Category: پشاور

سوات میں حالیہ سیلابی صورتحال میں سیاحوں کے بہہ جانے کے بعد وزیراعلیٰ خیبر پختونخوا نے سخت نوٹس لیتے ہوئے متعدد اعلیٰ سرکاری افسران کو فوری طور پر معطل کرنے کا حکم جاری کر دیا ہے۔

وزیراعلیٰ کے ترجمان کے مطابق، عوامی شکایات، تاخیر سے ردعمل اور انتظامی غفلت پر وزیراعلیٰ خیبرپختونخوا نے فوری کارروائی کا فیصلہ کیا ہے۔ ترجمان کے مطابق، ناقص کارکردگی پر معطل ہونے والے افسران میں اسسٹنٹ کمشنر بابوزئی، اسسٹنٹ کمشنر خوازہ خیلہ، ایڈیشنل ڈپٹی کمشنر ریلیف اور ریسکیو 1122 کے ضلعی انچارج شامل ہیں،اسسٹنٹ کمشنر بابوزئی کو سست ردعمل اور بروقت عوامی مدد نہ کرنے پر معطل کر دیا گیا۔اسسٹنٹ کمشنر خوازہ خیلہ کو پیشگی وارننگ جاری نہ کرنے پر معطل کیا گیا، جس سے نقصانات سے بچاؤ ممکن نہ ہو سکا۔اے ڈی سی ریلیف کو ہنگامی صورتحال میں پیشگی اقدامات نہ کرنے پر ذمہ دار ٹھہرایا گیا اور فوری معطلی عمل میں لائی گئی۔ریسکیو 1122 سوات کے ضلعی انچارج کو بھی ایمرجنسی کے دوران غیر مؤثر کارکردگی اور ناقص کمانڈ کی بنیاد پر معطل کرنے کا فیصلہ کیا گیا۔ترجمان کے مطابق، وزیراعلیٰ خیبرپختونخوا نے وزیراعلیٰ انسپیکشن ٹیم کو معاملے کی مکمل انکوائری کی باضابطہ ہدایات بھی جاری کر دی ہیں تاکہ غفلت کے تمام پہلوؤں کا باریک بینی سے جائزہ لیا جا سکے اور ذمہ داران کے خلاف سخت کارروائی عمل میں لائی جائے۔

ترجمان نے کہا کہ حکومت عوام کے جان و مال کے تحفظ پر کسی قسم کی کوتاہی برداشت نہیں کرے گی اور جو افسران اپنی ذمہ داریاں ادا کرنے میں ناکام رہیں گے، ان کے خلاف سخت ترین اقدام اٹھائے جائیں گے۔ذرائع کے مطابق وزیراعلیٰ آئندہ چند روز میں سوات کا دورہ بھی کر سکتے ہیں تاکہ حالات کا خود جائزہ لے سکیں اور عوام کو یقین دلایا جا سکے کہ حکومت ان کے ساتھ کھڑی ہے۔

میڈیا رپورٹس کے مطابق باقی سیاحوں کے لیے کسی بھی جگہ کوئی اقدامات نہیں ہے صوبائی حکومتیں مکمل طور پہ غفلت کا شکار ہیں ،صوبائی اورضلعی انتظامیہ کی نااہلی کا بولتا ثبوت یہ ہے کہ راول ڈیم سے لے کے خانپور ڈیم تک پچھلے دنوں کئی اموات واقع ہوئی جس میں سختی سے آرڈر تھے کہ کوئی یہاں نہا نہیں سکتا اس کے باوجود نوجوان سویمنگ کرنے گئے نہانے گئے سلفیاں لینے گئے ،جس میں تین سے چار لوگ راول ڈیم میں ڈوب کر اور چار سے پانچ لوگ خان پور ڈیم میں ڈوب کر اس دنیا سے رخصت ہو گئے مگر صوبائی حکومتیں اور خاص کر ضلع انتظامیہ پھر بھی بے انتہا غفلت کا شکار نظر آئیں،اس لیے لوگ احتیاط کریں اور خاص کر مون سون کے موسم میں پہاڑی ایریا سے ،کیونکہ وہاں اچانک پانی کے ریلے ا جاتے ہیں جس سے بڑے نقصان کا اندیشہ ہوتا ہے

دریائے سوات میں بارش کے بعد پانی کا ریلہ 17 افراد کو بہا کر لے گیا، جن میں سے 4 افراد کو بچا لیا گیا۔

سیلابی ریلے میں بہنے والے 9 افراد کی لاشیں نکال لی گئیں جبکہ 4 افراد تاحال لاپتہ ہیں جن کی تلاش کے لیے سرچ آپریشن جاری ہے، عینی شاہدین کا کہنا ہے کہ بہنے والے 17 افراد خشک ٹیلے پر کھڑے ہو کر ایک گھنٹے تک مدد کے لیے پکارتے رہے، مقامی افراد نے اپنے طور پر کشتی سے کوشش کر کے 4 افراد کو بچایا ہے، بہنے والوں میں سے 10 کا تعلق سیالکوٹ، 6 کا مردان اور 1 کا سوات سے ہے، لواحقین نے کہا ہے کہ بہنے والے دریا کے کنارے بیٹھ کر ناشتہ کر رہے تھے، اچانک ریلہ آیا جس کے بعد ان لوگوں نے ایک خشک ٹیلے پر پناہ لی تھی۔

دوسری طرف سوات کی ضلعی انتظامیہ نے دعویٰ کیا ہے کہ متاثرہ افراد خود دریائے سوات کے بیڈ میں گئے، ضلعی انتظامیہ نے انہیں روکنے اور بچانے کی کوشش کی تھی،دریائے سوات میں لاپتہ ہونے والی ایک فمیلی نے ’جیو نیوز‘ کو بتایا کہ متاثرہ خاندان کی 1 خاتون اور 9 بچے دریا میں تھے جو سب لاپتہ ہو گئے،انہوں نے کہا کہ خاتون کی لاش مل گئی ہے جبکہ 9 بچوں کی تلاش جاری ہے،متاثرہ خاندان کا کہنا ہے کہ بچے دریا میں تصویر بنانے گئے تھے کہ اچانک ریلہ آ گیا۔

جمعیۃ علماء اسلام کے سربراہ مولانا فضل الرحمٰن نے دریائے سوات میں پیش آنے والے افسوس ناک حادثے پر گہرے رنج و غم کا اظہار کرتے ہوئے جاں بحق ہونے والے سیاحوں کے اہلِ خانہ سے تعزیت کا اظہار کیا ہے۔ انہوں نے کہا کہ سوات میں اتنی بڑی تعداد میں سیاحوں کی ہلاکت ایک دل خراش سانحہ ہے، جس پر ہر اہلِ دل کا دل اشکبار ہے۔

مولانا فضل الرحمٰن نے اس افسوسناک واقعے کا ذمہ دار حکومتی نااہلی اور سیاحوں کے تحفظ کے حوالے سے موثر اقدامات نہ ہونے کو قرار دیا۔ ان کا کہنا تھا کہ اگر متعلقہ ادارے اور حکومت پیشگی حفاظتی اقدامات کرلیتے تو شاید یہ قیمتی جانیں بچائی جا سکتی تھیں۔انہوں نے کہا کہ جمعیۃ علماء اسلام اس دکھ کی گھڑی میں جاں بحق ہونے والوں کے لواحقین کے ساتھ کھڑی ہے اور ان کے غم میں برابر کی شریک ہے۔ مولانا فضل الرحمٰن نے ریسکیو اداروں سے مطالبہ کیا کہ امدادی سرگرمیوں میں تیزی لائی جائے اور فوری حفاظتی اقدامات کیے جائیں تاکہ مزید قیمتی جانوں کا ضیاع نہ ہو۔

مولانا فضل الرحمٰن نے جاں بحق افراد کی مغفرت اور زخمیوں کی جلد صحتیابی کے لیے دعا کرتے ہوئے حکومت پر زور دیا کہ وہ قدرتی آفات سے نمٹنے کے لیے مؤثر اور بروقت حکمت عملی ترتیب دے تاکہ آئندہ اس قسم کے واقعات سے بچا جا سکے۔انہوں نے انصار الاسلام کے رضاکاروں کو بھی فوری طور پر متحرک ہونے کی ہدایت کرتے ہوئے کہا کہ وہ جائے وقوعہ پر پہنچ کر ریسکیو آپریشن میں بھرپور تعاون فراہم کریں تاکہ متاثرین کو فوری ریلیف دیا جا سکے۔

سوات میں بارش کے باعث سیلابی صورتحال، کئی سیاح پھنس گئے

سوات،مختلف مقامات پر ریلوں میں 70 افراد پھنس گئے تھے، مختلف مقامات پر ریلوں میں پھنسے 55 افراد کو ریسکیو کر لیا گیا ،سوات سے ایک افسوسناک خبر سامنے آئی ہے جہاں سیالکوٹ سے سیاحت کے لیے آئے ایک خاندان کے 18 افراد تیز بارش کے باعث دریا کے شدید بہاؤ میں بہہ گئے۔ریسکیو حکام کے مطابق متاثرہ خاندان سیالکوٹ سے سوات کی سیاحت کے لیے آیا تھا۔ یہ لوگ دریا کے کنارے بیٹھ کر ناشتہ کر رہے تھے کہ اچانک بارش شروع ہو گئی، جس کی وجہ سے دریا میں پانی کی سطح تیزی سے بڑھ گئی اور بہاؤ اتنا شدید ہو گیا کہ خاندان کے 18 افراد پانی میں بہہ گئے۔

ریسکیو حکام نے بتایا کہ تقریباً 8 بجے کے قریب ڈوبنے کی اطلاع موصول ہوئی۔ اس مقام پر بائی پاس پر کئی مہمان موجود تھے جو دریا کے کنارے بیٹھے تھے اور انہیں پانی کی تیز لہر کے بارے میں کوئی علم نہیں تھا۔حادثے کی اطلاع ملتے ہی ریسکیو ٹیمیں فوری طور پر جائے وقوعہ پر پہنچ گئیں اور ریسکیو آپریشن کا آغاز کیا۔ اب تک 3 افراد کو بحفاظت نکالا جا چکا ہے جبکہ 5 لاشیں بھی برآمد ہو چکی ہیں۔ باقی مفقود افراد کی تلاش جاری ہے اور ریسکیو حکام نے عوام سے اپیل کی ہے کہ وہ محفوظ مقامات پر رہیں اور بارش کے دوران دریا کے قریب نہ جائیں۔مقامی انتظامیہ اور ریسکیو ٹیمیں مسلسل آپریشن میں مصروف ہیں تاکہ مزید جانی نقصان کو روکا جا سکے اور تمام مفقود افراد کو بازیاب کرایا جا سکے۔

ایک سیاح نے کہا کہ ان کے خاندان کے 10 افراد دریا میں بہہ گئے جن میں سے ایک خاتون کی لاش مل گئی ہے اور 9 بچوں کی تلاش جاری ہے،سیاح نے بتایا کہ ہم ناشتہ کرکے چائے پی رہے تھے اور بچے دریا کے پاس سیلفی لینے گئے، اس وقت دریا میں اتنا پانی نہیں تھا، اچانک سے پانی آیا تو بچے پھنس گئے، ریسکیو کو آگاہ کیا تو وہ ڈیڑھ سے 2 گھنٹے بعد آئے، یہ سب ان کے سامنے ہوا، ریسکیو کی موجودگی میں بچے دریا میں ڈوبے اور وہ بچا نہیں سکے۔

علی امین گنڈا پور گیارہ کروڑ کے بسکٹ کھا سکتے ہیں مگر سیلاب میں پھنسے 15 افراد کو نہیں بچا سکے۔پیپلز پارٹی
پیپلزپارٹی خیبر پختونخوا کا کہنا ہے کہ خیبرپختونخوا میں پی ٹی آئی حکومت کی ناکامی ، علی امین گنڈا پور گیارہ کروڑ کے بسکٹ کھا سکتے ہیں مگر سیلاب میں پھنسے 15 افراد کو نہیں بچا سکے۔ افسوسناک واقعہ، دریائے سوات میں ایک ہی خاندان کے 15 افراد سیلابی ریلے میں ڈوب گئے، کئی گھنٹے امداد کے منتظر رہے۔

https://x.com/PPPKP_Official/status/1938498292801016210

دوسری جانب خیبر پختونخوا میں4 مقامات پر سیلاب وارننگ جاری کر دی گئی،دریائے سوات میں خوازہ خیلہ کے مقام پر اونچے درجے کا سیلاب ریکاڈ کیا گیا،تربیلہ ، وارسک اور ادینزئی کے مقام پر نچلے درجے کا سیلاب ہے،

وزیرِ اعظم محمد شہباز شریف نےدریائے سوات میں خوازہ خیلہ کے مقام پر سیلابی ریلے میں سیاحوں کی اموات پر گہرے دکھ اور رنج کا اظہارکیا ہے،وزیرِ اعظم نے جاں بحق ہونے والے افراد کی مغفرت اور ان کے اہل خانہ کیلئے صبر کی دعا کی ہے،وزیرِ اعظم نے واقعے میں لاپتہ افراد کی جلد تلاش مکمل کرنے کی ہدایت کی،وزیراعظم نے NDMA، انتظامیہ و ریسکیو اداروں کو دریاؤں و ندی نالوں کے قریب حفاظتی تدابیر مزید مربوط بنانے کی ہدایت کی،

پانی کے تیز بہاؤ کے باوجود ریسکیو1122 کی امدادی کاروائیاں جاری ہیں،وزیراعلیٰ خیبر پختونخوا
وزیر اعلی خیبر پختونخوا نےسوات واقعہ پر اظہار افسوس کیا ہے ، خیبرپختونخوا کے بالائی علاقوں میں بارشوں اور سیلابی ریلے کی تباہ کاریوں پر اظہار افسوس کیا ہے اور کہا ہےکہ دریائے سوات میں سیلابی ریلے میں متعدد افراد بہہ گئے ہیں، ریسکیو1122 اور ضلعی انتظامیہ کا مختلف مقامات پر سرچ آپریشن جاری ہے، اب تک مختلف مقامات سے 4 جسد خاکی نکالے گئے ہیں، پانی کے تیز بہاؤ کے باوجود ریسکیو1122 کی امدادی کاروائیاں جاری ہیں،ریسکیو1122 کو مزید کاروائیاں تیز کرنے کی ہدایت کی گئی ہے، ریسکیو1122 تمام تر وسائل کو بروئے کار لاتے ہوئے تمام افراد کو جلد از جلد نکالے، بارشوں اور سیلابی ریلوں سے متعلق پہلے ہی الرٹ جاری کیے گئے، انتظامیہ سیاحوں اور مقامی افراد کو ان الرٹ پر عملدرآمد یقینی بنائے، ایسے واقعات کی روک تھام کے لیے ضلعی انتظامیہ سخت ترین اقدامات کرے،