Category: پشاور

خیبرپختونخوا میں مخصوص نشستوں پر ارکان کی حلف برداری آج شام کرنے کا فیصلہ کرلیا گیا-

تفصیلات کے مطابق خیبرپختونخوا میں اقلیتی اور خواتین کی مخصوص نشستوں پر منتخب ارکان کی حلف برداری آج شام گورنر ہاؤس میں ہونے جارہی ہے، حلف برداری کی تقریب شام 6 بجے گورنر ہاؤس پشاور میں منعقد ہوگی، جس میں گورنر خیبرپختونخوا منتخب ارکان سے حلف لیں گے تقریب کی تمام تیاریاں مکمل کر لی گئی ہیں اور سیکیورٹی کے سخت انتظامات کیے گئے ہیں جبکہ مدعو ارکان اور صحافیوں کو تقریب میں شرکت کی اجازت دی گئی ہے۔

ذرائع کے مطابق گورنر خیبرپختونخوا نے آج شام اجلاس بھی طلب کرلیا، پی ٹی آئی کی مزاحمت کے باوجود آئین و قانون نے راستہ نکال لیا، حلف برداری کا باضابطہ اعلان کسی بھی وقت متوقع ہے، آج شام گورنر ہاؤس خیبرپختونخوا کا سیاسی منظرنامہ بدلنے والا ہے پی ٹی آئی کی رکاوٹیں ناکام ہوگئی ہے، اپوزیشن جماعتوں آج شام حلف برداری کو جمہوریت کی جیت، آئینی عمل کی فتح قرار دیا ہے۔

دوسری جانب چیف جسٹس پشاور ہائیکورٹ نے مخصوص نشستوں پر حلف برداری کے لیے گورنر خیبرپختونخوا فیصل کریم کنڈی کو نامزد کردیا،جس کے بعد فیصل کریم کنڈی ان اراکین سے آج شام حلف لیں گے۔

دوسری جانب خیبرپختونخوا میں سینیٹ الیکشن پر حکومت اور اپوزیشن کے درمیان دوبارہ میٹنگ جاری ہے، وزیراعلیٰ خیبرپختونخوا علی امین گنڈا پور مشاورتی اجلاس کی صدارت کررہے ہیں ،وزیراعلیٰ خیبرپختونخوا علی امین گنڈا پور کی زیرصدارت ہونے والے مشاورتی اجلاس اپوزیشن لیڈر ڈاکٹرعباد اللہ اور اسپیکر خیبرپختونخوا اسمبلی بابر سلیم سواتی بھی شریک ہیں،ذرائع کا کہنا ہے کہ اجلاس میں سینیٹ الیکشن سے متعلق 6/5 فارمولے کا جائزہ لیا جا رہا ہے جبکہ ناراض سینیٹ امیدواروں کے کاغذات واپس نہ لینے پر بھی مشاورت جاری ہے۔

بلوچستان نیشنل پارٹی ( بی این پی ) کے سربراہ سردار اختر مینگل کو بیرون ملک سفر کرنے سے روک دیا گیا۔

ایف آئی اے حکام کے مطابق اختر مینگل کو دبئی جانے والی نجی ائیر لائن کی پرواز سے آف لوڈ کیا گیا، اختر مینگل کا نام پی این آئی ایل میں ہونے کی وجہ سے دبئی جانے سے روکا گیا،اس حوالے سے سردار اختر مینگل نے کہا ہے کہ دبئی کے لیے جا رہا تھا، مجھے کوئٹہ ایئرپورٹ پر پرواز سے اتار دیا گیا ، امیگریشن اسٹاف نے آگاہ کیا میرا نام پرویژنل نیشنل آئیڈنٹیفکیشن لسٹ میں ہے۔

سابق وفاقی وزیر آغا حسن اور غلام نبی مری نے اختر مینگل کو بیرون ملک سفر سے روکے جانے کی مذمت کرتے ہوئے کہا کہ اختر مینگل کو بیرون ملک سفر سے روکنا غیر قانونی اور غیر آئینی ہے،اختر مینگل تاحال رکن قومی اسمبلی ہیں، ان کا استعفیٰ بھی ابھی منظور نہیں کیا گیا۔

چیف جسٹس پشاور ہائیکورٹ جسٹس ایس ایم عتیق نے گورنر خیبرپختونخوا (کے پی) فیصل کریم کنڈی کو مخصوص نشستوں پر نامزد ارکان سے حلف لینے کے لیے نامزد کر دیا۔

اپوزیشن جماعتوں کی درخواست پر پشاور ہائی کورٹ کے چیف جسٹس نے خیبرپختونخوا اسمبلی کی مخصوص نشستوں پر نامزد کیے گئے ارکان سے حلف لینے کے لیے گورنر کے پی فیصل کریم کنڈی کو نامزد کر دیا ہےاس سے قبل خیبرپختونخوا اسمبلی میں کورم پورا نہ ہونے کی وجہ سے اسمبلی کا اجلاس 24 جولائی تک ملتوی کر دیا گیا تھا، مخصوص نشستوں پر نامزد ارکان کی حلف برداری بھی نہیں ہوسکی تھی۔

خیبر پختونخوا اسمبلی کا اجلاس 9 بجے طلب کیا گیا تھا، جو 2 گھنٹے سے زائد کی تاخیر سے شروع ہوا، مخصوص نشستوں پراراکین کی حلف برداری ایجنڈے کا حصہ تھی، اجلاس شروع ہوتے ہی رکن اسمبلی شیر علی آفریدی کی جانب سے کورم کی نشاندہی کر دی گئی، اسپیکر نے گھنٹیاں بجائیں لیکن ارکان ایوان میں نہیں آئے، جس کے بعد انہوں نے اجلاس 24 جولائی تک ملتوی کر دیا تھا۔

خیبرپختونخوا اسمبلی میں 25 مخصوص نشستوں کے اراکین نے آج حلف اٹھانا تھا، جن میں 21 خواتین اور 4 اقلیتی ارکان شامل ہیں، جمعیت علمائے اسلام (جے یو آئی ف) اور مسلم لیگ (ن) کے 7، 7، پیپلز پارٹی کے 4، اے این پی کے 2 اور پی ٹی آئی پی کے ایک رکن کو حلف اٹھانا تھا۔

اسپیکر نے رولنگ دی کہ اسمبلی میں ارکان کی تعداد پوری نہیں ہے، اپوزیشن کے ارکان نے اسپیکر کی ڈائس کی سامنے اجلاس ملتوی کرنے پر احتجاج کیا تھا۔

پاکستان تحریک انصاف کی پارلیمانی پارٹی نے خیبر پختونخوا اسمبلی کے اجلاس کے بائیکاٹ کا فیصلہ کیا ہے۔

کے پہ اسمبلی میں مخصوص نشستوں کے لیے آج ہونے والا اجلاس دو گھنٹے سے زائد وقت گزرنے کے بعد شروع ہوااجلاس کے لیے اپوزیشن اراکین ایوان پہنچ گئے تاہم پی ٹی آئی اراکین اسمبلی کو اسمبلی ہال کے بجائے پارلیمانی پارٹی کے اجلاس میں پہنچنے کی ہدایت کی گئی پی ٹی آئی کی پارلیمانی پارٹی کا اجلاس وزیر اعلیٰ کے پی علی امین گنڈا پور کی زیر صدارت ہوا جس میں اسمبلی اجلاس سے بائیکاٹ کا فیصلہ کیا گیا ہے۔

خیبرپختونخوا اسمبلی میں مخصوص نشستوں پر منتخب اراکین کی حلف برداری پی ٹی آئی کی حکمت عملی کے باعث مکل نہ ہوسکی۔ آج حلف برداری کے لیے طلب کیا گیا اجلاس ڈھائی گھنٹے تاخیر کے بعد شروع ہوا لیکن اجلاس شروع ہوتے ہی کورم کی نشاندہی کردی گئی اجلاس کے لیے صبح 9 بجے کا وقت مقرر تھا، جس پر گھنٹیاں بھی بجائی گئیں، مگر ایوان خالی ہونے سے کارروائی تاخیر کا شکار ہو گئی حکومت کی جانب سے حلف برداری سے راہ فرار کیلئے حکمت عملی کے تحت کورم کی نشاندہی کی گئی پی ٹی آئی کی پارلیمانی پارٹی نے اسمبلی اجلاس کے بائیکاٹ کا فیصلہ کیا تھا۔

اجلاس کی صدارت اسپیکر خیبرپختونخوا اسمبلی بابر سلیم سواتی نے کی، اجلاس میں مخصوص نشستوں پر نومنتخب ارکان موجود تھے، جبکہ اپوزیشن کے تمام ارکان بھی موجود تھے۔ اجلاس میں پی ٹی آئی کے چند ارکان موجود تھے۔

اسمبلی اجلاس شروع ہوتے ہی حکومتی اراکین نے کورم کی نشاندہی کردی حکومتی اراکین کورم کی نشاہدہی کرکے ہال سے نکلنا شروع ہوگئے۔ ایم پی اے شیر علی آفریدی نے کورم کی نشاہدہی کی۔ جس کے بعد اپوزیشن اراکین نے اسپیکر کو حلف لینے پر آمادہ کرنے کی کوشش کی۔ اس دوران پی ٹی آئی کے صرف چار ارکان کے پی اسمبلی میں موجود تھے۔

اس دوران اسپیکر اسمبلی نے کہا کہ اسمبلی میں ارکان کی تعداد 25 ہے، کورم پورا نہیں ہے۔ جس پر خاتون رکن اسمبلی نے کہا کہ تلاوت کے دوران کوئی کورم کی نشاندہی نہیں کرسکتا۔ اسپیکر نے خاتون کو جواب دیا کہ تقریریں نہ کریں پہلے کورم کی گنتی کرلیں جس پر اپوزیشن کی جانب سے اسمبلی میں نعرے بازی شروع کردی گئی اور اپوزیشن ارکان اسپیکر ڈائس کے سامنے جمع ہوگئے اس دوران خیبرپختونخوا اسمبلی کا اجلاس 24 جولائی دن 2 بجے تک کیلئے ملتوی کردیا گیا۔

دوسری جانب اپوزیشن لیڈر عباداللہ نے حکومت کی جانب سے حلف برداری اجلاس میں کورم کی نشاندہی اور اجلاس ملتوی کرنے پر عدالت جانے کا اعلان کردیا ہےاپوزیشن لیڈر ڈاکٹرعباداللہ نے کہا کہ غیرآئینی کام کیلئے رات 12 بجے بھی سیشن بلاتے ہیں، سیاسی نابالغ 12 سال سے خیبرپختونخوا میں بیٹھے ہیں پی ٹی آئی نے گورننس اور دیگرچیزوں میں تباہی کی، اب پی ٹی آئی والے اسمبلی کے ساتھ بھی کھلواڑ کر رہے ہیں، یہ چاہتے ہیں سیاسی اسپیس کسی اور کے حوالے نہ کرو۔

شمالی ایران میں زلزلے کے شدید جھٹکے، آفٹر شاکس کا خدشہ

انہوں نے کہا کہ اگرحلف برداری ابھی نہیں ہوئی تو شام کو یا کل ہوجائے گی ایک سال سے سینیٹ میں کیبرپختونخوا صوبے کی نمائندگی نہیں ہے، 50 فیصد خواتین کی نمائندگی نہیں ہے، ایوان میں اقلیتوں کی نمائندگی نہیں ہے اور یہ حلف نہیں لے رہے، خیبرپختونخوا سیاسی نابالغوں کے ہاتھوں میں ہے۔

شمالی ایران میں زلزلے کے شدید جھٹکے، آفٹر شاکس کا خدشہ

خیبر پختونخوا میں 21 جولائی کو ہونے والے سینیٹ انتخابات سے قبل حکومت اور اپوزیشن کے درمیان امیدواروں کو بلا مقابلہ منتخب کرانے کا معاہدہ تو طے پا گیا ہے، تاہم پی ٹی آئی کے ناراض امیدواروں کی جانب سے کاغذات نامزدگی واپس نہ لینے پر ایک مرتبہ پھر ہارس ٹریڈنگ کے امکانات بڑھ گئے ہیں۔

ذرائع کے مطابق حکومت اور اپوزیشن کے درمیان طے پانے والے فارمولے کے تحت 6 نشستیں حکومتی اتحاد اور 5 نشستیں اپوزیشن کو دی جائیں گی۔ تاہم ناراض امیدوار عرفان سلیم سمیت بعض پی ٹی آئی رہنماؤں کی جانب سے قیادت کی ہدایت کے باوجود الیکشن سے دستبرداری نہ کرنے پر خفیہ رائے شماری کا امکان بڑھ گیا ہے، جس سے سینیٹ انتخاب کے شفاف انعقاد پر سوالات اٹھنے لگے ہیں۔

خیبر پختونخوا میں سینیٹ انتخابات میں ہارس ٹریڈنگ کوئی نئی بات نہیں۔ 2018 میں بھی پی ٹی آئی کے 19 اراکین اسمبلی نے پارٹی پالیسی کے برخلاف دیگر جماعتوں کو ووٹ دیا تھا، جس پر انہیں بانی چیئرمین عمران خان کے حکم پر پارٹی سے نکال دیا گیا تھا۔ اس انتخاب میں پیپلز پارٹی محض 7 ووٹوں کے ساتھ دو نشستیں لینے میں کامیاب رہی تھی۔پی ٹی آئی چیئرمین بیرسٹر گوہر علی خان کا کہنا ہے کہ اگر ناراض امیدوار کاغذات واپس نہیں لیتے تو پارٹی ڈسپلن کے تحت ان کے خلاف سخت کارروائی کی جائے گی۔

وفاقی وزیر طلحہ محمود نے تصدیق کی ہے کہ حکومت اور اپوزیشن نے سینیٹ انتخابات مل کر لڑنے کا فیصلہ کیا ہے تاکہ خرید و فروخت کا راستہ بند ہو سکے۔ گورنر خیبرپختونخوا فیصل کریم کنڈی کا کہنا ہے کہ "سیاست میں دولت کا استعمال روکنا وقت کی اہم ضرورت ہے”۔

تجزیہ کاروں کے مطابق تاہم ناراض عناصر کی ضد سے اب بھی امکان موجود ہے کہ بعض اراکین اسمبلی اپنی پارٹی پالیسی کے برخلاف ووٹ کاسٹ کریں، جس سے شفاف انتخابات پر پھر سوالیہ نشان لگ سکتا ہے۔

پاکستانیوں کی آن لائن شاہ خرچیاں: 2023 میں 10.42 ارب ڈالر خرچ

قلات: بلوچستان کانسٹیبلری قافلے پر حملے کا مقدمہ درج

کراچی: 43 رہائشی عمارتیں خطرناک قرار، ہزاروں مکین متاثر

یاسمین بخاری سے ملاقات،تحریر:سیدہ عطرت بتول نقوی

خیبر پختونخوا میں سینیٹ الیکشن کے لیے سیاسی جماعتوں نے ایک بار پھر مالی طور پر مضبوط اور بااثر امیدواروں کو میدان میں اتار دیا ہے، جبکہ دیرینہ پارٹی کارکنوں کو نظر انداز کیے جانے پر شدید ناراضی پائی جا رہی ہے۔

سینیٹ کی 11 نشستوں کے لیے 21 جولائی کو خیبر پختونخوا میں انتخابات ہوں گے جن میں 7 جنرل، 2 خواتین اور 2 ٹیکنوکریٹس کی نشستیں شامل ہیں۔ ان انتخابات کے لیے سیاسی جماعتوں نے روایت برقرار رکھتے ہوئے دولت مند اور بااثر شخصیات کو ترجیح دی ہے۔حکمران جماعت تحریک انصاف نے ارب پتی امیدوار اعظم سواتی اور مرزا آفریدی کو نامزد کیا ہے، جب کہ مسلم لیگ (ن) نے وفاقی وزیر امیر مقام کے صاحبزادے نیاز احمد کو جنرل نشست کے لیے میدان میں اتارا ہے۔ پیپلز پارٹی نے اربوں کے اثاثوں کے مالک طلحہ محمود کو ٹکٹ دیا ہے، جبکہ جمیعت علمائے اسلام (ف) کی جانب سے دلاور خان بھی ارب پتی امیدوار کے طور پر سامنے آئے ہیں۔

ماضی کی طرح اس بار بھی نظریاتی اور دیرینہ کارکنان کو نظر انداز کیا گیا، جس پر بالخصوص تحریک انصاف کے کارکنان شدید ناراض ہیں۔ پارٹی رہنما عرفان سلیم نے بیان میں کہا کہ خیبر پختونخوا میں سینیٹ انتخابات کے نام پر جو کھیل کھیلا جا رہا ہے، ہم اس کے خلاف کھڑے ہیں۔سیاسی مبصرین کے مطابق، سینیٹ الیکشن میں سرمایہ دار امیدواروں کی ترجیح نے جمہوری اقدار اور کارکنان کی محنت کو پس پشت ڈال دیا ہے، جو جمہوریت کے لیے نیک شگون نہیں۔

ٹی ٹوئنٹی ورلڈ کپ کو 32 ٹیموں تک وسعت دینے کی تجویز

مالاکنڈ میں پولیس اور سی ٹی ڈی کا آپریشن، 5 دہشت گرد ہلاک، 8 گرفتار

ایران کی صرف ایک جوہری تنصیب کو نقصان کی خبروں پر ٹرمپ کا ردعمل

خیبرپختونخوا سینیٹ الیکشن: حکومت و اپوزیشن کا مشترکہ الیکشن کا فیصلہ

خیبرپختونخوا میں سینیٹ الیکشن کے معاملے پر حکومت اور اپوزیشن کے درمیان اہم پیش رفت سامنے آئی ہے، بلامقابلہ انتخاب نہ ہونے کی صورت میں دونوں فریقین نے مشترکہ طور پر الیکشن لڑنے کا فیصلہ کر لیا ہے۔

حکومت اور اپوزیشن اس بات پر متفق ہیں کہ اگر کوئی امیدوار دستبردار نہ ہوا تو بھی 6،5 کا متفقہ فارمولا برقرار رکھا جائے گا۔ اپوزیشن لیڈر ڈاکٹر عباد نے بتایا کہ اس حوالے سے ان کی وزیر اعلیٰ خیبرپختونخوا علی امین گنڈاپور سے بات ہوئی ہے۔ ان کا کہنا تھا کہ اگر امیدوار دستبردار نہیں ہوتے تو صرف وقت کا ضیاع ہوگا۔دوسری جانب، سینیٹ انتخابات سے قبل پاکستان تحریک انصاف (پی ٹی آئی) میں اندرونی اختلافات شدت اختیار کر گئے ہیں۔ پارٹی کی سیاسی کمیٹی ناراض رہنماؤں کو منانے میں ناکام نظر آتی ہے۔ گزشتہ روز مذاکرات کے دو ادوار بے نتیجہ ثابت ہوئے، تاہم آج صبح پی ٹی آئی نے اعلامیہ جاری کیا کہ رہنما کاغذات واپس لے رہے ہیں۔

تاہم اعلان کے بعد ہی پی ٹی آئی کے ناراض رہنماؤں نے ویڈیو پیغامات کے ذریعے پارٹی مؤقف سے اختلاف کرتے ہوئے انتخابی عمل کا حصہ نہ بننے کا اعلان کر دیا۔ پی ٹی آئی رہنما عرفان سلیم نے کہا کہ وہ سینیٹ الیکشن سے دستبردار نہیں ہوں گے اور کسی گٹھ جوڑ کا حصہ نہیں بنیں گے۔دوسرے ناراض رہنما خرم ذیشان نے اپنے ویڈیو پیغام میں واضح کیا کہ وہ ان لوگوں سے مفاہمت کے قائل نہیں جو ملک کو تباہ کرنے کے ذمے دار ہیں۔ انہوں نے مفاہمت کی کسی بھی کوشش کو ناکام بنانے کا اعلان کیا۔

ادھر پارٹی کے مرکزی رہنما عمر ایوب کا کہنا ہے کہ سینیٹ امیدواروں کی حتمی منظوری پارٹی چیئرمین عمران خان نے دی ہے، لہٰذا فیصلے کا احترام کیا جانا چاہیے۔خیال رہے کہ خیبرپختونخوا میں سینیٹ کا اجلاس 21 جولائی کو شیڈول ہے، اور موجودہ سیاسی صورتحال کے باعث ایوان بالا کے انتخابات میں پیچیدگیاں بڑھتی جا رہی ہیں۔

لاس اینجلس میں کلب کے باہر گاڑی ہجوم پر چڑھ گئی، 30 افراد زخمی

پنجاب اسمبلی میں مذاکرات کامیاب، اسپیکر نے ریفرنس مؤخر کر دیا

ٹک ٹاک کا امریکا کے لیے نئی ایپ بنانے کی خبروں کی تردید

اسحاق ڈار امریکا روانہ، سلامتی کونسل اجلاس کی صدارت کریں گے