Category: کوئٹہ

لورالائی میں اسسٹنٹ کمشنر لورالائی جمعہ داد خان نے آج لورالائی میں پٹرول پمپوں کا اچانک دورہ کیا پیمانے سے مقدار چیک کیا اور اسکے علاوہ سرکاری نرخنامہ پر عملدرآمد چیک کیا جن پٹرول پمپوں کا مقدار اور ریٹ صحیح نہیں تھا ان کو جرمانہ کیا اور خبردار کیا کہ آئندہ سخت قانونی کاروائی ہوگی اسکے علاوہ اسسٹنٹ کمشنر نے پٹرول پمپ مالکان کو ہدایت کی کہ مسافروں کیلئے واش رومز کا بندوبست کریں ورنہ پٹرول پمپ سیل کیا جائے گا ۔

کوئٹہ:- محرم الحرام کے دوران امام بارگاہوں کو جانیوالے روٹس کی روزانہ کی بنیاد پر صفائی کی جا رہی ہے، خراب اسٹریٹ لائٹس کی فعالی کا کام بھی تیزی سے جاری ہے ساتھ ہی میٹروپولیٹن کارپوریشن میں باقاعدہ کنٹرول روم قائم کر دیا ہے اور ٹرانسفارمر کے خراب لنکس درست کر کے بحال کر دئیے گئے جبکہ تمام لائٹس فعال ہیں زیر تعمیر سڑکوں پر جلوس میں رکاوٹ بننے والا ملبہ اٹھانے کا کام مکمل کر لیا گیا ہے، ایڈمنسٹریٹر کوئٹہ

وزیراعلئ بلوچستان جام کمال خان کا مشرقی بائ پاس پر دہشت گردوں کے خلاف سیکیورٹی فورسز کی کامیاب کاروائ پر اطمینان کا اظہار وزیراعلئ کی آپریشن میں حصہ لینے والی سیکیورٹی ٹیم کو مبارکباد دی سیکیورٹی فورسز نے جرات اور بہادری سے دہشت گردوں کے ٹھکانے کو تباہ اور دہشت گردوں کو ان کے انجام تک پہنچایا۔وزیراعلئ
۔سیکیورٹی فورسز نے دہشت گردی کی منصوبہ بندی اور ممکنہ کاروائ کو ناکام بنایا عوام کے جان و مال کے تحفظ اور امن کے قیام کے لیۓ سیکیورٹی فورسز کی کارکردگی باعث اطمینان ہے اورکاروائ میں زخمی ہونے والے سیکیورٹی اہلکاروں کی جلد صحتیابی کی دعا کی۔

جامعہ بلوچستان کو ایچ ای سی کی جانب سے کٹوتی کے بعد سے 620 ملین سے زائد کے خسارے کا سامنا ہے اور جامعہ بلوچستان کو ایک سال کے دوران 1500 ملین چاہیے جب کے فنڈز کی کٹوتی کے بعد جامعہ کو 872 ملین فراہم کئے گئے مالی بحران کے باعث آئندہ ماہ ملازمین کی تنخواہوں کی ادائیگی میں بھی مشکلات ہونگی جس پر حکومت بلوچستان نے جامعہ کو ایک خصوصی پیکج دینے کی یقین دہانی کرائی ہے گزشتہ دو سالوں سے جامعہ کے امور چلانے کیلئے بینکوں سے قرضوں اور دیگر زرائع سے چلایا جارہا ہے،زرائع

بلوچستان فوڈ اتھارٹی نے نواں کلی میں کاروائی کرتے ہوۓ مضر صحت اور غیر معیاری بیکری آئٹمز کی تیاری و فروخت پر ایک بیکری اور دو بیکرز پروڈکشن یونٹس سیل کردئیے۔

کوئٹہ میں بلوچستان فوڈ اتھارٹی کی غیر معیاری اور مضر صحت اشیاء خوردنوش بنانے اور فروخت کرنے والوں کے خلاف کارروائیاں جاری ہیں۔ڈائریکٹر آپریشنز ندا کاظمی کی سربراہی میں بی ایف اے کی فوڈ سیفٹی ٹیم نے منگل کے روز نواں کلی میں کارروائی کرتے ہوئے رامادا بیکری اینڈ بیکرز پلانٹ اورچمن بیکرز پلانٹ کوپروڈکشن ایریا میں صفائی کے انتہائی ناقص انتظامات و زنگ آلود مشینری، غیرمعیاری و مضرصحت پروڈکشن ،حشرات کی موجودگی، ملازمین کی ذاتی صفائی نہ ہونے اور مجموعی طور پر حفظان صحت کے اصولوں کے برخلاف اشیاءکی تیاری و فروخت پر سیل کر دیا۔واضح رہے کہ بلوچستان فوڈ اتھارٹی کو عوام کی جانب سے شکایت موصول ہوئی تھی کہ گزشتہ روز رامادا بیکری سے خریدی گئیں مختلف اشیاء کے استعمال سے بچوں وخواتین سمیت متعدد افراد غذائی زہریت( فوڈ پوائزننگ) کا شکار ہوئے تھے جس پر بی ایف اے کی معائنہ ٹیم کی جانب سے فوری رسپانس دیتے ہوئے مذکورہ کاروائی عمل میں لائی گئی علاوہ ازیں فوڈ اتھارٹی حکام نےعلاقے میں موجود دیگر کھانے پینے کے مراکز کا بھی معائنہ کیا اور مختلف اشیاء خورد ونوش کے معیار کا جائزہ لیا۔ معائنے کے دوران مختلف مراکز کے مالکان و عملے کو عوام کو محفوظ خوراک کی فراہمی یقینی بنانے کی ہدایت کی جبکہ اس حوالے سے انہیں خصوصی ہدایت نامے بھی جاری کیے گئے۔

سکول کے سوزکی وین اور مسافر ویگن کے درمیان خوفناک تصادم ایک طالبہ جاں بحق 8 افراد زخمی تفصیلات کے مطابق قومی شاہراہ شہید نواب غوث بخش ہسپتال کے قریب مستونگ سے کھڈکوچہ جانیوالے طالبات کی سکول وین اور مخالف سمت سے قلات سے کوئٹہ آنے والے مسافر ویگن کے درمیان تصادم ہوا جسکے نتیجے میں ایک طالبہ موقع پر جاں بحق جبکہ طالبات سمیت 8 افراد زخمی ہوئے ہیں جنھیں ابتدائی طبعی امداد کے لیے شہید نواب غوث بخش ہسپتال منتقل کر دیا گیا ہے۔

(اے پی پی) بلوچستان وزیراعلیٰ جام کمال خان نے وزیراعلی خیبر پختونخوا محمود خان کی والدہ کے انتقال پر دلی دکھ اور افسوس کا اظہار کرتے ہوئے غمزدہ خاندان سے ہمدردی اور تعزیت کا اظہار کیا ہے اور اپنے تعزیتی بیان میں انہوں نے مرحومہ کے بلند درجات اور لواحقین کے لیے صبر جمیل کی دعا کی۔

اسلام آباد: کوئٹہ بار نے بھی ججز کے خلاف صدارتی ریفرنسز میں سپریم جوڈیشل کونسل کی کارروائی کالعدم قرار دینے اور کیس کے حتمی فیصلے تک مزید کارروائی سے روکنے کیلیے سپریم کورٹ میں درخواست دائر کردی آرٹیکل 184(3) کے تحت دائر درخواست میں موقف اختیار کیا گیا کہ ریفرنسز بدنیتی پر مبنی ہیں جبکہ سپریم جوڈیشل کونسل جسٹس قاضی فائز عیسیٰ کے خلاف ریفرنس آئینی آرٹیکلز سے ہٹ کر چلا رہی ہے، جج کی جانب سے خودمختار اہلیہ اور بچوں کے اثاثے ظاہر کرنا یا نہ کرنا پیچیدہ قانونی نکتہ ہے اور آرٹیکل 209 کے تحت کارروائی کرتے ہوئے پیچیدہ ٹیکس معاملہ پر رائے زنی کرنا سپریم جوڈیشل کونسل کے اختیار سے باہر ہے، درخواست میں صدارتی ریفرنسز پر متعدد سوالات اٹھائے گئے ہیں۔

آواران جھاو لیویز کا چھاپہ دو روڈ ڈکیت گرفتار اسلحہ اور نقدی برآمد. ڈپٹی کمشنر حسین جان بلوچ کی ہدایت پر اسسٹنٹ کمشنر رحمت اللہ مراد دشتی تحصیلدار جھاو عبدالقادر بلوچ کی سربراہی میں رسالدار میجر یحیی خان محمد حسنی رسالدار جھاو عبدالباری نائب رسالدار منظور احمد بلوچ انچارج لیویز حوالدار عرفان علی محمد حسنی انچارج لیویز پوسٹ مھچی جمعہ خان حوالدار خفظ اللہ نے چھاپہ مار کر ملزمان حضور بخش ولد شاہ محمد سکنہ پتکی کوٹو 2 عبدالمنان ولد پھلو سکنہ گلی جھاو کوگرفتار کر لیا ملزمان سے ایک عدد کلاشنکوف تین عدد میگزین 45 دانہ زندہ کارتوس اور تین موٹرسائیکل دس ہزار نقدی برآمد کر لیا یاد رہے کہ ملزمان نے گزشتہ رات 12 بجے جھاو سیڈ ندی میں رورڈ بلاک کرکے اسلحہ کے زور پر ایک زمباد گاڑی ڈرائیور سے 20 ہزار روپے نقدی لےکر فرار ھوگے تھے لیویز نے 9 گھنٹے کے اندر اندر ملزمان کو گرفتار کر کے مزید تفتیش جاری۔