Category: پشاور

(ضلع خیبر سے مینہ وال شینواری ) تعلیمی ادارے کیا کھلے ، طلبہ نے نت نئے مطالبات کرنے شروع کر دیے ، طلباء نے کالج کو ہی تالہ بندی پہ لگا دیا،

باڑہ گورنمنٹ ٹیکنیکل کالج ڈوگرہ کو طلباء نے احتجاجاً گیٹ بند کردیا ہے کسی کو بھی اندار جانے کی اجازت نہیں دی جارہی ہے، طلباء مظاہرین نے کہا کہ کالج میں ہماری لئے کوئی سہولیات موجود نہیں ہے نہ کالج میں لیبارٹری نہ پریکٹیکل کے لئے کوئی سامان موجود ہے ۔پرنسپل کالج میں بلکل نہیں آتے اور نہ ہم نے ان کو دیکھا ہےیہاں تک کہ نام سنا ہے ۔

تعلیمی سہولیات کا فقدان طلباء نے نئے مطالبات سامنے رکھ دیے ساتھ ہی کالج کی سرگرمیوں کو بھی معطل کر دیا ، باڑہ کے ٹیکنیکل کالج کا سامان جمرود ٹیکنیکل کالج میں موجود ہے اور ہمارا پرنسپل بھی جمرود میں بیٹھ جاتا ہے ۔انہوں نے مزید کہا کہ کالج میں ہمیں پریکٹیکل کے سامان اور لیبارٹری مہیا کی جائے اگر ہمارے مطالبات پر غور نہیں کیا گیا تو کالج کے ساتھ خیبر چوک بھی بند کردینگے۔

گائنی وارڈز میں موبائل فون لے جانے پر پابندی کیوں لگی؟
باغی ٹی وی کی رپورٹ کے مطابق خیبرپختونخوا کے اسپتالوں میں گائنی وارڈز میں موبائل فون لے جانے پر پابندی عائد کر دی گئی

محکمہ صحت کے مطابق لیبرروم اور آپریشن تھیٹر میں بھی الیکٹرانک ڈیوائس کے استعمال پرپابندی عائد کر دی گئی ہے،گائنی وارڈ میں تصویر اور ویڈیو بنانے کی اجازت نہیں ہوگی محکمہ صحت خیبرپختونخوا نے تمام اسپتالوں کو مراسلہ جاری کردیاپابندی کا اطلاق طبی عملے اور تیماداروں دونوں پر ہوگا ،

صوابی کے شاہ منصور میڈیکل کمپلیکس کے گائنی وارڈ کی تصویریں سوشل میڈیا پر وائرل ہوئی تھیں جس میں گائنی وارڈ کے ساتھ آوارہ کتوں کا راج تھا ، مریضوں کیساتھ لواحقین کو مشکلات کا سامنا کرنا پڑتا تھا، تصویریں وائرل ہونے کے بعد حکومت نے پابندی لگائی ہے

خیبر: قبائلی ضلع خیبر کے نوجوانوں کے لئے بھی فرنٹیئر کور نارتھ اور سول انتظامیہ کی جانب سے “پاکستان سپورٹس فیسٹیول” کے نام سے کھیلوں کا میگا ایونٹ منعقد کیا جا رہا ہے۔ایف سی ذرائع کے مطابق فرنٹیئر کور کے پی نارتھ کی جانب سے چھ تحصیلوں میں، جن میں باڑہ، لنڈیکوتل، ملاگوری، جمرود، بازار ذخہ خیل اور تیراہ شامل ہیں، 7 فروری سے جمرود میں مقابلے منعقد ہوں گے، ونر ٹیمیں بعد ازاں ضلع کی سطح پر مدمقابل ہوں گی۔

ان مقابلوں میں پہلے مرحلے میں پانچ گیمز میں، جن میں کرکٹ، والی بال، بیڈمینٹن، فٹبال اور باسکٹ بال شامل ہیں، کے مقابلے ہوں گے جن میں مجموعی طور پر کرکٹ کی 72،فٹبال کی 64،والی بال کی 52،باسکٹ بال کی 8، بیڈمنٹن کی 16 ٹیمیں اور 2 ہزار3 سو 12 کھلاڑی حصہ لیں گے، ونر ٹیموں کو بڑی تعداد میں انعامات دیئے جائیں گے۔

ذرائع کے مطابق یہ سپورٹس فیسٹیول ایف سی کے پی نارتھ، سول انتظامیہ خیبر، محکمہ کھیل اور مقامی سطح پر کھیلوں کی تنظیموں کے زیرنگرانی منعقد کیا جائے گا جس میں ٹیلینڈ کھلاڑیوں کو آگے لایا جا سکے گا جو کہ ملکی اور بین الاقوامی سطح پر مقابلوں کیلئے تیار ہو کر ملک و قوم کا نام روشن کریں گے۔

خواہش مند سپورٹس ٹیمیں اپنی رجسٹریشن سپورٹس ڈیپارٹمنٹ کے ساتھ کروا کر مقابلوں میں حصہ لے سکتی ہیں، اس فیسٹیول کی گرینڈ سرمنی 7 فروری کو جمرود سپورٹس گراونڈ میں ہو گی جبکہ اختتامی پروگرام 23 مارچ کو جمرود میں ہی ڈھیر سارے انعامات کے ساتھ ہو گا اور کامیاب کھلاڑیوں کو ملکی سطح پر کھیلنے کا موقع دیا جائے گا۔

( مینہ وال شینواری ، رپورٹر باغی ٹی وی ) دوسری جانب ڈسٹرکٹ خیبر پختونخوا کےضلع جمرود کے علاقہ ولومیلہ میں پہاڑی تودہ گرنے سے ایک شخص شدید زخمی ہوگیا، ریسکیو 1122 کو اطلاع موصول ہوتے ہی میڈیکل ٹیم موقعے پر پہنچ گئی اور زخمی کو ابتدائی طبی امداد فراہم کرکے حیات آباد میڈیکل کمپلیکس منتقل کردیا۔
ڈسٹرکٹ ایمرجنسی آفیسر ملک اشفاق حسین کے مطابق کہ زخمی کی حالت نازک ہے

وزیراعظم کی معاون خصوصی ثانیہ نشترکادورہ ضلع خیبر جمرود دورہ کے موقع پر وزیراعظم کے معاون خصوصی برائے تخفیف غربت ثانیہ نچشتر جمرود ہسپتال کا بھی دورہ کیا

ڈسٹرکٹ خیبر سے مینہ وال شینواری ، معاون خصوصی کے ہمراہ عالمی ادارہ صحت ؛ ورلڈ بینک اور ایشین ڈیولپمنٹ بین کے وفود بھی ہمراہ تھے، احساس نشمونما پروگرام سے ہزاروں خواتین مستفید ہوتی ہیں ، دورہ کے موقع پر وزیر اعظم کی معاون خصوصی ثانیہ نشتر نے میڈیا سے گفتگو کر تے ہوئے کہا کہ حاملہ خواتین اور نوزائدبچوں میں غذائی قلت کا مسلہ ہے،

عالمی مالیاتی اداروں نے پروگرام کی شفافیت پر اطمینان کا اظہارکیاہے، احساس پروگرام کے اخراجات اپنے بجٹ سے فراہم کرتے ہیں، ثانیہ نشتر نے مزید کہا کہ عالمی اداروں نے بھی احساس نشونما پروگرام میں دلچسپی ظاہر کی ہے، اس موقع پر ان کے ہمراہ وفاقی وزیر برائے مذہبی امور پیرنورالحق قادری کے ایڈوائزر امیر محمد خان آفریدی ڈپٹی کمشنر محمود اسلم وزیر پاکستان تحریک انصاف کے سینئر رہنماء حاجی جمال آفریدی اور دیگر آفیسرز بھی موجود تھے

طورخم بارڈر اقبال پوسٹ میں کھانا تیار کرنے دوران پریشر ککر پھٹنے سے ایف سی سیکورٹی فورسز کے چار جوان زخمی ہوگئے

مینہ وال شینواری ، طورخم بارڈر اقبال پوسٹ پر کھانا پکانے کے دوران مبینہ طور پر پریشر ککر پھٹنے سے چار ایف سی سیکورٹی فورسز کے جوان لائس نائک صبور. سپاہی زبیر. سپاہی زاہداللہ. سپاہی اضغر علی زخمی ہوگئے واقعہ کے بعد زخمی اہلکاروں کو طبی امداد کے لئے لنڈی کوتل سی ایم ایچ ہسپتال منتقل کردیا گیا جہاں سے تمام زخمیوں کو پشاور سی ایم ایچ منتقل کیا گیا جہاں ان کا علاج جاری ہے

وزیر اعلیٰ خیبر پختونخواہ کے دورہ کے موقع پر میڈیا کو دور رکھنے کی کوشش

باغی ٹی وی کی رپورٹ کے مطابق ڈیرہ اسماعیل خان میں وزیر اعلیٰ خیبر پختونخواہ کے دورہ کے موقع پر میڈیا کو دور رکھنے کی کوشش کی گئی ہے

انصاف صحت کارڈ کی افتتاحی تقریب میں وزیر اعلیٰ شریک ہو رہے ہیں ، میڈیا کا داخلہ ممنوع کر دیا گیا ہے،سرکٹ ہائوس میں منعقدہ انصاف صحت کارڈ فراہمی تقریب میں میڈیا کو نہیں بلایا گیا ،ضلعی انتظامیہ اور مقامی سیاسی قیادت کی جانب سے میڈیا کو دعوت تک نہیں دی گئی

وزیر اعلیٰ محمود خان کی خواہش یا انتظامیہ کی منشا سے انہیں دور رکھا جا رہا ہے ٗ کوئی بتانے سے قاصرہے ،ضلعی انتظامیہ اور پی ٹی آئی کی قیادت کے رویہ کے خلاف صحافی تنظیموں کا اظہار ناراضی کی گئی

وزیر اعلی خیبر پختونخوا محمود خان آج ڈیرہ اسماعیل خان اور ٹانک کا ایک روزہ دورہ کریں گے۔ وفاقی وزیر علی امین گںنڈاپور اور صوبائی وزراء بھی ہمراہ ہونگے۔ وزیر اعلی جنوبی اضلاع کی سو فیصد آبادی کو صحت کارڈ پلس کی فراہمی کا اجراء کریں گے۔

وزیر اعلی ٹانک میں بیوٹیفیکشن پراجیکٹ کا بھی افتتاح کریں گے۔ وزیر اعلی جنوبی اضلاع کے قدیم سیاحتی مقام شیخ بدین تک رابطہ سڑک کے منصوبے کا بھی افتتاح کریں گے۔ وزیر اعلی صحت کارڈ پلس کے اجراء کے سلسلے میں تقریب سے بھی خطاب کریں۔