Category: پشاور

ملک کی بقا اسلامی فکر و تربیت کی آبیاری میں ہے ۔ تنظیم اساتذہ
تنظیم اساتذہ پاکستان خیبر پختونخوا کا مانسہرہ میں تین روزہ صوبائی اجلاس اختتام پذیر ہوا جبکہ اجلاس کی صدارت صوبائی صدر ڈاکٹر محمد ناصر نے کی ۔
جبکہ مرکزی ذمہ داران مصباح الاسلام اور فیاض احمد کاکاخیل نے بھی اجلاس میں شرکت کی اور اجلاس میں صوبہ بھر کے 30 اضلاع کے صدور اور سیکرٹریوں نے شرکت کی اور اپنی اضلاع کی ششماہی کارکردگی رپورٹس پیش کی ۔ فیاض کاکا خیل نے اجلاس میں قراردادیں پیش کی جس میں ملک میں یکساں نظام تعلیم کا نفاذ ، اُردو زریعہ تعلیم , اساتذہ اپگریڈیشن ، چار درجاتی فارمولے کا اطلاق اور ملک میں تعلیم و تحقیق کے لیے سہولیات کی فراہمی کی قراردادیں شامل تھیں۔ فورم نے متفقہ طور پر تمام قراردادیں منظور کی ۔

اعلامیہ کے مطابق مرکزی سیکرٹری فنانس تنظیم اساتذہ مصباح الاسلام نے اجلاس کے اختتام پر ھدایات دیتے ہوئے فرمایا کہ تنظیم اساتذہ پاکستان عطیہ خداوندی ہے ۔ بلاامتیاز کیڈرز و بلاامتیاز رنگ و نسل و علاقہ سب اساتذہ کرام اس کے ممبر بن سکتے ہیں ۔ صوبائی نظم اور منتظمین ضلع مانسہرہ کو اس سہ روزہ کامیاب اجلاس کے انعقاد پر مبارکباد پیش کرتے ہیں ۔انہوں نے کہا کہ صدور اضلاع و زمہ داران اضلاع اپنی ذات پر، اپنے گھروں میں اولاد پر اور سکولوں میں شاگردوں کے تربیت پر خصوصی توجہ دیں.

مزید یہ بھی پڑھیں؛
ایکسپریس ٹرینوں کی وقت کی پابندی 59فیصد سے کم
عالمی ریٹنگ ایجنسی کی رپورٹ میں پی ٹی آئی احتجاج کا بھی ذکر
سونا ایک بار پھر مہنگا ہونے لگا
رہنما تحریک انصاف شہریار آفریدی کی ضمانت درخواست مسترد
صوابی، عریفہ نور کے قتل کا معمہ حل، قاتل گرفتار، آلہ قتل اور خون آلود کپڑے برآمد

محمد عثمان سیکرٹری تنظیم اساتذہ پاکستان خیبر پختونخوا کے مطابق اس ششماہی میں جو کام وہ نہ کرسکے اس کمی کو وہ اگلی ششماہی میں پورا کرنے کی کوشش کریں ۔ قرآن وسنت اور کتاب سے رشتہ جوڑیں ۔ سکولوں میں غریب ، نادار اور یتیم طلباء کی تعلیمی کفالت کریں اور پاکستان کی دل و جان سے خدمت کریں ۔ اجلاس کے آخر میں سویڈن میں قرآن پاک کی بے توقیری کے خلاف احتجاجی مظاہرہ بھی کیا گیا اور حکومت پاکستان سے مطالبہ کیا گیا کہ سویڈن کے سفیر کو ملک بدر کریں ۔

مردان تخت بھائی پاتی کلاں میں فائرنگ سے ایک شخص جاں بحق ہو گیا،ریسکیو 1122 کے مطابق گولی لگنے سے 22 سالہ امتیاز موقع پر ہی جانبحق ہو گیا،ریسکیو1122 کے حکام کے مطابق اطلاع موصول ہونے پر ریسکیو1122 ایمبولینس اور میڈیکل ٹیم موقع پر پہنچ گئی۔
ریسکیو1122 میڈیکل ٹیم نے زخمی شخص کو ٹی ایچ کیو منتقل کر دیا جہاں ڈاکٹروں نے ان کے موت کی تصدیق کر دی،تاہم فائرنگ کی وجہ معلوم نہ ہو سکی،پولیس نے نامعلوم افراد کے خلاف مقدمہ درج کر کے تفتیش شروع کر دی گئی ہے،

ڈپٹی کمشنر پشاورشاہ فہد کی زیر صدارت انسداد پولیو کے حوالے سے اہم اجلاس منعقد ہوا جس میں ڈسٹرکٹ ہیلتھ آفیسر ڈاکٹر محمد ادریس، کوآرڈینیٹر ای پی آئی ڈاکٹر محمد عارف، این سٹاپ آفیسر ڈاکٹر نیئر جمال ، ڈپٹی ڈسٹرکٹ پولیو آفیسر ڈاکٹر نوید خورشید، ڈپٹی ڈسٹرکٹ پولیو آفیسر ڈاکٹر سیف اللہ ، کمپیونیکیشن آفیسر فیصل خان سمیت انتظامی افسران،محکمہ صحت، پولیس اور دیگر محکموں کے افسران نے شرکت کی۔ اجلاس میں گزشتہ انسداد پولیو مہم کی کارکردگی اور کوریج کے حوالے سے جبکہ آنے والی انسداد پولیو مہم کے لئے مزید ضروری اقدامات اور کوریج کے بارے میں تفصیل سے بات چیت ہوئی۔
ڈپٹی کمشنرپشاورشاہ فہد نے والدین سے اپیل کی ہے کہ اپنے بچوں کو مستقل معذوری سے بچانے کے لیے پولیو سے بچاؤ کے قطرے ضرور پلائیں اورانسدادپولیو ٹیموں سے تعاون کریں تاکہ پشاور سے پولیو وائرس کا خاتمہ کیا جا سکے۔ انھوں نے کہا کہ ہمیں پولیو کے خاتمے کے لیے اپنا کردار ادا کر نا ہو گا اور ہماری مشترکہ کوششوں سے ہی پولیو کا خاتمہ ممکن ہو سکے گا۔

ریسکیو 1122 ڈسٹرکٹ ایمرجنسی آفیسر نوید خان کی سربراہی میں گزشتہ 24 گھنٹوں کے دوران پشاور میں 16 روڈ ٹریفک حادثات،94 میڈیکل، 03گولی لگنے یا لڑنے/جھگڑنے کے، 02آگ لگنے کے حادثات پیش آئے۔ ریسکیو 1122 کے مطابق ٹریفک حادثات کے دوران 23 افراد زخمی، ٹریفک حادثات بجگی اسٹاپ،کوہاٹ روڈ، انقلاب روڈ،بخشو پل،ارباب روڈ، کگہ والا، پیر بالا، کارخانوں اور مختلف مقامات پر رونما ہوئے۔ ریسکیو 1122 نے مزید بتایا کہ پشاور شہر میں سبزعلی ٹاؤن گھر میں اور پھندو روڈ میں گھر پر آگ لگنے کا واقعہ پیش آیا ، ریسکیو1122 فائر فائٹرز نے پیشہ وارانہ امدادی سرگرمیاں کرتے ہوئے مزید نقصانات سے بچاتے ہوئے آگ پر قابو پایا۔

گورنر خبیر پختونخواہ حاجی غلام علی نے ایم ایم سی میں زخمی ڈی ایس پی فاروق زمان کی عیادت کے لئے مردان کا دورہ کیا،ڈی ایس پی گزشتہ شب شرپسندوں کی فاِئرنگ سے زخمی ہوئیں تھے،انگران صوبائی وزیر فضل الہی اور چیمبر کے صدر ظاہر شاہ بھی گورنر کے ہمراہ تھے گورنر غلام علی نے ہسپتال انتظامیہ کو ڈی ایس پی کے بہترین علاج کی ہدایت کرتے ہوئے کہا کہ ڈی ایس پی نے قوم کی خاطر سینے پر گولی کھائیں،ان کا بہترین علاج کیا جائے،گورنر کے پی کے نےایم ایم سی مردان میں میں جلد کیتھ لیب نصب کرنے کا ارادہ ظاہر کیا، انہوں نے کہا کہ تعلیم اور صحت اولین ترجیح ہے،ان کی شعبوں کی ضروریات پوری کرینگے،گورنر غلام علی نے کہا کہ ہم نالیوں گلیوں کی بجائے تعلیم اور صحت پر توجہ دے رہے ہیں اور صوبے میں امن و امان کی صورتحال پہلے سے بہتر ہے،انہوں نے کہا کہ دوسروں پر زمہ داری ڈالنے کی بجائے اپنی زمہ داریاں نبھائیں گئے، گورنر کے پی کے نے کہا کہ پولیس فورس ہمارے ماتھے کا جھومر ہے،پولیس قوم کی خاطر جانیں نچھاور کررہی ہے،اور پورے قوم کو متحد ہوکر ملک اور صوبے کو دہشگردی کے ناسور سے پاک کرنا ہوگا،غلام علی نے کہا کہ الیکشن کے حوالے سے میرے موقف کو سب نے تسلیم کیا،اب ایک دن پورے ملک میں الیکشن ہونگے،