Category: کوئٹہ

کوئٹہ اسسٹنٹ کمشنر ندا کاظمی نے دفعہ 144 کی خلاف ورزی کرنیوالوں کیخلاف کریک ڈاون کیا اور خلاف ورزی کرنیوالے 41 افراد کو گرفتار بھی کرلیا گیا کریک ڈاون کے دوران متعدد گراں فروشوں اور خلاف قانون کھلی ہوئی دکانوں کو بھی سیل کیا گیا اور کہا کے لوگ دفعہ 144 کی خلاف ورزی نہ کرتے ہوئے گھروں میں رہیں خلاف ورزی کرنیوالوں کیخلاف سخت کارروائی کی جائیگی،اسسٹنٹ کمشنر کوئٹہ.

کوئٹہ ڈپٹی کمشنر کوئٹہ میجر (ر) اورنگزیب بادینی نے کہا ہے کہ حکومتی احکامات کی خلاف ورزی کسی صورت برداشت نہیں کی جائے گی. خلاف ورز ی پر قانون ضرورحرکت میں آئے گا شہر میں کرونا وائرس کے ممکنہ پھیلاو کو روکنے کے لئے جزوی لاک ڈاون کے دوران انتظامیہ نے کارروائی کرتے ہوئے 1734 دکانوں کو سیل کرکے 89 دکاندروں کو گرفتار کیا ہے عوام کی سہولت کیلئے کال سینٹر قائم کر رہے ہیں جہاں پر شہری رابطہ کرکے کسی بھی مریض یا خاندان کے حوالے سے اطلاع دیکر سہولت حاصل کرسکیں گے اسوقت کوئٹہ میں دو کروناٹائن سینٹرموجود ہیں پی سی ایس آئی آر میں کوئی مریض نہیں جبکہ رورل ڈویلپمنٹ اکیڈمی مغربی بائی پاس پر 32 مریض زیرعلاج ہیں. ان خیالات کا اظہار انہوں نے جزوی لاک ڈاون کا جائزہ لینے کے موقع پر منان چوک پر صحافیوں سے بات چیت کرتے ہوئے کیا. اس موقع پرایڈمنسٹریٹر کوئٹہ میٹروپولیٹن کارپوریشن طارق جاوید مینگل، ای پی آئی کے منیجر ڈاکٹر کمالان گچکی، ڈائریکٹر جنرل پبلک ریلیشنز بلوچستان شہزادہ فرحت جان احمد زئی، ڈی ایچ او ڈاکٹر سعید خان، ایس پی سٹی ڈویژن عبداللہ جان آفریدی، ایس ایچ او سٹی عجب خان کاکڑاوردیگر بھی انکے ہمراہ موجود تھے. ڈپٹی کمشنر اورنگزیب بادینی کا کہنا تھا کہ ہم سے رضاکاروں کی ایک ٹیم نے رابطہ کیا ہے کہ اس مشکل وقت میں عوام کی مدد کیلئے ہم بھی رضاکارانہ طور پر اپنی خدمات سرانجام دینے کیلئے تیار ہیں ان سے کیمپوں میں مینجمنٹ کی ذمہ داریاں لی جائیں گی اگر ہمیں مزید رضاکاروں کی ضرورت پڑی تو مزید رضاکار بھی لیں گے۔انہو ں نے کہا کہ جو بھی کرونا کے مریض ہیں انہیں تمام سہولیات اور مدد فراہم کی جارہی ہے دیہاڑی دار طبقے کی مدد اور کھانے پینے کی اشیاءکی فراہمی کیلئے سیلانی ٹرسٹ اپنی خدمات پیش کر رہا ہے مزدوروں اوراسکے اہل خانہ کو راشن فراہم کیا جائے گا. ایک سوال کے جواب میں انہوں نے کہا کہ جزوی لاک ڈاون کا مقصد شہریوں کو احتیاطی تدابیر پر عملدرآمد کراناہے ناکہ وہ پکنک پوائنٹ پر جاکر ہجوم بنائیں اور کرونا وائرس کے پھیلاو کا سبب بنیں انہو ں نے کہا کہ ا س حوالے سے تفریحی مقامات ہنہ اوڑک میں پولیس،لیویز کو سختی سے ہدایات جاری کی گئی ہیں کہ وہ ہجوم کو اکٹھانہ ہونے دیں اسی طرح نواں کلی اور گردونواح میں موجود ہوٹلوں بھی سیل کیا گیا ہے اور لوگوں کی گرفتاری عمل میں لائی گئی ہے بروری کے علاقے کرخسہ میں پکنک منانے کیلئے جانے والوں کو بھی علم ہے کہ اس حوالے سے حکومت نے پابندی کا نوٹیفکیشن جاری کیا ہے خلاف ورزی کرنے والوں کو گرفتار کرکے قانونی کارروائی کریں گے. گراں فروشی سے متعلق پوچھے گئے سوال کے جواب میں اورنگزیب بادینی نے کہا کہ حکومت اورانتظامیہ گراں فروشی کی کسی کو اجازت نہیں دے گی ایسے غیرقانونی اقدامات کرنے والوں کے خلاف قانون حرکت میں آئے گا بارڈرسیل ہونے کی وجہ سے اشیاء خورد و نوش کی آمدورفت بھی متاثر ہوئی ہے انتظامیہ کی کوشش ہے کہ اشیاء خورد و نوش کی سپلائی کے حوالے سے چیک اینڈ بیلنس رکھیں. ایک سوال کے جواب میں انہوں نے بتایا کہ انتظامیہ نے عوام کی سہولت کیلئے 11 رکنی ریپیڈ فورس قائم کی تھی جس نے اب تک عوام کی اطلا ع پر 2500 لوگوں کو طبی سہولیات فراہم کی ہیں اس فورس کا مقصد وائرس سے متاثرہ مریضوں کا ایگزامینیشن کرنا ہے عوام کی سہولت کو مد نظررکھتے ہوئے ٹیم کی تعداد کو 11 سے بڑھاکر 100 کر رہے ہیں تاکہ لوگوں کو زیادہ سے ذیادہ سہولیات دیں اس حوالے سے ایک کال سینٹر بھی قائم کیا جا رہا ہے.

وزیراعلیٰ بلوچستان جام کمال خان نے کہا ہے کہ 23 مارچ 1940ءبرصغیر کی تاریخ کا ایک ایسا عظیم دن ہے جو تمام پاکستانیوں کے لئے قابل فخرہے جس دن قرارداد پاکستان پیش کی گئی جو کہ مسلمانان ہند کی حصول پاکستان کی جانب جدوجہد کا سنگ میل ثابت ہوئی، ان خیالات کا اظہار انہوں نے یوم پاکستان کے موقع پر جاری اپنے ایک پیغام میں کیا، وزیراعلیٰ نے کہا کہ آج کا دن تدبر قائد و فکر اقبال کا مشترکہ عکاس ہے۔یہ ایک ایسا سنہرا دن ہے کہ جس دن مسلمانان ہند نے اپنی منزل کا تعین کیا اور بانی پاکستان قائداعظم محمدعلی جناح کی فہم و فراست، یقین محکم، سیاسی تدبر، اور عملی جدوجہد کی مکمل حمایت اور تائید کی جنہوں نے مسلمانوں کو ایک اقلیت نہیں بلکہ ایک الگ قوم قرار دیا جو اپنی ایک منفرد شناخت رکھتی ہے اور جو ایسے کسی آئین کو قبول نہیں کرسکتی جو مسلمانان ہند کے حقوق سے متصادم ہو۔اس کا عملی نمونہ 1945 کے انتخابات ہیں جس میں مسلمانوں کو واضح سیاسی برتری حاصل ہوئی ، وزیراعلیٰ نے کہا کہ قرارداد پاکستان دنیا کے نقشے پر ایک علیحدہ مسلم ریاست کے قیام کی بنیاد اور یہاں آباد مختلف اقوام اور اکائیوں کے حقوق کے تعین اور تحفظ کی ضمانت فراہم کرتی ہے، وزیراعلیٰ نے کہا کہ آج کا دن اس عہد کی تجدید کا دن بھی ہے کہ ہم اپنے پاک وطن کی حفاظت، استحکام اور ترقی کے لئے کسی قربانی سے دریغ نہیں کریں گے اور اس مقصد کے حصول کے لئے بحیثیت متحد قوم اپنی تمام تر صلاحیتیں بروئے کار لائیں گے، وزیراعلیٰ نے کہا کہ اس وقت پاکستان کوکرونا وائرس کے جس چیلنج کا سامنا ہے اس سے نمٹنے کے لیے بھی ہمیں ایک باشعور متحد اور ذمہ دار قوم کے طور پر انفرادی اور مجموعی طور پر اپنی ذمہ داریاں ادا کرنا ہونگی۔ وزیراعلیٰ نے اپنے پیغام میں دعا کی ہے کہ اللہ تعالیٰ پاکستان کو امن وسلامتی اور ترقی کا گہوارہ بنائے اور کروناوائرس جیسے وبائی امراض سے محفوظ رکھے۔

ایک رپورٹ کے مطابق بلوچستان کے شہر کوئٹہ میں کرونا وائرس کے پیش نظر دفعہ 144 کی خلاف ورزی کرنے والے 23 بڑے مارکیٹس اور سینکڑوں دکانوں کو سیل کر کے 52 دکانداروں کو گرفتار کر لیا اس موقع پر اسسٹنٹ کمشنر کوئٹہ سیدہ ندا کاظمی نے کہا۔کہ کرونا وائرس ایک جان لیوا وائرس ہے۔حکومت کی طرف سے جو بھی اقدامات اٹھائے گئے ہیں۔سارے اقدامات وسیع تر عوامی مفاد کیلئے اٹھائے ہیں ان کا مزید کہنا تھا کہ صحت عوام کے بنیادوں حقوق میں سے ایک ہے۔
اور کسی کو بھی عوام کے صحت کے ساتھ کھیلنے نہیں دینگے۔انشاءاللہ آئندہ بھی عوام کی خاطر اسی طرح کاروائیاں جاری رکھیں گے۔

رپوٹ باغی ٹی وی:- بلوچستان حکومت کے لاک داؤن کے فیصلہ کے بعد اکثر بازار کھلے تھے تاہم اب انجمن تاجران بلوچستان کی حمایت اور آج بروز اتوار سے تاحکم ثانی ہڑتال کی کال پر تمام چھوٹے بڑھے کاروباری مراکز فلوقت بند ہیں جب کے مارکیٹ اور کچھ مالز کو سیل بھی کیا گیا تھا اور اب تمام فوڈ اسٹریٹ بند ہیں اس کے علاوہ کچھ ڈلیوری والے صرف گھر پر کھانا پہنچا رہے ہیں اور ہوٹل میں پابندی ائد ہے اس کے علاوہ صرف میڈیکل اسٹور کو استصنہ حاصل ہے اور تمام لوکل بس سروس بھی اکیس روز کے لئے بند ہے اور تمام شاہراوں پر ٹرافیک بھی معمول سے کم ہے۔

باغی ٹی وی کی رپورٹ کے مطابق کوئٹہ کے علاقہ قلندر مکان قلندر مارکیٹ کاسی روڈ /شالدرہ کے مالک نے کرایہ داروں پر آدھا کرایہ معاف کردیا اس کے علاوہ کئی مارکیٹ مالکان نے بھی کرایہ داروں کو 15 دن کا کرایہ معاف کردیا،مالکان کے مطابق یہ فیصلہ انہوں نے موجودہ صورتحال اور کرایہ داروں کی مشکلات کے پیش نظر کیا ہے ابتدائی طور دو ماہ کے لیے کرایہ میں رعایت دی ہے اگر صورتحال یکساں رہی تو وہ مستقبل میں بھی اپنے کرایہ داروں کے ساتھ تعاون کرینگے اس کے علاوہ کوئٹہ شہر کے تاجروں نے عوام میں آگاہی اور احتیاطی تدبیر کے پیش نظر اپنی مدد آپ کے تحت لوگو میں ماسک کی فری تقسیم بھی کی اور ساتھ ہی ساتھ اکثر تاجروں نے ہاتھ دھلوانے کی موہم بھی شرو کی سلام ہے کوئٹہ کے ایسے غیور تاجروں کو کہ 20 سال سے کویٹہ شہر کی بد امنی اور دیگر مصیبتوں کا سامنا حکومتی امداد اور تعاون کے بغیر کر رہے ہیں۔