Category: پشاور

ضلع خیبر لنڈی کوتل میں مون سون بارش کے سبب مختلف واقعات میں دو افراد جاں بحق ہوگئے۔
مقامی ذرائع کے مطابق سیلابی ریلے میں بہہ جانے سے ایک بچے سمیت دو افراد جاں بحق ہوگئے، درجنوں کچے مکانات کو نقصان پہنچا طوفانی بارش کی وجہ سےکے بجلی بھی معطل ہے۔
جاں بحق افراد کا تعلق شلمان سے ہے۔ دوسرے نوجوان کی لاش علی مسجد کے قریب سیلابی ریلے سے نکالی گئی ہے تاحال ان کی شناخت نہیں ہوئی۔دوسری جانب پشاور سمیت صوبے کے مختلف اضلاع میں بارش ہوئی ہے جس سے گرمی کا زور ٹوٹ گیا ہے۔ زیادہ بارش کی وجہ سے ندی نالوں میں طغیانی آئی ہے جس کی وجہ سےشہر میں جگہ جگہ پانی کھڑا ہے،

پشاور کے تھانہ متنی پر گزشتہ رات حملے کا مقدمہ دہشت گردی ایکٹ کے تحت درج کرلیا گیا۔ مقدمے میں کالعدم تنظیم کے پانچ دہشتگردوں کو نامزد کیا گیا ہے ۔مقدمہ تھانہ سی ٹی ڈی میں ایس ایچ اوتھانہ متنی کی مدعیت میں درج ہوامقدمہ میں انسد اد دہشت گردی سمیت مختلف دفعات شامل ہیں،ایف آئی آر کے متن کے مطابق کالعدم تنظیم ٹی ٹی پی کے 5 دہشت گرد وں کو نامزد کیا گیا ہے۔
کالعدم تنظیم نےپہلے بھی تھانے کو نشانہ بنانے کی دھمکی دی تھی ،پولیس کی بروقت جوابی کارروائی سے حملہ آور فرار ہوگئے۔

پشاور‘ سٹی ٹریفک پولیس پشاور کی گزشتہ ایک ہفتے کے دوران تجاوزات مافیا کیخلاف مختلف کاروایاں عمل میں لائی ہے،پشاور ٹریفک پولیس کے حکام کے مطابق کارروائیوں کے دوران 398 افراد کے خلاف کارروائی کی ہے، کاورائی میں نو پارکنگ زون کی خلاف ورزیوں پر 1070 موٹر سائیکل مالکان کے خلاف تادیبی کاروائی کی گئی ہے، پولیس کے مطابق یہ کارروائیاں آئی جی پولیس اختر حیات خان کے وژن کے مطابق چیف کیپٹل پولیس سید اشفاق انور اور چیف ٹریفک آفیسر قمر حیات خان کی ہدایت پر کی گئی ہیں سٹی ٹریفک پولیس پشاور کی جانب سے تجاوزات مافیا کو رضا کارانہ طور پر تجاوزات ختم کرنے اور نو پارکنگ زون کی خلاف ورزی نہ کرنے بارے آگاہی کا سلسلہ جاری ہے
چیف ٹریفک پولیس کے مطابق سٹی ٹریفک پولیس پشاور قانونی تقاضوں کو پورا کرتے ہوئے تجاوزات مافیا کو پہلے نوٹسز جاری کرتی ہے‘
تجاوزات مافیا شہر کی خوبصورتی کا خاص خیال رکھتے ہوئے اپنے حدود سے تجاوز نہ کریں اور شہریوں کیلئے کسی قسم کے مشکلات پیدا کرنے سے گریز کریں کیونکہ تجاوزات کی وجہ سے شہر کی خوبصورتی متاثر ہوتی ہے جو کسی صورت قابل قبول نہیں ہے،
ٹریفک پولیس افسر کے مطابق تجاوزات قائم کرنے کے مرتکب افراد کے خلاف سخت سے سخت قانونی کارروائی عمل میں لائی جائیگی اور کسی کے ساتھ کوئی نرمی نہیں برتی جائیگی
چیف ٹریفک آفیسر قمر حیات خان نے شہریوں کو نو پارکنگ زون کی خلاف ورزی نہ کرنے کی اپیل کی ہے جس سے ٹریفک نظام میں خلل سمیت شہریوں کو مشکلات کا سامنا کرنا پڑتا ہےٹریفک حکام ٹریفک قوانین کی خلاف ورزی کرنیوالوں کیخلاف قانون کے مطابق سخت کارروائی عمل میں لائیں‘

پشاور میں میڈیا سے گفتگو کرتے ہوئے گورنر غلام علی نے کہا کہ میرا کسی سیاسی جماعت کے لیڈر کے ساتھ کوئی اختلاف نہیں ہے
انہوں نے کہا کہ عوامی نیشنل پارٹی (اے این پی) خیبر پختونخوا کا صدر ایمل ولی خان مجھ سے چھوٹا اور بھتیجے جیسا ہے۔
غلام علی نے مزید کہا کہ الزامات لگتے رہتے ہیں، میں دعوے سے کہتا ہوں، ایک بھی الزام میں صداقت نہیں۔ان کا کہنا تھا کہ میرے خلاف ایک بھی سفارش سے پوسٹنگ ٹرانسفر ثابت کر دیں، میں سیاست چھوڑ دوں گا۔
گورنر خیبر پختونخوا نے یہ بھی کہا کہ وزیراعظم کی طرح میں بھی ہر وقت عوام کی خدمت میں رہنا فرض سمجھتا ہوں، مجھ پر الزامات لگانے والے دراصل سنی سنائی باتوں پر یقین کرکے بول رہے ہیں۔انہوں نے کہا کہ ن لیگ، اے این پی، پی پی اور دیگر اتحادی جماعتوں کے کارکنوں کو ہمیشہ خوش آمدید کہا ہے۔واضح رہے کہ گورنر کے پی کے پر عوامی نیشنل پارٹی مسلسل عدم اعتماد کا اظہار کر رہی ہے،

کل پشاور میں ہونے والے اساتذہ کرام پر شیلنگ، لاٹھی چارج اور اساتذہ کی گرفتاریوں کے خلاف تنظيم اساتذہ لنڈی کوتل نے خیبر نیکی خیل مارکيٹ کے سامنے ایک احتجاجی مظاہرہ کیا ہے اور اس واقعے کی سختی سے مزمت کی ہے.

پشاور میں اساتذہ کرام پر بدترین شیلنگ جاری!
اساتذہ کرام کا مولانا فضل الرحمن اور نگران حکومت کیخلاف نعرے بازی pic.twitter.com/Ibpku2NHqS

— Khalid Khan Supari (@SupariKhan) July 13, 2023

مظاہرے کی قیادت تنظيم اساتذہ لنڈی کوتل کے صدر شریف اللہ آفریدی نے کی۔ مظاہرین نے نگران حکومت کے اس ظلم کےخلاف نعرے بازی کی ۔ تنظيم اساتذہ کے صدر نے کہا کہ ہم ایس ایس ٹی اساتذہ کے ساتھ شانہ بشانہ کھڑے ہیں اور حکومت سے مطالبہ کرتے ہیں کہ اساتذہ کے مسائل ترجيحی بنیادوں پر حل کریں اور تمام کیڈر کے اساتذہ کو اپگریڈ کریں تاکہ اساتذہ مکمل یکسوٸی کے ساتھ اپنی تدریسی ذمہ داریاں سرانجام دے سکیں۔
مزید یہ بھی پڑھیں؛
بشریٰ بی بی پھنس گئی،بلاوا آ گیا، معافی مشکل
پشاور ہائی کورٹ، سونے کے قیمتوں کے تعین پر سماعت
اسمبلیاں تحلیل کرنے کی بجائے مدت پوری کرنے دینی چاہئے،نیئر بخاری
واشنگٹن پاکستانی سفارتخانے کی پرانی عمارت کس نے خریدی؟
نجی تعلیمی اداروں کو بلا معاوضہ پلاٹ الاٹ کرنے کا فیصلہ
روپیہ کی قدر میں اضافے کو بریک، ڈالر ایک بار پھر مہنگا

خیال رہے کہ اس کے علاوہ خیبرپختونخواہ پشاور میں صوبائی حکومت کی طرف سے ملک معماران اور قوم کے سفید پوش اساتذہ کرام پر لاٹھی چارج اور شیلنگ کی مختلف حلقوں سے شدید مزمت کی گئی ہے اور مطالبہ کیا گیا ہے کہ صوبے میں غیر ائینی گورنر راج کو فوری ختم کیا جائے۔

واضح رہے کہ یہ اساتزہ اپنے حقوق کیلئے احتجاج کررہے تھے جبکہ اس سے قبل پی ٹی آئی حکومت میں بھی انہوں نے متعدد بار احتجاج کیا ہے لیکن نہ تو اس حکومت اور ناہی اب کی بار انہیں حقوق ملے بلکہ الٹا تشد کیا گیا ہے.

پشاور دہشت گردی عدالت میں بھتہ خوری اور دہشت گردوں کی سہولت کاری کے الزام میں گرفتاردو ملزمان کا پیش کیا گیا، عدالت نے دونوں ملزمان کو تفتیش کے لیے پانچ روزہ جسمانی ریمانڈ پر سی ٹی ڈی کے حوالے کردیا ۔
تفتیشی افسر نے عدالت سے استفسار کیا کہ ملزمان لطیف اللہ اور ریاض پر بھتہ خوری اور دہشت گردوں کی سہولت کاری کا الزام ہے ۔اور
ایک ملزم نے سہولت کاری جبکہ دوسرے ساتھی نے افغانستان کے سم پر لوگوں سے بھتہ مانگا ۔ تفتیشی افسر نے مزید کہا کہ
ملزمان نے باجوڑ ، مہمند پشاور سمیت مختلف علاقوں سے بھتہ طلب کیا۔ تفتیشی افسر نے استفسار کیا کہ ملزمان سے تفتیش کی ضرور ہے،
جس پر عدالت نے دونوں ملزمان کو تفتیش کے لیے پانچ روزہ جسمانی ریمانڈ پر سی ٹی ڈی کے حوالے کردیا ۔

گزشتہ 24 گھنٹوں کے دوران ریسکیو1122 پشاور نے 130 ایمرجنسیز کے دوران اپنی خدمات پیش کیں۔ ڈسٹرکٹ ایمرجنسی آفیسر نوید خان کی سربراہی میں گزشتہ 24 گھنٹوں کے دوران پشاور میں 11 روڈ ٹریفک حادثات،114 میڈیکل، 02گولی لگنے یا لڑنے/جھگڑنے کے، 01آگ لگنے کے حادثات پیش آئے۔ ٹریفک حادثات کے دوران 19 افراد زخمی، ٹریفک حادثات کوہاٹ روڈ، چمکنی، جی ٹی روڈ، سینٹر جیل پل، دلہ ذاک روڈ، رنگ روڈ،نحقی اور مختلف مقامات پر رونما ہوئے۔ پشاور شہر میں مسلم اباد گھر میں کچن میں موجود سلنڈر پر آگ لگنے کا واقعہ پیش آیا ، ریسکیو1122 فائر فائٹرز نے پیشہ وارانہ امدادی سرگرمیاں کرتے ہوئے مزید نقصانات سے بچاتے ہوئے آگ پر قابو پایا۔

پشاور ہائی کورٹ میں سونے کی قیمتوں کے تعین کیلئے کیس کی سماعت ہوئی ہے سماعت جسٹس ارشد علی اور جسٹس شاہد خان نے کی
درخواستگزار کی جانب سے نازش علی ایڈووکیٹ عدالت میں پیش ہوئی، عدالت نے وفاقی حکومت اور سٹیٹ بینک کو نوٹس جاری کر کے جواب طلب کر لیا اور پشاور کے مختلف صرافہ ایسوسی ایشنز کو بھی نوٹسز جاری کر دئیے ہے، درخواست گزار نے اسدعا کی کہ بین الاقوامی مارکیٹ کی طرح سونے کی خرید وفروخت کیلئے پالیسی بنائی جائے سونے کے یکسا نرخ کا تعین کیا جائے،نازش علی ایڈووکیٹ نے عدالت سے استدعا کرتے ہوئے کہا کہ عام لوگ کیلئے سونے کی خرید وفروخت کی نرخ میں زیادہ فرق ہوتا ہے،لہذا سونا وزن کیلئے گرام اور ملی گرام کے یونٹ استعمال کریں،وکیل درخواست گزار نے کہا کہ مزدوری و پالش کے کاموں کے نرخ کا تعین کیا جائے،اور سونے کی لیباٹری ٹیسٹ کیلئے سرکاری نظام متعارف کرایا جائے،جس پر عدالت نے فریقین کو نوٹسز جاری کرکے سماعت ملتوی کردی،