وزیراعلیٰ بلوچستان جام کمال نے لورالائی ضلع میں ہونے والے دہشتگردی کے واقعہ کی شدید مذمت کی ہے،

بلوچستان کے لورا لائی ضلع میں دھماکہ، سکیورٹی اہلکار شہید، 3 زخمی

باغی ٹی وی کی رپورٹ کے مطابق وزیراعلیٰ بلوچستان نے سیکیورٹی اہلکارکی شہادت پر دکھ اورافسوس کا اظہار کیا ہے، جام کمال خان نے کہاکہ سیکیورٹی اہلکاروں نےدہشت گردوں کادلیری سےمقابلہ کیا، سیکیورٹی اہلکاروں نےجرات وبہادری کی اپنی روایات کو برقرار رکھا، وزیراعلیٰ بلوچستان کی طرف سے شہید اہلکار کے لواحقین سے تعزیت اور ہمدردی کا اظہار کیا گیا ہے،

بلاول کی مولانا فضل الرحمان کے دھرنے کی حمایت کا اعلان، کہا وفد مولانا کے پاس بھیج رہا ہوں

حکومت کے گھیراؤ کے لئے مولانا فضل الرحمان نے پھیلائی جھولی

مولانا کا آزادی مارچ، مولانا متحرک، رابطے، ملاقاتیں شروع

واضح رہے کہ بلوچستان کے ضلع لورالائی میں دھماکہ سے ایک سکیورٹی اہلکار شہید، تین زخمی ہو گئے ہیں، یہ دھماکہ لورا لائی علاقہ میں کوئٹہ روڈ پر واقع زراعت کالونی کے قریب ہوا ہے، کہا جارہا ہے کہ یہ خودکش دھماکہ تھا اور اس دھماکہ میں پولیس ایگل اسکواڈ کے ایک اہلکار کی شہادت کے ساتھ تین اہلکار زخمی بھی ہوئے ہیں، یہ واقعہ اس وقت پیش آیا جب سکیورٹی اہلکاروں نے دو خودکش حملہ آوروں‌ کا پیچھا کیا، اس دوران ایک خودکش حملہ آور نے خود کو اڑا لیا جبکہ دوسرے کو سکیورٹی اہلکاروں نے ہلاک کر دیا، دھماکے کے بعد پولیس اور ایف سی کی بھاری نفری تعداد جائے وقوعہ پر پہنچ گئی ہے اور کوئٹہ روڈ کو ایف سی، لیویز نے گھیرے میں لے رکھا ہے، لورا لائی علاقہ میں‌ پیش آنے والے اس واقعہ پر وزیراعلیٰ بلوچستان جام کمال نے متعلقہ اداروں سے دھماکے کی رپورٹ طلب کر لی ہے،

یہ بات بھی واضح رہے کہ ہفتہ کے دن بلوچستان میں‌ ہی ضلع قلعہ سیف اللہ کے علاقے چمن میں دھماکا ہوا تھا جس میں جمعیت علماء اسلام (ف) کے مرکزی ڈپٹی جنرل سیکرٹری مولانا محمد حنیف سمیت 3 افراد شہید اور 20 زخمی ہو گئے تھے، چمن میں ہونیوالا دھماکا خیز مواد موٹر سائیکل میں نصب تھا، دھماکے کا نشانہ جے یو آئی (ف) کے مرکزی ڈپٹی جنرل سیکرٹری رہنما مولانا محمد حنیف تھے جو زخمی کی تاب نہ لاتے ہوئے چل بسے تھے، اس واقعہ کی وزیراعظم عمران خان، شاہ محمود قریشی اور مولانا فضل الرحمن سمیت دیگر سیاسی و مذہبی لیڈروں نے مذمت کی اور شہداء کے بلندی درجات کی دعا کی تھی،

ہرنائی۔ (اے پی پی) بلوچستان عوامی پارٹی کے مرکزی رہنما ملک روح اللہ خان ترین نے چمن بم دھماکے کی شدید الفاظ میں مذمت کرتے ہوئے واقعے میں جمعیت علماء اسلام کے کزی ڈپٹی جنرل سیکرٹری مولانا محمد حنیف سمیت دیگربے گناہ افراد کی شہادت پرانتہائی گہرے دکھ اور افسوس کا اظہار کرتے ہوئے د عا کی ہے کہ اللہ تعالیٰ شہداء کے درجات کو بلند کریں اورلواحقین کو یہ صدمہ برداشت کرنے کی صبروتحمل عطا فرمائے۔ انہوں نے واقعے میں زخمی ہونے والے افراد کی جلد صحت یابی کی دعا کی۔ انہوں نے کہا کہ دہشت گرد صوبے کے پرامن حالات کو خراب کرنے کی ناکام کوشش کررہے ہیں لیکن وہ اپنے ناپاک مذموم ارادوں میں ہرگز کامیاب نہیں ہونگے۔ صوبے کے عوام اپنے سیکورٹی فورسز کے ساتھ ملکر ان کے ناپاک عزائم کو خاک میں ملادیں گے۔ انہوں نے کہا کہ صوبے سے دہشت گردی کے خاتمے اور قیام امن کے لیے صوبے کے عوام مسلح افواج،ایف سی،پولیس اور لیویز فورس کے جوانوں کی عظیم قربانیاں ہیں جھنیں کبھی بھی فراموش نہیں کیا جاسکتا۔

جیکب آباد۔ (اے پی پی)مختلف کاروائیوں کے نتیجے میں 52 اشتہاری اور 3 روپوش ملزمان کوگرفتار کر لیا گیا ہے۔تفصیلات کے مطابق
تھانہ صدر پولیس نے نو دن قبل تھانہ صدر کی حدود بولان پیٹرول پمپ کے قریب مسلح افراد کی فائرنگ سے قتل ہونے والے ڈاکٹر شبیر بروہی کے قتل کیس کا اہم و مرکزی ملزم ساجد گرفتار کرلیا،گرفتار ملزم کے قبضے سے بغیر لائسنس ٹی ٹی پسٹل برآمد جبکہ دیگر فرار ملزمان کی گرفتاری کیلئے پولیس کی جانب سے چھاپوں کا سلسلہ جاری ہے۔۔دوسری جانب جیکب آباد پولیس نے ضلع بھر میں متعدد مقامات پر کارروائیوں کے نتیجے میں 03 روپوش اور 52 اشتہاری ملزمان کو گرفتار کر لیا۔

ڈیرہ مرادجمالی۔ (اے پی پی) ڈی آئی جی پولیس نصیر آباد شہاب عظیم لہڑی نے ناکہ ظہور شہید مچھ پر نصب سی سی ٹی وی کیمروں کا افتتاح کر دیا۔ کیمروں کی تنصیب سے چیکنگ کے عمل بہتری میں مدد ملے گی۔ آئی جی پولیس بلوچستان محسن حسن بٹ اور ڈی آئی جی پولیس نصیر آباد شہاب عظیم لہڑی کی خصوصی ہداہت پر پولیس کے ناکہ جات پر چیکنگ کے عمل کو موئثر بنانے کے حوالے سے تمام چیک پوسٹوں پر سی سی ٹی وی کیمروں کے تنصیب کا عمل جاری ہے۔ ایس پی بولان ارشاد احمد گولہ کی جانب سے ناکہ ظہور شہید مچھ پر سی سی ٹی وی کیمرے نصب کر دیئے گئے۔ اس موقع پر ڈی آئی جی پولیس نصیر آباد شہاب عظیم لہڑی کا کہنا تھا کہ سی سی ٹی وی کیمروں کے ذریعے چیکنگ کا عمل مزید بہتر بنایا جا رہا ہے، چیک پوسٹ پر شکایتی بکس اور سائن بورڈ بھی آویزاں کیے گیے ہیں جس کے ذریعے عوام کسی بھی شکایت کی صورت میں پولیس کے ذمہ دار آفیسران کے ساتھ فوری رابطہ کر سکیں گے، ان تمام اقدامات کا مقصد عوام کے مسائل کا فوری ازالہ اور دادرسی ہے۔ انھوں نے پولیس اہلکاروں کو خصوصی ہدایت بھی دی کہ ہفتہ خوش اخلاقی کے حوالے سے عوام کے ساتھ اپنے روئیے کو مزید بہتر رکھیں، خصوصاً ضعیف العمر اور چھوٹے بچوں کے ساتھ بہتر انداز میں پیش آئیں تاکہ عوام میں پولیس کا مورال بلند رہے۔

کوئٹہ۔(اے پی پی) پارلیمانی سیکرٹری برائے قانون وترقی نسواں ماہ جبین شیران نے کہا ہے کہ وزیراعظم عمران خان نے اقوام متحدہ کی جنرل اسمبلی سے تاریخی خطا ب کرکے حق خود ارادیت کے حصول کی پرامن جدوجہد میں مصروف کشمیریوں کے حوصلے بلند کردئیے ہیں،عمران خان نے آر ایس ایس اور مودی کا بدنما چہرہ دنیا کے سامنے بے نقاب کرنے کے ساتھ اسلام کا آفاقی پیغام دنیا کے سامنے پیش کردیا ہے،یہ بات انہوں نے ”ایسوسی ایٹیڈ پریس آف پاکستان“(اے پی پی)سے گفتگوکرتے ہوئے کہی،پارلیمانی سیکرٹری برائے قانون وترقی نسواں ماہ جبین شیران نے کہا کہ مسئلہ کشمیر،ناموس رسالت کے مسائل کو جامع انداز میں پیش کرکے وزیراعظم نے نئی تاریخ رقم کردی ہے اور حقیقی معنوں میں کشمیریوں کے سفیر ہونے کا حق اداکردیا ہے،انہوں نے کہا کہ اس وقت وزیراعظم کا جنرل اسمبلی سے خطاب پوری دنیا میں ٹاپ ٹرینڈ بن گیا ہے اور وہ دن دور نہیں جب کشمیری بھارت کی غلامی سے آزاد ی حاصل کرینگے۔ماہ جبین شیران نے کہا کہ عمران خان نے اقوام متحدہ کی جنرل اسمبلی میں عالم اسلام اور مسئلہ کشمیر پر مدلل اور تاریخی خطاب کرکے امت مسلمہ کا حقیقی لیڈر ہونے کا ثبوت دیا ہے اور وزیراعظم عمران خان مقبوضہ کشمیر کے مظلوم عوام کو حق خود ارادیت دلانے کے لیے پوری دنیا میں ان کی حق کی جنگ لڑ رہے ہیں۔