Category: پشاور

پشاور: پی ٹی آئی رہنما شوکت یوسفزئی نے کہا کہ احتجاج کا حق ہم سے کسی نے نہیں چھینا، قانون کی حکمرانی اورانصاف نہیں ہوگا توہمارے پاس احتجاج کے علاوہ اورکیا راستہ رہ جاتا ہے۔

باغی ٹی وی: نجی خبررساں ادارے کے ساتھ گفتگو کرتے ہوئے شوکت یوسفزئی نے کہا کہ اگر 9 مئی اور 26 نومبر کے واقعات پرکمیشن کے معاملے پرپیشرفت نہ ہوئی تومذاکرات ختم ہوجائیں گے،احتجاج کا حق ہم سے کسی نے نہیں چھینا، قانون کی حکمرانی اورانصاف نہیں ہوگا توہمارے پاس احتجاج کے علاوہ اورکیا راستہ رہ جاتا ہےخواہش ہے مذاکرات کامیاب ہوجائیں تاکہ ملک میں استحکام آئے، انتخابات ایک سال پہلے یا ایک سال بعد بھی ہوسکتے ہیں۔

وزیر اعلیٰ پنجاب کا مستحق افراد کو تین مرلے کا مفت پلاٹ دینے کا اعلان

حکومت اور اپوزیشن کے درمیان ہونے والے مذاکرات سے متعلق سوال پر شوکت یوسفزئی نے کہا کہ 9 مئی اور 26 نومبرکے واقعات پرکمیشن کے معاملے پرپیش رفت نہ ہوئی تومذاکرات ختم ہوجائیں گے ترسیلات زر میں اضافے کی ہمیں خوشی ہے مگر حکومت نے 27 ہزار ارب روپے کا قرضہ لیا ہے اس کا بتانا پڑے گا، یہ قرضے آئی پی پیز کے لئے لے رہے ہیں، مارچ میں آئی پی پیزکا پھرمسئلہ شروع ہوجائے گا۔

پی ٹی آئی کی اسپیکر قومی اسمبلی سے مذاکراتی کمیٹیوں کا اجلاس بلانے کی درخواست

لکی مروت: فتنہ الخوراج کے دہشت گردوں نے لکی مروت کے علاقے کبل خیل میں بھتہ نہ دینے پر 17 سویلین ورکرز کو اغوا کرلیا-

باغی ٹی وی : آج دن کے وقت فتنہ الخوارج کے دہشت گردوں نے خیبرپختونخوا کے ضلع لکی مروت کے علاقے کبل خیل میں 17 سویلین ورکرز کو بھتہ خوری کے لیے اغوا کیا، اغوا ہونے والے سویلین ورکرز نہتے تھےفتنہ الخوارج کے دہشت گردوں نے سویلین ورکرز کو اغوا کرنے کے بعد وہاں کے مقامی ٹھیکدار کی گاڑی کو بھی آگ لگا دی۔

سیکیورٹی فورسز اور قانون نافذ کرنے والے اداروں نے اب تک 8 مغوی ورکزز کو بحفاظت بازیاب کروالیا، باقی نہتے ورکز کو بھی بازیاب کروالیا جائے گا، اس سلسلے میں آپریشن جاری ہےسیکیورٹی ذرائع کا کہنا ہے کہ اس بہیمانہ اقدام کرنے والے عناصر کو کیفر کردار تک پہنچا جائے گا جبکہ فتنہ الخوراج کی ان پاکستان اور عوام دشمن کارروائیوں کا دین اور اسلامی اقدار سے کوئی تعلق نہیں ہے۔

کُرم: خیبر پختونخوا حکومت نے ٹل پاراچنار روڈ پر 48 چیک پوسٹس قائم کرنے اور اسپیشل ٹاسک فورس بنانے کا فیصلہ کیا ہے۔

باغی ٹی وی : دستاویز کے مطابق محکمہ داخلہ خیبرپختونخوا وفاقی حکومت سے پاراچنار میں ایف آئی اے سائبر ونگ قائم کرنے کی درخوا ست کرے گی، ٹل پاراچنار روڈ کی حفاظت کیلئے اسپشل پوسٹس فورس قائم کی جائے گی پولیس چیک پوسٹوں کیلئے درکار فنڈز سے متعلق حکومت کو آگاہ کیا جائے گا، فورس میں 399 ایکس سروس مین کو بھرتی کیا جائے گا، یہ فورس ڈسٹرکٹ پولیس آفیسر کو جواب دے ہوگی۔

دستاویز کے مطابق حکومت کرم کے رہائشیوں سے اسلحہ خریدنے پر غور کرے گی، کرم میں اسلحہ لائسنسز کے جلد اجرا کیلئے خصوصی ڈیسک قائم کیا جائے گا، ضلع کرم میں تمام بنکرز کو یکم فروری تک ختم کیا جائے گا، بنکرز کا خاتمہ پولیس اور ضلعی انتظامیہ کی مدد سے کیا جائے گا کرم سے اپیکس کمیٹی کے فیصلے کی روشنی میں یکم فروری تک اسلحہ جمع کیا جائے گا، اس اسلحہ کا ڈیجٹلائز ریکارڈ مرتب کیا جائے گا، اسلحہ کی نگرانی ضلعی انتظامیہ کے ذمہ ہوگی۔

پشاور: پاکستان تحریک انصاف (پی ٹی آئی) احتساب کمیٹی کے رکن قاضی محمد انور نے بشریٰ بی بی پر لگائے گئے الزامات کی سختی سے تردید کرتے ہوئے کہا ہے کہ ان کی کوئی مداخلت انصاف لائرز فورم میں نہیں ہے اور نہ ہی وہ کسی سازش کا حصہ ہیں۔

قاضی محمد انور نے پشاور ہائی کورٹ میں میڈیا سے گفتگو کرتے ہوئے کہا کہ انہیں بشریٰ بی بی کے ساتھ کسی قسم کی ملاقات نہیں ہوئی اور نہ ہی انہوں نے کسی سازش میں ملوث ہونے کی کوشش کی۔ ان کا کہنا تھا کہ ان پر یہ الزام عائد کیا گیا کہ انہوں نے علی زمان ایڈووکیٹ کو عہدے سے ہٹایا، جو کہ بے بنیاد ہے۔قاضی محمد انور نے مزید کہا کہ بشریٰ بی بی پر من گھڑت الزامات عائد کیے گئے ہیں جن پر انہیں افسوس ہے۔ انہوں نے کہا کہ "میں نے 55 سال وکالت کی، اور اس دوران کبھی بھی کسی کو دھوکہ نہیں دیا اور نہ ہی جھوٹ بولا۔”

پی ٹی آئی احتساب کمیٹی کے رکن نے کہا کہ ان کی کوشش ہے کہ پارٹی کی صفوں میں کسی بھی قسم کی بدعنوانی یا غلطی کو بے نقاب کیا جائے، اور اس سلسلے میں مسلسل تحقیقات جاری ہیں۔انہوں نے مزید بتایا کہ ملٹری کورٹس کے فیصلوں کے خلاف کل اپیلیں دائر کی گئیں ہیں، جن میں ان فیصلوں کو چیلنج کیا گیا ہے۔ان شاء اللہ ہم انتظار کرتے ہیں کہ ہمارے ساتھ انصاف ہو،سزائیں معطل کی جائیں،

کرپشن میں ملوث وزراء سے تحقیقات جاری ہیں، قاضی انور
اسی دوران، قاضی محمد انور نے یہ بھی انکشاف کیا کہ کرپشن میں ملوث وزراء سے باری باری پوچھ گچھ کی جارہی ہے۔ اس کے علاوہ، سید قاسم علی اور مشیر صحت احتشام علی سے بھی چند وضاحتیں طلب کی گئی ہیں۔ اسی طرح، ظاہر شاہ طورو کو بھی طلب کیا گیا ہے کیونکہ ان کے خلاف شکایات موصول ہوئی ہیں۔ایک مہینہ انکو دیا ہے کہ 31 جنوری تک جو لکھ کر دیا اسکا جواب دیں ،اسکے بعد فیصلہ ہو گا،احتشام خان کے پاس ابھی صحت کا محکمہ آیا، ڈیڑھ صفحے پر ان کو سوالات دیئے اور جوابات مانگے، چند دنوں میں ظاہر شاہ طورو سمیت ایک اور وزیر کو بلانے لگے ہیں، وزیروں کو ہم بلاتے رہتے ہیں، ہمیں جو معلومات ملتی ہیں وہ ہم دے دیتے ہیں، قاضی محمد انور نے اپنے بیان میں واضح کیا کہ پارٹی کے اندر ہونے والی ان تحقیقات کا مقصد شفافیت کو یقینی بنانا ہے اور پی ٹی آئی کے اراکین کو انصاف فراہم کرنا ہے۔عمران خان نے سلمان اکرم راجہ کے لئے نوٹفکیشن کیا ، فیصلہ سازی جو قاضی انور کرے گا اس میں کوئی مداخلت نہیں کرے گا.

ہومپیو وائرس،برطانیہ میں کیسزدوگنا،ماہرین نے چین سے تفصیلات مانگ لیں

راکھی ساونت کا عمرہ کی ادائیگی سے نئے سال کا آغاز

شزا فاطمہ کی زیر صدارت اسٹارلنک لائسنس ، ریگولیٹری پیش رفت پر اجلاس

پشاور: پشاور کی معروف ٹک ٹاکر اور ڈانسر بسمہ بی بی پر اپنے شوہر سمیع اللہ کو قتل کرنے کا الزام ثابت ہو گیا ہے، جس پر مردان کی ایڈیشنل ڈسٹرکٹ اینڈ سیشن عدالت نے بسمہ کو عمر قید اور پانچ لاکھ روپے جرمانے کی سزا سنائی ہے۔

بسمہ بی بی نے اپنے شوہر سمیع اللہ کو شادی کے صرف 19 دن بعد فائرنگ کر کے قتل کر دیا تھا۔ یہ افسوسناک واقعہ 2023 کے آخر میں پیش آیا تھا، جس کے بعد ملزمہ کی گرفتاری عمل میں آئی۔ تفتیشی اداروں کے مطابق بسمہ بی بی نے نامعلوم وجوہات کی بنا پر شوہر کے ساتھ اختلافات کے بعد اسے قتل کیا۔عدالتی کارروائی کے دوران، ملزمہ بسمہ بی بی نے اپنے جرم کا اعتراف کیا، تاہم ان کے وکیل کی جانب سے انہیں کم سزا دینے کی استدعا کی گئی تھی۔ لیکن ایڈیشنل ڈسٹرکٹ اینڈ سیشن جج نے تمام شواہد کا جائزہ لیتے ہوئے بسمہ بی بی کو عمر قید اور پانچ لاکھ روپے جرمانہ کی سزا سنائی۔سزا سننے کے بعد بسمہ بی بی عدالت کے باہر رو پڑی اور عدالت کے فیصلے کو اپنی تقدیر کا حصہ قرار دیا۔

مقتول سمیع اللہ کے بھائی حبیب الرحمٰن نے عدالتی فیصلے کا خیر مقدم کرتے ہوئے اسے حق اور سچ کی فتح قرار دیا۔ انہوں نے کہا کہ انصاف کی فراہمی سے انہیں کچھ سکون ملا ہے، اور وہ امید کرتے ہیں کہ اس فیصلے سے دیگر افراد کو سبق ملے گا تاکہ وہ ایسے سنگین جرائم سے بچ سکیں۔

اس مقدمے کی سماعت میں متعدد گواہان نے ملزمہ کے خلاف گواہی دی تھی اور فائرنگ کے بعد مقتول کے جسم پر گہرے زخموں کی تصدیق کی تھی۔ مقدمہ کے دوران بسمہ بی بی کے شوہر کی موت کے حوالے سے پیش آنے والی تفصیلات نے نہ صرف عدالت بلکہ عوام کو بھی ہلا کر رکھ دیا تھا۔

بالی ووڈ کو چھوڑنے والی بھارتی اداکارہ ثناء خان کے ہاں دوسرے بیٹے کی پیدائش

آئی سی سی چیمپئنز ٹرافی کے ابتدائی اسکواڈز کے اعلان کی آخری تاریخ