باچا خان ایئر پورٹ پر موبائل سمگلنگ کی کوشش ناکام بنا دی گئی
باغی ٹی وی کی رپورٹ کے مطابق باچا خان ایئر پورٹ پر سی اے اے نے موبائل سمگلنگ کی کوشش ناکام بنا دی گئی،ایف آئی اے کی مدد سے مسافر کو حراست میں لے لیاگیا۔
ایئر پورٹ ذرائع کا کہنا ہے کہ مسافر ذیشان علی پرواز جی 9554 کے ذریعے شارجہ سے پشاور پہنچا تھا،مسافر جان بوجھ کر کنویئر بیلٹ کے پاس اپنا بیگ چھوڑ گیا تھا، سی اے اے عملے نے بیگ کی تلاشی تو103 قیمتی موبائل موجود تھے ۔
سی اے اے نے ایف آئی اے کی مدد سے مسافرکو حراست میں لے لیا،مسافر کو تفتیش اور قانونی کارروائی کیلئے کسٹمز کے حوالے کردیا گیا۔ مسافر سے مزید تحقیقات جاری ہیں،
قبل ازیں کراچی ایئر وپرٹ پر دبئی سے آنے والے دو مسافروں کو گھڑیاں ، سیل فونز ،چشمے اور دیگر الیکٹرانک اشیاء سمیت ایک کروڑ سے زیادہ مالیت کے تجارتی سامان کے ساتھ پکڑا گیا ہے۔ اس سامان کو مسافروں کے بیگز میںدیکھا گیا تھا اور اگر اسے روکا نہ گیا تو اس سے قومی خزانے کو لاکھوں روپے کا نقصان ہوسکتا ہے۔ ایف آئی آر درج کروائی گئی اور دونوں مسافروں کو گرفتار کرلیا گیا ہے۔
کسٹم کراچی ائیرپورٹ کے ڈرگ انفورسمنٹ سیل کے ذریعہ انٹرنیشنل میل آفس کراچی میں 18 قدیم سکوں کو قبضے میںلیا گیا ہے ۔ان میں ایک پارسل نارتھ ناظم آباد کراچی سے برازیل کے لئے بک کیا گیا تھا۔ طرح کے 7 قدیم سکوں کو ضبط کیا گیا . مہینہ پہلے ان سکوں میں سے 5 کو باہر جانے سے روکا گیا جو کہ آثار قدیمہ اور عجائب گھر کے محکمہ کے ذریعہ (دوسری اور چوتھی صدی عیسوی کے درمیان) اور 2 عہد اسلامیہ کے دور کے تھے ۔ اس بات کا امکان ہے کہ قیمتی نوادرات کے اثاثوں کو پاکستان سے باہر اسمگل کرنے میں ایک منظم گروہ ملوث ہے۔اسی طرح کے ایک کیس میں خلافت عثمانیہ کے 10 قدیم کرنسی سکوں کو کسٹم کراچی ایئر پورٹ کے عملہ نے لاہور سے ترکی کے لئے بک کرائے گئے بین الاقوامی میل آفس کراچی میں پکڑ لیا تھا ۔ دونوں واقعات میں مقدمات در ج کر لیے گئے اور اس نیٹ ورک کا پتہ لگانے کے لئے تحقیقات جاری ہیں
