کوئٹہ:- وزیراعلی بلوچستان جام کمال خان نے کہا ہے کہ تکنیکی تعلیم کی فراہمی سے ہیومن ریسورس کو بہتر بنایا جاسکتا ہے جس سے طلباء وطالبات کو مستقبل میں روزگار کے بہترین مواقع میسر ہوسکیں گے، ان خیالات کا اظہار انہوں نے گورنمنٹ بوائز اور گرلز پولی ٹیکنک کالجز کے دورے کے موقع پرطلباء وطالبات سے بات چیت کرتے ہوئے کیا، وزیراعلیٰ نے دونوں اداروں کا تفصیلی دورہ کرتے ہوئے بوائز پولی ٹیکنک کالج کے مختلف شعبوں جن میں الیکٹرونکس، مائننگ، بی ٹیک، میکینیکل، الیکٹریکل، سول انجینئرنگ اور آئی ٹی کے شعبوں کا معائنہ کیا، اس موقع پر وزیراعلیٰ نے کہا کہ ہم تکنیکی تعلیم کو فروغ دے کر اپنی صنعت کو احسن انداز میں آگے لے جاسکتے ہین، پولی ٹیکنک کے شعبے میں بہتری سے ہم اپنی صنعت کو بہتر اور اعلیٰ تعلیم یافتہ افرادی قوت فراہم کرسکیں گے، وزیراعلیٰ نے کہا کہ سول انجینئرنگ کے شعبے کی ترقی میں کالج اپنا کلیدی کردار ادا کرسکتا ہے جبکہ میکینیکل اور ریفریجریشن کے حوالے سے تکنیکی تعلیم کی موثر فراہمی سے متعلقہ شعبوں میں بہتر افرادی قوت میسر ہوگی، انہوں نے سیکریٹری ہائر ایجوکیشن عبدالصبور کاکڑ کو ہدایت دیتے ہوئے کہا کہ طلباء کو بڑے پروجیکٹس میں انٹرن شپ کروائی جائے تاکہ وہ عملی طور پر زیادہ سیکھ سکیں، بعدازاں کالج کے پرنسپل مجید دہوار نے وزیراعلیٰ کو بریفنگ دیتے ہوئے کہا کہ اس تکنیکی شعبے کی بہتری سے ہم 30لاکھ نوکریاں تخلیق کرسکتے ہیں، بعدازاں وزیراعلیٰ نے گورنمنٹ گرلز پولی ٹیکنک کالج کا دورہ بھی کیا، اس موقع پر انہوں نے آئی لیب، ڈریس ڈیزائننگ، کشیدہ کاری، بیوٹیشن کلاسزاور دیگر مختلف شعبوں کا معائنہ کیا، وزیراعلیٰ نے طالبات سے بات چیت کرتے ہوئے کہا کہ خواتین کو تکنیکی مہارت کی فراہمی سے بہترین افرادی قوت بنایا جاسکتا ہے اور یہ امر باعث اطمینان ہے کہ ہماری بچیاں اس شعبہ میں تربیت حاصل کرکے خود کو باعزت اور باوقار روزگار کے حصول کے قابل بنارہی ہیں، انہوں نے ادارے میں آرکیٹیکچر کے شعبے کے آغاز اور اس ضمن میں طالبات کی دلچسپی کو بڑھانے کے لئے ادارے کے کردار کو موثر قرار دیا، وزیراعلیٰ نے کہا کہ پولی ٹیکنک کالج کے طلباء اور طالبات بہترین صلاحیتوں کے مالک ہیں جنہیں درست سمت دینے کی ضرورت ہے جس سے وہ بلوچستان کا حقیقی اثاثہ بن سکتے ہیں اور ایک روشن اور تابندہ مستقبل فراہم کرسکتے ہیں، دورے کے موقع پر وزیراعلیٰ طلباء میں گھل مل گئے اور تصاویر بنوائیں۔ صوبائی وزیر میر عارف جان محمد حسنی، چیف سیکریٹری کیپٹن (ریٹائرڈ) فضیل اصغر اور سیکریٹری ہائر ایجوکیشن عبدالصبور کاکڑ بھی اس موقع پر وزیراعلیٰ کے ہمراہ تھے۔
Category: کوئٹہ
-
نامعلوم چور مسجد کے باہر کھڑی موٹرسائیکل لے کر رفوچکر ہوگئے
ڈیرہ مرادجمالی۔ (اے پی پی)ڈیرہ مرادجمالی کے قریب نامعلوم چور مسجد کے باہر کھڑی موٹرسائیکل کو چوری کرکے رفوچکر ہوگئے پولیس کے مطابق ڈیرہ مرادجمالی کے قریب جمالی پیڑولیم سروس کے مسجد کے باہر لعل جان بگٹی نے اپنی سی ڈی موٹرسائیکل کھڑی کرکے جمعہ کی نماز اداکرنے اندرگئے تو اسی دوران نامعلوم چابی چور سی ڈی موٹرسائیکل کے تالے توڑکر چوری کرکے رفوچکر ہوگئے اطلاع ملنے پر صدر پولیس جائے وقوعہ پر پہنچ گئی اور علاقے کی ناکابندی کرکے ملزمان کی تلاش شروع کردی ہے۔
-
بلوچستان کے مسائل کا حل وفاقی حکومت کی ترجیحات ہیں،وفاقی وزیر داخلہ
گورنربلوچستان سے وفاقی وزیرداخلہ اعجازشاہ نے ملاقات کی ہے
باغی ٹی وی کی رپورٹ کے مطابق دونوں رہنماؤں کے مابین ملاقات میں صوبےمیں امن وامان کی مجموعی صورتحال ودیگرامورپرتبادلہ خیال کیا گیا، وفاقی وزیر داخلہ اعجاز شاہ کا کہنا تھا کہ بلوچستان کے مسائل کا حل وفاقی حکومت کی ترجیحات ہیں ، ترقیاتی منصوبوں کی جلد تکمیل سےعوام کوریلیف ملےگا،
گورنر بلوچستان امان اللہ یاسین زئی کا کہنا تھا کہ بلوچستان پاکستان کی ترقی کا محورہے،حکومت عوام سے کیے وعدوں کوعملی جامہ پہنارہی ہے
مولانا دھرنا دینے آئے تو روکیں گے، وفاقی وزیر داخلہ نے دبنگ اعلان کر دیا
حافظ سعید کے خلاف نئے مقدمات نہیں بنا رہے انہیں قومی دھارے میں لانا چاہتے ہیں، وفاقی وزیر داخلہ
وفاقی وزیر داخلہ بلوچستان میں ہیں گزشتہ روز وفاقی وزیر داخلہ اعجاز احمد شاہ نے ہیڈ کواٹر فرنٹیئر کور بلوچستان کا دورہ کیا ، وزیرداخلہ اعجاز شاہ نے صوبے میں جرائم کی روک تھام کیلئے فرنٹئیر کور کی کاوشوں کو سراہا.وزیر داخلہ اعجاز شاہ نے یادگار شہدا پر پھولوں کی چادر چڑھائی .وزیر داخلہ کو فرنٹیئر کور بلوچستان کی آپریشنل تیاریوں پر بریفنگ دی گئی.وزیر داخلہ نے بم ڈسپوزل آلات قانون نافذ کرنے والے اداروں کے حوالے کئے .
وفاقی وزیر داخلہ اعجاز شاہ کا کہنا تھا کہ حکومت کامشن ہے کہ ہم لوگوں کوسہولیات فراہم کریں،میں نے بلوچستان کے مسئلے دیکھے ہیں،انہیں حل کریں گے ،محرم الحرام میں امن وامان برقراررکھنے کے لیے سیکیورٹی اداروں نے اہم کرداراداکیا ،
مولانا آزادی مارچ کا فیصلہ مؤخر کر دیں گے، وفاقی وزیر داخلہ کی پیشنگوئی
-
مولانا آزادی مارچ کا فیصلہ مؤخر کر دیں گے، وفاقی وزیر داخلہ کی پیشنگوئی
وفاقی وزیر داخلہ اعجاز شاہ نے کہا ہے کہ ہمیں چاہیے لوگوں کو آگاہی دیں کہ بھارت یہ کرتا ہے اور کرے گا،
باغی ٹی وی کی رپورٹ کے مطابق وفاقی وزیر داخلہ اعجاز احمد شاہ نے ہیڈ کواٹر فرنٹیئر کور بلوچستان کا دورہ کیا ، وزیرداخلہ اعجاز شاہ نے صوبے میں جرائم کی روک تھام کیلئے فرنٹئیر کور کی کاوشوں کو سراہا.وزیر داخلہ اعجاز شاہ نے یادگار شہدا پر پھولوں کی چادر چڑھائی .وزیر داخلہ کو فرنٹیئر کور بلوچستان کی آپریشنل تیاریوں پر بریفنگ دی گئی.وزیر داخلہ نے بم ڈسپوزل آلات قانون نافذ کرنے والے اداروں کے حوالے کئے .
مولانا دھرنا دینے آئے تو روکیں گے، وفاقی وزیر داخلہ نے دبنگ اعلان کر دیا
حافظ سعید کے خلاف نئے مقدمات نہیں بنا رہے انہیں قومی دھارے میں لانا چاہتے ہیں، وفاقی وزیر داخلہ
وفاقی وزیر داخلہ اعجاز شاہ کا کہنا تھا کہ حکومت کامشن ہے کہ ہم لوگوں کوسہولیات فراہم کریں،میں نے بلوچستان کے مسئلے دیکھے ہیں،انہیں حل کریں گے ،محرم الحرام میں امن وامان برقراررکھنے کے لیے سیکیورٹی اداروں نے اہم کرداراداکیا ،
قانون ہاتھ میں لینے کی اجازت نہیں دی جائے گی، وفاقی وزیر داخلہ
وفاقی وزیر داخلہ کا مزید کہنا تھا کہ مقبوضہ کشمیرمیں کرفیوکی وجہ سےاشیائےضروریہ کی قلت ہے،مجھے یقین ہے مولانا فضل الرحمان کشمیرکی صورتحال کو دیکھتے ہوئےاحتجاج کا فیصلہ موَخرکریں گے،ملکی مفادات کے لیے سب کو کردار ادا کرنا ہو گا، مولانا فضل الرحمان خود10سال تک کشمیرکمیٹی کے چیئرمین رہے ہیں
نواز شریف کی ڈیل سے متعلق وزیر داخلہ اعجاز شاہ نے کیا کہا؟ خبر آ گئی
-
دکی، کوئلہ کان میں ٹرالی کی رسی ٹوٹنے کے باعث ایک کانکن جاں بحق
کوئٹہ۔اے پی پی) بلوچستان کے علا قے دکی میں کوئلہ کی کان میں ٹرالی کی رسی ٹوٹنے کے باعث ایک کانکن جاں بحق ہوگیا۔ لیویز ذرائع کے مطابق جمعرات کے روز بلوچستان کے علا قے دکی کی مقامی کوئلہ کان میں کام کرنے کے دوران رسی ٹوٹ گئی جس کے نتیجے میں محمد یوسف موقع ہی جاں بحق ہوگیا، لیویز فورس نے لاش کو ضروری کارروائی کیلئے سول ہسپتال دکی منتقل کیا جہاں سے ضروری کارروائی کے بعد لاش کو ورثاء کے حوالے کردیا گیا۔
-
مستونگ میں نامعلوم افراد کی فائرنگ سے لیویز فورس کا اہلکار جاں بحق،ملزمان فرار
کوئٹہ۔اے پی پی)مستونگ کے علاقے میں نامعلوم موٹرسائیکل سواروں کی فائرنگ سے لیویز فورس کا اہلکار جاں بحق ہو گیا، سرکاری ذرائع کے مطابق جمعرات کے روز لیویز اہلکارسمیع اللہ اپنی ڈیوٹی پر آرہا تھاکہ شیرین آب کے علاقہ خوشنخیرکے مقام پر نامعلو م موٹر سائیکل سواروں نے فائرنگ کر کے اسے قتل کردیا، ملزمان واردات کے بعد فرار ہونے میں کامیاب رہے۔ لیویز فورس کو اطلا ع ملتے ہی جائے وقوع پر پہنچی اور لا ش کو مقامی ہسپتال منتقل کیا جہاں ضروری کارروائی کے بعد اسے ورثاء کے حوالے کردیا گیا، علا قے کی ناکہ بندی کر کے ملزمان کی تلا ش شروع کردی گئی ہے۔
-
تحریک جوانان پاکستان کے زیراہتمام شہدائے کشمیرکانفرنس 20 ستمبر کوئٹہ پریس کلب میں منعقدہوگی
کوئٹہ۔ (اے پی پی) تحریک جوانان پاکستان کے زیراہتمام شہدائے کشمیرکانفرنس 20 ستمبربروز جمعہ 3بجے کوئٹہ پریس کلب میں منعقدہوگی۔کانفرنس سے چیئرمین تحریک جوانان پاکستان عبداللہ گل سمیت مختلف سیاسی ومذہبی جماعتوں،تاجرتنظیموں اورسول سوسائٹی کے نمائندے خطاب کرینگے۔کانفرنس کی تیاریاں عروج پرپہنچ گئی ہے اورکوئٹہ شہرکو تحریک جوانان پاکستان کے پوسٹروں اورپاکستان کے سبز ہلالی پرچموں سے سجادیاگیاہے۔
-
سیاسی اور مذہبی جماعتیں مسئلہ کشمیر کے لیے ایک پیج پر ہے، سینیٹر سرداریعقوب خان ناصر
کوئٹہ۔ (اے پی پی) سینیٹ کی قائمہ کمیٹی برائے بین الصوبائی رابطہ کے چیئرمین سینیٹر سرداریعقوب خان ناصر نے کامیاب نیشنل پارلیمنٹیرین کشمیر کانفرنس کے انعقاد پر چیئرمین سینیٹ محمد صادق سنجرانی کی کاوشوں کو سراہتے ہوئے کہا کہ چار صوبوں اور آزاد کشمیر کی پارلیمانی قیادت کو ایک پلیٹ فارم پر اکھٹا کرکے ایوان بالا کے چیئرمین نے مقبوضہ کشمیر کے عوام کو حوصلہ اور توانائی بخشی ہے، ملک کی سیاسی اور مذہبی جماعتیں تمام تر اختلافات بھلا کر مسئلہ کشمیر کے لیے ایک پیج پر ہے ان خیالات کا اظہار انھوں نے جمعرات کو”اے پی پی“ سے گفتگو کرتے ہوئے کیا، سینیٹر سردار یعقوب خان ناصر نے کہا کہ نام نہاد جمہوریت کے علمبردار ہندوستان نے کشمیریوں کو نبیادی ضروریات سے محروم کرکے مقبوضہ کشمیر کو کربلا بنادیا ہے مگر کشمیریوں کے حوصلے بلند اور تحریک ازادی کشمیر فیصلہ کن موڑ میں داخل ہو گئی ہے انہوں نے کہا کہ کشمیر بنے گا پاکستان کا نعرہ ایک حقیقت بن چکا ہے اور 45 روز سے اپنے گھروں میں محصور، خوراک اور ادویات کی کمی کے باوجود مقبوضہ کشمیر کے عوام بھارت کی غلامی تسلیم کرنے کو تیار نہیں ہے، سینیٹر سردار یعقوب خان ناصر نے کہا کہ کشمیریوں کا قتل عام بند نہ ہوا تو پورے خطے کا امن داو پر لگ جائے گا اس لیے بھارت کے جارحانہ عزائم کو ناکام بنانے اور مسئلہ کشمیر کو اقوام متحدہ کی قرادادوں و کشمیریوں کی خواہشات کے مطابق حل کرنے کے لیے انسانی حقوق کی تنظیموں اور عالمی طاقتوں کو متحرک کردار ادا کرنا ہو گا۔ انہوں نے کہا کہ بھارت میں مسلمانوں اور تمام اقلیتوں کو ازادی رائے اور جینے کی ازادی نہیں ہے مگر پاکستان میں تمام مذاہب کے لوگوں کو مکمل ازادی ہے اور بڑی تعداد میں اقلیتوں کے نمائندے پارلیمنٹ کے ممبران ہیں۔
-
بلوچستان غیر ملکی اسمگل شدہ سامان برآمد
پاکستان کسٹم نے بلوچستان کے مختلف علاقوں میں کارروائیوں کے دوران 3 کروڑ روپے سے زائد مالیت کی چھالیہ اور غیر ملکی اسمگل شدہ سامان برآمد کرلیا۔
ترجمان کسٹم کے مطابق درخشاں چیک پوسٹ پر ایک ٹرک کی چیکنگ کے دوران 10 ہزار کلو سے زائد چھالیہ برآمد کرلی جوکہ سیب کی کریٹوں میں چھپائی گئی تھی۔چھالیہ اندروں ملک اسمگل کی جا رہی تھی جس کی قیمت دو کڑور روپے بنتی ہے ڈرائیور فرار ہونے میں کامیاب ہو گیا لکپاس کے مقام پر ایک مشکوک ٹرک کو روک کر اس کی تلاشی لی گئی جس میں سے بڑے پیمانے پر کپڑا، پیرا شوٹ، سائیکلیں، برتن اور ٹائرز برآمد کر لئے گئے۔ غیر ملکی سامان کی قیمت ایک کروڑ روپے سے زائد بنتی ہے۔ -
جن قوموں نے تعلیم کو اپنی ترجیح بنایا، وہ ترقی کے منا زل طے کررہی ہے، صوبائی مشیر تعلیم میرمحمد خان لہڑی
کوئٹہ۔(اے پی پی)صوبائی مشیر تعلیم میرمحمد خان لہڑی نے کہا ہے کہ تعلیم کے بغیر کوئی بھی ملک،قوم اور معاشرہ ترقی نہیں کرسکتا ہے،جدید اورترقی کے اس تیز رفتار دور میں جن قوموں نے تعلیم کو اپنی ترجیح بنایا وہ آج ترقی کے منا زل بڑی تیز ی سے طے کررہی ہے، تعلیم کے بغیر ترقی ممکن نہیں اس لئے تعلیم کو ترجیح دیتے ہوئے اقوام نے اپنی معشیت،انفراسٹرکچر، آئی ٹی،شعبہ طب سمیت دیگر شعبہ جات میں عصرحاضر کے تقاضو ں کے مطابق اصلاحات کیں اس طرح اپنی قوم کو دنیا کے طا قتور او ر ترقی یافتہ اقوام کی صفوں میں لا کھڑا کیا ہے،ان خیالا ت کا اظہار انہوں نے”اے پی پی“ سے بات چیت کرتے ہوئے کیا۔ صوبائی مشیر تعلیم حاجی محمد خان لہڑی نے کہا کہ موجودہ صوبائی حکومت نے اقتدار میں آتے ہوئے تعلیم کو اپنی ترجیحات میں شامل کرکے اس میں موجودہ اور جدیددورکے تقاضوں کے مطابق اہم اصلاحات لانا ضروری سمجھا، بلوچستان کی جغرافیائی وسعت، بڑھتی ہوئی آبادی اور نئے تعلیمی سہولیات کے مراکز میں اساتذہ کی کمی پر قابو پانے اور صحت مند مقابلوں کے رجحان کی پذیرائی کے لیئے نظامِ تعلیم میں جہاں تدریسی عملے کا کلیدی کردار ہوتا ہے وہیں مددگار غیر تدریسی عملے کا کردار بھی انتہائی اہمیت کا حامل ہے،انہوں نے کہا کہ درس و تدریس کے عمل میں مدد گار عملے ہی کی بدولت اساتذہ کرام ذہنی سکون اور تندہی سے اپنے فرائض انجام دے سکتے ہیں اور بچوں کو بھی سہولت مہیا ہوتی ہے۔انہوں نے کہا کہ وزیر اعلیٰ بلوچستان کے عوامی ترقیاتی پروگرام کے تحت بتدریج بہتری کے پیشِ نظر صوبہ بھر کے اسکولز کو عمارتی ضروریات کی فراہمی کا منصوبہ شروع کیا گیا ہے جسکے تحت 159 ملین روپے کی لاگت سے 200 پرائمری سکولز کو بنیادی عمارت فراہم کی جائیگی جبکہ پینے کے صاف پانی کی فراہمی کو یقینی بنانے اور بیت الخلا جیسی بنیادی ضروریات کی دستیابی کے لیئے 1.3 ملین روپے مختص کی گئی ہے سی تسلسل میں خطیر رقم کی لاگت سے66 ہائی اسکولز کو ماڈل ہائی اسکولز اور257 مڈل اسکولز کو ماڈل مڈل اسکولز کا درجہ دیا جا رہا ہے جس سے بنیادی ضروریات کے ڈھانچے میں خاطر خواہ بہتری آئے گی۔ انہوں نے کہاکہ بلوچستان ایجوکیشن فاونڈیشن تعلیمی میدان میں کام کرنے والے نجی / غیر سرکاری اداروں کو تربیتی، مشاورتی اور بنیادی ڈھانچے کے حوالے سے سہولیات کی فراہمی کا ایک اہم ادارہ ہے۔انہوں نے مزید بتایا کہ محکمہ تعلیم میں انتظامی معاملات میں بہتری کے لئے اساتذہ کرام کی سہولت کی پیشِ نظر تمام ضلعی تعلیمی افسران کو ہدایات جاری کی گئی ہیں کہ ریٹائرمنٹ اور پنشن کے کیسز کو فوری طور پر حل کیا جائے اور پس و پیش کرنے والے افسران کے خلاف تادیبی کارروائی کے احکامات بھی جاری کیئے گئے۔محکمہ ثانوی تعلیم کے زیرِ انتظام تمام اسکولز میں موجود ناکارہ اشیاء کی فوری نیلامی کی گئی جس کے ذریعے حاصل ہونے والی رقم کو اسکولز کی بہتری کے لیئے استعمال کیا جارہاہے۔ محکمہ کے انتظامی دفاتر اور اسکولز میں موجود ناکارہ گاڑیوں کی فہرستیں تیار کی جا چکی ہیں جنھیں مجاز حکام کی منظوری کے بعد باقاعدہ نیلامی کے لیئے پیش کیا جائے گا اور اس نیلامی سے حاصل ہونے والی رقم بھی اسکولز کی بہتری کے لیئے استعمال کی جائے گی۔ صوبائی مشیر تعلیم نے مزید کہا کہ ضلعی سطح پر تعلیم کے شعبے کو در پیش مسائل کے فوری اور موثر حل کے لیئے ہر ڈی ای او کی سربراہی میں قائم ڈسٹرکٹ ایجوکیشن اتھارٹی اور ڈپٹی کمشنر کی سربراہی میں قائم ڈسٹرکٹ ایجوکیشن گروپ نامی فورمز کو فعال بنا یا گیا ہے۔