Category: کوئٹہ

بلوچستان کے عوام امن کے خواہاں،دہشتگردی کو مسترد کر دیا،حافظ محمد امجد
بلوچ محب وطن،پاکستان پر کوئی آنچ نہیں آنے دیں گے، میر عارف بادینی
پاکستان مرکزی مسلم لیگ کے زیر اہتمام کوئٹہ میں بلوچستان امن مارچ کے شرکا سے خطاب کرتے ہوئے سیاسی و سماجی رہنماؤں نے کہا ہے کہ بلوچستان کے عوام امن چاہتے ہیں، دہشت گردی کے خلاف بلوچ قوم کا آج سڑکوں پر آنا اس امر کی دلیل ہے کہ اہل بلوچستان نے ملک دشمن قوتوں کو مسترد کر دیا ہے،بلوچستان محفوظ ہو گا تو پاکستان محفوظ ہو گا، بلوچستان امن مارچ کا مقصد بلوچستان میں امن و استحکام کے لیے آواز بلند کرنا ہے،پاکستان مرکزی مسلم لیگ قیام امن کے لئے ملک بھر کی سیاسی جماعتوں کو متحد کر کے تحریک چلائے گی.

ان خیالات کا اظہار پاکستان مرکزی مسلم لیگ کے زیر اہتمام ریلوے سٹیشن سے پریس کلب تک منعقدہ بلوچستان امن مارچ سے پاکستان مرکزی مسلم لیگ بلوچستان کے صدر حافظ محمد امجد،بلوچ رہنماؤں میر عارف بادینی ،صدر ملی لیبر فیڈریشن بلوچستان میر شکر خان رئیسانی ،چیئرمین سرمست قومی اتحاد غلام حسین مومن و دیگرنے خطاب کرتے ہوئے کیا، بلوچستان امن مارچ کی قیادت مرکزی مسلم لیگ بلوچستان کے صدر حافظ محمد امجد نے کی، بلوچستان امن مارچ کا آغاز ریلوے اسٹیشن سے ہوا اور مختلف راستوں سے ہوتا ہوا کوئٹہ پریس کلب پر اختتام پذیر ہوا، بلوچستان امن مارچ میں بڑی تعداد میں شہری شریک ہوئے .شرکا نے ہاتھوں میں پاکستانی پرچم اٹھا رکھے تھے،امن مارچ کےشرکاء نے امن و یکجہتی کے حق میں نعرے لگائے.

بلوچستان امن مارچ کے دوران شرکاء سے خطاب کرتے ہوئے حافظ محمد امجد نے کہا کہ بلوچستان کے عوام امن چاہتے ہیں اور ترقی کے خواہاں ہیں،بلوچستان میں دہشت گردی کی نئی لہر نہ صرف صوبے بلکہ ملک کے امن و امان کے لئے انتہائی خطرناک ہے،سی پیک پاکستان کا بہترین منصوبہ جس کو ناکام بنانے کے لئے مذموم سازشیں کی جا رہی ہیں،مرکزی مسلم لیگ بلوچستان کے عوام کے حقوق کا تحفظ کرے گی، بلوچستان کے مسائل کا حل پرامن مذاکرات اور باہمی مشاورت سے ہی ممکن ہے۔تمام سیاسی جماعتیں بلوچستان میں امن کے قیام کے لیے ہر ممکن کردار ادا کریں،صوبے کے مسائل کو ترجیحی بنیادوں پر حل کیا جائے۔ہمارا دل بلوچی بھائیوں کے ساتھ دھڑکتا ہے۔ہمارا بلوچستان کے ساتھ لا الہ الا اللہ کا رشتہ ہے اور اسی کلمے کو بنیاد بنا کر ہم سیاست کے میدان میں اترے ہیں

بلوچ رہنماؤں میر عارف بادینی ،صدر ملی لیبر فیڈریشن بلوچستان میر شکر خان رئیسانی ،چیئرمین سرمست قومی اتحاد غلام حسین مومن و دیگرکا کہنا تھا کہ بلوچستان کے شہری دہشت گردی کو مسترد کرتے ہیں، بلوچ محب وطن ہیں اور پاکستان پر کوئی آنچ نہیں آنے دیں گے، بلوچوں کا خون پاکستان کے دفاع کے لئے سب سے پہلے گرے گا، بلوچ قوم دہشت گردی کے خلاف جنگ میں قربانیاں دے رہی ہیں، بلوچستان کے باسیوں کی محرومیوں کا ازالہ کیا جائے، ہم امن چاہتے ہیں اور پاکستان کو محفوظ و خوشحال ملک کے طور پر دیکھنا چاہتے ہیں، بلوچستان میں امن ہو گا تو پاکستان ترقی کرے گا.

بلوچستان کے علاقے گوادر میں ایک اور خونریز واقعہ پیش آیا ہے جس میں نامعلوم حملہ آوروں کی فائرنگ سے 6 افراد جاں بحق ہوگئے۔ یہ فائرنگ کا واقعہ گوادر کے علاقے کلمت میں پیش آیا، جہاں مسافروں پر فائرنگ کی گئی جو گوادر سے کراچی جا رہے تھے۔

پولیس کے مطابق، نامعلوم حملہ آوروں نے گوادر سے کراچی جانے والی ایک گاڑی پر فائرنگ کی جس کے نتیجے میں 5 افراد موقع پر ہی جاں بحق ہوگئے جبکہ ایک شخص زخمی ہوا۔ تاہم، زخمی شخص بھی دوران علاج دم توڑ گیا جس کے باعث جاں بحق افراد کی تعداد 6 ہو گئی۔ پولیس نے مزید بتایا کہ جاں بحق افراد میں سے ایک شخص کا تعلق ملتان سے تھا، جبکہ باقی افراد کی شناخت کا عمل جاری ہے۔

وفاقی وزیر داخلہ محسن نقوی نے کلمت میں مسافروں پر فائرنگ کے واقعے کی سخت مذمت کرتے ہوئے کہا کہ دہشت گردوں نے بزدلانہ کارروائی کر کے معصوم لوگوں کو نشانہ بنایا۔ محسن نقوی نے جاں بحق افراد کے لواحقین سے دلی ہمدردی و تعزیت کا اظہار کیا اور کہا کہ بے گناہ افراد کو ناحق قتل کرنا انسانیت سوز جرم ہے۔ انہوں نے مزید کہا کہ شناخت کر کے مسافروں کو نشانہ بنانا بربریت اور درندگی کی مثال ہے۔

دوسری جانب، بلوچستان کے ضلع نصیرآباد کے علاقے صحبت پور میں بھی ایک اور خونریز واقعہ پیش آیا۔ پولیس کے مطابق، یہاں ایک گھر پر حملہ کیا گیا جس میں فائرنگ اور گھر کو آگ لگانے کے نتیجے میں ایک ہی خاندان کے 7 افراد جاں بحق ہوگئے، جن میں ایک خاتون اور 3 بچے بھی شامل ہیں۔ پولیس کے مطابق، یہ واقعہ زمین کے تنازعہ کی وجہ سے پیش آیا ہے، اور اس کی مزید تحقیقات جاری ہیں۔ حملہ آوروں کی تلاش بھی تیز کر دی گئی ہے۔

بلوچستان میں دشمنوں کی سازشیں اتحاد و یکجہتی کے ذریعے ختم ہوں گی، سردارحافظ امجد

پاکستان مرکزی مسلم لیگ کے رہنماؤں نے کہا ہے کہ بلوچستان میں دشمنوں کی سازشیں اتحاد و یکجہتی کے ذریعے ختم ہوں گی،بلوچستان وسائل سے مالا مال، لیکن عوام کی محرومیوں کے ذمہ دار حکمران ہیں، بلوچ عوام محب وطن،غلط فہمیاں ومنفی پروپیگنڈا ختم اور بلوچستان کو اپنا حق ملنا چاہئے،مرکزی مسلم لیگ نظریہ پاکستان پر سب کو متحد کرے گی ،بلوچستان کے تمام اضلاع میں خدمت کا رمضان مہم جاری ہے.

ان خیالات کا اظہار کوئٹہ میں نظریہ پاکستان کانفرنس سے مرکزی مسلم لیگ بلوچستان کے صوبائی صدرسردار حافظ محمد امجد و دیگر نے خطاب کرتے ہوئے کیا، کانفرنس میں بڑی تعداد میں شہری شریک ہوئے، سردار حافظ امجد کا کہنا تھا کہ بلوچستان کے عوام کو ہمیشہ نظر انداز کیا گیا، جس کی وجہ سے احساس محرومی بڑھا،بلوچستان کے عوام کو ان کے جائز حقوق دیے جائیں ،مرکزی مسلم لیگ بلوچستان کے عوام کے حقوق کا دفاع کرے گی، ہمارا دل بلوچی بھائیوں کے ساتھ دھڑکتا ہے،ہمارا بلوچستان کے ساتھ لا الہ الا اللہ کا رشتہ ہے اور اسی کلمے کو بنیاد بنا کر ہم سیاست کے میدان میں اترے ہیں۔

سردار حافظ امجد کا مزید کہنا تھا کہ بلوچستان پاکستان اور قوم پاکستان کا محسن صوبہ ہے، اسی صوبہ نے پاکستان کے قیام میں اہم کردار ادا کیا ، ہم بلوچستان کے باسیوں کونظریہ پاکستان پر اتحاد کی دعوت دیتے ہیں،نظریہ پاکستان لا الہ الا اللہ محمد رسول اللہ ہے اور یہ نظریہ ہمیں آسمانوں سے ملا ہے، ہم سیاستدانوں سے گزارش کرتے ہیں کہ آئیں متحد ہوکر پاکستان کے استحکام کے لیے سیاست کریں۔ہماری جنگ اس وقت بقائے پاکستان اور احیائے نظریہ پاکستان کی ہے آئیں اس جنگ میں ہمارا ساتھ دیں۔

ڈویژنل سپرنٹنڈنٹ ریلویز کوئٹہ، عمران حیات نے کہا ہے کہ بلوچستان سے اندرون ملک ریل سروس کی بحالی کے لیے تمام انتظامات مکمل کر لیے گئے ہیں، اور صرف سکیورٹی کلیئرنس کا انتظار کیا جا رہا ہے۔ انہوں نے مزید کہا کہ 26 مارچ کو وفاقی وزیر ریلویز کوئٹہ آئیں گے، جہاں ان کی زیر صدارت ایک اہم اجلاس منعقد ہو گا۔ اس اجلاس میں موجودہ صورتحال کا جائزہ لیا جائے گا، اور ٹرین سروس کی بحالی کے حوالے سے حتمی فیصلہ کیا جائے گا۔

عمران حیات نے نجی ٹی وی سے گفتگو کرتے ہوئے کہا کہ بلوچستان سے اندرون ملک ریل سروس کی بحالی کے لیے تمام تر تیاری مکمل ہو چکی ہیں، اور اب صرف سکیورٹی کلیئرنس کا انتظار ہے۔ جیسے ہی یہ کلیئرنس ملے گی، ٹرین سروس کی بحالی کا فیصلہ فوراً کر لیا جائے گا۔عمران حیات نے جعفر ایکسپریس پر 11 مارچ کو ہونے والے حملے پر بھی بات کی۔ انہوں نے کہا کہ اس حملے کے نتیجے میں ریلوے کو پہنچنے والے نقصانات کا تخمینہ بھی لگایا جا رہا ہے۔ جعفر ایکسپریس پر حملہ ایک سنگین واقعہ تھا جس کے باعث ریل سروس کو معطل کرنا پڑا۔

ریلوے حکام کا کہنا ہے کہ اندرون ملک کے لیے ٹرین سروس گزشتہ 13 روز سے معطل ہے۔ خاص طور پر کوئٹہ سے پشاور کے لیے چلنے والی جعفر ایکسپریس اور کراچی کے لیے بولان میل ٹرینیں معطل ہیں۔ یہ معطلی 11 مارچ کو کچھی میں جعفر ایکسپریس پر حملے کے بعد شروع ہوئی تھی، اور اس وقت سے ریلوے حکام کی کوشش ہے کہ سروس کو دوبارہ بحال کیا جا سکے۔