Category: پشاور

پی ڈی ایم اے موسم سرما کیلئےہنگامی منصوبہ بند ی تیار کررہی ہے ۔ ڈی جی پی ڈی ایم اے، جنت گل آفریدی کے مطابق جامع حکمت عملی کی تیاری کا مقصد آفات کےخطرات کو کم کرنا اور بروقت ردعمل فراہم کرناہے۔ پلان میں ضلعی انتظامیہ،صوبائی لائن ڈیپارٹمنٹس،فیڈرل ڈیپارٹمنٹس،گلاف پروگرام، ہیومینٹیرین پارٹنرزکو شامل کیاجارہا ہے ۔ڈی جی پی ڈی ایم اے نے مزید بتایا کہ موسم سرما میں برف باری ،بارشوں،لینڈسلائیڈنگ اور دیگرقدرتی آفات کےممکنہ خطرات سےنمٹنےاور نقصانات کو کم کرنے کیلئےمنصوبہ بندی کی جارہی ہے۔ پی ڈی ایم اےنےتمام ضلعی انتظامیہ کوفنڈز اورامدادی سامان فراہم کررہی ہیں۔ ڈی جی پی ڈی ایم اے جنت گل آفریدی کے مطابق پی ڈی ایم اے سمیت تمام اداروں کی ذمہ داریاں پہلے کی نسبت زیادہ بڑھ گئی ہیں۔ ہزارہ اور ملاکنڈ ڈویژن موسم سرما کےخطرات کےحوالے سے زیادہ حساس ہے ان پر خصوصی توجہ دی جائے گی ۔ڈائریکٹر جنرل پی ڈی ایم اے نے کہا کہ ونٹر کنٹنجسی پلان کو نومبر کے وسط تک مکمل کیا جائے گا

پی ٹی آئی کے سابق وزیر کامران بنگش کو گرفتار کر لیا گیا

تحریک انصاف کے رہنما کامران بنگش کو تھانہ چمکنی پولیس نے حراست میں لیا ہے،پولیس نے سابق صوبائی وزیر کامران بنگش کو نامعلوم مقام پر منتقل کردیا، کامران بنگش کو پولیس نے گھر سے گرفتار کیاہے،پولیس کی بھاری نفری نے کامران بنگش کےگھر پر چھاپہ مارا،پولیس حکام کے مطابق کامران بنگش پر 9 مئی کو سرکاری املاک کو نقصان پہنچانے کا الزام ہے

واضح رہے کہ گزشتہ روز سپریم کورٹ نے 9 مئی کے واقعات کے حوالے سے سابق اسپیکرقومی اسمبلی اسدقیصرکوملنے والی ضمانت کی منسوخی کے لیے کی پی حکومت کی دائر کردہ رخواست کے تحت ضمانت پر موجود ملزمان کو کسی بھی مقدمہ میں گرفتار نہ کرنے کا پشاور ہائیکورٹ کا فیصلہ معطل کردیاتھا، دوران سماعت سرکاری وکیل نے عدالت میں کہا تھا کہ پشاور ہائی کورٹ کے فیصلے سے پورا نظام انصاف ہی الٹ پلٹ ہوچکاہے، قابل تعزیر جرم میں پولیس کو گرفتاری سے نہیں روکا جا سکتا،پشاور ہائی کورٹ نے فیصلہ صوبے بھر کی عدالتوں کو عملدرآمد کیلئے بھجوایا،قابل تعزیر جرم کے ملزم کو تو عام شہری بھی گرفتار کر سکتا ہے،پشاور ہائی کورٹ کا فیصلہ آئین اور قانون کیخلاف ہے،

پشاور بی آر ٹی پل سے لوہے کی بھاری پلیٹیں گاڑی پر گرگئیں

بی آر ٹی منصوبہ، تحقیقات کے خلاف خیبر پختونخواہ حکومت نے بڑا قدم اٹھا لیا

پشاور: پی ٹی آئی سابق سٹی صدر عرفان سلیم کے غیرقانونی حراست کے خلاف درخواست پشاور ہائی کورٹ میں سماعت ہوئی ہے، سماعت چیف جسٹس محمد ابراہیم خان اور جسٹس اشتیاق ابراہیم نے کی، چیف سیکرٹری, آئی جی پولیس ،ایڈوکیٹ جنرل اور درخواست گزار وکیل علی زمان عدالت میں پیش ہوئیں،
۔ چیف جسٹس نے کہا کہ ہمیں احساس ہے کہ آپ کے اور بھی مصروفیات ہونگے، لیکن عدالتی احکامات کی بار بار خلاف ورزی ہورہی ہے اسلئے آپ کو بلایا ہے۔
عدالت ملزمان کو عبوری ضمانت دیتی ہے, عدالتی احکامات کے باوجود پھر ان کو دوبارہ گرفتار کیا جاتا ہے۔چیف جسٹس نے مزید کہا کہ عدالتی احکامات کی خلاف وزری ہورہی ہے اور اس سے ہمیں مسئلہ ہے۔ چیف جسٹس محمد ابراہیم خان نے مزید استفسار کیا کہ آج آپ اسلئے بلایا ہے کہ آپ ہمیں یقین دہانی کرائے کہ آئندہ عدالتی احکامات کی خلاف ورزی نہیں ہوگی۔اس پر چیف سیکر ٹری نے کہا کہ ہم عدالتی احکامات کے تابع ہے اور یہ ہمارا فرض ہے۔ ہم یقین دہانی کراتے ہیں کہ آئندہ ایسا نہیں ہوگا۔ چیف سیکرٹری نے استدعا کی کہ ہائیکورٹ سے لیکر مجسٹریٹ تک جتنے بھی عدالتیں ہیں ہم ان کے آرڈر کا احترام کرتے ہیں۔ اور عدالتی احکامات کی خلاف وزری کا ہم سوچ بھی نہیں سکتے۔ جس پر چیف جسٹس محمد ابراہیم خان نے کہا کہ آپ نے یقین دہائی کرائے ہمیں آپ پر اعتماد ہے, اس کے بعد عدالتی احکامات کی خلاف ورزی ہوئی تو ہم کسی کے ساتھ رعایت نہیں کریں گے۔ چیف جسٹس محمد ابراہیم خان نے کہا کہ ہم یہ بھی بتانا چاہتے ہیں کہ کوئی غلط فہمی میں نہ رہے کہ ہم کسی سیاسی پارٹی کی حمایت کررہے ہیں کوئی خوش فہمی میں بھی نہ رہے کہ ہم کسی سے متاثر ہوکر ایسا کررہےہیں۔ چیف جسٹس نے کہا ہم جو کررہے ہیں صرف قانون کے مطابق کررہے ہیں, چیف جسٹس آپ آئین کے کتاب پر چلے جو قانون کہتا ہے وہ کریں۔ اس دوران جسٹس اشتیاق ابراہیم نے بتایا کہ جو قانون کی خلاف ورزی کرے گا ان کے لئے کوئی رعایت نہیں ہونی چاہیئے۔ ایسا نہیں ہونا چاہیئے کہ عدالت کسی کا ایک وارنٹ معطل کریں اور آپ ان کا دوسرا وارنٹ نکال لیں۔ عدالت میں جو بھی ہوگا قانون کے مطابق ہوگا۔ کسی بھی جج کی کوئی سیاسی وابستگی نہیں ہے, تمام ججز قانون کے مطابق فیصلے کرتے ہیں۔
چیف سیکرٹری اور آئی جی پولیس کی یقین دہانی پر عدالت نے درخواست نمٹا دی۔

عوامی نیشنل پارٹی خیبرپختونخوا کے جنرل سیکرٹری سردارحسین بابک نے کہا ہے کہ اے این پی اٹھارہویں آئینی ترمیم پر عملدرآمد یقینی بنانے کیلئے ہر فورم پر وکالت کرتی رہے گی۔ ملک کے مالدار ترین صوبے پختونخوا کو آئینی حقوق سے محروم رکھنے سے کروڑوں عوام کو پسماندگی اور جہالت کے دلدل میں دھکیلا جارہا ہے۔ اے این پی کے علاوہ دیگر مذہبی اور سیاسی جماعتیں اقتدار کی جنگ لڑرہی ہیں۔ ملک کو اقتصاد ی بحران سے نکالنے کیلئے 18ویں آئینی ترمیم پر عملدرآمد کو یقینی بنایا جائے۔ ان کا کہنا تھا کہ پختونخوا کے ووٹ بینک کے تقسیم کیلئے مذہبی انتہاپسندی اور لوٹاکریسی کو سرکاری حمایت حاصل ہے۔ اے این پی عوامی میں سیاسی آگاہی کیلئے، بدامنی، مہنگائی اور بے روزگاری کے خلاف ایک پلیٹ فارم پر جمع کرنے کیلئے کونے کونے میں عوامی اجتماعات منعقد کررہی ہے۔ انہوں نے مزید کہا کہ این ایف سی ایوارڈ کا جاری نہ کرنا، 18ویں آئینی ترمیم کو غیرفعال بنانا، بین الاقوامی تجارتی راستوں کی بندش اور پختونخوا کو قدرتی ذرائع آمدن کے استعمال اور بقایاجات ادا نہ کرنا آئین پاکستان سے کھلا انحراف ہے۔ سردارحسین بابک کا کہنا تھا کہ پختونخوا کے عوام کو بدامنی، غربت اور بے روزگاری جیسے مسائل سے دوچار کردیا گیا ہے۔ پختونخوا اور پشتونوں کو غیرسیاسی بنانے کیلئے مذہبی انتہاپسندوں اور اقتدار کے بھوکے امیدواروں کی پرورش اور حوصلہ افزائی ملک و قوم کیلئے انتہائی خطرناک اور نقصان دہ ہے۔ ان کا مزید کہنا تھا کہ پختونخوا کے عوام کو نظریاتی سیاست سے دور رکھنے کیلئے تعلیمی نصاب، صحافت، انتہاپسندی اور غیرنظریاتی افراد کا سہارا لیا جارہا ہے۔ اے این پی ایک نظریے کا نام ہے اور یہ نظریہ انسانی ضروریات کو پورا کرنے اور انکے حقوق امن و جمہوریت کیلئے لازوال قربانیوں سے بھری پڑی ہے۔ اے این پی کے صوبائی جنرل سیکرٹری کا کہنا تھا کہ نوجوانوں کو اپنے بہتر مستقبل کیلئے امن کے قیام اور جمہوریت کی بحالی، آئین اور پارلیمان کی بالادستی کو یقینی بنانے کیلئے سرخ پرچم تلے جمع ہونا ہوگا۔ بدامنی کو جاری رکھنا پختونخوا کے وسائل پر قبضہ برقرار رکھنے کیلئے ضروری سمجھا گیا ہے۔ ان کا مزید کہنا تھا کہ اے این پی کا منشور عوام کے مسائل کا حل ہے، حکمرانوں کو ماضی سے سبق سیکھ لینا چاہئیے کیونکہ عوامی نیشنل پارٹی کے منشور پر عمل کر کے ان تمام مسائل کو ختم کیا جاسکتا ہے۔

گورنر خیبرپختونخوا غلام علی کی سرکاری ہیلی کاپٹر میں رشتے داروں اور پارٹی کارکن کے ساتھ دورہ سوات کی ویڈیو وائرل ہوگئی۔ ذرائع کے مطابق گورنر سرکاری ہیلی کاپٹر میں اپنے 2 پوتوں اوردوست تاجر کو سوات لے گئے اور سوات سے واپسی پر گورنر کے ساتھ پارٹی کا رکن اور اس کے دو بچے بھی پشاور آئے۔ ذرائع کے مطابق چند ہفتے قبل دورہ باجوڑ کے دوران بھی گورنر اپنے رشتہ دار بچے کو ساتھ لے گئے تھے۔اس حوالے سے گورنر حاجی غلام علی نے مقامی ٹی وی سے گفتگو میں بتایا کہ بچوں کی چھٹی تھی ان کوبھی ساتھ ہیلی کاپٹرمیں لے گئے۔
خیال رہے کہ گورنر نے ماضی میں صوبے کے 2 ہیلی کاپٹرز کے غیرقانونی استعمال کے بل پردستخط کرنے سے انکار کیا تھا۔

خیبر پختونخوا کے ضلع مالاکنڈ سے تعلق رکھنے والے مسلم لیگ (ن) کے قائد میاں نواز شریف کے استقبال اور مینارپاکستان جلسہ میں شرکت کیلئے لیگ(ن)کے لئے پیدل قافلہ لاہور روانہ ہوگیا ۔ میاں محمد نوازشریف کی پرجوش استقبال اور مینار پاکستان کے جلسے میں شرکت کیلئے مالاکنڈ سے 6رکنی قافلہ لاہور روانہ ہوگیا مالاکنڈ سے نوجوانوں اور بزرگوں پر مشتمل قافلہ پیدل مارچ کرکے لاہورپہنچ جائنگے، مسلم لیگ ن کارکنان چار روز کا پیدل سفر مکمل کرکے لاہور مینار پاکستان پہنچے گے، پارٹی کے ضلعی صدرسجاداحمد خان نے پھول نچاورکرکے قافلے کو رخصت کیا۔ کارکنوں کاکہناتھاکہ پیدل مارچ کا مقصد اپنے قائد سے بے تہاشہ محبت کامظہراورپوری قوم کو دعوت ہے کہ وہ بھی محسن پاکستان کے استقبالی تقریب میں شریک ہو۔ لاہور روانگی سے قبل دعائیہ تقریب ہوئی اور رخصتی پر مسلم لیگ(ن)کے ضلعی صدرسجاداحمد خان نے ان پرپھول نچاورکئے۔شہبازشریف مسلم لیگ(ن)کے ضلعی صدرسجاداحمدخان نے چھ رکنی قافلے کو رخصت کیا,سجاداحمد خان نے کہا کہ پیدل مارچ کا مقصد اپنے قائد سے بے تہاشہ محبت کامظہرہے،کارکن چار روز پیدل سفرکرکے لاہورپہنچ جائنگے۔

پی ٹی آئی کے روپوش رہنما مراد سعید کی نجی ہاوسنگ سوسائٹی میں موجودگی کی اطلاع پرپولیس نے چھاپہ مارا ہے۔لیکن مراد سعید پولیس کے پہنچنے سے قبل ہی فرار ہوگے۔رپورٹس کے مطابق پشاور پولیس کا سابق وفاقی وزیرمراد سعید کی گرفتاری کے لیے نجی ہاؤسنگ سوسائٹی میں چھاپہ ناکام رہا۔پولیس کے آنے سے قبل ہی مراد سعید پولیس کو چکما دے کر فرار ہونے میں کامیاب ہوگئے۔پشاور پولیس نے مراد سعید کو فرار کرانے میں ملوث سالے سمیت دیگر رشتہ داروں کو گرفتار کر لیا ہے تھانہ ریگی میں مراد سعید کو فرار کرانے میں ملوث ملزموں کے خلاف مقدمہ درج کر لیا گیا ہے۔
پولیس کو اسد الیاس ولد محمد الیاس کی رہائش گاہ پر مراد سعید کی موجودگی کی اطلاع تھی، خفیہ اطلاع پر ڈی ایچ اے میں مراد سعید کے سالے اسد الیاس کے گھرپر چھاپہ مارا گیا، گھرپرموجود اسد الیاس،خواتین اور دیگر افراد نے مزاحمت کی جس کے نتیجے میں مراد سعید فرارہوگئے۔
پولیس نے اسد الیاس،ملازمین محمد ارسلان اورعزیزالرحمن کوگرفتارکرلیا اورمقدمہ درج کرلیا، مقدمے میں تینوں ملزمان سمیت دو خواتین مسماة(ع)الیاس اور مسماة(ع)الیاس بھی نامزدہیں۔
پولیس کاکہنا ہے کہ گرفتارتینوں ملزمان کو جوڈیشل مجسٹریٹ کی عدالت میں پیش کیاگیا،عدالت نے تینوں ملزمان کو عدم ثبوتوں اور بغیر کسی وارنٹ گرفتار ی پر رہائی کے احکامات جاری کردیئے۔