Category: پشاور

عید سے قبل ایف سی کی جانب سے مستحق خاندانوں میں راشن تقسیم

باغی ٹی وی کی رپورٹ کے مطابق ڈیرہ اسماعیل خان کی تحصیل کلاچی میں عیدالفطر کے موقع پر ایف سی ساوتھ کی جانب سے لاک ڈاون سے متاثرہ 300 مستحق خاندانوں میں گھر گھر جاکر راشن کی تقسیم کر دیا گیا

عیدالفطر کے موقع پر ایف سی ساوتھ کی جانب سے لاک ڈاون سے متاثرہ دیہاڑی دار ، مزدور ، بیواوں ، یتیموں کے ساتھ ساتھ نادار افراد کو گھر گھر جاکر راشن پیک فراہم کیے گئے ۔

اس سے پہلے بھی پاک فوج لاک ڈاون کے دوران متعدد بار متاثرہ افراد میں راشن تقسیم کر چکے ہیں ۔راشن تقسیم کے دوران کرونا وائریس سے بچاو کے مروجہ قوانین پر عمل درآمد کیا گیا۔عیدالفطر کے موقع پر خصوصی طور پر مزدور طبقہ ،بیواوں ،یتیموں اور نادار افراد کی مشکلات کا ادراک کرتے ہوئے ان میں راشن تقسیم کیا گیا ۔

اس موقع پر مستحقین میں شامل ایک بیوہ کا کہناتھا کہ میرے گھر میں کمانے والا کوئی نہیں ہے ایف سی ساوتھ کا اللہ بھلا کرے۔مزدور طبقے کا کہنا تھا عید کی آمد ہے نہ دیہاڑی ہے نہ کاروبار ہے پاک فوج نے راشن دیا ہے ان کا احسان ہے لاک ڈاون کی وجہ سے مزدوری نہیں ہے بہت مشکل حالات ہیں پاک فوج کے انتہائی مشکور ہیں انہوں نے ہماری مدد کی ۔

خصوصی افراد کا کہنا تھاکہ ہم بہت مشکلات کا شکار ہیں ایف سی ساوتھ نے مدد کی ہے اور ہم معذروں کا خیال رکھا ہے ۔

باغی ٹی وی کی رپورٹ کے مطابق ختم نبوت کے عقیدے پر اس موجودہ حکومت کا ایک اور ڈاکہ سامنے آیا ہے

چوتھی کلاس کی پشاور بورڈ کی اسلامیات کی کتاب ہے، نئی کتابیں آئی ہیں اس میں چھ نمبر سوال میں‌ پرانی کتاب میں لکھا ہے کہ آخری پیغمبر کون ہے، عقیدہ ختم نبوت سے کیا مراد ہے، یہ چھٹا نمبر سوال نئی کتاب میں ختم کر دیا گیا ہے

پرانی کتاب میں لکھا ہے کہ جو شخص نبی کریم صلی اللہ علیہ وسلم کو آخری پیغمبر نہیں مانتا وہ مسلمان نہیں ہو سکتا،اگر کوئی آپ کے بعد نبوت اک دعویٰ کرتا ہے تو وہ جھوٹا اور اسلام سے خارج ہے،

یہی پیرا گراف نئی کتاب میں ختم کر دیا گیا ہے،

https://twitter.com/Naveed_Ahmad_A/status/1263526588257390597?s=08

شہریوں نے اپیل کی ہے کہ کتاب سے عقیدہ ختم نبوت کے بارے میں سوال ختم کرنے والوں کے خلاف ایکشن لیا جائے اور انکے خلاف کاروائی کی جائے، ہم عقیدہ ختم نبوت پر کسی صورت کمپرو مائیز نہیں کر سکتے،

قادیانی آئین کی خلاف ورزی اور توہین عدالت کا مسلسل ارتکاب کر رہے ہیں، حافظ عاکف سعید

چیئرمین ٹیکسٹ بک بورڈ خیبرپختونخوا کی جانب سے سوشل میڈیا پر درجہ چہارم اسلامیات کی کتاب کے حوالے سے چلنے والی ویڈیو کےبارے میں وضاحتی بیان آیا ہے، جس میں کہا گیا ہے کہ جب غلطیوں‌کی نشاندہی کی گئی تو اضلاع سے کتابوں کو واپس منگوا لیا گیا اور صحیح کتابیں بھجوائیں گئیں، جو ہوا وہ غلط ہوا، امسال درجہ چہارم کی اسلامیات کی کتاب میں کوئی غلطی نہیں ہے۔

کابینہ کے کتنے اراکین نے اقلیتی کمیشن میں قادیانیوں کی شمولیت کی حمایت کی تھی؟ وزیر مذہبی امور بول پڑے

باغی ٹی وی کی رپورٹ کے مطابق وزیراعلیٰ خیبر پختونخواہ کے معاون خصوصی کامران بنگش نے کہا ہے کہ بی آر ٹی کے معاملے پر عوام کو سرپرائز دیں گے،

کامران بنگش کا کہنا تھا کہ بی آر ٹی کے افتتاح سے متعلق جلد وزیراعلیٰ تاریخ دیں گے،منصوبے پر کام کرنے والی کمپنی کا دعوی ٰدرست ہے، کچھ کام باقی ہے،پی آر ٹی سے متعلق میں نے کبھی تاریخیں نہیں دیں،منصوبے سے متعلق ایک حتمی تاریخ دوں گا وہی حتمی ہوگی،

کامران بنگش کا مزید کہنا تھا کہ الیکشن کمیشن نے صرف حلقہ بندیوں کے لیے رولز بنانے سے متعلق اعتراض کیا تھا،ہم نے رولز تیار کرکے الیکشن کمیشن میں جمع کرادی ہیں، بلدیاتی انتخابات صوبے میں 2حصوں میں منعقد ہوں گے

پشاور بی آر ٹی پل سے لوہے کی بھاری پلیٹیں گاڑی پر گرگئیں

بی آر ٹی منصوبہ، تحقیقات کے خلاف خیبر پختونخواہ حکومت نے بڑا قدم اٹھا لیا

بی آر ٹی بنانے والی کمپنی نے کام مکمل ہونے کا دعویٰ کیا ہے، کنسٹرکشن کمپنی کا کہنا ہے کہ کام مکمل ہو چکا ہے، سٹیشن پر جو کام تھا وہ بھی مکمل کر دیا گیا ہے، اب یہ منصوبہ انسپیکشن کمیشن کے حوالہ ہو گا جس کے بعد اسے عوام کے لئے کھولا جائے گا

ایک قدم آگے تو 2 قدم پیچھے والی مثال صادق آتی ہے، بی آر ٹی منصوبہ کیس پر سپریم کورٹ کے ریمارکس

وزیرستان میں نازیبا ویڈیو وائرل ہونے پر دو لڑکیاں غیرت کے نام پر قتل

باغی ٹی وی صوبہ خیبر پختونخوا کے ضلع شمالی وزیرستان میں صرف بوس کنار پر دو لڑکیوں‌کو موت کے گھاٹ اتا دیا گیا .

اس واقعے کے متعلق مقامی پولیس کا کہنا تھا کہ دونوں لڑکیوں کو ایک لڑکے کے ساتھ بوس و کنار کی ویڈیو سوشل میڈیا پر وائرل ہونے کے بعد قتل کیا گیا۔ تقریباً 52 سیکنڈز پر مشتمل ویڈیو میں ایک نوجوان لڑکے کے دائیں بائیں تین سیاہ برقع پوش لڑکیاں نظر آ تی ہیں۔ لڑکاان لڑکیوں کے ساتھ باتوں باتوں میں بوس وکنار شروع کر دیتا ہے جبکہ تیسری لڑکی بھاگ نکلنے میں کامیاب ہو جاتی ہے .

اس واقعے کے رد عمل میں ویمن ڈیموکریٹک فرنٹ (ڈبلیو ڈی ایف) نامی تنظیم نے اتوار کو ایک پریس ریلیز میں اس واقعے پر شدید ردعمل ظاہر کرتے ہوئے قتل ہونے والی لڑکیوں کے لیے انصاف کا مطالبہ کیا ہے۔ڈبلیو ڈی ایف کی عہدے داروں عالیہ بخشال، عصمت شاہ جہاں، ممتاز تاجک اور نرگس خٹک نے اپنے بیان میں مزید کہا کہ حکمران طبقہ کتنی آسانی سے خواتین کے خلاف ہونے والےایسے پر تشدد واقعات کی بڑی تعداد کو نظر انداز کر دیتا ہے۔اس تنظیم نے حکومت پر تنقید کرتے ہوئے ان کو بھی ذمہ دار ٹھہرایا ہے .

تنظیم نے الزام لگایا ہے کہ انہوں نے کہا کہ لڑکیوں کو قتل کرنے پر اکسانے والے علاقے کے طاقت ور لوگوں کو حکومتی پشت پناہی حاصل ہے۔ ڈبلیو ڈی ایف نے مطالبہ کی اہے کہ قاتلوں، قتل پر اکسانے والوں اور ویڈیو لیک کرنے والے شخص کو گرفتار کر کے سزا دی جائے .

پولیس کے ایک سینیئر افسر نے انڈپینڈنٹ اردو کو بتایا کہ ان لڑکیوں کا تعلق جنوبی وزیرستان سے تھا اور وہ کچھ عرصہ قبل وزیرستان کے مختلف علاقوں میں سکیورٹی فورسز کی کارروائیوں کی وجہ سے شمالی وزیرستان کے علاقے شام پلین گڑیوم منتقل ہوگئی تھیں۔ افسر کے مطابق شام پلین گڑیوم کے ‘ع’ نامی لڑکے کے ساتھ ان لڑکیوں کی جان پہچان بنی تھی۔ ویڈیو میں یہ نوجوان ان لڑکیوں سے پشتو میں پوچھتا ہے کہ وہ کس مقصد کے لیے آئی ہیں، جس پر ایک لڑکی نے جواب دیا کہ وہ ایسے ہی آئی ہیں.
واضح رہے کہ صوبہ خیبر پختونخواہ میں عموما ایک شدت پسند اور روایات پر سختی سے عمل کرنے والا معاشرہ ہے جہاں‌ غیرت کے نام پر اور اس طرح کے معمالات میں‌سخت رد عمل دکھایا جاتا ہے . غیر کے نام پر اگرچہ دیگر علاقون میں قتل کے واقعات ہوتے رہتے ہیں ، لیکن صرف ویڈیوں پر بوس و کنار سے ایسا معاملہ سامنے آنے پر قتل کرنا ایک منفرد مسئلہ ہے .

پاکستان کے بڑے شہر میں دھماکا، متعدد افراد زخمی
باغی ٹی وی کی رپورٹ کے مطابق خیبر پختونخواہ کے صوبائی دارالحکومت پشاور میں دھماکا ہوا ہے جس کے نتیجے میں 3 افراد زخمی ہو گئے ہیں

اطلاع پر پولیس، ریسکیو کی ٹیمیں موقع پر پہنچ گئیں، پولیس کے مطابق پشاور کے علاقے اشرف روڈ میں دیسی ساختہ باروی مواد کا دھماکہ ہوا جس کے نتیجے میں 2 ٹریفک اہلکار اور ایک دکاندار زخمی ہوا، رسیکیو‌ٹیموں نے زخمیوں کو فوری طور پر لیڈی ریڈنگ ہسپتال منتقل کیا گیا جہاں ان کی حالت خطرے سے باہر ہے

بم ڈسپوزل اسکواڈ کی ٹیم بھی جائے وقوعہ پر پہپنچی اور معائنہ کیا، بم ڈسپوزل اسکواڈ کے مطابق دھماکے میں 2 کلو گرام دیسی ساختہ بارود استعمال کیا گیا، دھماکہ ریمورٹ کنٹرول کے ذریعے کیا گیا،

دھماکے بعد سیکیورٹی اداروں نے علاقے کو گھیرے میں لیکر سیل کر دیا، علاقے میں سیکورٹی سخت کر دی گئی ، دھماکے سے 3 موٹر سائیکلوں کو بھی نقصان پہنچا۔ جائے وقوعہ پر پولیس کی بھاری نفری تعینات کر دی گئی

باغی ٹی وی کی رپورٹ کے مطابق شمالی وزیرستان میں پولیس کی ایک سالہ کارکردگی کی رپورٹ جاری کر دی گئی ڈی پی او کا کہنا ہے کہ شمالی وزیرستان پولیس نے ایک سال کے دوران بہترین کارکردگی کا مظاہرہ کیا

ڈی پی او شفیع اللہ گنڈاپور کا کہنا ہے کہ شمالی وزیرستان میں ایک سال کے دوران مختلف نوعیت کے 156 مقدمات رجسٹرڈ ہوئے۔ انہوں نے کہا کہ نامزد 384 ملزمان میں سے 293 گرفتار ہوئے اور پولیس نے امن و امان کے قیام کے ساتھ ساتھ منشیات کی بیخ کنی کیلئے بھی ضروری اقدامات اٹھائے

شفیع اللہ گنڈاپور نے کہا کہ سیکیورٹی فورسز کی مختلف کارروائیوں میں 84 ہزار گرام چرس اور سینکڑوں لیٹر شراب برآمد کر کے درجنوں ملزمان گرفتار کئے۔ مختلف کارروائیوں میں 12 کلاشنکوف،12 رائفل، متعدد پستول اور اور بڑی تعداد میں کارتوس بھی برآمد کئے گئے۔

شمالی وزیرستان میں آئی جی ثناء اللہ عباسی کے احکامات کی روشنی میں 3 ہزار پولیس فورس قیام امن کیلئے جانفشانی سے کام کررہی ہے علاوہ ازیں شمالی وزیرستان میں کورونا وائرس پر قابو پانے کے لئے 2500 اہلکار تعینات ہیں۔ شمالی وزیرستان میں پولیس اور آرمی عوام کے ساتھ ملکر علاقے کی ترقی میں بڑھ چڑھ کر حصہ لے رہی ہے اور پولیس فورس کو مزید مضبوط کرنے کیلئے تمام ضروری وسائل بروئے کار لائے جارہے ہیں