Category: کوئٹہ

پاک فوج اور ضلعی انتظامیہ کی مشترکہ حکمت عملی، گوادر میں پانی کے بحران کا مسئلہ حل کر لیا گیا

اکرہ اور سواد ڈیم خشک ہونے سے گوادر اور جیوانی میں پانی کی شدید قلت پیدا ہو گئی تھی،شادی کور ڈیم پائپ لائن سے پانی چوری اور گوادر ڈی سیلینیشن پلانٹ غیر فعال ہونے سے بحران مزید سنگین ہو گیا تھا،صورت حال کے پیش نظر 29 ستمبر کو گوادر میں پاک فوج اور ضلعی انتظامیہ کا ہنگامی اجلاس منعقد ہوا، اجلاس میں گوادر کے لیےیومیہ 24 لاکھ گیلن اور جیوانی کے لیے یومیہ پانچ لاکھ گیلن پانی کا ہدف مقررکیا گیا، شادی کور پائپ لائن سے بہاؤ میں اضافہ اور گوادر ڈی سیلینیشن پلانٹ بحال کرنا کا فیصلہ کیا گیا

وزیراعلیٰ بلوچستان نے میرانی ڈیم سے پانی کو باؤزر کے ذریعے منتقل کرنے کی بھی منظوری دی ،شادی کور پائپ لائن اب یومیہ 12 لاکھ گیلن پانی فراہم کر رہی ہے، ڈی سیلینیشن پلانٹ کو بھی جزوی طور پر بحال کر لیا کیا گیا ہے،سن اسٹار کنوؤں کے لیے پائپ لائن کا کام مکمل ہونے کے قریب ہے، میرانی ڈیم سے سات واٹر باؤزر کی آمد جلد متوقع ہے ،پاک فوج اور ضلعی انتظامیہ کے یہ اقدامات پانی کی کم از کم ضروریات کو پورا کریں گے ،علاقے میں جلد ہی پانی کے بحران پر قابو پا لیا جائے گا،آبی ماہرین کا کہنا ہے کہ موسمیاتی تبدیلی کے باعث اس قسم کے واقعات میں اضافہ ہونے کا خدشہ ہوتا ہے، پانی کو ضائع ہونے سے روکا جائے اور مزید ڈیمز بنائے جائیں ،گوادر اور جیونی کی عوام نے پاک فوج اور سول انتظامیہ کا پانی کا بحران حل کرنے پر شکریہ ادا کیا

وزیراعلیٰ بلوچستان سرفراز بگٹی کا کہنا ہے کہ گلے شکوے کا حل ریاست کے خلاف بندوق اٹھانا نہیں ہے، یہ وطن ہم سب کا ہے اور سب نے اس وطن کے لیے قربانیاں دی ہیں۔

سرفراز بگٹی کا کہنا تھا کہ نوجوان ریاست کا اثاثہ، اساتذہ رہنمائی کا مینار ہیں۔ جھوٹا پروپیگنڈا نوجوانوں کو گمراہ نہیں کرسکتا، تعلیم اور اصلاحات ہی راستہ ہے،ملک دشمن سازشوں کو قومی یکجہتی سے ناکام بنایا جائے گا، مسنگ پرسن کا ایشو ریاست مخالف پروپیگنڈے کے طور پر استعمال ہو رہا ہے۔ ریاست سب سے مقدم ہے اور ہر سازش کا ڈٹ کر مقابلہ کیا جائے گا۔بلوچستان میں گورننس کی بہتری کے لیے اصلاحات متعارف کروائی جارہی ہیں، بلوچستان میں 16 ہزار کنٹریکٹ اساتذہ بھرتی کر کے بند 3 ہزار 200 اسکول فعال کیے،کئی علاقوں میں پہلی بار سرکاری سطح پر طبی سہولتیں فراہم کی گئیں، مند میں پہلی ڈاکٹر کی تعیناتی اور بیکڑ اسپتال میں پہلے بچے کی پیدائش طبی سہولتوں کی فراہمی کا ثبوت ہیں،سردی میں ٹھٹرتے اور گرمی میں جھلستے عام بلوچستانی کو سہولتیں دینے کے لیے پرعزم ہیں

کوئٹہ: کوئٹہ کے مشرقی علاقے میں زوردار دھماکے اور اس کے بعد فائرنگ کی آوازیں سنائی دی ہیں

دھماکے کے نتیجے میں جاں بحق ہونے والے افراد کی تعداد 6 ہوگئی،زخمیوں کی تعداد 10 ہے،کوئٹہ میں حالی روڈ کےقریب دھماکا ہوا ہے پولیس نےحالی روڈ کے قریب دھماکے کی تصدیق کرتے ہوئے بتایا کہ دھماکے میں اب تک 10 افراد زخمی ہوئے ہیں،دھماکے کی اطلاع ملتے ہی ریسکیو ٹیمیں موقع پر پہنچ گئی ہیں اور زخمیوں کو اسپتال منتقل کیا جارہا ہے،ترجمان محکمہ صحت کے مطابق کوئٹہ میں دھماکے کے پیش نظر سول اسپتال، بی ایم سی اسپتال اور ٹراما سینٹر میں ایمرجنسی نافذکردی کردی گئی ہے ، تمام کنسلٹنٹس، ڈاکٹرز، فارماسسٹس، اسٹاف نرسز اور پیرا میڈیکل اسٹاف اسپتالوں میں طلب کرلیا گیا ہے۔

دوسری جانب حالی روڈ پر دھماکے کی سی سی ٹی وی بھی سامنے آئی ہے جس میں زوردار دھماکے کے بعد جائے وقوعہ سے شعلے بلند ہوتے دیکھے گئے جب کہ قریب سڑک پر موجود کئی گاڑیاں بھی دھماکے کی زد میں آگئیں۔

عینی شاہدین کے مطابق زرغون روڈ پر دھماکے کے کچھ لمحوں بعد ہی علاقے میں فائرنگ شروع ہوگئی جس سے شہریوں میں شدید خوف و ہراس پھیل گیا۔ پولیس حکام کا کہنا ہے کہ دھماکے کی نوعیت اور اس کے محرکات کا تعین کرنے کے لیے تحقیقات شروع کر دی گئی ہیں۔ ابتدائی طور پر کسی جانی نقصان کی اطلاع موصول نہیں ہوئی تاہم مکمل جانچ کے بعد حقائق سامنے آئیں گے۔

ریسکیو ٹیمیں اور پولیس اہلکار فوری طور پر موقع پر پہنچ گئے اور علاقے کو گھیرے میں لے کر سرچ آپریشن شروع کر دیا گیا ہے۔ حکام نے شہریوں سے اپیل کی ہے کہ افواہوں پر کان نہ دھریں اور غیر ضروری طور پر متاثرہ علاقے کی طرف جانے سے گریز کریں۔

پنجگور: بلوچستان کے ضلع پنجگور میں افسوسناک حادثہ پیش آیا جہاں ایک بس اور گاڑی کے درمیان خوفناک تصادم کے نتیجے میں آٹھ قیمتی جانیں ضائع ہو گئیں جبکہ ایک شخص زخمی ہو گیا۔

تفصیلات کے مطابق حادثہ پنجگور کے علاقے گومازین میں پیش آیا جہاں بس اور گاڑی آمنے سامنے ٹکرا گئیں۔ تصادم اتنا شدید تھا کہ دونوں گاڑیوں میں اچانک آگ بھڑک اُٹھی جس نے دیکھتے ہی دیکھتے سب کچھ اپنی لپیٹ میں لے لیا،پولیس حکام کا کہنا ہے کہ حادثے کے بعد فوری طور پر ریسکیو ٹیمیں جائے وقوعہ پر پہنچیں اور لاشوں اور زخمی کو قریبی اسپتال منتقل کیا گیا۔ لیویز ذرائع کے مطابق زخمی شخص کو طبی امداد فراہم کی جا رہی ہے، تاہم اس کی حالت تشویشناک بتائی جا رہی ہے۔

ابتدائی اطلاعات کے مطابق حادثے میں جاں بحق ہونے والے افراد کی ابھی تک شناخت نہیں ہو سکی۔ اسپتال انتظامیہ نے ہنگامی صورتحال کے پیش نظر ڈسٹرکٹ ٹیچنگ اسپتال پنجگور میں ایمرجنسی نافذ کر دی ہے تاکہ زخمی کو فوری طبی سہولت فراہم کی جا سکے،

گورنر بلوچستان جعفر خان مندوخیل کی رہائش گاہ کے باہر فائرنگ کے نتیجے میں 5 افراد زخمی ہوگئے۔

نجی ٹی وی کے مطابق واقعہ اس وقت پیش آیا جب چند طلبہ گورنر بلوچستان سے ملاقات کے لیے ان کی رہائش گاہ پہنچے۔ اس دوران باہر تعینات پولیس اہلکاروں اور طلبہ کے درمیان تلخ کلامی شروع ہوئی جو دیکھتے ہی دیکھتے ہاتھا پائی میں بدل گئی۔ اسی دوران اچانک فائرنگ کی آوازیں گونج اٹھیں جس سے صورتحال مزید کشیدہ ہوگئی۔پولیس حکام نے تصدیق کی ہے کہ فائرنگ کے نتیجے میں 3 طلبہ اور 2 پولیس اہلکار زخمی ہوئے۔ زخمیوں کو فوری طور پر سول اسپتال ژوب منتقل کیا گیا جہاں انہیں طبی امداد فراہم کی جا رہی ہے۔ اسپتال انتظامیہ کے مطابق زخمیوں کی حالت خطرے سے باہر ہے تاہم دو افراد کو گولیاں زیادہ قریب سے لگنے کے باعث شدید چوٹیں آئیں۔

واقعے کے بعد علاقے میں خوف و ہراس پھیل گیا اور پولیس کی اضافی نفری موقع پر پہنچ گئی۔ گورنر بلوچستان جعفر خان مندوخیل اس وقت رہائش گاہ کے اندر موجود تھے تاہم وہ محفوظ رہے۔پولیس نے بتایا ہے کہ فائرنگ کے محرکات جاننے کے لیے تحقیقات شروع کر دی گئی ہیں جبکہ اس بات کا بھی جائزہ لیا جا رہا ہے کہ فائرنگ سب سے پہلے کس جانب سے ہوئی۔ ابتدائی طور پر شبہ ظاہر کیا جا رہا ہے کہ معاملہ پولیس اور طلبہ کے درمیان جھگڑے کے نتیجے میں بگڑا۔حکام کے مطابق علاقے میں سیکیورٹی مزید سخت کر دی گئی ہے اور کسی بھی ناخوشگوار صورتحال سے نمٹنے کے لیے قانون نافذ کرنے والے ادارے الرٹ کر دیے گئے ہیں۔

بلوچستان کے ضلع مستونگ کے نواحی علاقے اسپیزنٹ میں ریلوے ٹریک پر دھماکے کے باعث جعفر ایکسپریس کی 6 بوگیاں پٹڑی سے اتر گئیں، جس کے نتیجے میں 4 افراد زخمی ہوگئے۔

محکمہ صحت بلوچستان اور سول ہسپتال کوئٹہ کے ترجمان ڈاکٹر وسیم بیگ کے مطابق زخمی ہونے والے تین افراد کو سول ہسپتال ٹراما سینٹر جبکہ ایک زخمی بچے کو کمبائنڈ ملٹری ہسپتال منتقل کیا گیا ہے۔ریلوے کوئٹہ ڈویژن کے پبلک ریلیشنز آفیسر محمد کاشف نے بتایا کہ دھماکا خیز مواد سے ریلوے ٹریک کو نشانہ بنایا گیا، جس کے نتیجے میں پشاور سے کوئٹہ آنے والی ٹرین کی 6 بوگیاں الٹ گئیں۔ ٹرین میں 270 مسافر سوار تھے۔ دھماکے کے بعد ریلیف ٹرین کوئٹہ سے روانہ کر دی گئی جبکہ امدادی کارروائیوں کے لیے افسران، ریسکیو ٹرک اور کرینیں موقع پر پہنچ گئی ہیں۔

ریلوے حکام کے مطابق ٹریک کی مرمت اور بوگیوں کو ہٹانے کا کام دن کی روشنی میں شروع کیا جائے گا، جبکہ واقعے کی تحقیقات جاری ہیں۔ سیکیورٹی فورسز نے علاقے کو گھیرے میں لے کر سرچ آپریشن شروع کر دیا ہے۔

واضح رہے کہ گزشتہ ماہ بھی اسی مقام کے قریب ٹرین کی 6 بوگیاں پٹڑی سے اتر گئی تھیں۔ اس سے قبل سبی میں جعفر ایکسپریس بڑے حادثے سے بال بال بچی تھی جبکہ جولائی میں کوئٹہ۔سبی ریلوے سیکشن اور سندھ کے سکھر میں بھی اسی نوعیت کے واقعات پیش آچکے ہیں۔

گھوٹکی: پانی کے تنازع پر جھگڑا، ایک نوجوان زخمی