Category: کوئٹہ

جماعت اسلامی نے 15 ستمبر کو کوئٹہ میں کشمیریوں کے حق میں ریلی نکالنے کا اعلان کر دیا۔ امیر العظیم کا یہ بھی کہنا تھا کہ ہم اپوزیشن کے احتجاج کا حصہ اس لئے نہیں بن رہے کہ آج وہ جن نکات پر تنقید کررہے ہیں ماضی میں انہوں نے خود وہی کیا ہے ۔ اپوزیشن جماعتیں ماضی میں اپنی کردہ گناہوں کی معافی مانگیں اور لوٹی گئی رقم کو قومی خزانے میں جمع کرائیں تب ان کے ساتھ مل کر احتجاج کا سوچ جاسکتا ہے۔

باغی ٹی وی کی رپورٹ کے مطابق جماعت اسلامی کے مرکزی سیکرٹری جنرل امیرالعظیم نے اس بات کااعلان جماعت اسلامی بلوچستان کے صوبائی صدر مولانا عبدالحق ہاشمی اور دیگر عہدیداروں کے ہمراہ الفلاح ہاؤس میں پریس کانفرنس کرتے ہوئے کیا.

امیر العظیم کا کہنا تھا کہ کشمیر کا مسئلہ سنگین صورت اختیار کر چکا ہے اور اس حوالے سے کشمیر کی مدد کے لئے کوئی بھی نکلے گا تو اسے دہشت گردی نہیں سمجھا جائے گا،پاکستان امن کا خواہش مند ہے لیکن بھارت اس خواہش کو کمزوری سمجھ کر کشمیریوں پر ظلم ڈھا رہا ہے .

امیر العظیم کا مزید کہنا تھا کہ بھارت کی جانب سے بلوچستان میں مداخلت کا جائزہ لے کر پہاڑوں پر جانے والے ناراض لوگوں سے مذاکرات کے لئے کوششیں تیزکی جائیں کیونکہ جب امریکہ اور طالبان ایک دوسرے کے ساتھ مذاکرات کرسکتے ہیں تو حکومت ناراض لوگوں سے جوپہاڑوں پر چلے گئے ہیں مذاکرات کیوں نہیں کرسکتی اس وقت ملک کے بڑے مسائل میں سے کرپشن اور بدعنوانی ایک اہم مسئلہ ہے بلوچستان کی بنیادوں کو نہ صرف سب سے زیادہ کرپشن نے متاثر کیا ہے بلکہ بعض قبائلی سرداروں نے لوگوں کا استحصال کرکے صوبے کو مسائل کے دلدل میں دھکیل دیا ہے.

چہیتوں کو نواز کرحکومت نے احتساب کے اپنے نعرے کو شرما دیا، جماعت اسلامی

واضح رہے کہ اس سے قبل جماعت اسلامی کراچی اور پشاور میں کشمیر مارچ کر چکی ہے،کراچی میں جماعت اسلامی کے زیر اہتمام عظیم الشان کشمیر مارچ کا اہمتام کیا گیا جو کہ بارش کے باوجود بھی ایک کامیاب پروگرم تھا. شدید موسم اور بارش اہل کراچی کو کشمیری بھارئیوں سے یکجہتی کا اظہار کرنے سے روک نہیں سکی.اس موقع پر امیر جماعت اسلامی سراج الحق نے اجتماع سے خطاب کرتے ہوئے کہاکہ مقبوضہ کشمیر میں ایک مہینے سے کرفیو نافذ ہے، نوجوانوں کو شہید کیا جارہا ہے ، خواتین کی اجتماعی عصمت دری کی جارہی ہے لیکن ہمیں کشمیر کی آزادی کیلئے کوئی حرکت نظر نہیں آتی، اگر بھارتی فوج وہاں موجود ہے تو ہماری فوج کو بھی سرینگر میں موجود ہونا چاہیے، اگر آپ نے یہ لڑائی سرینگر میں نہیں لڑی تو آپ دیکھیں گے کہ یہ لڑائی اسلام آباد اور مظفر آباد میں لڑی جائے گی،

جماعت اسلامی نے اکتوبر میں لاہور میں بھی کشمیر مارچ کا اعلان کر رکھا ہے،

وزیراعلیٰ بلوچستان جام کمال خان نے کہا ہے کہ افواج پاکستان دشمن کی جانب سے کی جانے والی کوئی قسم کی جارحیت اور مہم جوئی کا بھرپور جواب دینے کی مکمل صلاحیت رکھتی ہیں اور اگر دشمن نے کسی قسم کی جارحیت کی تو اسے اس کا خمیازہ بھگتنا پڑے گا،

باغی ٹی وی کی رپورٹ کے مطابق یوم دفاع پاکستان کے موقع پر اپنے پیٍغام میں وزیراعلیٰ بلوچستان جام کمال نے کہا کہ قوم پاکستان کی ترقی امن اورسلامتی کویقینی بنانے کےلئے 1965ءکی طرح آج بھی متحد اوراپنی سیکیورٹی فورسز کے شانہ بشانہ دشمن کے ناپاک عزائم کو ناکام بنانے کےلئے پوری طرح پرُعزم ہے.

وزیراعلیٰ بلوچستان کا مزید کہنا تھا کہ آج ہم نہ صرف یوم دفاع بلکہ اپنے کشمیری بھائیوں کے ساتھ یکجہتی کے اظہار کا دن بھی منا رہے ہیں تاکہ مظلوم کشمیریوں پر ڈھائے جانے والے مظالم اور جبر کو دنیا کے سامنے اجاگر کیا جاسکے، جس طرح قوم نے پاک افواج کے ساتھ مل کر 1965ءمیں دشمن کی جارحیت کا منہ توڑ جواب دیا تھا آج بھی ہم اسی جذبے اور عزم کے ساتھ اپنی بہادر افواج کے ساتھ کھڑے ہیں،

پاکستان کا دفاع ناقابلِ تسخیر،سلامتی کو لاحق خطرات سے غافل نہیں رہ سکتے۔ وزیراعظم کا پیغام

جام کمال کا مزید کہنا تھا کہ آج ایک بار پھر وطن عزیز دہشت گردی کا شکار ہے اور ہم نے مل کر انتہا پسندی اور دہشت گردی کو شکست دینا ہے، 1965ءکی جنگ سے پاکستان ایک مضبوط اور خوداعتماد قوم ریاست کے طور پر ابھرا اور قومی یکجہتی کے باعث بین الاقوامی سرحد پر بھارت کی ننگی جارحیت کوناکام بنانا ممکن ہوا ،بھارت کو اس بلاجواز جارحیت کی بھاری قیمت چکانی پڑی،یہ یقیناہماری بہترین روایت اورشاندار دن ہے جسے آنے والی نسلیں فخر سے یاد رکھیں گی

6 ستمبر، وطن کے لئے جانیں قربان کرنے کے عہد کی تجدید کا دن ہے، صدر مملکت

صدر مملکت ڈاکٹر عارف علوی نے یوم دفاع کے موقع پر اپنے پیغام میں کہا کہ کشمیریوں کی جدوجہد آزادی کے لئے ہر سطح اور ہر پلیٹ فارم پر آواز بلند کرتے رہیں گے، بھارت کے یکطرفہ فیصلے کی کوئی اہمیت نہیں، یقیناً دنیا کو ادراک ہوتا جا رہا ہے کہ جنوبی ایشیا میں سلگنے والی یہ چنگاری دنیا کے امن کے لئے سب سے بڑا خطرہ ہے۔

صدر مملکت کا کہنا تھا کہ 6 ستمبر کا سورج ہر سال ہمارے قومی ولولوں کی یاد تازہ کرنے اور وطن کے لئے اپنی جان قربان کرنے کے عہد کی تجدید کے لئے طلوع ہوتا ہے، 54 سال پہلے، ہماری بہادر مسلح افواج نے پوری قوم کے شانہ بشانہ دشمن کے عزائم کو ناکام بنا کر ہمیشہ ہمیشہ کے لئے اس دن کو جرات و بہادری، ایثار و قربانی اور قومی یکجہتی کا استعارہ بنا دیا۔

صدر مملکت ڈاکٹر عارف علوی کا مزید کہنا تھا کہ ہم نے انہی لمحوں کو مشعل راہ بناتے ہوئے اندرونی چیلنجز و بیرونی سازشوں کو شکست دی ہے اور جذبہ ستمبر نے ہی ہمیں خودانحصاری کی منزل سے سرشار کر کے ہماری آزادی اور خودمختاری کو ناقابلِ تسخیر بنا دیا ہے

1965کی جنگ ،قومی تاریخ کا درخشاں باب ، 54 برس پہلے شجاعت کی نئی تاریخ رقم ہوئی،دشمن کوہرمحاذپرمنہ کی کھانی پڑی،ملک بھر میں یوم دفاع آج ملی جوش وجذبے کے ساتھ منایاجائےگا ، شہداکوخراج عقیدت اورکشمیریوں سے یکجہتی کا اظہارکیا جائےگا ،مرکزی تقریب جی ایچ کیوراولپنڈی میں ہوگی،آرمی چیف جنرل قمر جاوید باجوہ خطاب کریں گے، نیول اورپاک فضائیہ کے ہیڈ کوارٹرز میں بھی تقریبات ہوں گی..

جی ایچ کیو میں ہونے والی مرکزی تقریب اس بار شام کے بجائے دن کو ہوگی جس میں صرف شہدا کے لواحقین شرکت کریں گے۔ ملک بھر کے مختلف شہروں میں س موقع پر دفاعی سازوسامان کی نمائش کی جائے گی جبکہ مختلف شہروں میں ائیر شوز بھی ہوں گے۔

ڈی جی آئی ایس پی آر میجر جنرل آصف غفور نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ یوم دفاع و شہدا 6 ستمبر 2019،پچھلے سال کی طرح آئیں،ہرشہید کے گھرچلیں،

ڈی جی آئی ایس پی آر کا کہنا تھا کہ ہر شہید کو یاد رکھا جائے،آئیں چلیں شہید کے گھر،ڈی جی آئی ایس پی آر نے کشمیر بنے گا پاکستان کا ہیش ٹیگ بھی بنایا ،آئی ایس پی آر نے یوم دفاع پر آئیں چلیں شہید کے گھر کے نام سے پرومو ریلیز کردیا ،یوم دفاع کے پروموپر لوگو "کشمیر بنے کاپاکستان "ہے

تمام وفاقی و صوبائی وزراء، وزرائے اعلی، گورنر صاحبان، قومی اور صوبائی اسمبلیوں کے اراکین شہدا کے گھر جائیں گے اور وہ دھرتی ماں کے دفاع کی خاطر اپنی جانوں کا نذرانہ پیش کرنے والے عظیم سپوتوں کی قربانیوں کو خراج عقیدت پیش کریں گے۔آئیں شہید کے گھر چلیں”کے قومی فریضے کو عمران خان خود آگے لے کر بڑھیں گے۔

جمعتہ المبارک کے اجتماعات میں ملک کی سلامتی،شہداء کے درجات کی بلندی اور کشمیریوں کی جدوجہد آزادی کی کامیابی کے لئے خصوصی دعائیں کی جائیں گی .

بلوچستان کے علاقے کوئٹہ میں دو دہشت گردوں نے خود کو دھماکے سے اڑا لیا

باغی ٹی وی کی رپورٹ کے مطابق کوئٹہ کے علاقے مشرقی بائی پاس پرسی ٹی ڈی اورمبینہ دہشت گردوں کےدرمیان فائرنگ کا تبادلہ ہوا ،سیکورٹی اداروں سی ٹی ڈی و دیگر کا مشترکہ سرچ آپریشن جاری تھا، آپریشن کے دوران خاتون سمیت 2 مبینہ دہشت گرد ہلاک ہو گئے، دونوں نے گرفتاری کے ڈر سے خود کو دھماکے سے اڑا دیا، ہلاک ہونے والے دہشت گردوں نے خود کش جیکٹس بھی پہن رکھی تھیں، دہشت گردوں کے ٹھکانے سے بھاری تعداد میں اسلحہ برآمد ہوا ہے

دہشت گردوں سے فائرنگ کے تبادلےمیں3اہلکارزخمی ہوئے جنہیں سول اسپتال منتقل کر دیا گیا،ایک کی حالت تشویشناک ہے