مردان کاٹلنگ تھانہ بائیزئی کے علاقہ سنگاؤ میں مسلح ڈاکوؤں نے منی چینجرز کو لوٹ لیا۔ پولیس کے مطابق منی چینجرز نے پشاور اور دیگر علاقوں سے 3 کروڑ 20 لاکھ روپے سے زائد رقم اکٹھی کی تھی۔ پولیس کے مطابق منی چینجرز اپنی گاڑی کے زریعے بونیر جارہے تھے۔پولیس علاقہ سنگاؤ میں چار مسلح ڈاکو نے منی چینچرز کی گاڑی زبردستی روک لی۔پولیس نے کہا کہ ڈاکوؤں نے منی چینجرز کو تشدد کرکے ویرانے میں چھوڑ کر فرار ہو گئے۔ مسلح ڈاکو گاڑی اور رقم چھین کر فرار ہو گئے جبکہ نامعلوم افراد کے خلاف مقدمہ درج کرلیا گیا،
Category: پشاور
-
اب پی ڈی ایم کی ضرورت باقی نہیں رہی. مولانا فضل الرحمان
پاکستان ڈیمو کریٹک موومنٹ کے سربراہ اور جمعیت علمائے اسلام (ف) امیر مولانا فضل الرحمان نے کہا ہے کہ پی ڈی ایم ایک تحریک تھی اب اس کی ضرورت باقی نہیں رہی، جب محسوس ہوا کہ دفاعی نظام میں عدم استحکام آرہا ہے تو چیئرمین پی ٹی آئی سے ہاتھ اٹھا لیا گیا، دبئی میں ہونے والے میٹنگ میں پی ڈی ایم کو اعتماد میں کیوں نہیں لیا گیا۔
پشاور میں سینئر صحافیوں کے ساتھ غیر رسمی گفتگو کرتے ہوئے انہوں نے کہا کہ یہ سوال پی ڈی ایم میں موجود ہے کہ مسلم لیگ ن نے اب تک اتحاد میں شامل جماعتوں کو دبئی میں ہونے والی میٹنگ کے حوالے سے اعتماد میں کیوں نہیں لیا۔ دبئی مذاکرات اچانک نہیں بلکہ منصوبہ بندی سے ہوئے اس لیے سب کواعتماد میں لیا جانا چاہیے تھا۔ پی پی ہمارے اتحاد کا حصہ نہیں اس لیے دبئی مذاکرات کے بارے میں نہیں پوچھ سکتے۔پی ڈی ایم ایک تحریک تھی اب اس کی ضرورت باقی نہیں رہی۔
ایک سوال کے جواب میں مولانا فضل الرحمان نے کہا کہ عام انتخابات وقت پر ہوں گے، جلد مرکز، سندھ اوربلوچستان میں نگران حکومتیں قائم آ جائیں گی، ملک میں معیشت بہتر ہونا شروع ہو گئی ہے۔ جبکہ ایک اور سوال کے جواب میں پاکستان تحریک انصاف کے چیئر مین پر تنقید کرتے ہوئے پی ڈی ایم کے سربراہ نے کہا کہ عمران خان امریکا کوگالی بھی دیتاہے اور اس سے یاری بھی گانٹھی جارہی ہے، عجیب بات ہے کہ وہ عالمی برادری جو قران پاک کی توہین کرتی ہے وہی چیئرمین پی ٹی آئی کی حمایت بھی کرتی ہے۔چیئرمین پی ٹی آئی سی پیک اورسرمایہ کاری روکتا ہے اسکے قول وفعل میں تضاد ہے، جب محسوس ہوا کہ دفاعی نظام میں عدم استحکام آرہا ہے تو چیئرمین پی ٹی آئی سے ہاتھ اٹھا لیا گیا، چیئرمین پی ٹی آئی کو را اور موساد کی سپورٹ حاصل تھی اور آج بھی حاصل ہے۔امید ہے کہ قوم عام انتخابات میں اس فتنے سے ملک کومحفوظ رکھے گی۔
مزید یہ بھی پڑھیں؛
خطرناک اشتہاری ملزم کو دبئی سے گرفتار کرلیا گیا
چیئرمین تحریک انصاف سے 13 مقدمات میں 5 رکنی تحقیقاتی ٹیم کی تفتیش
آئی ایم ایف کی عمران خان سے ملاقات سیاسی عمل کا حصہ ہے،مریم اورنگزیب
افغانستان کر کٹ ٹیم نے تین میچز کی سیریز اپنے نام کر لی
یونان کشتی حادثہ؛ جاں بحق 15 مزید پاکستانیوں کی شناخت
بے اولادی کے طعنے پر 3 پڑوسیوں کو قتل کرنے والا ملزم گرفتار
محمد رضوان کو سری لنکا کیخلاف ٹیسٹ سیریز میں کھلانے پر غورعلاوہ ازیں امیر جے یو آئی ف کا کہنا تھا کہ ہم 2018 اتخابات کے بعد اسمبلیوں کی رکنیت کاحلف نہیں اٹھاناچاہتے تھے تاہم اپوزیشن جماعتوں کی وجہ سے ایساکرنا پڑا۔ ہمارے لیے بے شمارمشکلات پیداکی گئیں مگر ہم نے تحمل سے کام لیا۔ ہم چیئرمین پی ٹی آئی کی حکومت کونہیں ہٹاناچاہتے تھے تاہم اپوزیشن کا ساتھ دینے کے لیے ان کے ساتھ کھڑے ہوئے۔ فوج ایک ادارہ ہے جس سے اختلاف ممکن نہیں البتہ شخصیات سے اختلاف ہوسکتا ہے۔
-
پشاور،بچے کو جنسی زیادتی کا نشانہ بنانے والا ملزم گرفتار
پشاور میں بچے کے ساتھ جنسی ذیادتی کرنے والا ملزم گرفتار کر لیا گیا،پشاور تھانہ بھانہ ماڑی کی حدود ملک احمد گڑھی میں ایک بچے کے والد نے پولیس کو جنسی تشدد کی رپورٹ دی جس پر ملزم کے خلاف مقدمہ درج کیا گیا،
ایس پی سٹی عبدالسلام خالد نے واقعہ کا سختی سے نوٹس لیتے ہوئے ڈی پی او سبرب مختیار خان اور ایس ایچ او تھانہ بھانہ ماڑی مدثر حیات کو فوری طور ملزم کو گرفتار کرنے کا ٹاسک حوالہ کیا،
ایس ایچ او تھانہ بھانہ ماڑی مدثر حیات نے دیگر نفری پولیس کے ہمراہ فوری کاروائی کرتے ہوئے ملزم علی ولد شہنشاہ کو گرفتار کرلیا،
جس سے مزید تفتیش جاری ہے، -
مردان کاٹلنگ چوکی پر نامعلوم دہشتگردوں کی فائرنگ ،ڈی ایس پی زخمی
مردان کاٹلنگ چوکی غنڈو پر نامعلوم ملزمان کی فائرنگ سے ڈی ایس پی کاٹلنگ فاروق زمان شدید زخمی ہو گئے، ڈی ایس پی کاٹلنگ فاروق زمان خان روٹین گشت پر تھے کے اس دوران نامعلوم دہشتگردوں نے فائرنگ کی۔
زخمی ڈی ایس پی فاروق زمان خان کو ایم ایم سی ہسپتال منتقل کر دیا گیا ،جہاں انکو طبی امداد دی جا رہی ہےمردان پولیس آر آر ایف،آر آر یو ودیگر پولیس نفری جائے وقوعہ پہنچ گئے، -
شادیوں میں خواجہ سراؤں اور فنکاروں کو دعوت دینے والوں کی نکاح نہ پڑھانے کا فیصلہ
کے پی کے ضلع خیبر لنڈی کوتل میں گرینڈ جرگہ میں زخہ خیل خیبر کے علماء کرام نے متفقہ طور پر شادیوں میں خواجہ سراؤں اور فنکاروں کو دعوت دینے والوں کی نکاح نہ پرھانے کا فیصلہ کر لیا ،اس حوالے سے علماء کرام کی جانب سے اعلامیہ جاری کیا ہے جس کے مطابق شادیوں میں خواجہ سراؤں کی شرکت اور موسیقی محافل کے انعقاد کرنے پر علماء کرام نے نکاح پڑھانے سے بائیکاٹ کا اعلان کردیا ہے،اعلامیہ کے مطابق
شادیوں میں موسیقی محافل کے انعقاد پر خاندان والوں کی نماز جنازہ بھی نہیں پڑھائینگے ، اور ایسی تقریبات میں اہلیان علاقہ بھی شرکت نہیں کریگی ، اعلامیہ میں کہا گیا ہے کہ شادیوں کی تقریبات میں خواجہ سراء کی شرکت شریعت اور قبائلی روایات کے منافی ہے ، خلاف ورزی کرنے والے خاندان کے کسی میت کا جنازہ بھی نہیں پڑھایا جائے گا، اعلامیہ میں اس بات پر زور دیا گیا ہے،کہ ایسے خاندان کے ساتھ کوئی ہمدردانہ تعلقات نہیں رکھے جائیں گے، علماء نے شادیوں میں ہوائی فائرنگ روکنے کی بھی استدعا کی ہے، -
پشاور،جرگے کے دوران فائرنگ کر کے 4 افراد کو قتل کرنے والے ملزم گرفتار
تھانہ رحمان بابا کی حدود میں پیش آنے والا واقعہ میں ملوث ملزمان کو گرفتار کر لیا گیا ہےایس پی صدر ڈویژن ملک حبیب کی سربراہی میں ڈی ایس پی صدر محمد علی اور ایس ایچ او تھانہ رحمان بابا یوسف شاہ کی فوری کاروائی کے نتیجے میں ملوث ملزمان کو در لیا گیا، واضح رہے کہ ہزار خوانی کے علاقہ غفور آباد میں جرگہ کے دوران فائرنگ کرکے چار افراد کو قتل کرنے اور دو کو زخمی کرنے کا واقعہ گزشتہ رات سامنے آیا تھا ، پولیس کے مطابق گرفتار ملزمان میں زرعلی ولد عبدلقیوم اور فریداللہ ولد عبدلغفور ساکنان غفوراباد دیر کالونی شامل ہیں ملزمان کے قبضے سے اسلحہ بھی برآمد کر لیا گیا ہے جن سے مزید تفتیش جاری ہے
-
پاڑا چنار میں زمین کے تنازعے پر فائرنگ میں 6 افراد جاں بحق،29 زخمی
خیبر پختونخوا کے ضلع پاراچنار میں زمین کے تنازع پر فائرنگ و گولا باری کے نتیجے میں چھ افراد جاں بحق اور انتیس زخمی ہوگئے۔زمین پر تنازع کے نتیجے میں تصادم پارا چنار کے علاقے اپرکرم شاملاتی میں ہوا۔ فائرنگ اور گولہ باری سے علاقہ لرز اٹھا اور لوگوں میں خوف و ہراس پھیل گیا۔ آج نیوز کے مطابق تصادم کے بعد علاقے میں فائرنگ کا سلسلہ وقفے وقفے سے جاری ہے۔ قبائلی عمائدین، جرگہ انتظامیہ سیکیورٹی فورسز اور پولیس علاقے میں پہنچ گئی۔انتظامیہ اور قبائلی عمائدین کی فائر بندی کیلئے کوششیں جاری ہیں۔ زمین پر تنازع چند ماہ پہلے بھی ہوا تھا جس میں درجن سے زائد افراد جاں بحق اور زخمی ہوگئے تھے۔اراضی تنازعات میں خونریزی کا سلسلہ تھم نہیں سکا۔ صوبائی و مقامی حکومت کی جانب سے قائم لینڈ کمیشن تاحال کوئی حل نکالنے میں ناکام ہے۔
-
شادی میں ڈانس یا خواجہ سراؤں کی آمد پر پابندی،جرگے کا متفقہ فیصلہ
شادی بیاہ اور دیگر تقریبات میں خواجہ سراؤں سمیت ڈانس،موسیقی اور ہوائی فائرنگ پر پابندی لگا دی گئی
یہ فیصلہ قبائلی ضلع خیبر ، لنڈی کوتل میں جرگے میں کیا گیا، جرگے میں مقامی علماء کرام، بلدیاتی نمائندوں نے شرکت کی، جرگے میں فیصلہ کیا گیا کہ شادی کی تقریبات سمیت خؤشی کی دیگر تقریبات میں ناچ گانے کی محفل نہیں ہو گی اور نہ ہو خواجہ سراؤں کی محفل سجائی جائے گی، ہوائی فائرنگ بھی کسی تقریب میں نہیں کی جائے گی
جرگے میں فیصلہ کیا گیا کہ جس شادی میں ناچ گانے کی محفل ہو گی یا خواجہ سراؤں کو بلایا جائے گا، اس دولہے کا نکاح علما کرام نہیں پڑھائیں گے اور نہ ہی ایسی شادی یا تقریب میں شرکت کی جائے گی، اگر جرگے کے فیصلے کی کسی نے خلاف ورزی کی تو شادی بیاہ اور دیگر تقریبات کا بائیکاٹ کیا جائے گا بلکہ اس خاندان کی کسی میت کا جنازہ بھی نہیں پڑھایا جائے گا
جرگے کے بعد جاری اعلامیہ میں اہلیان علاقہ کو بھی یہ کہا گیا ہے کہ ایسے افراد جو شادی بیاہ کی تقریبات میں ناچ گانے کی محفل کریں انکے ساتھ بائیکاٹ کریں اور ایسی تقریبات میں شرکت نہ کریں، جیوٹی وی میں شائع رپورٹ کے مطابق جاری اعلامیہ میں شادی بیاہ میں ہوائی فائرنگ پر بھی پابندی کا فیصلہ کیا گیا ہے اعلامیہ پر علماء، قاری، مفتیان،اور بلدیاتی نمائندگان کے دستخط موجود ہیں
جیلوں میں 140 نوزائیدہ بچے بھی ماؤں کے ہمراہ قید، جیلوں میں ایڈز کے مریض کتنے؟
پنجاب میں ایڈز کے مریضوں کی تعداد کے حوالے سے رپورٹ پنجاب اسمبلی میں جمع ‘
نوجوان مرد ہم جنس پرست ایڈز کے مریض بننے لگے،اسلام آباد میں شرح بڑھ گئی
-
پشاور پلاٹ کے تنازعے پر فائرنگ،4 بھائی قتل
پولیس حکام کے مطابق پشاور میں دیرکالونی کے علاقے میں واقع ایک پلاٹ کے تنازع پر جرگہ بلایا گیا تھا، تاہم فریقین نے فائرنگ کرکے 4 افراد کو قتل اور دو کو زخمی کردیا، پولیس کے مطابق واقعے کی اطلاع ملتے ہی پولیس اور ریسکیو کی ٹیمیں جائے وقوعہ پر پہنچ گئیں اور لاشوں اور زخمیوں کو اسپتال منتقل کردیا گیا۔حکام نے بتایا کہ فائرنگ کا واقعہ تھانہ رحمان بابا کی حدود غفور آباد میں پیش آیا، اور جاں بحق ہونے والے چاروں سگے بھائی ہیں، جن میں پی ٹی آئی کے ناظم وحید خان شامل ہیں۔
-
پشاور پولیس کا سرچ اینڈ سٹرائیک آپریشن
محرم الحرام کے پیش نظر پشاور کے اور اسکے مضافاتی علاقوں میں ٹارگٹڈ اور سرچ اینڈ سٹرائیک آپریشنز جاری ہے،پولیس حکام کے مطابق آپریشن کے دوران متعدد گھروں کے چیکنگ کے دوران مختلف جرائم میں ملوث درجنوں ملزمان کو گرفتار کر لیا گیا ،گرفتار ملزمان میں مجرمان اشتہاریوں کے سہولت کار، آئس اور دیگر منشیات فروش، غیررجسٹرڈ کرایہ داروں اور دیگر جرائم میں ملوث بھی شامل ہیں۔
پولیس کے مطابق ملزمان سے آپریشن کے دوران 3 عدد کلاشنکوف، 13 عدد پستول، متعدد میگزینز، مختلف بور کے کارتوس، منشیات اور شراب بھی برآمد کر لئے گئے،گرفتار ملزمان میں مشکوک اور مشتبہ بھی شامل ہیں جن سے مختلف پہلوؤں پر تفتیش شروع کردی گئی ہے، سرچ اینڈ سٹرائیک کا مقصد امن وامان کی صورتحال کو برقرار رکھنا ہے۔