Category: کوئٹہ

کوئٹہ میں گرج چمک کے ساتھ موسلادھار بارش نے انتظامیہ کے سبھی دعوؤں کی قلعی کھول دی.
کوئٹہ میں کچھ منٹ کی بارش ہونے کے بعد سڑکیں ندی نالوں کا منظر پیش کرنے لگیں پیدل چلنے والوں کے لئے مشکلات پیش آرہی ہیں اس کے ساتھے ساتھ بارش کے باعث اکثر علاقوں میں بجلی کی آنکھ مچولی شروع ہوگئی۔

بلوچستان کے علاقے لسبیلہ میں ٹریفک حادثے میں 9 افراد جاں بحق ہو گئے

باغی ٹی وی کی رپورٹ کے مطابق افسوسناک حادثہ بلوچستان کے علاقے لسبیلہ میں پیش آیا،مکران کوسٹل ہائی وے کے قریب مسافر کوچ الٹ گئی جس کے نتیجے میں کوچ میں سوار 9 مسافر جاں بحق ہو گئے، کوچ الٹنے سے 11 مسافر زخمی بھی ہوئے.

افغان طالبان مجھ سے ملنا چاہتے تھے لیکن کسی ملک کو اعتراض تھا، وزیراعظم

کشمیر پر دو ایٹمی طاقتیں آمنے سامنے آ سکتی ہیں،وزیراعظم عمران خان کا اقوام متحدہ میں خطاب

اطلاع ملنے پر ریسکیو حکام موقع پر پہنچے جہاں انہوں‌ نے لاشوں کو ہسپتال منتقل کیا، ریسکیو حکام نے زخمیوں کو بھی ابتدائی طبی امداد کے بعد مزید طبی امداد کے لئے ہسپتال منتقل کر دیا

جان بحق وزخمیوں میں مرد خواتین اور بچے بھی شامل ہیں نعشوں وزخمیوں کو DHQ ہسپتال اوتھل اور اورماڑہ منتقل کیا کیا گیا ہے الجاوید کوچ پسنی سے کراچی جارہی تھی

گزشتہ ماہ بھی بلوچستان کے علا قے حب مکران کوسٹل ہائی وے سنگل مقام پر کراچی سے اوڑماڑہ جانے والی مسافر کوچ الٹنے سے ایک شخص جاں بحق جبکہ 20 افراد زخمی ہوگئے تھے

کشمیر میں کرفیو کے 2 ماہ، ایل او سی توڑنے بارے وزیراعظم کا بیان آ گیا

سبی پولیس نے ڈکیتی کے وارداتوں میں ملوث مرکزی ملزم اور گینگ کے سربراہ کو گرفتار کرکے ان کے قبضے سے چھینے گئے موبائل فونز برآمد کر لئے ہیں جبکہ ملزم کی نشاندہی پر دوسرا ساتھی ملزم کی گرفتاری کے لئے مختلف مقامات پر چھاپوں کا سلسلہ جاری ہے،گینگ کے ساتھی ملزمان کو بھی جلد گرفتار کیا جائے گا،سبی میں امن وامان کی بحالی اور عوام کی جان و مال کی حفاظت ہماری ذمہ داری ہے شہر میں امن وامان کو ہر صورت برقرار رکھا جائے گا،چوری،ڈکیتی اور اسٹریٹ کرائمز کسی صورت برداشت نہیں کیا جائے گا،ایس ایس پی سید علی آصف کی ہنگامی پریس کانفرنس سے خطاب، قبائلی رہنماء میر صلاح الدین ڈومکی اور دیگر نے پولیس کی کامیاب کاروائی پر ایس ایس پی سید علی آصف اور اے ایس پی کیپٹن ریٹائرڈ دوست محمد بگٹی کو ہار پہنا ئے،تفصیلات کے مطابق ایس ایس پی سبی سید علی آصف نے اپنے آفس میں اے ایس پی کیپٹن ریٹائرڈ دوست محمد بگٹی کے ہمراہ ہنگامی پریس کانفرنس سے خطاب کرتے ہوئے کہا کہ گذشتہ شب ریذیڈنسی روڈ پر دو بجے رات کے قریب دو ڈاکووں نے ایک شخص کو چاقووں کے وار کرکے زخمی کرنے کے بعد اس سے موبائل فون چھین کر فرار ہوگئے ایس ایچ او سٹی غلام جیلانی نے بھاری پولیس نفری کے ہمراہ اے ایس پی کیپٹن ریٹائرڈ دوست محمد بگٹی کے نگرانی میں کاروائی کرتے ہوئے 12گھنٹے کے اندر اندر گینگ کے سربراہ اور مرکزی ملزم جمشید کو گرفتار کر کے ان کے قبضے سے چھینی گئی چار قیمتی موبائل فونز برآمد کر لئے ہیں اورملزم کے نشاندہی پر ساتھی ملزم کی گرفتاری کے لئے بھی چھاپے مارے جا رہے ہیں ملزمان کے خلاف مقدمہ درج کر لیا گیا ہے جبکہ گینگ کے دیگر ساتھی ملزمان کو بھی جلد گرفتار کر لیا جائے گا مذید تفتیش سٹی پولیس کر رہی ہے گرفتار ملزم سے اہم انکشافات کی توقع ہیں اس موقع پر ایس ایس پی سبی سید علی آصف نے کہا کہ سبی پولیس کی ذمہ داری ہے کہ وہ عوام کی جان ومال کی حفاظت ہر صورت یقینی بنائے گی انہوں نے کہا کہ شہر میں امن وامان کو ہر صورت برقرار رکھا جائے گا اور شہر میں چوری،ڈکیتی اور اسٹریٹ کرائمز کسی صورت برداشت نہیں کیا جائے گا انہوں نے کہا کہ اس سلسلے میں سبی پولیس اپنے فرائض جانفسانی کے ساتھ سر انجام دے رہا ہے شہر یوں کو بھی چاہیے کہ وہ جرائم پیشہ افراد کی نشاندہی کریں تاکہ پولیس ان کے خلاف کاروائی کریں اور عوام پولیس کے ساتھ تعاون کریں اور اگر کہیں پولیس کی کوتائی نظر آئیتو میڈیا کو چاہیے کہ اس کی نشاندہی کریں یہ ان کی ذمہ داری ہے بعد ازیں سبی کے قبائلی رہنماء میر صلاح الدین ڈومکی،ملوگ گورگیج اور فیصل رحیم نے پولیس کی کامیاب کاروائی پر ایس ایس پی سید علی آصف اور اے ایس پی کیپٹن ریٹائرڈ دوست محمد بگٹی کو ہار پہنا ئے اور پولیس کی کارکردگی کو سراہا۔

کوئٹہ۔ (اے پی پی) چیف سیکرٹری بلوچستان کپٹین (ر) فضیل اصغر کے احکامات کے تناظر میں محکمہ صحت نے کوئٹہ سمیت بلوچستان بھر کے تمام سرکاری ہسپتالوں کے سربراہان کو ہدایات کی ہیں کہ تمام اسٹاف بشمول ڈاکٹرز، نرسز، فارماسسٹ، پیرامیڈیکل سٹاف اور دیگر تمام عملہ روزانہ کی بنیاد پر بائیومیٹرک حاضری لگائیں گے اور غیر حاضری کی صورت میں تنخواہ سے کٹوتی کی جائے گی۔ ڈپٹی سیکرٹری محکمہ صحت جاری کردہ سرکلر کے مطابق جن ہسپتالوں میں بائیومیٹرک سسٹم نصب نہیں کیاگیاہے ان میں تین دن کے اندرتمام عملے کی حاضری کی میٹرنگ کیلئے بائیومیٹرک نصب کیاجائے گااورجن ہسپتالوں میں عملہ غیرحاضر اوربائیومیٹرک سسٹم نصب نہیں ہے وہاں بائیومیٹرک حاضری سسٹم فوری طور پر فعال کیا جائے اور روزانہ کی بنیاد پر تمام ملازمین کی محکمہ صحت کے ساتھ11 بجے تک حاضری رپورٹ شیئر کریں۔ چیف سیکرٹری بلوچستان کپٹین (ر) فضیل اصغر کے احکامات کے تناظر میں تمام ڈاکٹرز بشمول بولان یونیورسٹی کے کلینکل ڈاکٹرز، نرسز، فارماسسٹ، پیرامیڈیکل سٹاف اور دیگر تمام عملہ روزانہ کی بنیاد پر بائیومیٹرک حاضری لگائیں گے اور غیر حاضری کی صورت میں تنخواہ سے کٹوتی کی جائے گی۔

کوئٹہ۔(اے پی پی)بلوچستان عوامی پارٹی کے بانی سعید احمد ہاشمی نے کہا ہے کہ مودی سرکار کی جانب سے کشمیریوں کے ساتھ ظلم و زیادتیوں کے تسلسل پر انسانی حقوق کے عالمی ٹھیکیداروں کی خاموشی قابل مذمت ہے،پاکستان کو اقوام متحدہ اور دیگر عالمی ثالثی اداروں کی جانب دیکھے بغیر مسئلہ کشمیر کے حل کے لیے از خود قابل عمل اقدامات اٹھانے ہونگے کشمیر کے موقف پر قومی یکجہتی کا فروغ وقت کی اہم ضرورت ہے اس مقصد کے لیے میثاق قومی یکجہتی کی تشکیل پر سنجیدہ غور کیا جائے۔ ان خیالات کا اظہار انہوں نے 4 اکتوبر یوم قومی یکجہتی کشمیر کے موقع پر کوئٹہ میں بسنے والی کشمیری کمیونٹی کے ایک وفد سے بات چیت کرتے ہوئے کیا بانی بی اے پی و سینیئر سیاستدان سعید احمد ہاشمی نے کہا کہ مسئلہ کشمیر پر ایک عرصہ عالمی اداروں کی جانب دیکھنے کے بعد یہ بات واضح ہو چکی ہے کہ جہاں عالمی طاقتوں کے اپنے مفادات نہ ہوں وہاں ان عالمی اداروں کی دلچسپی نہیں ہوتی اور نہ ہی تنازعات کے حل کے لیے قابل عمل ٹھوس اقدامات اٹھائے جاتے ہیں جبکہ دنیا دیکھ چکی ہے کہ ان عالمی طاقتوں کے اپنے مفادات میں نیٹو فورسز سمیت فوجی طاقت کے بے دریغ استعمال سمیت معاشی اقتصادی پابندیوں اور ہر طرح کے قابل گرفت اقدامات تجویز کرتے ہوئے ان پر بلا تاخیر عمل درآمد شروع کر دیا جاتا ہے،عالمی طاقتوں اور بین الاقوامی ثالثی اداروں کی جانب مزید دیکھنا اور ان سے امیدیں وابستہ رکھنا قومی خود فریبی کے سوا کچھ نہیں، اب وقت آگیا ہے کہ مسئلہ کشمیر پرموثر فیصلہ سازی کا عمل از خود شروع کریں۔ انہوں نے کہا کہ یہ وقت باہمی جھگڑوں کا نہیں بلکہ معاشی بحران سے نمٹنے اور مسئلہ کشمیر کے حل کے لیے فوری طور پر تمام جماعتوں اور اسٹیک ہولڈرز کو ایک جگہ بیٹھ کر ان مسائل کا حل تلاش کرنا ہوگا اس مقصد کے لیے فوری طور ملک میں "میثاق قومی یکجہتی ” کی تشکیل کی ضرورت ہے تاکہ اندرونی و بیرونی خطرات اور معاشی و اقتصادی چیلنجز سے نمٹنے کیلئے قومی اتفاق رائے سے اقدامات تجویز کئے جاسکیں۔ انہوں نے کہا کہ مسلم امہ پر انحصار کا تصور بے سود ہے وقت اور حالات نے ثابت کیا ہے کہ اسلامی ممالک ہوں یا غیر مسلم اس وقت دنیا میں ہر ملک کو معاشی مفادات عزیز ہیں امہ مسلمہ کے اتحاد کا نعرہ کافی پہلے دفن ہوچکا اب اس مردہ گھوڑے پر مزید انحصار عالمی حالات سے کنارہ کشی اور معاشی تباہی کے سوا کچھ نہیں۔ انہوں نے کہا کہ وزیراعظم عمران خان نے عالمی فورم پر مسئلہ کشمیر کا بھرپور دفاع کیا ہے اور حکومت کی موثر حکمت عملی پر مسئلہ کشمیر عالمی سطح پر ایک مضبوط کیس کے طور پر سامنے آیا ہے کشمیر پاکستان کی شہہ رگ ہے اور ہر پاکستانی مسلۂ کشمیر پر ایک ہی موقف رکھتا ہے کشمیریوں کو ان کے حقوق اور آزادی دئیے بغیر جمہوریت کا ڈھونگ بھارت کا دوغلہ پن ہے اور بھارت کا مکرہ چہرہ پوری دنیا پر آشکار ہو چکا ہے۔

جیکب آباد۔ (اے پی پی) تین سالہ بچہ پانی کے تالاب میں ڈوب کر جاں بحق ہو گیا۔تفصیلات کے مطابق جیکب آباد کی تحصیل ٹھل کے گاؤں شیخ محمد پہوڑ میں تین سالہ بچہ خان محمد پہوڑ پانی کے تالاب میں گر کر ڈوب کر ہلاک ہوگیاہے،ورثاء نے لاش کو سول ہاسپٹل ٹھل لایا گیا جہاں سرکاری ڈاکٹرز نے بچے کی فوت ہونی کی تصدیق کردی۔لاش گھر پہنچنے پر گھر میں قہرام مچ گیا۔

جیکب آباد۔ (اے پی پی) جیکب آباد پولیس کی کارروائیاں، قتل اسمگلنگ اور جوا سمیت مختلف جرائم میں ملوث ملزمان کو گرفتار کر لیا گیا۔تفصیلات کے مطابق تھانہ صدر پولیس نے شمبے شاہ چیک پوسٹ کے قریب چیکنگ کے دوران ایک گاڑی AJE-195 سے 250 کلوگرام پان پراغ/گٹکا اور 100 کلو مضر صحت پسی ہوئی چھالیہ برامد کرلی اور اسمگلنگ کی کوشش کرنے والا ایک ملزم بلال ولد احمد بخش شیخ سکنہ حیدرآباد کو گرفتار کر لیاگیا۔ کار کو پولیس نے کسٹڈی میں کر کے مقدمہ درج کر دیا گیا۔

ہرنائی۔(اے پی پی) آل پاکستان واپڈا ہائیڈرویونین کے زیر اہتمام واپڈا کی نجکاری کے خلاف سب ڈویژن آفس ہرنائی سے احتجاجی ریلی نکالی جومختلف شاہراہوں سے ہوتا ہوا پریس کلب کے سامنے پہنچ کراحتجاجی مظاہرہ کیا ریلی کے شرکاء نے واپڈا کی نجکاری نامنظور کے بینرز اور پلے کارڈ اٹھارکھے تھے اورمظاہرین نے حکومت کیخلاف شدید نعرہ بازی کی اور محکمہ کی مجوزہ نجکاری کو ہزاروں خاندانوں کا معاشی قتل قراردیا احتجاجی مظاہرے سے خطاب کرتے ہوئے سب ڈویژن کے چیئرمین جمعہ خان ترین، جنرل سیکرٹری سیدندیم شاہ نے کہا کہ حکومت نے جس ادارے کی نجکاری کی اس سے ملک اور غریب ملازمین کا نقصان ہی ہوا ہے۔ واپڈا ایک منافع بخش ادارہ ہے لہٰذا اس کی نجکاری کی کوئی ضرورت نہیں انہوں نے کہاکہ حکومت واپڈا کی نجکاری سے بعض رہے انہوں نے کہاکہ واپڈا ہائیڈرویونین واپڈا کی نجکاری کسی صورت قبول نہیں کرے گی۔

کوئٹہ (اے پی پی)آواران میں سوئی سدررن گیس کمپنی کے ایل پی جی گیس پلانٹ کا افتتاح کر دیا گیا۔ پلانٹ سے شہر اور آس پاس کے دیہات کو گیس کی فراہمی شروع کردی گئی ہے۔ا یل پی جی گیس کی فراہمی آواران کے عوام کا دیرینہ مطالبہ تھا وزیراعلیٰ بلوچستان جام کمال نے وزارت اعلیٰ کا منصب سنبھالنے کے بعد ترجیحی بنیادوں پر بلوچستان کے مختلف اضلاع میں ایل پی جی پلانٹ کی وزیر اعظم سے منظوری حاصل کی اور ایل پی جی ایئر مکس پلانٹ کے منصوبے پر عملدرآمدکا آغاز کروایا ہے اور مختصر مدت میں منصوبے کی بروقت تکمیل یقینی بنوا کر آواران جیسے پسماندہ علاقے میں جمہوری حکومت کا پہلا تحفہ عوام کو دیا ہے۔ ایل پی جی ایئر مکس پلانٹ کی تنصیب سے آوارا ن کے غریب عوام میں خوشی کی لہر دوڑ گئی ہے کیونکہ گیس کے آنے سے ان کی بہت سی مشکلات ختم ہوجائیں گی،آواران کے عوام نے وزیر اعلیٰ بلوچستان جام کمال اور وزیراعظم پاکستان کا شکریہ ادا کرتے ہوئے، اس امید کا اظہار کیا ہے آواران میں عوامی فلاح وبہبود کے دیگر جاری منصوبوں میں شفافیت اور بروقت تکمیل یقینی بنائیں گیں

کوئٹہ۔(اے پی پی) کوئٹہ کسٹم نے لکپاس کے مقام پر غیر ملکی سامان کی سمگلنگ کی کوشش ناکام بنا دی، لاکھوں روپے کا غیر ملکی کپڑا قبضے میں لے لیا گیا۔ترجمان کوئٹہ کسٹم کے مطابق جمعرات کے روز، کلیکٹر کسٹمز پریوینٹو کوئٹہ افتخار احمد کو خفیہ اطلاع ملی کہ سمگلر مسافروں کے بھیس میں بسوں میں غیر ملکی سامان چھپا کر سمگل کرنے کی کوشش کررہے ہیں،ایڈیشنل کلیکٹر پریوینٹو جمیل بلوچ اسسٹنٹ کلیکٹر سلیم طاہر اور سپرنٹنڈنٹ اسلم خان کو احکامات جاری کیں، جس پر انچارچ لکپاس انسپکٹر جمیل کاکڑ اور انسپکٹر آرف دوتانی نے اندرون ملک جانے والی مسافر کوچز سے بڑے پیمانے پر غیر ملکی کپڑا برآ مد کرلیا، جن میں مردانہ، زنانہ اور فینسی شامل ہیں برآمد کی گئی،سامان کی قیمت لاکھوں روپے سے زائد بنتی ہے، چیف کلیکٹر ڈاکٹر چوہدری ذوالفقار علی اور کلیکٹر پریوینٹو ڈاکٹر افتخار احمد نے اسٹاف کی کارروائی کو سراہا۔