Category: پشاور

پاکستان سپر لیگ سے پہلے پشاور زلمی کی دوسرے روز کی پریکٹس خصوصی ٹریننگ کٹ میں جاری ہے۔ٹریننگ کٹ میں خیبر پختون خوا اور پاکستان کے خوبصورت مقامات کو اجاگر کیا گیااورپریکٹس سیشن میں انگلینڈ کے روی بوپارہ بھی شریک تھے۔ پشاور زلمی کے باقی غیر ملکی کرکٹرز سیلف آئسولیشن کے بعدٹیم کو جوائن کرلیں گے۔شعیب ملک, حیدر علی اور عماد بٹ نے بھی پشاور زلمی ٹیم کو جوائن کر لیا باقی ملکی کرکٹرز بھی ان ایکشن۔

حکومت خیبرپختونخوا کا میرٹ و شفافیت کی جانب ایک اور اقدام اٹھانے کا فیصلہ، صوبے میں ریکروٹمنٹ عمل ایک ہی ٹیسٹنگ ایجنسی ہے اس کے حوالے سے اہم فیصلہ کیا گیا ہے۔ معاون اعلیٰ تعلیم کامران بنگش کی زیر صدارت ٹیسٹنگ ایجنسی ایٹا کا جائزہ اجلاس ہوا جس میں ایٹا حکام کی جانب سے مختلف امور و کارکردگی پر بریفنگ دی گئی۔ نیز سیکرٹری ہائیر ایجوکیشن داود خان سمیت ایٹا کے اہلکاروں نے اجلاس میں شرکت کی۔

معاون اعلیٰ تعلیم کامران بنگش کا کہنا ہے کہ صوبے میں ایک ہی ایجنسی کی تحت ریکروٹمنٹ عمل کنڈکٹ پر کام تیز کر دیا ہے۔ ٹیسٹنگ ایجنسی ایٹا کی استعداد کار بڑھانے کے لیے عملی اقدامات اٹھائے گئے ہیں۔ تمام شعبہ جات میں میرٹ و شفافیت کی بالادستی قائم رکھنے کے لیے کوشاں ہیں۔ ریکروٹمنٹ عمل مزید شفاف بنانے کے لیے ایٹا میں اصلاحاتی ایجنڈے پر کام جاری ہے۔ جلد صوبے میں ایک ہی ٹیسٹنگ ایجنسی کی تحت ریکروٹمنٹ کریں گے۔ ایٹا میں افرادی قوت کی کمی پوری کرنے کے لیے  پوزیشنز مشتہر کیے جائیں گے۔ ایٹا نے ستمبر 2020 سے سال کے آخر تک تقریباً دو لاکھ چوبیس ہزار افراد سے ٹیسٹ لیا۔ رواں سال کے جنوری میں ایک لاکھ چالیس ہزاری افراد سے ٹیسٹ لیا گیا۔ کمپیوٹر بیسڈ ٹیسٹنگ عمل پر بھی کام تیز کیا جائے۔ پرائیویٹ ٹیسٹنگ ایجنسیز پر ریکروٹمنٹ کا دارومدار کم کیا جائے۔

تنخواہوں میں اضافہ، حکومت نے ملازمین کو نئی مشکل میں ڈال دیا
وزارت خزانہ نے سرکاری ملازمین کو لالی پاپ دے دیا ہے، یکم مارچ سے گریڈ ایک سے 19 تک کے وفاقی سرکاری ملازمین کو 25 فیصد الاؤنس دینے کا اعلان کردیا مگر یہ الاؤنس صرف ان کو ملے گا جن کی بنیادی تنخواہ میں کبھی بھی 100 فیصد اضافہ نہ ہوا جبکہ ایڈہاک ریلیف اور ٹائم اسکیل گرانٹ پر آئندہ بجٹ میں غور ہوگا۔وفاقی سرکاری ملازمین اور حکومت کے درمیان طے پانیوالے معاہدے کی روشنی میں وزارت خزانہ ملازمین کو ریلیف فراہم کرنے کا اعلان کردیا ہے مگر زیادہ تر مطالبات آئندہ بجٹ میں ماننے کا وعدہ کرلیا ہے۔ وزارت خزانہ کا کہنا ہے کہ سرکاری ملازمین کو تنخواہوں میں 25 فیصد الاؤنس فراہم کیا جائے گا مگر یہ الاؤنس ان ملازمین کو دیا جائے گا جن کی تنخواہوں میں کبھی 100 فیصد اضافہ نہ ہوا ہو گا۔گریڈ 1 سے 19 تک کے ملازمین کی بنیادی تنخواہوں میں 25 فیصد الاؤنس شامل کیا جائے گا جبکہ امتیازی الاؤنس یکم مارچ سے جاری کیا جائے گا۔ وزارت خزانہ کا کہنا ہے کہ خیبر پختونخواہ کی طرز پر یکم مارچ سے گریڈ 1 سے 16 کی پوسٹوں کو اپ گریڈ کیا جائے گا، مگر ٹائم اسکیل گرانٹ پر آئندہ بجٹ میں غور کیا جائے گا۔
یکم جولائی سے ایڈہاک ریلیف کو بنیادی تنخواہ میں شامل کرنے پر غور کیا جائے گا مگر صوبوں کو تنخواہوں میں اضافے کی سفارشات اپنے وسائل سے پورے کرنے کی تجویز دی جائے گی لیکن تنخواہوں میں اضافے کی سمری وفاقی کابینہ میں پیش کی جائے گی۔

تاجر انصاف کا نانبائی ایسوسی ایشن کے عہدیداروں میں راضی نامہ پیش۔اختلافات اور
بقول شاہد خان مسائل مذاکرات اور جرگہ سسٹم ہی کے ذریعے حل کئے جا سکتے ہیں۔ پشاور تاجر انصاف نے نانبائی ایسوسی ایشن کے عہدیداروں میں راضی نامہ کرلیا۔ اس سلسلے میں گزشتہ روز تاجر انصاف چیمبر میں صدر تاجر انصاف شاہد خان‘ میاں سید بادشاہ‘ حاجی رامبیل اور حاجی زرماش کی قیادت میں جرگے کا انعقاد کیا گیا جس میں دونوں فریقین حاجی اقبال اور خائستہ رحمان کے موقف کو سنا گیا اور اختلافات کو باہمی اتفاق رائے سے ختم کردیا اور دونوں فریقین بغلگیر ہو گئے۔ فریقین نے آئندہ ملکر پشاور سمیت صوبے بھر کے نانبائیوں کیلئے کام کرنے کا عہد کیا۔ صدر تاجر انصاف شاہد خان نے اختلافات کے خاتمے پر نانبائی ایسوسی ایشن کے عہدیداروں کو مبارکباد دی اور کہا کہ وہ ملکر پشاور سمیت صوبے بھر میں نابنائیوں کے حقوق کیلئے آواز اٹھائیں اس سلسلے میں تاجر انصاف ان کے ساتھ بھر پور تعاون کرے گی۔ انہوں نے کہا کہ اختلافات اور مسائل مذاکرات اور جرگہ سسٹم ہی کے ذریعے حل کئے جا سکتے ہیں۔ انہوں نے دونوں فریقین کا شکریہ ادا کیا جنہوں نے تاجر انصاف کی قیادت کی موجودگی میں راضی نامہ کرلیا جو تاجر انصاف اور نانبائی ایسوسی ایشن کی اصل کامیابی ہے۔ نانبائی ایسوسی ایشن کے عہدیداروں نے تاجر انصاف پر اعتماد  کا اظہار کیا اور صدر تاجر انصاف شاہد خان کو ہر قسم کے تعاون کی یقین دہانی کرائی ۔

سٹی ٹریفک پولیس پشاور چیف ٹریفک آفیسر عباس مجید خان مروت کا ون ویز پوائنٹس اور ٹائر بلاسٹرز کا جائزہ لینے کیلئے مختلف سیکٹرز نے دورہ کیا۔
ٹائر بلاسٹرز کو نقصان پہنچانے والوں کے خلاف سخت قانونی کارروائی عمل میں لانے کی مختلف سیکٹرز کے دوروں کے موقع پر حکام کو ہدایت دی گئی۔
چیف ٹریفک آفیسر عباس مجید خان مروت نے شہر میں مختلف مقامات پر ون ویز پوائنٹس اور ٹائر بلاسٹرز کا جائزہ لینے کے لئے مختلف سیکٹرز کا دورہ کیا۔ تفصیلات کے مطابق چیف ٹریفک آفیسر عباس مجید خان نے گزشتہ روز شہر میں ٹریفک کی روانی یقینی بنانے کے لئے شہر کے مختلف ون ویز پوائنٹس کا دورہ کیا اور دورے کے دوران پوائنٹس پر موجود اہلکاروں سے ملے اور ٹریفک کی روانی کا جائزہ لیا اور انہیں بغیر کسی تعطل کے ٹریفک روانی یقینی بنانے کے حوالے سے ہدایات جاری کیں۔ اسی طرح چیف ٹریفک آفیسر عباس مجید خان مروت نے شہر کے مختلف علاقوں میں قائم ٹائر بلاسٹرز کا بھی جائزہ لیا اور ٹریفک حکام کو ہدایت کی کہ وہ مختلف اوقات میں ٹائر بلاسٹرز کی دیکھ بھال کریں تاکہ اس کو شہریوں یا ٹریفک میں خلل ڈالنے والوں کی طرف سے کسی قسم کا نقصان نہ پہنچایا جائے اور ٹریفک کی روانی بلا تعطل جاری رہے۔ انہوں نے ٹریفک حکام کو ہدایت کی کہ ٹائر بلاسٹرز کو نقصان پہنچانے والوں کے خلاف قانون کے مطابق سخت کارروائی عمل میں لائی جائے۔