داوڑ سینیئر صحافی رہ چکے ہیں اور ان کا تعلق شمالی وزیرستان میرعلی سے ہے۔

میران شاہ پریس کلب کے صدر صفدر داوڑ نےکہا ہے کہ احسان داوڑ میران شاہ پریس کلب کے ممبر اور سینیئر صحافی رہ چکے ہیں اور آج کل پی ڈی ایم اے کے ترجمان ہیں، ان کا نام دہشت گردوں کی لسٹ میں شامل کرنا قابل مذمت ہے۔
احسان داوڑ نے جیو نیوز کو بتایا کہ وہ اس وقت بھی پی ڈی ایم اے آفس میں موجود ہیں، لسٹ میں اپنا نام دیکھ کر حیرت ہوئی ، میرے نام کو فوٹو کے ساتھ دہشت گردوں کے لسٹ میں کیوں ڈالا گیا؟ ڈیپارٹمنٹ کے ذمہ داران سے مشورہ کرکے ہتک عزت سمیت دیگر قانونی کارروائی کروں گا۔
سی ٹی ڈی کے مطابق احسان اللہ خان نامی شخص پر 2019 میں تھانہ انسداد دہشت گردی میں انسداد دہشت گردی دفعات کے تحت مقدمہ درج ہے، درج مقدمے میں سابق ایم این اے محسن داوڑ اور علی وزیر کے علاوہ پی ٹی ایم کے دیگر افراد کے نام بھی شامل ہیں۔

سی ٹی ڈی نے وضاحتی بیان میں کہا ہےکہ مطلوب افراد کی لسٹ میں احسان اللہ کے نام میں تضاد پر انکوائری کا حکم دے دیا گیا ہے۔

نگران وزیراعلیٰ خیبرپختونخوا جسٹس ریٹائرڈ سید ارشد حسین شاہ نے نہروں کی دیکھ بھال، صفائی کی صورتحال پر عدم اطمینان کر کے صوبائی وزیر اور سیکرٹریوں کو نہروں کی دیکھ بھال اورمرمت کی نگرانی کی ہدایت کردی ،نگران وزیراعلیٰ خیبرپختونخوا جسٹس ریٹائرڈ سید ارشد حسین شاہ کی زیر صدارت ہنگامی اجلاس ہوا، اجلاس میں صوبائی وزراء، چیف سیکرٹری، سیکرٹری ایریگیشن، کمشنر پشاور نے شرکت کی۔
نگران وزیراعلیٰ خیبرپخونخوا نے کہا کہ تمام وزراء اور سیکرٹری اپنے محکموں سے متعلق امور کی نگرانی کیلئے فیلڈ وزٹ کریں، محکموں کے معاملات میں بدانتظامی اورغفلت کسی صورت برداشت نہیں کی جائے گی۔
سید ارشد حسین شاہ نے کہا کہ خود باقاعدگی سے دورے کرکے معاملات کاجائزہ لوں گا، پہلے تمام سیکرٹری فیلڈ میں جا کر اپنے محکموں کے معاملات ٹھیک کریں، دورے کے دوران کوئی غلطی یا کوتاہی سامنے آئی تو متعلقہ سیکرٹری ذمہ دارہوگا۔

محکمہ داخلہ خیبر پختونخوا کی اسٹیئرنگ کیمٹی نے صوبے میں 58 ہزار مشکوک قومی شناختی کارڈز بلاک کرنے کا فیصلہ کیا ہے۔ یہ فیصلہ پشاور میں کمیٹی کے اجلاس کے دوران کیا گیا۔
اس حوالے سے حاصل دستاویز کے مطابق محکمہ داخلہ نے نادرا کو جعلی شناختی کارڈز بلاک کرنے کے احکامات جاری کردیے۔ محکمہ داخلہ نے جعلی پی او آر، افغان کارڈ بلاک کرنے کےلیے خط نادرا کو ارسال کیا۔ نادرا نے جعلی پی او آر کارڈ، افغان کارڈ اور جعلی پاکستانی شناختی کارڈز بلاک کردیے۔
دستاویز کے مطابق بلاک کارڈز کی تفصیلات کے حوالے تمام ڈپٹی کمنشرز کو پانچ دن کی آخری ڈیڈلائن دی گئی ہے۔دستاویز کے مطابق پشاور میں 9 ہزار 720 غیرقانونی مقیم افراد کی میپنگ کا عمل بھی مکمل کرلیا گیا۔ متعلقہ قانون نافذ کرنے والے اداروں کو ڈسٹرکٹ لائیژن کیمٹی کا اجلاس بلانے کی ہدایت کی گئی ہے۔

پشاور: پشاور ہائی کورٹ نے حالیہ احکامات پر محکمہ ایکسائز کی خوساختہ سبز اور شخصی نمبر پلیٹ،  غیر قانونی، اور گاڑیوں کے نمبر پیلٹس پر اپنے عہدے یا محکموں کے نام لکھنے والے گاڑیوں کے خلاف مہم شروع کرنے کا فیصلہ کیا ہے، پشاورہائی کورٹ کے حکم پر آج پشاور کے مختلف شاہراوں پر پرائیویٹ گاڑیوں سے سبز اور مختلف قسم کی شخصی نمبر پلیٹس اتاری گئیں، اور وارننگ جاری کی گئی
پشاور کے علاوہ خیبر پختونخواہ کے تمام اضلاع میں کاروائیاں شروع کرنے کے احکامات جاری کر دیئے گئے ہیں، سبز اور شخصی نمبر پلیٹس لگانے والی تمام گاڑیوں پر جرمانے لگائے جائینگے اور قانونی کاروائی عمل میں لائی جائیگی،