Baaghi TV

Category: پشاور

  • وادی کاغان میں سیاحت کے فروغ کیلئے اربوں روپے کی منظوری

    وادی کاغان میں سیاحت کے فروغ کیلئے اربوں روپے کی منظوری

    بالاکوٹ (اے پی پی) وادی کاغان میں سیاحت کے فروغ کے لیے 3 سڑکوں کی تعمیر و مرمت کے لیے 24 ارب روپے کے فنڈز کی منظوری دیدی گئی ہے.

    تفصیلات کے مطابق وادی کاغان میں سیاحت کے فروغ کے لیے صوبائی وزیر سیاحت محمد عاطف خان نے3 سڑکوں کی تعمیر و مرمت کے لیے مجموعی طور پر 24 ارب روپے کے فنڈزکی منظوری دی گئی ہے، سڑک کی تعمیر سے نئے متعارف ہونے والے سیاحتی مقامات وادی منور اور وادی گھنول میں سیاحت کے نئے دور کا آغاز ہو گا، دونوں مقامات حسین وادیوں کے باوجود سڑک نہ ہونے سے ٹورازم انڈسٹری میں پیچھے تھے، اس منظوری کے بعد اب وادی منور اور گھنول کے علاوہ شوگراں سڑک کی بھی دوبارہ مرمت کی جائے گی، سڑکوں کی اس کوریڈور کی تعمیر سے وادی میں سیاحت کے نئے دور کا آغاز ہو گا۔ ذرائع کے مطابق وادی منور کے لیے 16 کلومیٹر، وادی گھنول میں پپرنگ روڈ 9 کلومیٹر جبکہ شوگراں میں 10 کلومیٹر سڑک کو تعمیر کیا جائے گا جس سے سیاحوں کو وادی کاغان کی حسین وادیوں کے چھپے مناظر دیکھنے کا موقع ملے گا۔

    واضح رہے کہ صوبائی وزیر سیاحت عاطف خان خود بھی ممبر صوبائی اسمبلی سید احمد حسین شاہ کی دعوت پر وادی کاغان کا دورہ کر چکے ہیں اور اپنے دورہ کے دوران ہی انہوں نے سڑکوں کی تعمیر کا وعدہ کیا تھا جسے اب عملی جامع پہنایا جا رہا ہے۔

  • مردان میں پولیس کا کریک ڈاؤن

    مردان میں پولیس کا کریک ڈاؤن

    مردان (اے پی پی) مردان میں پولیس نے کریک ڈاﺅن کرتے ہوئے قتل کے مقدمے میں مطلوب مجرم کو گرفتار کرلیا.

    تفصیلات کے مطابق مردان پولیس کا مجرمان اشتہاری اور جرائم پیشہ عناصر کے خلاف کریک ڈاون جاری ہے، 20 دن قبل رستم میں نوجوان کو قتل کرنے والا مجرم گرفتار کرلیا گیا ہے۔ ڈی پی او سجاد خان کے جاری کردہ خصوصی احکامات کے پیش نظر ایس ایچ او تھانہ رستم مدثر خان ہمراہ ٹیم نے مجرمان اشتہاریوں کے خلاف جاری مہم کے دوران کامیاب کارروائی کرتے ہوئے قتل کے مقدمے میں رستم پولیس کو مطلوب مجرم عامر ولد عبداللہ شاہ کو گرفتار کیا. عامر نے گزشتہ ماہ 18 سالہ نوجوان طارق شاہ کو قتل کیا تھا جبکہ اس کا دوسرا ساتھی آمین سید ولد محمد ساکن کی تلاش ابھی جاری ہے.

  • خیبرپختونخواہ میں پولیو ، شوکت یوسفزئی نے اہم اعلان کر دیا

    خیبرپختونخواہ میں پولیو ، شوکت یوسفزئی نے اہم اعلان کر دیا

    خیبر پختونخواہ کے صوبائی وزیر اطلاعات شوکت یوسفزئی نے کہا ہے کہ فیصلہ کیا ہے کہ دہشتگردی کی طرح پولیو کا خاتمہ کیا جائے گا

    خیبر پختونخواہ میں پولیو کے بڑھتے ہوئے کیسز، حکومت نے بڑا فیصلہ کر لیا

    بنوں میں پولیو کا ایک اور کیس، انسداد پولیو مہم جاری

    باغی ٹی وی کی رپورٹ کے مطابق خیبر پختونخواہ کے صوبائی وزیر اطلاعات شوکت یوسفزئی کا کہنا ہے کہا کہ پشاور اور بنوں میں پولیو وائرس کی وجہ افغانستان سے لوگوں کا آنا اور جانا ہے،پولیو بھی ایک بہت بڑی دہشتگردی ہے،اسکے خاتمے کیلیے سخت اقدامات کی ضرورت ہے،جو لوگوں کو گمراہ کر رہے ہیں ان پر حکومت نظر رکھے ہوئے ہے .

    دوسری جانب وزیراعظم عمران خان نے خیبر پختونخوا میں پولیو وائرس بے قابو ہونے پر نوٹس لے کر ہنگامی اجلاس طلب کرلیا۔ اجلاس بدھ کو ہو گا جس میں وزیراعظم کے معاون برائے پولیو بابر بن عطا بریفنگ دیں گے.

    بنوں ڈویژن کو پولیوسے متاثرہ علاقوں میں خطرناک ترین ڈویژن قرار دیا گیا ہے۔وزیراعظم عمران خان کے معاون خصوصی برائے انسداد پولیو بابرعطا نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ شمالی وزیرستان، لکی مروت اور بنوں میں پولیو کا تیزی سے پھیلنا تشویشناک ہے، مقامی افراد سمیت ہمارا اسٹاف بھی انسداد پولیو مہم کی راہ میں رکاوٹ بنا ہواہے جسے فوری طورپر روکنا ہے۔

    خیبر پختونخواہ میں انسداد پولیو مہم میں رکاوٹ پولیو سٹاف بن گیا

    پولیو مہم کے خلاف پروپیگنڈہ، سات تعلیمی اداروں کے خلاف کاروائی

    سوشل میڈیا پر پولیو مخالف مواد، کتنے اکاونٹس بند ہوئے، حیران کن خبر

    واضح رہے کہ وزیراعلیٰ خیبر پختونخواہ کی زیر صدارت چند روز قبل اجلاس ہوا جس میں وزیراعظم کے معاون برائے پولیو بابربن عطا نے بھی شرکت کی. اجلاس میں پولیو پر قابو پانے کے لیئے ہنگامی اقدامات کا فیصلہ کیا گیا. اجلاس میں فیصلہ کیا گیا کہ ڈی ایچ او لکی مروت اور ڈی ایچ او بنوں سمیت متعدد کو معطل کیا جائے گا جن کی ناقص کارکردگی سامنے آئی ہے. اجلاس میں فیصلہ کیا گیا کہ پولیومہمات کے دوران محکمہ صحت کےاختیارات کمشنرزکو دئیے جائیں گے. آئندہ پولیومہم کےدوران انکاری والدین کےخلاف ایف آئی آرنہ کرنے کا فیصلہ بھی کیا گیا ہے. محکمہ پولیس کوپولیوورکرزکی حفاظت یقینی بنانےکا بھی کہا گیا ہے. وزیراعظم کے معاون برائے پولیو بابر بن عطا کا کہنا ہے کہ پولیو کےخلاف پروپیگنڈاسےنہیں پیارومحبت سےجنگ لڑیں گے.

  • دیربالا، دھماکے کے نتیجے میں 6 افراد جاں بحق، متعدد زخمی

    دیربالا، دھماکے کے نتیجے میں 6 افراد جاں بحق، متعدد زخمی

    خیبرپختونخواہ کے علاقے دیر بالا میں دھماکا ہوا ہے جس کے نتیجے میں 6 افراد جاں بحق اور متعدد زخمی ہو گئے ہیں

    باغی ٹی وی کی رپورٹ کے مطابق دیر بالا کے علاقے گماڈنڈ میں دھماکا ہوا ہے، مسافر گاڑی کے قریب ریموٹ کنڑول سے دھماکا کیا گیا جس کے نتیجے میں 6 افراد جاں بحق اور متعدد زخمی ہو گئے. دھماکہ کی اطلاع ملنے پر سیکورٹی ادارے اور ریسکیو حکام موقع پر پہنچ گئے.

    سیکورٹی حکام نے جائے وقوعہ کو گھیرے میں لے لیا،ابتدائی رپورٹ کے مطابق دھماکا ریموٹ کنٹرول سے کیا گیا ،دھماکے میں زخمی افراد کو طبی امداد کے لئے ڈی ایچ کیو منتقل کر دیا گیا ہے،

  • لوئردیر معمولی سی بات اور کتنے ہی لاشے اٹھ گئے،

    لوئردیر معمولی سی بات اور کتنے ہی لاشے اٹھ گئے،

    معمولی سی بات اور تنازعے پر کئی جانیں ضائع ہو گئیں
    لین دین کی وجہ سے تنازعہ ہوا جس پر جرگہ ہو رہا تھا کہ آپس میں تلخ کلامی ہوئی جس پر ایک گروپ نے فائرنت کی جس کے دونوں دھڑوں میں فائرنگ کا تبادلہ ہوا.اور یوں قیمتی جانیں جہالت کی نذر ہو گئیںفائرنگ کے نتیجے میں 5 افراد موقع پر جاں بحق اور ایک شخص زخمی ہو گیا۔

    اس واقعے کے بعد پولیس حرکت میں آئی جو کہ تاحال ملزموں کو پکڑنے میں ناکام رہی ہے ڈی ایس پی اجمل خان کے مطابق واقعے کا مقدمہ درج کر کے ملزمان کی گرفتاری کے لیے چھاپے مارے جا رہے ہیں۔

  • پشاور، مردان، نوشہرہ اور چارسدہ میں سیلاب کا امکان. الرٹ جاری

    پشاور، مردان، نوشہرہ اور چارسدہ میں سیلاب کا امکان. الرٹ جاری

    محکمہ موسمیات نے پشاور، مردان، نوشہرہ اور چارسدہ میں سیلاب کا امکان ظاہر کر دیا.

    پشاور، مردان، نوشہرہ اور چارسدہ میں سیلاب کا امکان ہے، محکمہ موسمیات کا الرٹ جاری کر دیا گیا.حالیہ چند دنوں کی بارشوں سے ملک کے بالائی حصوں میں سیلاب کا خطرہ ظاہر کیا گیا ہے. اس سے پہلے محکمہ موسمیات کے مطابق جمعہ سے ہفتہ کے دوران ہزارہ، مالاکنڈ، راولپنڈی، گوجرانوالہ، ڈی جی خان ڈویژن اسلام آباد اور کشمیر میں موسلادھار بارش کے باعث دریاوٰں اور برساتی نالوں میں طغیانی کا خدشہ ہے۔

  • کشمیر کی آزادی کو اب کسی آئینی ترمیم سے نہیں روکا جا سکتا، فردوس عاشق اعوان

    وزیر اعظم پاکستان کی معاون خصوصی فردوس عاشق اعوان نے کہا ہے کہ بھارت میں دیگر مذاہب کے لئے کوئی جگہ نہیں ہے، کشمیریوں کےساتھ ظلم ہو رہا ہے، کشمیریوں کا استحصال ہو رہا ہے،

    باغی ٹی وی کی رپورٹ کے مطابق پشاور میں میڈیا سے گفتگو کرتے ہوئے انہوں نے کہاکہ خیبرپختونخواکےعوام نےباریاں لینےوالوں کومستردکردیا، اکھنڈ بھارت کا نعرہ لگانے والے آج افسردہ ہیں، 14اگست کوہم نےاپنی آزادی کادن کشمیریوں سےجوڑدیا، کشمیرکی اۤزادی کواب کسی اۤئینی ترمیم سےروکانہیں جاسکتا،

    فردوس عاشق اعوان نے کہاکہ کشمیر کے بغیر پاکستان نامکمل ہے، یوم سیاہ پاکستان میں ہی نہیں عالمی طورپربھی منایاجارہاہے، ملک بھرمیں بھارتی اقدامات کی مذمت کی جا رہی ہے، وزیراعظم نےثابت کیاکشمیرکی آزادی کےبغیرپاکستان کی خوشیاں ادھوری ہیں، صحافی برادری عوام کی آواز ہے، یوم سیاہ کےموقع پر جلوس اور ریلیاں نکالی جا رہی ہیں، پرس کلب پشاورنےبھارتی یوم بربادی منانےکافیصلہ کیا،

  • بھارت ابھینندن سے پوچھ لے کہ پاکستانی فوج کتنی پروفیشنل ہے؟ شوکت یوسفزئی

    بھارت ابھینندن سے پوچھ لے کہ پاکستانی فوج کتنی پروفیشنل ہے؟ شوکت یوسفزئی

    خیبر پختونخواہ کے صوبائی وزیر اطلاعات شوکت یوسفزئی نے کہا ہے کہ بھارت ابھینندن سے پوچھ لے کہ پاکستانی فوج کتنی پروفیشنل ہے؟

    باغی ٹی وی کی رپورٹ کے مطابق پشاور میں‌ بھی یوم آزادی پاکستان پر پرچم کشائی کی تقریب ہوئی جس سے صوبائی وزیر اطلاعات شوکت یوسفزئی نے خطاب کرتے ہوئے کہا کہ آج شہداکوخراج عقیدت پیش کرنےکادن ہے ،کشمیری عوام کےحقوق کے لیے آواز اٹھانا ناگزیر ہے ،بھارت کی کشمیرکی متنازع حیثیت ختم کرنےکےاقدام کی شدیدمذمت کرتےہیں،

    شوکت یوسفزئی کا مزید کہنا تھا کہ بھارت ابھی نندن سےہی پوچھ لےکہ پاکستانی فوج کتنی پروفیشنل ہے،دنیااعتراف کررہی ہےپاکستان نےدہشتگردی کےناسورکوشکست دی،فوج،پولیس ودیگراداروں کی قربانیوں کی بدولت امن قائم ہوچکاہے،

  • چھوٹی سی بات پر اتنی لاشیں گر گئیں…..؟

    چھوٹی سی بات پر اتنی لاشیں گر گئیں…..؟

    انسانی خون کتنا ارزاں ہو گیا.چھوٹی باتوں پر قیمتی جانیں ضائع ہو گئیں. عدم برداشت کا یہ عالم ہے ہے کہ ذرا سی بات پر جان کے پیاسے ہونے لگے لوگ. قانون کے مواخذے کا ڈر ہی نہں جو نوبت یہاں‌تک پہچنج جاتی ہئے. عید کی خوشیاں ابھی جاری ہیں اور خون خرابہ کر کے صف ماتم بچھ گیا. ہوا یوں کہ بنوں کے علاقے میرا خیل میں بلند آواز میں میوزک بجانے پر 4 افراد کو قتل کردیا گیا۔

    پولیس کے مطابق میرا خیل میں واقع ایک گھر میں بلند آواز سے میوزک بج رہا تھا جس پر پڑوسی نے منع کیا۔

    میوزک بند نہ کرنے پر پڑوسی نے گھر میں گھس کر فائرنگ کردی جس کے نتیجے میں باپ، بیٹا اور بیٹی سمیت 4 افراد جاں بحق اور 2 خواتین زخمی ہوگئیں۔ پولیس کے مطابق لاشوں اور زخمیوں کو اسپتال منتقل کردیا گیا۔

    پولیس کا کہنا ہے کہ فائرنگ کے واقعے کے بعد ملزم فرار ہوگیا جس کی تلاش جاری ہے۔

  • گورنر ہاؤس پشاور کے اخراجات میں کتنے کروڑ کا اضافہ ہوگیا؟ عمران خان بھی پریشان

    گورنر ہاؤس پشاور کے اخراجات میں کتنے کروڑ کا اضافہ ہوگیا؟ عمران خان بھی پریشان

    پشاور: گورنر ہاؤس پشاور کے اخراجات میں 4 کروڑ سے زائد کا اضافہ دیکھنے میں آیا ہے.

    تفصیلات کے مطابق گورنر ہاؤس پشاور کے اخراجات میں کروڑوں روپے کا اضافہ دیکھنے میں آیا ہے. ایک سال میں گورنر ہاؤس پشاور کے بجلی اور گیس کا بل 4 کروڑ 31 لاکھ کو تجاوز کرگیا ہے جبکہ جہاز اور گاڑیوں‌ کے پٹرول کی مد میں 1 کروڑ 36 لاکھ روپے خرچ ہوچکے ہیں. گورنر خیبر پختونخواہ شاہ فرمان نے 2 کروڑ روپے صرف تحائف دینے میں ضائع کردیے اور شاہ فرمان اگلے سال 2 کروڑ 20 لاکھ مزید استعمال کریں گے. صرف یہ ہی نہیں گورنر ہاؤس پشاور کے ٹیلی فون کا بل 18 لاکھ روپے آیا ہے.

    واضح رہے کہ فاٹا کا خیبرپختونخواہ میں ضم میں ہونے کے بعد گورنر کے اختیارات کم ہوگئے ہیں لیکن گورنر کے اخراجات میں کمی آنے کی بجائے اخراجات کروڑوں روپے بڑھ گئے ہیں. یاد رہے کہ عمران خان نے الیکشن سے قبل اپنی ٹیم میں سادگی لانے اور اخراجات کم کرنے کا اعلان کیا تھا لیکن یہ وعدے پورے ہوتے ہوئے نظر نہیں آرہے.